رواية أنتي نبض قلبي الفصل الرابع والأربعون 44 بقلم عائشة أحمد
 |
| رواية أنتي نبض قلبي الفصل الرابع والأربعون 44 بقلم عائشة أحمد |
رواية أنتي نبض قلبي الفصل الرابع والأربعون 44 بقلم عائشة أحمد
مليكه قاعدة بتحاول تأكل ملك وهى مش راضيه تاكل
مليكه : يا حبيبتى لازم تاكلى عشان تبقى كويسه
مراد دخل : ازيك يا حبيبت باباعامله اى
ملك بتعب: كويسه
مراد: اى دة ملوكه حبيبت بابا هتاكل الاكل دة كله وهتخلصه عشان تبقى كويسه وتلعب مع زياد ومليكه
ملك ابتسمت
مراد مد ايدة لمليكه عشان ياخد منها الطبق بس مليكه حطت الطبق عالسرير وقامت ومشت ومراد فضل باصص عليها لحد ما اختفت
********************
مليكه دخلت الحمام فى اوضتها وسابت دموعها تنزل : معقول يكون فى حد فى حياته لا مستحيل مستحيل مراد مستحيل يبص لواحدة غيرى بس بياته برة معناه اى وهروبه منى الفترة اللى فاتت ومعاملته واهماله بس لا مستحيل بيحبنى انا انا واثقه فيه بصت عالمرايه مراد بيحبنى انا بس وفضلت تغسل وشها بالميه
******************#
تحت
اياد : يا بابا والله ملك كويسه متخفش
خالد : طب هى فين ومليكه فين
اياد بص لقى مليكه نازله عالسلم : خد كلم مليكه اهى
اياد : بابا يا مليكه
مليكه ببحه صوت : ازيك يا بابا
خالد بلهفه : ازيك يا حبيبتى ملك عامله اى طمنينى عليها
مليكه بالم : ملك كويسه يا بابا هدى نفسك ومتقلقش
خالد : مالك يا مليكه صوتك ماله
مليكه اخدت التليفون ومشت ودموعها نزلت : انا بخير يا بابا متقلقش
خالد بخوف : مليكه فى اى انتى فيكى حاجه
مليكه : بجد يا بابا انا بخير متقلقش
خالد : ماشى يا مليكه هرن عليكوا تانى عشان اطمن على ملك سلام
مليكه : سلام
مليكه قعدت عالكرسى فالجنينه ولقت صوت وراها
مهاب: فاض بيكى مش كدا
مليكه مسحت دموعها وسكتت
مهاب: احكيلى يمكن اقدر اساعدك
مليكه بحزن: محدش يقدر يساعدنى انا اصلا مبقاش عندى طاقه اساعد نفسى
مهاب بحزن : مالك يا مليكه لى كل دة
مليكه بدموع : مش انت قلت فاض بيا هو فعلا فاض بيا فاض بيا ابنى وهو يهدم فاض بيا اقرب وهو يبعد فاض بيا اخبى المى ووجعى منه واخدة فى حضنى عادى فاض بيا بجد فاض
مهاب: اكيد فى سبب لى محاولتيش تعرفى
مليكه : بجد انت مفكر محاولتش حاولت كتير بس انا عارفه فى اى واى السبب اللى مخليه كدا
مهاب : اى هو
مليكه بصتله ودموعها نزلت : تصرفاته ليها معنى واحد ان فى واحدة غيرى فى حياته
مهاب ضحك : بطلى هبل مراد لا طبعا مراد مش شايف غيرك
مليكه بضحك ودموع : الست بتحس وانا حاسه بكدا وقامت ولسه هتمشى
مهاب: مليكه متتصرفيش بغباء غير لما تتأكدى
مليكه : نفسى اكدب عليك واقلك انى مش متأكدة بس انا متأكدة زى ما انا متأكدة انى شيفاك دلوقتى
********””””””””””””””””””
مليكه طلعت عند ملك ولقت مراد بينيمها وخرجت وطلعت ولسه هتقفل الباب لقت مراد خارج
لفت وشها ومشت ووقفها صوته
مراد : مليكه انا اسف بجد
مليكه : بقيت تعتذر كتير يا مراد
مراد قرب منها وحضنها : سامحينى على تقصيرى انا بجد اسف
مليكه بعدت : عن اذنك
مراد بحزن : مليكه متعمليش كدا انا محتاجك جنبى
مليكه وقفت وبصت عليه بجنب : وانا برضوا كنت محتجاك وملقتكش
************”””””””””””””””
عدى اليوم من بعد مليكه عن مراد وهروبها منه وحزن الجميع
صباح يوم جديد
مليكه كانت فالحمام ومراد نايم وسمعت صوت تليفونه بيرن
مراد بنعس: الو
اسراء بخوف : مراد الحقنى فى فار فالشقه وانا خايفه اوى
مراد : طب اهدى وخلى البواب يطلع يشوفه
اسراء: انا لوحدى مينفعش البواب يطلع وانا لوحدى
مراد : تمام انا هاجى دلوقتى وقفل التليفون وقفل صفحه مع مليكه اللى سمعت كل حاجه
مليكه خرجت من الحمام ومكلمتش مراد وهو دخل الحمام وغير ولبس ونزل وهى نزلت وراه
مليكه بسرعه: رهف خلى بالك من ملك ورايا مشوار لازم اعمله
رهف : حاضر
مليكه خرجت وركبت العربيه وراحت ورا مراد ولقتوا وقف عند عمارة كبيرة ولقته نزل وطلع فوق
########$$$$$$$$$
مراد خبط على اسراء وفتحت ولقاها لابسه قميص قصير وسايبه شعرها نزل عنيه للارض : فين الفار دة
اسراء: جوة فالمطبخ
مراد دخل المطبخ وبيدور عليه واسراء جايباله عصير وهو لف فجأه فالعصير ادلق عليه
اسراء: انا اسفه بجد
مراد: مش مشكله حصل خير
اسراء : طب اخلعه وانا هنضفهولك حالا
مراد : ملوش لزوم
اسراء : لا طبعا هتمشى ازاى كدا اخلعه وربع ساعه هيكون نضيف
مراد اضطر يخلعه وهى شافت عضلات جسمه وتاهت وفاقت على صوته : متأخريش
اسراء حاضر
مراد انا هدور على الفار عبال متخلصى
****””””””””””””””
عند مليكه نزلت من العربيه وبتقدم رجل وبتاخر رجل وراحت عند البواب
مليكه : لو سمحت يا حاج هو دكتور مراد طالع فين
البواب : الدكتور مراد طالع لمرته
مليكه اتصدم وحست ان الدنيا بدور فيها : طب الشقه فالدور الكام
البواب: الدور الرابع شقه رقم ٥
مليكه عطته فلوس شكرا
وطلعت عالسلم ومنتظرتش الاسانسير وقلبها نبضه بيقل وماسكه فالسلم وحاسه انها هتقع ووصلت للشقه ورنت الجرس
مراد : مين يا اسراء
اسراء: دا تلقيه احمد كان هيجى انهاردة هفتحله
وراحت فتحت الباب ولقت مليكه
مليكه بصدمه : انتى وبصت ليها لقتها بالقميص وفاردة شعرها
اسراء بصدمه : مليكه استنى بس افهمى
مليكه زاحتها ودخلت وكان مراد خارج من المطبخ
مراد : مين يا اسرا
ولم يستطيع ان يكمل كلامه من صدمته لرؤيه معشوقته امامه وما قتله نظراتها التى اخرقت قلبه كالخنجر
مراد : مليكه
مليكه سابته وطلعت تجرى
مراد بغضب: هاتى القميص بسرعه
اسراء : فى ميه لسه
مراد بغضب: هاتيه حالا
اسراء جابتله القميص بخوف وهو لبسه ونزل يجرى ورا مليكه بس ملقهاش
**””””””””””””””””””””””””””
فالفيلا
مهاب : انا مش مطمن
اياد ولا انا
ودخل عليهم جلال : عاملين اى
الجميع : بخير
تقى : ملك عامله اى
رهف : بخير نايمه فاوضتها
جلال : امال مراد ومليكه فين
رهف : مراد خرج ومليكه خرجت بعديه
جلال بخوف : من امته
رهف : من ساعه كدا وسمعوا كلهم صوت العربيه وهى بتحت فالاسفلت
رهف : اى دة
مهاب : انا هشوف فى اى ولسه هيتحرك لقى مليكه منهارة من العياط
مهاب : مليكه مالك
مليكه مردتش وطلعت على فوق
اياد : مليكه استنى
رهف : انا هطلع اشوفها
اياد : بسرعه وطمنينا
***”””””””””””””رهف طلعت لمليكه لقتها بتلم هدومها فالشنطه
رهف: مليكه فى اى
مليكه ساكته ومبتتكلمش
رهف شدتها مليكه فى اى
مليكه : مفيش غير انى لازم امشى امشى انا مكنش لازم ارجع
مليكه قفلت شنطتهاوراحت عند ملك ولمت هدومها وطلبت من الخدم ينزلوا الشنط وشالت ملك ونازله من السلم كان مراد وصل
مراد بصراخ : مليكه فين
جلال بغضب: عملت اى
لقوا مليكه نازله من عالسلم
مراد : مليكه حبيبتى اسمعينى
مليكه بصراخ : ابعد ابعد عنى
اياد : فى اى
مراد : مليكه والله العظيم كنت مضطر لكدا
مليكه بصراخ : مضطر انت كداب كداب مضطر انك تتجوز عليا انا
الجميع مصدوم : متجوز
مليكه : كنت بتبص فى وشى وتكدب عليا كنت بتقلى انك بتحبنى انت كداب يا مراد كداب
مراد : صدقينى ظرف اتحطيت فيه واضطريت لكدا
مليكه بصراخ : متقلش اضطريت متقلهاش مفيش مبرر يخليك تتجوز عليا
مراد اسمعينى بس
مليكه : مش عايزة اسمع حاجه وابعد عنى
مراد شدها من ايديها بس كان فى ايد شدته وضربته بالقلم : بابا
الجميع : بابا
خالد: ممكن اعرف حقيقى الكلام اللى مليكه قالته دة صح
جلال بحزن : يا عمى اسمع بس
مليكه بصتله بصدمه وراحت عندة : انت كنت عارف
جلال بص عالارض : ايوة
مليكه : بجد شكرا يا جلال شكرا عالوجع اللى عشته بسببكوا انتو الاتنين ومشت ووصلت عند مراد ولفت نص وشها ورقتى تبقى تبعتها عند عبدالله وانسى ان كان فيه فى حياتك واحدة اسمها مليكه
وسابته ومشت وراحت عند عبدالله
،اما عند مراد
خالد : يا خسارة تربيتى فيك انت متستهلش واحدة زى مليكه
جلال : يا عمى اسمع السبب اللى خلى مراد يعمل كدا
خالد بغضب: ولما كان فى سبب خبى ليه قلى
جلال : خاف مليكه تعرف
اياد : واديها عرفت
مراد كان تايه ومش قادر يستوعب اللى حصل ولا اللى بيحصل
مهاب : قولنا اى السبب اللى خلاه يعمل كدا
جلال قص لهم كل ما حدث
مهاب : غلطان كان لازم يرفض حاجه زى دى هتخلى حياته تنتهى
اياد : ولو افترضنا كان لازم مراتك تعرف يمكن كانت حلتها غلطت يا مراد وغلطك دة دفعك خسارة مراتك وبنتك
مراد قام وسابهم وخرج وركب عربيته
*********************”””””
عند عبدالله
مليكه قصت كل شئ لهم
منى : طب هتعملى اى
مليكه : هرجع
عبدالله : ترجعى فين
مليكه :……..
يتبع..
لقراءة الفصل الخامس والأربعون : اضغط هنا
لقراءة باقي فصول الرواية : اضغط هنا
نرشح لك أيضاً رواية المسمومة للكاتبة كوكي سامح
