روايات

رواية المنتقبة العمياء الفصل الرابع 4 بقلم أميرة حسان

 رواية المنتقبة العمياء الفصل الرابع 4 بقلم أميرة حسان

رواية المنتقبة العمياء الفصل الرابع 4 بقلم أميرة حسان

رواية المنتقبة العمياء الفصل الرابع 4 بقلم أميرة حسان

للاسف الأنسة عندها صدمة عصبية عن أذنكم.
دموعها نازلة مش بتقف وساكته تماماً والكل حواليها عاملين يبصوا ليها بضيق بعد ما طال السكوت قطع السكوت ده بباها….
بصلها بقرف وأتكلم.
_يلا نطلع بره خلى الشملولة ترتاح..
غمضت عينها جامد وهما سبوها وخرجوا….
فضلت تعيط لغاية ما راحت فى النوم من كتر التعب….
ــــــــــــــــــــــــــــــــــــــــــــــــــــــــ
براء راح على شقته وقفل تليفونه نهائي ومخلاش حد عرف يتواصل معاه..
ـــــــــــــــــــــــــــــــ
فات اسبوع بكل الحزن الى فيه أميرة كانت منعزلة تماماً فى اوضتها وبراء مكنش بيخرج بس كان بيفكر كتير فى المنتقبة الى قابلها عند البحر من يومها مش بتروح على باله….
………
أميرة لبست وخرجت عشان تنزل تشم هوا وهى خارجه سمعت صوت بباها بينده عليها وقفت وغمضت عينها بتعب وبعدين فضلت تسند على الحيطة لغاية ما وصلت لمكانه
_أنتى راحه فين يا هانم
اتكلمت بهدؤء خارجه شوية أنا اعصابى تعبانه ونفسي اخرج
كلمها بزعيق… ويا ترى الهانم هتخرج وقت ما تحب وترجع وقت ما تحب ولا اى هو انتى عايشة لوحدك ولا أكنى فى راجل فى البيت…!
أسفة لحضرتك ممكن أنزل شوية ده لو مش هيضايقك قالت أخر كلمة بسخرية وغلب..
غورى وياريت مترجعيش أحسن…
مشيت بدون ولا كلمة عيونها بتهدد بنزول الدموع قلبها وجعها اوى وبتتمنى الموت..
ـــــــــــــــــــــــــــــــــــــــــــــــــــــــــــــــ
أبو براء حزين جداً على أبنه الى مش عارف ليه طريق وتليفونه المقفول…
عند براء قرر يرجع البيت ويتعامل على حسب الظروف.
رجع براء البيت الساعه واحده ونص بليل وفتح الباب وهو رايح ناحية اوضته سمع صوت بباه الى بينادى عليه بتعب اتنهد جامد وراح لى أبوه اول ما شافة قام جرى حضنه وبراء حضنه جامد والاتنين عيطوا بعد ما هديوا شوية بعدوا عن بعض والاتنين كانوا بيبصوا لبعض بعتاب  طال الصمت بينهم شوية وبعدين أبوه اتكلم…
_هونت عليك يا براء تعمل فيا كده؛!!!!
براء بصله بدموع بتلمع فى عنيه هو مهما حصل بينه وبين أبوه هو بيعشقه هو الى باقيله فى الدنيا
أنا اسف يبابا حقك عليا متزعلش منى..
أبوه مسك وشه وحضنه بين إيديه…. ولا عمرى ازعل منك أبداً ده انت أخويا مش أبنى وقام براء معاه وفضلوا يتكلموا شوية
…..
براء بص لأبوه واتكلم
بابا هو انت لسه مصمم على الجوزاة دى..!
أنت عارف يا براء انا مش عاوزك تتجوز ولا حاجه خالص
بصله بصدمه!! ازاى يعنى
بصله بحزن واتكلم
كان نفسي اريح البنت من الى هى فيه يمكن أبوها عشرة عمرى لاكن البنت دى بالذات هو مش حنين عليها أبداً بيعاملها أسؤا معاملة بيعاملها على أنها حشرة!
براء بص لأبوه بأستفهام.
أميرة البنت الكبيرة هى ما شاء الله جميلة بس اتولدت كفيفة مش بتشوف أم أميرة بعد ما ولدتها حصلها شوية مشاكل فى الرحم طبعاً حسن زعل جدا وكرهه البنت اوى ولغايه النهارده بيحاول يخلص منها
براء اتكلم بغضب.. ازاى يعني يعمل كده فى بنته لى كده وهى ذنبها اى دى حاجه من عند ربنا هى ملهاش ذنب فيها وبعدين سكت واتكلم تانى
بس ازاى يبابا هى عامية ولابسة نقاب ومتعلمة أبوه بصله وضحك  هتصدق الى هقوله ليك!!؟
براء بصله بأستفهام وهز دماغه…
من يوم ما البنت اتولدت وربنا رزقه من الوسع متعبش فى تربيتها البنت من صغرها وهى ذكية بتحب العلوم الشرعيه بتجيب كتب وتقرأ رغم أنها مش بتشوف شوف  قدرة ربنا تتحب من اول كلمة معاها فيها شئ غريب بجد…
ـــــــــــــــــــــــــــــــــــــــــــــــــــــــــــــــ
أميرة راحت الملجأ بتحب الاطفال جدا وهما بيعشقوها أميرة بتشتغل من وراهم وبتتبرع بالفلوس للملجأ وبعدين راحت عند البحر فى نفس الوقت الى راح فيه براء هو كمان وهى ماشية خبطت فى حاجه وكانت هتقع وصرخت فجأة
يتبع……
لقراءة الفصل الخامس : اضغط هنا
لقراءة باقي فصول الرواية : اضغط هنا

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى