روايات

رواية نبض السيف الفصل الرابع 4 بقلم سارة محمد

 رواية نبض السيف الفصل الرابع 4 بقلم سارة محمد

رواية نبض السيف الفصل الرابع 4 بقلم سارة محمد

رواية نبض السيف الفصل الرابع 4 بقلم سارة محمد

نبض لقيت اميره بصه ناحيه بره..
فبصت شافت امنيه خطيبه هشام واقفه قدام الكليه…ووقفت عربيه قدامها ونزل منها هشام وقف جنبها كلمها وبعدين فتح لها باب العربيه…
نبض بصيت لأميره ومسكت المنيو بسرعه وقالتلها…بتوتر..كانت بتحاول تداريه..
نبض:  اطلبلك ايه تاكليه…
كانت بتحاول تغير الموضوع .. كانت بتحاول متخليهاش تفكر..
واميره لسا باصه عليهم..
نبض : ااااميره… ولسا بتلمسها..راحت اميره واقعه من على الكرسى..
نبض بخوف وبصوت عالى : اميره!!
تليفون اميره رن فى اللحظه دى..
وكان مكتوب …my pro♥️
ردت نبض بسرعه وبتوتر : الو ..اميره تعبت واغم عليها …
سيف: انتم فين ؟!
نبض : فى الكافيه الى قدام هندسه…
وبتكلم الجارسون ..هاتلى ميا لو سمحت وبترفع راسها…
لقيت واقف قدامها هشام وامنيه خطيبته…
هشام بخوف: ايه الى حصل..مالها اميره..بقلمى ساره محمد
طبعاً اتلم حواليهم كذا حد…
نبض : كانت تعبانه ..
هشام : طيب يالا نطلع على المستشفى..
نبض بخوف علشان عارفه ان سيف جاى : لا لا انا هحاول افو…قها
قبل متكمل الكلمه هشام شال اميره ودخل جوه فى الكافيه وحطها على الركنه…
نبض : طيب عاوزه ميا..
وحاولت تفوقها بالميا بس مبتفوقش..
هشام بيكلم نبض : ي بنتى انتى انا عارفها متخافيش..
خطيبته بصيتله…وبصيت لنبض وقالتلها مش باباكى دكتور ينبض اتصلى بيه…
راح باصص لخطيبته وقالها…لازم اخدها على المستشفى ..هو فى ايه يجماعه…
نبض : طيب استنا…
هشام بتوتر : استنا ايه..انا هتصل على سيف..يجيلنا على المستشفى….
نبض بخوف : استنا بس..انا كلمت اخوها..
هشام بتوتر وخوف على اميره كان واضح عليه جداً : مش هستنا انا…اكتر من كدا…ولسا بيقرب من اميره..وهيشيلها…
صوت وقفه وبعصبيه : شيل ايدك…
هشام : سيف!!
سيف معطالهوش اى اهتمام..وشال اميره وبص لنبض وقالها تعالى…
نبض طلعت تجرى فتحت باب عربيته..
وحطت راس اميره على رجليها ..
وهشام طلع يجرى ركب عربيته..ولسا هيطلع..
امنيه خطيبته  : انت رايح فين؟! انت مش هتوصلنى..
هشام : اركبى بسرعه تعالى معايا…(بقلمى ساره محمد)
امنيه بنرفزه وصوت عالى : اجى معاك فين ؟! مش جايه فى حته انا ولا انت رايح… واحنا ماال…نا..
وقبل متكلمل الكلمه كان هشام طلع بالعربيه…
بقلمى ساره محمد
فى عربيه سيف…
سيف بزعيق وغضب اكن بركان انفجر : ايه الى حصل!!
كان سايق بسرعه…
نبض : وانا مالى انا…وبعدين انت بتزعقلى كدا ليه؟!.
سيف بشخط : انا مش هعيد سؤالى تااانى…..ايه الى وصلها لكدا!! وايه الى جاب الزفت ده عندكم؟ ..
طبعاً كانت نبض عارفه من اميره ان سيف عرف كل حاجه فمعرفتش تستهبل….
نبض : احنا مالناس علاقه بيه هى تعبت نزلنا فى الهوا نشرب حاجه اغم عليها …بصيت لقيته هو وخطيبته قدامى…
وصلوا قدام باب المستشفى…
سيف نزل من العربيه وفتح الباب وشال اخته…
ونبض نزلت..
الدكتور اخدها منه جوه…
وقالهم اخرجوا…
ووصل فى اللحظه دى هشام…
هشام كل ميقرب ناحيتهم نبض قلبها يدق اسرع…خايفه من القيامه الى هتقوم دالوقت..
بقلمى ساره محمد
هشام بخوف وتوتر : الدكتور قال ايه ؟!
قالها قدامهم بدون اى ثبات انفعالى…
وده نرفز سيف اكتر وخلى تعابير وشه تتملى غضب اكتر..
سيف بنبره صوت عاليه : واانت..ولسا هيكمل
نبض بصوت اعلى قطعت كلامه وقالت…
واانت متخيل ان الدكتور هيرد علينا دالوقت !
ورفعت عينيها وبصت لعيون سيف وهى بتقوله…
حاول تهدا ان شاء الله هتبقا كويسه…
سيف مشا من قدامهم …
نبض بتكلم هشام : اومال فين خطيبتك !
بقلمى /ساره محمد
هشام بأستغراب : مجتش…
نبض : كان باين اووى خوفك عليها لحد اللحظه دى ….ثباتك لأنفعالى كان معدوم..
هشام : انتى قصدك ايه ؟!
نبض ابسمت ابتسامه بسيطه وقالتله بصوت واطى : قصدى انك تمشى دالوقت..ومتتخيلش انها تعبت بسببك ..لأنها اصلا مشافتكش وانا الى شوفتك وحاولت كمان ملفتش انتباهها..ولعلمك بقا هى لو كانت شافتك..كان برضو ولا هيفرق معاها…
هشام : انتى قصدك ايه ؟!
نبض بنبره صوت اعلى : قصدى ان وجودك ملهوش لازمه..وانك تمشى دالوقت ..لا قصدى تمشى على طول..روح شوف خطيبتك يا حضرت الظابط ….
هشام ادايق جدا من كلامها وطلع ركب عربيته ومشى…
سيف جه بعدها على طول …
وبترفزه…
هو راح فين ؟!
نبض : مشا ..ولو سمحت توطى صوتك علشان الصوت العالى بيدايقنى…
الدكتور خرج…
#sara_mohamed
سيف : ها يدكتور ؟!
الدكتور : هى شكلها مأكلتش بقالها كام يوم وضغطها وطى مره واحده ..لازم تتغذى كويس…..
وكمان شاكك ان فى سبب نفسى كمان…
هى هتفوق كمان شويا واحنا علقنا لها محاليل وعملنا لها اللازم..
#ساره_محمد
نبض : طيب ممكن ادخل اشوفها يدكتور..؟!
الدكتور : اه ممكن اتفضلى..
سيف : هتخرج امتا كدا يدكتور ؟!
الدكتور : لو هيبقا فى رعايه سليمه فى البيت ممكن لما المحاليل تخلص وتفوق..
بس يستحسن انها تفضل هنا لبكره..
سيف : تمام…
سيف دخل ووقف قدام اميره وكان باصص عليها..وبيكلم نبض..
هو السبب صح ؟!
نبض : اممممم..
سيف بصوت عالى : هو صح ؟!
نبض : صوتك لو سمحت..
وبعدين مش هو….مجرد صدفه..
هقولك كام مره ؟!
خرج سيف من الأوضه نزل يشرب فى الكافيتريا قهوه..ونبض فضلت قاعده مع اميره مستنياها تفوق..
بعد نص ساعه اميره فاقت….بقلمى ساره محمد
نبض : انتى متعرفيش ايه الى حصل ؟!
انتى اخوكى كان هياكلنى..ولا..هش..
وقررت انها تسكت ..
اميره : بتقولى ولا ايه ؟!
نبض : بقول ولا الوقعه الى وقعتيها…
نبض مكنتش عوزاها تتعلق بحاجه تانى..بتحاول تساعدها انها تنساه…
وفى اللحظه دى دخل سيف ….بقلمى ساره محمد
سيف : عامله ايه دالوقت ؟!
اميره : الحمدلله معلش قلقتك …
سيف : انتى ..انتى..انا اترعبت عليكى….
نبض وقفت جنبه وحطت ايديها فى جنبها وبصيتله بأستغراب…
الى هو ازاى بيعاملها حلو كدا وبيتنرفز عليا انا ويزعقلى…
اميره : مالك ينبض..
نبض : لا مفيش حاجه ..انا هخرج اعمل مكالمه وراجعه…
نبض : الو يا دادا فاطيمه…روحى النهارده وخدى اجازه …وخلى الشغاله كمان تروح..علشان انا مع صاحبتى فى المستشفى ..علشان هى تعبانه..ومتخافيش استأذنت من بابا..
وبصوت واطى..سامحنى يا رب على الكذب ده..
دخلت نبض الأوضه..لقيت سيف بيقول لأميره المحلول هيخلص ونروح…
اميره بصيت لنبض وقالتلها : نبض ممكن تباتى معايا النهارده..علشان تعبانه ..
نبض بصيت لسيف : وسكتت شويا وبعدين قالتلها تمام هقول لبابا…
خرجو من باب المستشفى وكانت الدنيا ساقعه…
#ساره_محمد
نبض : اقلع الجاكيت بتاعك …
سيف : نعم !!
نبض : الدنيا ساقعه واختك تعبانه..
قلع جاكيت البدله وحطه على كتف اميره وركبو العربيه
سيف بيسوق قدام…
واميره ورا هى ونبض …واميره نايمه على كتف نبض…
سيف : انا حاسس انى السواق..
نبض : انت فعلا السواق ..
سيف راح باصص عليها من المرايه ومردش عليها بس ادايق
اميره مكانتش معاهم خالص وكانت نايمه من التعب…
وصلوا البيت ..
باباهم : ايه الى حصل…
سيف : تعبت شويا بس يبابا ووديتها المستشفى
باباه : ازاى متتصلش عليا ؟!
سيف : محبتش اقلقك..
باباهم : ازيك يا نبض ؟!
نبض : الحمدلله تمام يعمو..
طبعاً امبارح اميره عرفته على نبض انما سيف فرجع البيت متأخر اليوم ده…
 اميره ونبض طلعوا الأوضه..اميره كملت نوم من التعب…
نبض : يبنتى متناميش اصبرى كلى حاجه الأول..
وفتحت باب الأوضه وبصيت لقيت باباهم..
نبض : عمو ….فين الشغاله ؟!
عوزاها تجيب اكل لأميره
هو : روحت….لو عاوزه اى حاجه المطبخ تحت على ايدك الشمال..
دا بيتك يبنتى انتى زى اميره..
نبض : تمام شكراً يعمو..
هو : لو احتاجتى حاجه ابقى اندهى عليا او على سيف…ومشى ودخل اوضته…
نبض نزلت المطبخ..لقيت النور طافى وباب التلاجه مفتوح…قربت اكتر من باب التلاجه..لقيت سيف بيطلع راسه من التلاجه…
نبض اتفجعت وصرخت..
سيف : ايه ..شوفتى عفريت ؟!
نبض : بلعت ريقها وحطيت ايديها على قلبها…
سيف : م طلعتى بتخافى اهو..
نبض : هو انت كنت بتعمل ايه جوا التلاجه؟!
سيف : كنت قاعد شويا علشان الجو حر …
ما اكيد يعنى كنت بجيب اكل وحاجه اشربها…
نبض :  طيب والنبى اعمل حساب اختك التعبانه معاك ..سيبلها حاجه تاكلها..
سيف : التلاجه عندك مليانه..وسابلها الباب مفتوح واخد معاه اكل وعصير ومشا…
نبض اخدت الأكل وطلعت جات تأكل اميره لقيتها راحت فى النوم خالص…
قررت انها متنامش وتستنا اميره لما تصحا علشان تأكلها…
وفتحت باب البلكونه وطلعت فى الهوا…
بصيت تحت فى الجنينه لقيت سيف قاعد تحت جنب البسين على الكرسى وحاطط  الأكل على التربيزه وبياكل…
نبض : الأنسان دا غريب اووى..وبيكرهنى اووى..وانا كمان مبطيقهوش..بس شايفه جواه حاجه كويسه…
جابت نبض الكرسى وقعدت فى البلكونه وفضلت باصه عليه..وهو اكل ومسك تليفون شويا ونام على الكرسى..
ونبض هى كمان راحت عليها نومه على الكرسى وكانت سانده بأيديها على حرف البلكونه وراسها على ايديها ..
صحيت اول الشمس مضربت فى وشها…فتفتح عينيها لقيته واقف تحت قصادها وباصص عليها….
رجعت بسرعه بالكرسى لورا…ودخلت جوا…
طبعاً اليوم ده محدش فيهم راح الكليه…
…. الصبح….
نبض : هجيبلك تفطرى…
اميره : تعالى ننزل نفطر..
نبض : لا انا مش جعانه…
اميره : سيف مشا راح الشغل من ساعتين على فكره..وبابا كمان .يعنى مفيش حد ..تعالى ننزل نفطر فى الجنينه علشان حاسه انى مخنوقه…
نزلوا قعدوا تحت وفضلوا يتكلموا..
ونبض مقدرتش تمسك لسانها وحكيت لأميره على كل الى حصل..
بالليل الساعه 12 ….
نبض : اووف نسيت الميا مفتوحه فى الفيله وانا باخد شاور …لازم اروح اقفلها ..الفيله هتتغرق…
اميره : مكنتى اخدتى الشاور هنا ..ايه لزمتها الشحطته ديه..
نبض : انا بابا واخده منه الأذن بالعافيه انى ابات معاكى..ولولا كمان ان باباكى هو الى كلمه…
وبعدين لبسى كان هناك …
اميره : مقولتك خدى لبس من عندى…ايه المشكله
نبض : معلش بحب لبسى..ومبعرفش البس مكان حد .
انا مش هتأخر…
نزلت نبض …وراحت الفيله…وسيف جه من الشغل وخبط على اوضه اميره ودخل يطمن عليها…
سيف : عامله ايه النهارده ؟!
اميره : الحمدلله كويسه..
انت كان يومك عامل ايه ؟!
سيف : ماشى الحال…
معلش ممكن ترنلى على نبض من تليفونك هقولها حاجه علشان رصيدى خلص…
خد الرقم اهو…
ومليتله الرقم…
 ومسك تليفونه واتكا على اتصال…
اميره : انا رايحه الحمام .لما ترد قولها متنساش تقفل الباب كويس وتجيبلى مفاتيحى الى كنت نسياها عندها…
وسابته ومشيت …نبض فتحت..
سيف : الو بتقولك اميره متنسيش مفاتيحها واقفلى…
قطع كلامه صوت نبض وهو بتقوله :شششش…
وبعدين صوت ربكه والتليفون اترمى على الأرض…
وصوت شخص …
هاتى الفلوس ال هنا …
#ساره_محمد
نبض : مفيش فلوس هنا…
الشخص : هاتى المجوهرات الى هنا…
نبض : مفيش مجوهرات هنا…
الشخص : ومفيش دهب والخزنه فاضيه..
نبض : فى سيبشى تااخد.؟!
الشخص : لا هاخد حاجه تانيه منك احسن…
سيف طلع المسدس ورمى التليفون وطلع يجرى…
يتبع….
لقراءة الفصل الخامس : اضغط هنا
لقراءة باقي فصول الرواية : اضغط هنا

‫3 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى