رواية العشق لا يعرف وطن الفصل الأربعون والأخير 40 بقلم أية إنسان
 |
| رواية العشق لا يعرف وطن الفصل الأربعون والأخير 40 بقلم أية إنسان |
رواية العشق لا يعرف وطن الفصل الأربعون والأخير 40 بقلم أية إنسان
_ دخل عاصم المستشفى عند بنته وعد وقال : وحشتيني اوي يا قلب ابوكي .
_ قامت وعد وقالت : انت فوقت امتى يا بابا .
_ فوقت من يومين والبركة في دكتور عمرو بقى .
_ بصت وعد على عمرو وقالت : ازاي دة هو السبب في كل حاجه وحشه حصلت لينا .
_ عارف عمرو حكالي على كل حاجه وانا سامحته وانتي لازم تسامحيه .
_ سامحته !! انت مش عارف هو عمل اي .
_ هو كان سبب أني اخد راحه لفترة اعيد فيها حسابات حاجات كتير يا بنتي لو هو غريب عننا وعمل كده معذور ولكن أنا اللي عملته في بنت اخويا مش مقبول وخائف جدا اواجهها تاني مع اني كنت سامعها وحاسس بيها لما كانت بتعدي عليا وتلومني على اللي عملته سمعت كل حاجه يا وعد سمعتك وسمعت هاجر وسمعت عمرو سامحي عمرو يا وعد دة ربنا بيسامح يا بنتي كفايه وجع وحزن كفايه تعب العمر مبقاش فيه زي اللي راح يا وعد .
_ بس انا قلبي زعلان منه اوي يا بابا .
_ قرب عمرو منها وقال : عاوز فرصه واحدة وانت هجبر قلبك اللي كسرته وهخدلك حقك من نفسي بس فرصه واحدة .
_ بصت وعد في عينه شايفه الصدق في كلامه وباين على ملامحة الندم وقالت : انا عاوزة هاجر وخلينا ندور على ميرا ونتلم من تاني .
_ رد عاصم وقال : اسمعي يا وعد خلينا ننهي الوجع كله مرة واحدة وفي المكان دة يا بنتي غلطة عمري اللي عملتها اني سمعت كلام جدك لما فرض عليا اتجوز امك علشان الفلوس والمكانه ونسيت نفسي وحياتي ونسيت ان مع امك لما اوصل للسن دة وأكبر لما اجي اتسند على كتفها هقع ودة اللي حصل امك اتجوزتني علشان خاطر الفلوس ولما وقعت مشيت سامحيني يا بنتي انا اسف بس انا طلقتها لكن في الاول والاخر هي امك وليها حق عليكي وانا مقدرش انكر دة أما بالنسبه لميرا انسيها يا وعد لانها مبقتش موجودة خلاص اختك ضيعت نفسها بغبائها وعندها وطمعها وغرورها عملت كل حاجه غلط كان ممكن تتعمل انا حاولت اساعدها بس فشلت يمكن مكنتش الاب المثالي ليكم بس انا محبتش حد ادكم يا بنتي .
_ عيطت وعد كتير واخدها ابوها في حضنه وقال : إدعيلها بالرحمه يا بنتي هو دة اللي نقدر نعمله .
_ وقف عمرو بعيد عنهم ونفسه لو يشدها يدخلها جوه قلبه بس مش هيقدر دلوقتي ولكن وعد مني يا وعد لاخليكي تنسى اي زعل او حزن وهبدأ معاكي من الاول .
☆ —————- بقلم الكاتبة/ آية إنسان ————-☆
_ في ألمانيا فاقت هاجر وشافت نفسها وآسر ماسك ايديها باين على وشه التعب الشديد ولكن قالت بصوت ضعيف : آسر .
_ فقام أسر وفتح عينه وقرب منها بلهفه : حمدلله على السلامة يا قلب أسر من جوه طمنيني حاسه بأي .
_ عاوزه اشرب .
_ قام أسر جاب كوبايه ميه وقال : بق صغير مش كبير ماشي وشربها وقعد جنبها وقال : كنت هموت من الخوف عليكي يا هاجر .
_ انت ليه دخلت معايا العمليات .
_ انتي عرفتي ازاي .
_ حسيت بيك سمعتك بتنادي عليا انا كنت هامشي مع بابا بس انت كنت ماسك ايدي ومش عاوز تسيبها .
_ يعني انتي رجعتي علشاني .
_ انا عاوزه انام .
_ ابتسم أسر على خجلها الواضح عليها وقرب منها وقال : ممكن انام جنبك ومش هوجعك .
_ قالت بتعب : بس مش هينفع .
_ فقرب آسر منها وقال : انا تعبت اوي يا هاجر الفترة اللي فاتت الواحد دلوقتي مش مصدق انك جنبي ومعايا لو أطول افتح قلبي واحطك جواه هعمل كده بطمن وانتي جنبي وقرب نام جنبها وخدها في حضنه وهي دفنت وشها في صدرة وناموا الاتنين من التعب كان إياد واقف بره وشاف كل حاجه ونزلت دمعه من عينه وقال : ربنا يسعدكم في حياتكم وخرج من المستشفى علشان يرجع تركيا تاني .
☆ —————– بقلم الكاتبة/ آية إنسان————–☆
_ في مصر خرجت وعد من المستشفى هو وأبوها وكان عمرو في إستقبالهم وخدهم على فيلا العامري بعد ما طلب من حد ينضفها ويقوم بكل الترتيبات اللازمة لإستقبالهم وقال : اتفضل يا عمي ولو مش هضايقك عاوز اتكلم مع وعد شويه .
_عاصم : ماشي يا عمرو انا هطلع وانت كلمها بس خد بالك انا شايفك لو زعلتها هنزلك .
_ هههه هو أنا اقدر يا عمي .
_ وبالفعل نزل عاصم ودخل الفيلا ونزل عمرو ووعد الجنينه يتكلموا :
_ وعد انا عارف اني عملت حاجات كتير اوي غلط ومن حقك انك تزعلي مني بس بلاش زعلك يطول اكتر من كده لاني مبقتش قادر استحمل صدقيني انا الشهرين اللي فاتوا اكتشفت اني ولا حاجه من غيرك واني حبيتك من اول مره شوفتك فيها كبريائي منعني اني اعترف بكده انا معرفش انا عملت فيكي كده ليه يمكن علشان انتي الوحيدة اللي واجهتيني بحقيقتي اللي بهرب منها والكل بيجاملني علشان خايف مني أو عاوز مني مصالح لما وقفتي في وشي وإتحدتيني كنت عاوز اعرفك ان مش عمرو الصاوي اللي تقفي قدامه لكن غصب عني حبيتك كنت بخليكي أطول فترة ممكنه معايا علشان مش عاوزك تسبيني انا عارف أنه مش مبرر اني اعمل فيكي كده بس حقيقي انا اسف .
_ سكتت وعد شويه وقالت : وانا هسامحك يا عمرو بس محتاجه شويه وقت انت اللي عملته مش شويه .
_ وانا هستناكي العمر كله يا وعد .
_ هتعمل اي مع أسر يا عمرو .
_ خلاص يا وعد اللي راح مش هقدر ارجعه وهنسى أسر خالص هنسى الماضي كله علشان تعبت اوي يا وعد .
_ هتسامحه .
_ مش قادر بس اللي هقدر اعمله اني اسيبه في حاله .
_ حاول تسامح يا عمرو يمكن قلبك يرتاح .
_ ابتسم عمرو بحزن وقال : قلبي هيرتاح لما صاحبته تحن عليه وقام طبع قبله على دماغها وقال : اطلعى إرتاحي وانا هطمن عليكي بالليل .
_ انت كمان روح شكلك تعبان .
_ هروح بس في مشوار مهم لازم اخلصه الأول يا وعد سلام يا حبيبتي .
☆ ————— بقلم الكاتبة/ آية إنسان ————– ☆
_ عند اسماء اللي قاعدة مشغولة في الورق اللي قدامها والباب خبط ودخل يوسف وقال : عامله اي يا اسماء .
_ بخير يا استاذ يوسف .
_ جاهزه لحلقة النهارده عاوزها اجمد من اللي قبلها .
_ ابتسمت اسماء وقالت : بإذن الله وقامت تستعد للحلقه وبعد شويه طلعت هوا وخدت إتصال وقالت : الو .
_ هو سؤال واحد بس هو انتو ليه بتستمتعوا لما تجرحونا وتوجعونا ؟؟
_ رد اسماء وقالت : قوارير نحن لا نَجرح الا إذا كُسِرنا …
_ وخدت إتصال تاني وقالت : الو .
_ سلاما على من يزهرون القلوب إذا نزلوا بها وكأنهم في بقاع الأرض أنهارا .
_ سكتت اسماء شويه فهل هي تتخيل ولا دة صوت هاجر معقوله بعد الفترة دي إفتكرتها ولكن في صوت من الإعداد بيقول ليها : اسماء ردي على الاتصال انتي سرحتي ولا اي .
_ ردت اسماء وقالت : نحن نزهر بأولئك الذين يلقون اجمل ما في قلوبهم فينا . وخدت فاصل وطلعت الفون ورنت على هاجر والمره دي ردت .
_هاجر : الو وحشتيني اوي يا اسماء .
_ هونت عليكي يا هاجر كل المدة دي .
_ حقك عليا غصب عني .
_ مال صوتك .
_ فرد آسر وقال : هاجر كفايه كده كلام هاتي التليفون دة وخده وكلم اسماء وقال : معلش يا اسماء كفايه كده كلام علشان هي تعبانه .
_ أسر انت بتعمل اي مع هاجر وهي تعبانه ازاي طب انتو فين .
_ اهدي اهدي انا وهي في المانيا وهنرجع قريب اوي وهي هتحكيلك كل حاجه بس دلوقتي الكلام كتير في الفون غلط .
_ ماشي بس خلى بالك منها وانا هبقي اطمن عليها وقت تاني .
_ قفل أسر مع اسماء وقال : كده كتير .
_هاجر : في اي يا أسر كنت عاوزه اطمن عليها .
_ لا انتي بتنسي نفسك معاها وانا مش عاوز كده .
_ هنخرج من هنا امتى .
_ اطمن عليكي وعلى صحتك ونرجع يا هاجر .
_ ماشي يا أسر .
☆ —————- بقلم الكاتبة/ آية إنسان ————–☆
_ دخل عمرو عند فوزي الشركه وقاله : إرتحت لما عملت كده .
_ اوي اوي يا عمرو بيه .
_ بس انا هدفعك التمن غالي اوي يا فوزي .
_ هههههه احب اشوف انت خلاص مبقتش تفرق معايا انا اخدت الشركة ودة المهم .
_ اه مش تقصد الورق اللي هيثم سرقه من الشركه .
_ استغرب فوزي وقاله : انت عرفت ازاي .
_ لا اصل انا كنت مركب كاميرا في مكاتب الموظفين علشان اعرف مين اللي بينقل اخباري ليك وسمعته وانتو بتتفقوا وبعدين قولت وماله خليه يلعب براحته وبدلت الورق الاصلي بورق مزور وانت طبعا عملت صفقات على حساب الشركه ودة مخالف وهتكون عليك قضايا تزوير وديون ماليه وطبعا التشهير بسمعه دكتور محترم زيي يعني هتقضي فترة معتبره في الحبس وهنا دخل البوليس وقبض على فوزي ومشي .
☆ ————– بقلم الكاتبة/ آية إنسان ————–☆
_ بعد مرور أسبوعين وفيهم أسر اتواصل مع عاصم وعرفه كل حاجه ولكن طلب منه أنه ميجيش المانيا وأنهم راجعين قريب وكان عمرو كل يوم يعمل حاجه جديده علشان يكسب قلب وعد دة غير الورد والشكولاته ورسائل الغزل اللي مش بتخلص ودة حرك مشاعرها بس لسه بتعاند لكن هي مبسوطه من كل اللي بيعمله أما في المانيا أسر واقف جنب هاجر وبيساعدها في كل حاجه وبيعمل ليها كل الفحوصات الطبية اللازمه وهو المشرف على حالتها مفيش غيره فهو الدكتور والممرض والصاحب وكل حاجه مش سايبها أبدا وليل كل يوم يعدى يبص عليهم من بعيد ويمشي من غير ما حد يشوفه واسماء كل يوم تكلم هاجر تطمن عليها وحكت ليها كل حاجه واسماء اضايقت منها اوي بس قالت انها لما ترجع بالسلامه ليهم كلام تاني مع بعض .
☆ —————- بقلم الكاتبة/ آية إنسان ————–☆
_ دخل أسر وقال : خلاص جاهزه يا هاجر هنرجع بكره .
_هاجر : اه جاهزة يا أسر .
_ وعدى الليل وجاء الصباح وطلعت هاجر مع أسر على الطيارة بس مش بتتكلم معاه ودة مستغربه جدا بس سايب ليها مساحتها الشخصيه وبعد ساعات وصلوا المطار وركبوا العربيه ولكن قالت : انا عاوزه اروح الاوتيل .
_ ليه يا هاجر تعالي نرجع الفيلا .
_ لا دة مبقاش بيتي .
_ لا بيتك وهيفضل كده .
_ أسر لو سمحت انا عاوزه اروح الاوتيل .
_ طب ارجعى فيلا العامري لو مش عاوزه عندي .
_ ولا اي مكان انا عاوزه اروح الاوتيل.
_ هاجر مالك بقالك يومين متغيره معايا حصل اي لكل دة.
_ حصل أنه عاوزه اكون لوحدي شويه عاوزه ابعد حبه عن كل حاجه .
_ متعبتيش من البعد تعالي نرجع لبعض ونساعد بعض .
_ انت جايب الثقة دي كلها منين اني ارجع لك يا أسر .
_ نعم يعني اي الكلام دة .
_ يعني مش معنى اني خفيت اني ارجعلك انا اتكتب ليا عمر جديد يبقى حياة جديدة وانت عادي متكنش فيها .
_ سكت أسر وساق العربيه وطلع على الفندق بتاع جيجي ونزلها هناك ومشي من غير ولا كلمة .
_ دخلت هاجر عند جيجي واللي استقبلتها بحب كبير وقالت : مش معقول جيتي امتى .
_ لسه واصله .
_ طب احكيلي عملتي اي .
_ هحكيلك كل حاجه بس عاوزه اكلم اسماء ووعد يجوا هنا ممكن .
_ طبعاً براحتك يا هاجر .
_ بالفعل بعتت رساله بالعنوان ووصلوا الاتنين عند الفندق ودخلوا في مكتب جيجي .
_ وقفت هاجر وسلمت على الاتنين وشافت هاجر نظرات عتاب ولوم في عيون اسماء ووعد وقالت : تعالوا نحكي من البدايه وحكت هاجر كل حاجه حصلت في فترة غيابها .
_ ردت اسماء وقالت : يااااا كل دة حصل ومهنش عليكي تقوليلي .
_ كنت خايفه عليكي .
_ فيدتها اي صحبيتنا لما تكوني واقفه جنبي ومعايا في فرحي ومكنش جنبك وقت تعبك .
_ خلاص يا اسماء حقك عليا متزعليش انا عاوزه انسى كل حاجه وأبدأ من جديد وقربت من وعد الساكته وقالت : ساكته ليه يا وعد .
_وعد : بصراحة مش لاقيه كلام يتقال اعاتبك ولا ازعل منك ولا الوم نفسي ولا اي بالضبط .
_ قربت هاجر من الاتنين وقالت : ننسى كل حاجه ونبدأ من الاول .
_ ابتسموا البنتين وقالوا : ننسى الماضي بقى وحضنوا بعض .
_ قالت هاجر : اسماء انتي لسه بتكلمي ليل .
_ لا يا هاجر .
_ ليه .
_ علشان مش هينفع خلاص .
_ ليه .
_ علشان خدعني .
_ ربنا بيسامح .
_ انتي مش عارفه هو عمل اي .
_ مش مهم اللي عمله بس هو انقذ حياتي هناك .
_ هاجر ليل كذب عليا وخدعني .
_ جربي تديه فرصه واحدة كلنا بنغلط يمكن يكون عمل حاجات كتير غلط جربي تمسكي ايدة وتشديه للصح.
_ خلاص يا هاجر كله انتهي ربنا يسعده .
_ ردت جيجي قالت : اسمحولي أتدخل انا شايفه انكوا محتاجين يومين راحه عن كل حاجة تفكروا بهدوء أدوا نفسكم فرصه تراجعوا حساباتكم انتو مش ملائكه انتو كمان كلنا زي القمر بيشع نور بس ناسين أنه كمان ليه جانب مظلم بلاش تظلموا قلوبكم وتكابروا في الغلط فكروا بحكمه علشان متندموش على قرارتكم دي .
_ وبالفعل خرج التلات بنات من الاوتيل كل واحد في طريق بيفكروا في كلام جيجي .
☆ —————- بقلم الكاتبة/ آية إنسان ————–☆
_ رجع أسر الفيلا وكان أبوه في انتظاره وقال : حمد لله بالسلامة يا أسر .
_ الله يسلمك يا بابا .
_ قدرت تكسب قلبها .
_ للاسف لا مقدرتش يا بابا انا بس قدرت اعالجه بس مقدرتش أكسبه .
_ اديها مساحتها الخاصه تفكر يا أسر سيبها يا ابني تختار وهي لو بتحبك مش هتسيبك .
_ ابتسم أسر لابوه وقال : أنا سايبها على الله يا بابا مفيش حاجه تاني اقدر أعملها بعد اذنك .
_ اتفضل يا حبيبي ربنا يريح قلبك يا رب .
☆ ————— بقلم الكاتبة/ آية إنسان ————–☆
_ عدي يومين وكل واحد بيفكر في حياته بشكل جدي وهل هيقدر يتخطي النقطه دي ولا هيعدي منها وكان أسر واقف في المستشفى اللي شغال فيها ومرة واحدة شاف ليل وهو بيجري عليه وبيقول بنفس متقطع : أسر انت كويس فيك حاجه .
_ استغرب أسر الكلام وقاله : اه كويس خير في حاجه .
_ اصل هاجر كلمتني وقالت : انك تعبان اوي فنزلت على طول .
_ ابتسم أسر بحزن وقال : لا كتر خيرك على تعبك انا كويس .
_ مسك ليل أيد صاحبه وقال : سامحني انا مكنتش …..
_ ولكن أسر قطع كلامه وقال : كفايه كلام يا ليل انا مش عاوز اسمع ولا لوم ولا عتاب فحزن ليل من كلام أسر ولف علشان يمشي فمسك أسر أيده وقال : بس دة ميمنعش انك صاحب جدع يا ليل .
_ حضن ليل أسر وقاله : انا آسف يا صاحبي انا عارف اني عملت كتير اوي .
_ انت انقذت قلبي هناك لما إتبرعت بالدم ودة مسح ليك اي حاجه وحشه ومش عاوز اتكلم في الموضوع دة تاني يا ليل انا سامحتك خلاص .
_ ابتسم ليل وقال : خلينا نبدأ من جديد وصدقني الوقت هيثبت ليك اني لا يمكن في يوم اجرحك تاني .
_ الايام هتثبت يا ليل .
☆ ————— بقلم الكاتبة/ آية إنسان —————☆
_ في فيلا العامري دخل عاصم على بنته الاوضه وقال : كنت عاوز اتكلم معاكي في موضوع .
_وعد : اتفضل يا بابا .
_ عمرو طلب أيدك مني اي رأيك .
_ مش عارفه يا بابا بس خايفه .
_ ادي قلبك فرصه يا وعد وانا متأكد أنه مش هيخذلك .
_ ابتسمت وعد وقالت : ماشي يا بابا اللي حضرتك تشوفه .
_ انا شايف انك تلبسي علشان هو قاعد تحت مستنيكي .
_ حاضر يا بابا وبالفعل لبست ونزلت تحت .
_ فضل عمرو باصص عليها وسرحان في جمالها الهادئ ولكن فاق على صوت عاصم وهو بيقول : خلاص يا عمرو هتاكل البت بعيونك .
_ احم اسف يا عمي بس بنتك جمالها ساحرني اعمل اي .
_ اتحرجت وعد من غزله الصريح ليها ولفت وشها الناحيه التانيه .
_ طيب يا عمرو اطلع بره وتعالى الخميس الجاي مع والدك تتقدم بشكل رسمي .
_ لسه هستنى الخميس يا عمي علشان اتقدم بشكل رسمي .
_ إذا كان عجبك لو مش عجبك بلاش .
_ لا لا خلاص بس اي رأيك اخليه كتب كتاب على طول .
_ نعم لا يا بابا مفيش الكلام دة هو مش سلق بيض .
_ لو مستني تسأل عليا فالكلام مش هيعجبك يا عمي بس انا هتغير علشان وعد علشان اثبت اني جدير بحبها .
_ الكلام حلو بالفعل احلى .
_ وانا هثبت دة.
_ حلو يبقى لحد ما تثبت دة مفيش مقابلات مفيش تليفونات .
_ انت بتصعبها عليا يا عمي .
_ لو بتحبها هتقدر على كده .
_ ماشي يا عمي بعد اذنك وقام مشي وكمان عاصم قام خرج وراح الاوتيل عند هاجر اللي اول ما شافته اترمت في حضنه وهو قال : حقك عليا يا بنتي انا اسف .
_هاجر : متقولش كده يا عمي انا اللي أسفه على الكلام اللي قولته .
_ خلاص يا هاجر من النهارده مفيش زعل ولا حزن تعالي نرجع الفيلا نرجع عيله البيت دة بيتك مهما حصل يلا قومي .
_ حاضر يا عمي وبالفعل لمت هدومها ومشيت مع عمها .
☆ —————- بقلم الكاتبة/ آية إنسان ————–☆
_ عند اسماء اللي طلعت على الهوا علشان تبدأ حلقتها ولكن جالها إتصال وقالت : الو .
_ وحشتيني .
_ اتذهلت اسماء من الكلمه ومن الصوت وفضلت ساكته من الصدمه .
_ليل : اسماء حرام عليكي قلبي اللي وجعاه انا يا ستي بعتذر ليكي قدام العالم كله وبقولك حقك على راسي سامحيني وخلينا نبدأ من الاول اسماء حرام عليكي قلبي انا بحاول اعتذر بكل طرق العالم كفايه بعاد بقى اسماء انا واقف بره الاستوديو مستنيكي وهفضل كده لحد ما ترضى .
_ صوت كل اللي في الإعداد بيقول ليها : سامحي يا اسماء حرام عليكي شكله بيحبك وكانت صفحه القناه عماله تزيد الرسائل عليها وكلها بتطلب منها تسامح فقامت اسماء خرجت بره شافته وشافها فقرب منها وركع على ركبته وقال : هل تقبل اميرتي أن تسامحني وقدم ليها ورد احمر .
_ ابتسمت اسماء غصب عنها وقالت : لو عملتها تاني يا ليل .
_ وعد مش هيحصل تاني عاوز فرصه بس .
_ فمسكت منه الورد وقالت : وانا قبلت السماح .
_ فقام ليل وكان لسه هيحضنها فمنعته وقالت : لا يا بابا الكلام دة هناك في المسلسلات إنما هنا دة مش من حقك .
_ حلو كده وانا هخليه حقي ومش هتقدري تتكلمي وشدها من إيديها وركبها العربيه .
_ انت مجنون في حلقه شغاله دلوقتي .
_ لا مفيش حلقات والناس سامعه كلها اهو أنا لسه مقفلتش السكه وبقول اعذروني يا جماعه محتاج اخطافها شويه منكم اطلبها من ابوها حالاً وقفل السكه .
_ ايوه مجنون انا قولت مجنون .
_ مش مهم وبعدين طلع ليل واتكلم مع والد اسماء واللي مهموش أن ليل معندوش حد لا أهل ولا ناس وقاله : انا بشتري راجل وانت لو هتقدر تسعدها دة عندي بالدنيا وميهمنيش اي حاجه تانيه .
_ وانا بوعدك اشيلها في عيوني .
_ وانا موافق وانتي يا اسماء موافقه ؟؟
_ اتحرجت اسماء وقالت : اللي تشوفه يا بابا .
_ابو اسماء : ههههه يبقى الخميس الجاي نقرأ فاتحه اي رأيك يا ليل .
_ لا احنا نقرأ فاتحة دلوقتي والخميس الجاي يكون كتب كتاب يا عمي .
_ نعم هو اي دة .
_ علشان خاطري خليه كتب كتاب والفرح لما حضرتك تحدد بالله عليك وافق بالله عليك .
_ هو دة جنان وبص على بنته وشاف الفرحة في عيونها وقال : أنا موافق وقرأوا الفاتحة في جو كله حب وجنون .
☆ ————— بقلم الكاتبة/ آية إنسان ————– ☆
في فيلا السمري :
_آسر : صباح الخير يا بابا .
_ صباح الخير يا حبيبي .
_ انا عندي مؤتمر صحافي وهتأخر شويه بره .
_ ربنا يعينك يا رب .
_ وخرج أسر وراح اوتيل جيجي مكان المؤتمر وكان الموتمر على اعلي مستوي وبدأ يشرح ويتكلم عن بحثه واللي ساعدة في حدوث طفرة في عمليات القلب واللي هتساعد ناس كتير جدا وبعد كلام كتير خلص أسر ومشي عند النيل وفضل قاعد ساكت ولكن ملامح الحزن ظهرت عليه فقربت بنت صغيرة منه وقالت : تشتري فل يا بيه .
_ فابتسم واشترى منها كل الفل وقعد شويه ولكن حس بحد بيقعد جنبه وبيقول : ماذا لو عاد معتذراً ؟؟
_ رفع أسر وشه وشاف هاجر واقفه ولابسه فستان دهبي بيلمع ووشها منور وشعرها سايب وراها ومع انعكاس نور القمر عليها مخلى شكلها يسحر اي حد ولكن قام مسك إيديها وقال : لفتحت لها بابا ثانيا من أبواب قلبي وعززناهما بثالث واجلسناه في ثنايا القلب فوالله وبالله لو كنت اعلم رحيلها عني ثانيا لأجلستها في قلبي فعسي المقام بالمقام يليق فمرحبا بها اولا وثانيا وعمراً واخيرا فلا الخصام طباعنا ولا الفراق طريقنا .
_ فنزلت دموع هاجر غصب عنها وقالت : انا اسفه حقك على دة وشاورت على قلبها .
_ فضمها ليه بحب وقال : خلاص كفايا بعاد انا تعبت يا هاجر تعالى نرجع تاني .
_ بعدت هاجر عنه وقالت : وانا موافقه عارف فين بيتنا يا أسر تعالى واطلبني لو فعلا عاوزني .
_ انتي لسه عندك شك في كده وقام مسك ايديها وراح فيلا العامري ودخل وقال : عاصم بيه جوه .
_ ايوه يا فندم .
_ قوله أسر السمري بره .
_ وبالفعل شويه ونزل عاصم وقال : خير يا دكتور أسر .
_ عمي من غير اي مقدمات ولا كلام كتير انا عاوز اطلب إيد هاجر منك .
_ بص عاصم على هاجر اللي بتهرب بعيونها في كل مكان وقال : هاجر انتي موافقه على كده .
_ اللي حضرتك شايفه يا عمي .
_ رد أسر وقال : لا مفيش الكلام دة يا توافق يا بالله أخدها واهرب بيها عن العالم كله علشان انا تعبت .
_ لا انت اكيد مجنون انا بتهددني .
_ لا مش بهدد انا بعرف حضرتك بس بالله عليك انا مش حمل بعد تاني تعبت من كل حاجه ومحتاج ارتاح .
_ خلاص صعبت عليا يا دكتور كتب كتابك الخميس الجاي .
_ لسه الخميس الجاي كمان .
_ هو دة يا كده يا بلاش .
_ لا وعلى أي الطيب احسن .
☆ —————- بقلم الكاتبة/ آية إنسان ————–☆
_ وبالفعل عدي الاسبوع بسرعه كبيره وجه يوم الخميس واتجمعوا التلات بنات مع بعض في فيلا العامري :
_وعد : انا خايفه من المواجهه دي يا هاجر .
_ متقلقيش يا وعد خلينا نبدأ من جديد ومنخليش في ماضي قديم يتفتح .
_ ربنا يستر .
_ وبالفعل الليل جه ودخل عمرو ولكن مفيش حد وبعد شويه وصل أسر واستغرب أن عمرو هنا ووقفوا قدام بعض ساكتين بس عيونهم بتقول كلام كتير ولكن قرر أسر يكسر الصمت دة وقال : مش عارف الكلام هيفرق معاك ولا لا بس حابب اعرفك حاجه أنا لما دخلت بيتكم علشان احنا صحاب عاملت اختك زي اختي بالظبط وحبتها كإنها اختي لكن لما حسيت انها اتعلقت بيا قررت ابعد عنها وفهمتها بدل المرة الف ان دة غلط ومش صح وحتي يوم الحادثه حاولت افهمها وقولت لما اهددها انك هتعرف هتخاف ولو قسيت عليها شويه هتفوق لاني انا مش خائن يا عمرو ومش هبص ولا هستغل اخت صاحبي وانا فعلا مشيت وسافرت بس معرفش أنها عملت حادثه وانا لما رجعت عرفت انهم ماتوا لكن انت افتكرت اني السبب ودمرت حياتي بطريق بشعه .
_ غمض عمرو عينه وقال : انت كمان كنت السبب اني اخسر اغلي اتنين في حياتي في الوقت دة دخل ليل وقال : خلونا ننسى الماضي ونبدأ من جديد كفايه كره وعداء كفايه إنتقام .
_ دخل عاصم وقال : لو كل واحد فينا انتقم من التاني سلسلة الانتقامات مش هتخلص .
_ خرجت هاجر ووعد واسماء في الوقت دة مع بعض وكل واحده راحت تقف قدام حبيبها وقالت هاجر : لو عمرو معملش كده مكناش هنتقابل يا أسر سامحه علشان خاطر نبدأ حياه خاليه من المشاكل .
_ قربت وعد من عمرو وقالت : سامح علشان تقدر ترتاح علشان قلبك يحس أنه عايش يا عمرو سامحه علشاني .
_ ووقفت اسماء جنب ليل وقالت : ربنا ادي كل واحد فرصه جديدة للحياة بلاش نضيعها في عداوة بعض .
_ ساد الصمت في المكان دقائق وقرب عمرو من أسر وقاله : انا قررت انسى الماضي واشوف المستقبل ومش عاوز افتكر اي حاجه وحشه فاتت .
_ وقال أسر : وانا مش عاوز اعيش اللي باقي من عمري في سلسله انتقام مش هتخلص .
_ فقرب ليل وقال : يبقى سماح يا رجاله وحضنوا التلاته بعض ووقفت البنات فرحانه جنب بعض وبالفعل اتكتب كتاب التلات بنات مع بعض واتفقوا أن الفرح يكون بعد ٣ شهور بعد ما تكون هاجر خفت تماماً ودة اللي إعترض عليه الشباب بس ما باليد حيلة ولكن هما محتاجين فترة يخلصوا فيها الشغل اللي وراهم فعلا قبل ما يخدوا الاجازه للفرح .
☆ ————— بقلم الكاتبة/ آية إنسان —————☆
_ خلال ٣ شهور صحه هاجر إتحسنت مع عنايه أسر ووعد واسماء بيها ونزلت شغل مع جيجي ولكن بقت في منصب اعلى ، عمرو اتغير اوي عن الاول ووعد نزلت الشغل معاه ودة طبعا مش بيسيب فرصه الا ويستغلها علشان يقرب منها يضايقها يعصبها يحبها وهي مبسوطه من التغير دة رجع ليها الشركة ولكن هي أصرت أنها ترجع الفلوس اللي صرفها اول ما شركتها ترجع تقف على رجليها تاني ، وليل قرب اوي من اسماء وبقى واقف جنبها في مشوارها واتشغل جداً في تجهيز مستشفى أسر ودلوقتي جه ميعاد الفرح والسرور على قلوب كل أبطالنا النهاردة فرح التلات فرسان على التلات أميرات .
_ وقفت وعد تبص لنفسها في المرايا واتمنت امها تكون جنبها بس هي لما عرفتها قالت مبروك بس مش هقدر انزل ونزلت دمعه غصب عنها .
_ دخلت دادة ندى وقالت : طول عمرك زي القمر يا وعد .
_ إبتسمت وعد بحزن وقالت : انتي اللي عيونك حلوة يا دادة .
_ ممكن البسك الطرحة .
_ ضحكت وعد وقالت : طبعاً يا دادة .
_ ودخل عاصم وباس دماغ بنته وقال : يلا يا حبيبتي وخدها ونزل .
_ التلات شباب بيجهزوا في اوضه واحدة تحت مزاح ومرح ولكن الباب خبط ودخلت سارة اللي استغرب ليل وعمرو وأسر هي هنا ليه .
_ سارة : خلاص يا أسر هتسيبني .
_ قال ليل : طيب احنا بره يا أسر وخرجوا ونزلوا تحت .
_آسر : خير يا سارة .
_ هتسيبني يا أسر .
_ سارة انا آسف صدقيني حاولت بس مقدرتش هاجر خدت قلبي وحبي وكياني ومفيش حاجه اديها ليكي ربنا يسعدك مع حد غيري .
_ عيطت سارة وقالت : ممكن احضنك لآخر مرة .
_ اسف يا سارة حتى حضني مش ملكي علشان ادهولك حضني ملك هاجر وبس .
_ يا بختها بيك يا أسر بس انا اللي ضيعتك من إيدي ربنا يسعدك يا رب وخرجت من الاوضه .
_ طلع عاصم الاوضه عند هاجر وقال : اللهم بارك زي القمر بس حلوة المفاجأة دي وباسها من دماغها ونزل سلمها لآسر اللي واقف مبهور لا مذهول من شكلها فهي كانت بفستان ابيض منفوش وطرحه مغطيه شعرها بالكامل ومكياج هادئ وكانت في لمعه في عيونها لمعه فرح وسعادة .
_ قال عاصم : خلى بالك منها .
_ مسك أسر أيديها وقال : في قلبي يا عمي ونزل بيها وانضم ليل وعمرو اللي كل واحد منهم مش شايف غير عروسته والتلات بنات احلى من بعض وجه وقت الرقصه وكل واحد خد مراته ورقص معاها.
_ رفع أسر وش هاجر بإيده وقال : من أحلى المفاجأت اللي حصلت شكل قمر في الطرحة .
_ إبتسمت هاجر وقالت : ربنا عوضني بحياة جديده فقولت ابدأها صح فطبع أسر قبله على دماغها وقال : ربنا يديمك في حياتي وطلع عقد من الفل شكله حلو اوي ولبسه ليها .
_عند عمرو اللى قال : قوليلي يا وعد اي الحلاوة دي .
_ ابتسمت وعد وقالت : انت اللي عيونك حلوه يا عمرو .
_ يا خرابي على عمرو منك بتكون زي العسل وحضنها جامد .
_عند ليل اللى قال : انا مش مصدق نفسي وأخيرا جه اليوم اللي هكون فيه انا وانتي في بيت واحد يا اسماء تعبتي قلبي معاكي .
_ انا كمان مش مصدقه نفسي يا ليل بس كان لازم كل دة يحصل علشان نوصل للحظه دي .
_ ربنا ما يحرمني منك يا رب .
_ ولا يحرمني منك .
_ انتهى الفرح وكل واحد خد مراته وروح فيلته اللي متزينه على أعلى مستوى علشان يبدأوا حياه جديدة وكل واحد اتوضي وصلى ركعتين لله أنه اداله فرصه جديده علشان يبدأ من جديد .
☆ ————— بقلم الكاتبة/ آية إنسان ————–☆
_ في اوضه هاجر وأسر بعد ما صلوا سوا قام أسر وقرب منها شال الطرحه من على دماغها فنزل شعرها المتسلسل على ضهرها وهي فضلت باصه في الأرض رفع أسر وشها ليه ومسك إيديها اللي متلجه وقال : انا عارف أن المكان دة شاهد على ذكريات وحشه قبل كده بس انا همحى الذكريات دي بذكريات احلى معاكي هاجر انا مش بس بحبك انا بعشقك والعشق قليل عليكي .
_ ابتسمت هاجر وقالت : انا كمان بحبك اوي يا أسر مش عارفه اي اللي حصل بس انت أسرت قلبي اعمل اي .
_ اخيرا قولتيها انا كنت فقدت الأمل اني اسمعها وقرب منها بس هي رجعت خطوتين لورا فمسك إيديها وقرب حط أيده على قلبها وحس أن ضربات قلبها عاليه فقال : اهدي متخافيش انا مش ممكن آذيكي انتي لو مش عاوزه …..
_ قاطعته هاجر وقالت : انا بحبك يا أسر .
_ فقام أسر شالها ودخل بيها في عالم خاص بيهم هما وبس عالم مليان حب وعشق وشوق وغرام عالم صك فيه أسر السمري ملكيته لحبيبته هاجر العامري …
☆ ————— بقلم الكاتبة/ آية إنسان ————–☆
_ في الصباح : صحى كل واحد وشاف مراته في حضنه وحمد ربنا على النعم اللي ربنا مّن عليه بيها وشويه وخد كل عريس مراته وسافر شهر العسل أسر وهاجر سافروا اليونان اسماء وليل سافروا إيطاليا وعد وعمرو سافروا فرنسا وعاشوا اجمل ايام حياتي مع بعض وعرف كل واحد فيهم قدر التاني وأنه مش هيقدر يكمل لوحده .
لقراءة باقى فصول الرواية : اضغط هنا
