رواية إنها صدفة الحلقة الثالثة 3 بقلم ميشو محمد
 |
| رواية إنها صدفة الحلقة الثالثة 3 بقلم ميشو محمد |
رواية إنها صدفة الحلقة الثالثة 3 بقلم ميشو محمد
مهند:عصام بللهي عليك ماتحكي لحد ولا تحسس اختك بشي خليك ع طبيعتك…قاطعه
عصام: توصي فيا ف اختي يامهند
مهند تلبك شافله ومقدرش يقوله اختك زي اختي لانه ف نبضات تجاه ايمان
عصام: تلبكت؟
مهند: اني بنمشي تصبح ع خير
عصام:اني مفتش يامهند ومن خدمتي شفت هلبااا ناس وبديت نعرف الشخص الكذاب ومتلبك والخايف من عيونه
مهند وقف تلفتت: لانه سؤالك معنداش جواب عندي
عصام: وواضح سؤالي علاش تحمي فها وانت متعرفهاش
مهند قرب ووقف قدامه بزبط: لو انت ف مكاني وعرفت قصة اختي وقصة نهايتها موت بنت طاهرة رح تفوتها وتعفس ع ضميرك؟
عصام: انت علاش واتق انها طاهره؟ممكن تكون…قاطعه
مهند:لا يامنظم انت مفتش وتعرف الناس من عيونها من مهنتك لكن اني مهند نعرف الشخص من اسلوبه وشكله وعفويته ونحلفلك ياعصام اختك ماشفتها ولا نعرف كيف شكلها
عصام: شن تشتغل انت؟
مهند: خدمتي عكس خدمتك سريه..تلفت بيمشي
عصام:لكن اني شفت انه عندك مسدس ونقدر نشكي فيك
مهند تلفت ورجعله: خدمتي ماتسمحليش نطلع بدون مسدس يا سيادة المفتش
عصام: انت شرطي؟
مهند:مع الوقت رح تعرف من حركاتي وتصرفاتي
عصام ابتسم بضحكه:ههه يصير خير اني عرفتك شنو لكن رح نتاكد قبل
مهند ابتسم: انت وشطارتك
…
عصام خش لحوشهم: خيير
علي:وين لتوا؟
عصام:مش عيل اني!
علي: ويين؟
عصام قلب عيونه بعصبيه: اني كبير ونعرف نتصرف
علي بيتكلم قاطعه
عصام بصوت عالي:مش مراااهق قداامك ياسررر، تمتل ف دور انك الاب الكويس لـ يسال ع صغاره داير روحك خايف عليا لو كنت خايف عليا مديرنيش ف مدرسة خاصه نجيك يوم ف الاسبوع لو كنت خايف عليا كنت تسال عليا لم كنت صغير مش لم بديت اطول منك توا خلاص فات لفات انت شكلك مش جايك نوم قلت خلي نكسد ع الولد..وخش
علي: ربيتك هكي تتكلم معاي
عصام تلفت ورجعله: امتى منذكرش اني امتى ترا عمري 15 سنه ماتت امي وندكر كل شي تعلمته هي علمتني انت شن درت انت درت ولد وبس وبعد الخمسطاش هدا اصعبب سن وهو سن المراهقه مشيت دخلتني ف مدرسه خاصه نرقد ونوض وتربيت غادي وماعمرك قلت انه الولد ممكن يعلموه حاجه غلط اني ف المدرسة الخاصه يدخنو قدامي وف من اشخاص خدوو حبوووب قدامي لشفته ف المدرسة انت بطولك وعمرك هدا مشفتاش
علي:لو قلتلي كنت حولتك منها
عصام ضحك: انت مسالتنيش ????
علي ساكت
عصام: بللهي اني لمني نعبر ونشرح انت ضميرك ميت كلمي يطلع من هني يخش من هني…وخش
علي: الناس كلها عندها ضمير واني نحس…قاطعه عصام
عصام بصوت عالي وبعياط: بشنووو بشنوو تحس وييينه ضميرررك تكلللم
علي ايده ع قلبه وساكت
عصام هدي: عندك ضمير قتلي باهي تمام زوجت اسماء لـ عمرها سبعطاش سنه لـ ضياء وانت تعرف كلللل شي انه لاعنده حوش ومسكنها مع امه ولا يوم قلت نمشي نزورها ولا يوم قلت البنت متزوجه من تلاته سنين علاش معندهاش صغار ولا يوم سالتها ع الجروح لفي وجها لم تجي ولاا يوم سالتها خيرها ضعفت هكي ولا ع بنتك التانيه لـ بتتزوج من حمزة
علي وجها احمر وايده ع قلبه
عصام شاف ايد بوه: انت ان انت كويس خيرك…بسرعه جاب كاسة مية
عصام: اشررب اشرب
علي شرب وبدي يتنفس شوي شوي
عصام:نعاينك؟
علي خش لداره ببطىء
عصام من وراه: لو صار شي نوضني نعاينك
علي هز راسه وخش
ايمان كانت سهرانه ومش جايها نوم وسمعت كل شي
عصام خش المطبخ خدي عشاه واتجه للمصاريف المياة (حشاكم)
ايمان راقبت عصام لصب عشاه ف المصاريف المياة
عصام حط الصحون
ايمان:تعشيت عصام؟
عصام: خيرك سهرانه؟
ايمان: نومي طاير
عصام: اقري قرآن وارقدي..وطلع من المطبخ وركب لدور التاني وخش غرفته
علي طوووول اليل سهرانه وضميره فاق عليه
ايمان كل ماتحط راسها ع الوساده تدكر انه مزال ع عرسها اربعه ايام ووتتقرف من النوم
عصام ليفكر ف مهند كيف ولد لايعرفه ولا شايفه يخاف ع اخته وعرف حاجات ع حمزة
تاني يوم
علي ف الطاله
ايمان رقدت بعد الفجر وفاقت بكري نزلت:صباح الخير..وخشت للمطبخ
علي:صباح الخير
عصام لبسة بدلته ونزل:صباح الخير كيف صرت؟
علي: الحمدلله بنحكي معاك
عصام عدل كبوسه ولبس البوت ف رجله: شنو؟
علي: ياسرك عزوبيه بنفرحو بيك
عصام يلبس ف البوت ف رجله التانيه : انسى
علي: لـ في جيلك بصغارهم
عصام وقف ولبس نظارته الشمسيه:كلام فاضي…وطلع
عصام: البنت لطول عمري نبيها ورايدها رفضتني مش ناقصني يقعدو يرفضو فيا ونقعد مهزله…ولع وطلللع بسرعه واتصل
كمال: ايووه عصام
عصام: كمال عندي شغل اني بعد مانطلع من المركز نعطيك السيارة تمام
كمال:عادي ع حسابك
عصام: الله يعزك ياطيب سيارتي رفعتها امس واليوم بنمشي ناخدها ونرجعلك سيارتك
كمال:تمام
عصام…صكر الخط
…
مهند راقد حاسس بروحه عااارق كللله ف عز الشتي حاسس بلعرق والحرارة فتح عيونه وشاف جرحه وكان نازف شوية
مهند حط ايده ع الجرح ادكر لم ايمان تعقمله ف الجرح :محلااه عيونها عيونها رصاااص
مهند قعمز:اني شن نقول السخافه وخيرني عاارق
ناض خش لـ دوش وطلع ولبس سروال بيج وسورية بيضة وبخ عطره وطلع ركب سيارته
ووصل نزل وكان الباب الخارجي مفتوح ع وسعه نزل يطق طق ع الباب وهو مفتوح ويقيم ف كمام سوريته وينادي ع عصام
مهند يقيم ف كمام سوريته وينادي وعيونه ف الكمام:عصصصام ياعصصصام
علي يدوش ف الحمام: ايماان شوفي الباب
ايمان طلعت تجري للباب وفكرت انه الباب مصكر ووصلت ف نص الجنان تجري وقفت وشافت مهند طارح ????????كانت تبي ترجع
مهند فكرها عصام:تي هيااا ياراجل….وعدل كمام وقام عيونه وشافها ????
ايمان لبسة بيجامه قطنيه ورديه وقايمه شعرها ديل حصان ووصل لنهاية ضهرها:عصام طلع
مهند: اااا وين
ايمان:ف خدمته ف المركز
مهند: تمام..وطلع وركب سيارته
ايمان قربت تصكر للباب وعيونها ف لارض
مهند خطفلها نظره ومشي بسررررعه
ايمان صكراته وخشت للمطبخ
علي طلع من الدوش:منوو ؟
ايمان متبيش تقوله لخطفها: واحد يبي عصام..وركبت لدارها تجري
مهند بعد مطلع من المنطقه وقف سيارته ع جنب خدي شهيق:هدا شنووو رصاااص ????????
مهند ولع ومشي مرة تانيه ومبتسم (يسوق مبتسم زي المسبوه ????????)
ايمان: محلاه نازك الشب..وبتسمت بعفويه وركبت لغرفتها
..
عصام بلبدله ف مكتبه ???? ويشوف ف الوراق لقدامه يخصو شغله
مهند وقف ع للباب طقطق:السلام عليكم سيادة المفتش
عصام شافله وابتسم: مانحبش الرسميات
مهند خش:طبعا هدا تاني مركز علاش تشتغل بعيد ع حوشكم ؟
عصام: مانبي حد يعرفني هني وجو وسطات
مهند:ماعلينا المهم ضروري من هاتف حمزة
عصام لف بلكرسي متعه ووقف:شي هدا اهم طبعاا
مهند قعمز: عصام اي غلطه تريح من بين ايدينا البنت راه
عصام ناض من وراى المكتب وقعمز مقابل مهند: عيب يا صقر اني نعرف كيف نتصرف
مهند وقف:تمام ملا عندي شغل اني ولم توصل ف الهاتف كلمني ???? سلام..وطلع
عصام وقف: علاش مهتم بلموضوع؟
مهند وقف بدون ميتلفت: لانه موضوع يخصك (وتلفت) واني حابب نساعدك
عصام بغرور: خلاص لعند هني انت ف طريق واني ف طريق وخيا اني نهتم بلباقي مشكور
مهند تلبك:احممم لنفهمه من كلامك انك تلز فيا؟
عصام: العفو منك مش عصام لـ يديرها لكن اني منحبش حد يخش ف مواضيعي العائلية اطلع منها انت
مهند: تم اني حبيت نساعد بس..وتلفتت وطلع متعصب
عصام: تمام مشكور
مهند طلع بدون مايرد عليه
عصام قعمز ف كرسي قدام المكتب: مش اي شخص يبتسملي نوتق فيه( طلع هاتفه)ايووه اسمع انت ف الساحه متع المركز توا
ايوب:اي ف الساحه علاش
عصام:ف شاب طلع توا طويل قمحي لابس سوريه بيج شفته
ايوب:توا طلع اهوو ركب سيارته
عصام:خليه يمشي والحقه شوفلي مشيه مني وامتى كل شي تكتبه ف تقرير…وصكر الخط
ايوب ركب سيارتة المدانيه ولحقه
مهند يسوق: اني تواضعت لناس هلبااا بدل مايشكرني
مهند تعصب: مهند ليساعد اي شخص يشوفه ماات واني ماشي للمركز وندور عليه ومشغول ع اخته ومهتم بلموضوع
عصام قعمز وراى المكتب: لكن بيان عليه شاب كويس يلاا نشوفو شن وضعه قبل مانوتق فيه
طق طق
عصام: ادخل
خشت سمر
سمر: سلام عليكم
ترررن ترررن
عصام:وعليكم السلام(قام الهاتف وكان ايوب يتصل) تفضل ارتاحي
سمر قعمزت
عصام:ايووه شنو صار
ايوب:سيدي الشب جي لاستراحه وفي معاه مجموعه شباب
عصام:حوالي كم شخص
ايوب: لشفتهم كلهم مع بعض تمانيه اشخاص
عصام: تمام تمام اني مشغول اكتبلي كل شي ف التقرير..وصكر الخط
عصام: تفضلي كيف نقدر نساعدك؟
سمر:نبي نقدم شكوه
عصام:ع منو؟
سمر: زوج اختي
عصام بيتكلم ترررن ترررن:عفوا مدام رح انادي ع شخص يساعدك ويستلم قضيتك…وطلع
بعد دقايق خش واحد طويل اسمر شعره طويل شويه لكن طالع عليه وقنين وعنده لحيه
مراد: سلام عليكم تفضلي..وقعمز وشافلها
سمر:وعليكم السلام سيادتك نبي نقدم شكوه ف زوج اختي
مراد: علاش خيره
سمر: اني من الاخير جيت هني وفاقده الامل انك تساعدني اني من عيلة حالتها المادية كويسه وزوج اختي هدا عنده واسطات وهكي واي مركز نقدم فيه شكوه هو يدير واسطه ويسكرها
مراد: اطمني اني اسمي مراد رح نستلم شكوتك وتاكدي انه عندي اني الكل سواسيه ومافيش واسطات معاي
سمر:اهاا شكرا شكوتي اني رفعة دعوة للمحكمه لكن وقفو مع زوج اختي رح نفهمك من الاول اختي عندها بنت عمر الطفله تمانيه شهور والبنت هادي نحرمت من امها من من تلاته سهور حرم اختي من بنتها ورفعة فيه قضيه لكن من الوسطات لعنده مقدرناش ناخدو البنت منه
مراد:ليش ام البنت ماجت هي وقدمت شكوة
سمر:بلعكس جت هيا لكن قعده ف السيارة
مراد:استدعيها
سمر وقفت:عن اذنك
وبعد دقايق خشو مع بعض
مراد:اهلين تفضلي قعمزي
قعمزو
سمر: هادي ام البنت
مراد شاف يقين بااستغراب:انتيي عندك بنت عمرها تمانيه شهور
يقين:اي
مراد: عفوا منك انتي قاصر؟
يقين هزت راسه بمعنى اي ????: اي قاصر
مراد نصدم ف يقين: نفتح محظر ف زوجك؟
يقين: اي
مراد فتح المحظر:اسم زوجك ؟
يقين:طليقي مش زوجي اسمه سراج……..
مراد: اسم الطفله؟ واسمك
يقين:اسمي يقين واسم بنتي حور
مراد: قلتلي اختك انك رفعتي شكوه فيه
يقين: اي رفعة شكوات مش شكوة وبسبب وسطاته مصار شي
مراد: يقين انتي صغيرة بنسالك اساله ممكن تتحشمي مني لكن هادي طبيعت شغلي قبل منفد اي شي ضروري نكون فاهم منك الموضوع صح
يقين:تفضل
مراد:سبب الطلاق ؟
يقين : اني اطلقت بمعاناة واكثر من مرة نقدم فيه ابلاغ ف المحكمه مقدرتش نطلق ولم عرف انه اني نبي نطلق منه خلاني نحمل وحملت وولدة هو فكر انه اني رح نقعد معاه لكن بعد اكتر من محكمه مطلقتش لاني قاصر وهو يدفع ف فلوس وف المحكمه الاخيره تقويت وطلبة من المحكمه ممكن تستغرب لمن اني بديت نبي ندير اي شي عشان نطللق طلبت من القاضي يجيب دكتورة تشوف علامات الضرب ع جسمي وطلقت وبلغصب لكن خدي مني بنتي واني من يومها معادش شفتها
مراد: كيف هكي يايقين انتي غلط توافقي ع عرض الزواج اصلا لانك قاصر هدا غلط
يتبع..
