رواية ذئاب لا ترحم الفصل الرابع 4 بقلم إسراء أشرف

_عندما وصلت حياة إلي شقتها شعرت بخوف شديد لا تعلم من أين فنظرت لياسر 

-حياة: ياسر أنا خايفة يكون عمي هنا وقلبي بيوجعني 

-ياسر: تحبي نرجع 

-حياة: لا أنا لازم أجيب شوية حاجات مهمة أطلع أنت قدامي 

-ياسر: حاول أن يقلل خوفها قائلاً مش عيب صحفية مشهورة تخاف كدا يلا أنا معاكي متخافيش ثم أمسك يدها وصعدا سوياً 

-حياة: وجدت باب الشقة مفتوح وصوت أحد ما بالداخل ففتحت الباب علي مصرعة وبالفعل وجدت عمها وابنه يجلسون بالداخل 

-ياسر: ممكن أفهم أنتم دخلتوا هنا أزاي 

-سالم: أهلاً بالغالية يعني مكفكيش هربتي وجبتلنا العار كمان رجعة بالليل مع راجل غريب أنا لازم أقتلك انهارده وحاول أن يرفع يده عليها

-ياسر:كان أسرع منه وقف أمام حياة قائلاً أنت بتعمل ايه وسع وأياك أيدك تترفع علي مراتي تاني فاهم وإلا هقطعهالك 

-سيد: بتقول ايه يامجنون أنت حياة دي بتاعتي أنا ومحدش غيري هيتجوزها 

-ياسر: أنت شكل فهمك بطئ بقولك مراتي يعني أتكتب كتابنا خلاص ويلا أطلعوا برة بدل ما أقبض عليكم دلوقتي اه عشان يكون عندكم علم أنا وكيل نيابة يعني بسهولة جداً ممكن أبيتكم في السجن بتهمة أقتحام الشقة وكسر الباب وكمان بتفتشوا في الشقة بدون وجه حق يعني حبس مؤكد 

-سالم: شعر بالخوف من كلام ياسر فأردف قائلاً مش تقولي يا بنتي أنك أتجوزتي عشان نعمل الواجب وحقكم علينا ياولدي 

-حياة: بالله عليك ياعمي بلاش تقلب ملاك متفتكرش هصدقك وعايزة أقولك أن حقي هبيعة ومش هسيبهولك أبداً ومش هضيع كل اللي بابا عملة وكلة مكتوب باسمي يعني بالشرع والقانون كل حاجة ملكي 

-سالم: ايوه يا بنتي عارف وشوفت الورق مع أبوكي الله يرحمه 

-ياسر: شرفتوا 

-سالم: يلا يا ولدي عشان نلحق نرجع قنا قبل القطر ما يفوتنا ثم خرج هو وابنه

-حياة: جلست علي الأرض وظلت تبكي بشدة قائله ليه يا بابا سيبتني ليه سيبتوني كلكم وبقيت لوحدي يارب كان نفسي أكون معاهم

-ياسر: أهدي ياحياة ربنا بيحبك ودا أبتلاء لازم تحمدي ربنا 

-حياة: الحمد لله بس عمي مش هيسكت وكمان ابنه أنت فاكر أنه هيسافر فعلاً لا أبداً دا هيفضل لحد ما ياخد كل حاجة ومش بعيد يقتلني 

-ياسر: طول ما أنا جمبك متخافيش أبداً كفاية عياط عشان خاطري ويلا شوفي هتاخدي ايه عشان نمشي 

-حياة: حاضر هدخل أغسل وشي لأن حاسة بدوخة وهاجيب الحاجة 

_دلفت حياة بعدما غسلت وجهها إلي الغرفة التي كانت تجمعها هي وأخواتها أمسكت بشنطة سفر ووضعت بها ملابسها واللاب توب الخاص بها وبعض محتواياتها الخاصة وأغلقت الشنطة ظلت تنظر للغرفة وتشعر بوجود أخواتها بكت بشدة لفقدانها أهم أشخاص في حياتها ثم اتجهت نحو غرفة أبيها وأمها وأخذت الأوراق التي تثبت ملكيتها في الورث كاد أن يغشي عليها من شدة البكاء فجلست علي السرير

-ياسر: دخل لحياة لشعورة أنها تأخرت بالداخل رأي حالتها فأقترب منها قائلاً أنا بقول كفاية كدا ويلا نمشي 

-حياة: مش قادرة يا ياسر أنا بموت بجد ألف مرة في الدقيقة عارف يعني ايه في لحظة يتسرق سعادتي 

-ياسر: حياة حرام عليكي أنتِ مؤمنة بالله ومينفعش الكلام دا 

-حياة: غصب عني والله مش قادرة أعيش من غيرهم هما كل حاجة حلوة في حياتي يارب قويني 

-ياسر: طيب يلا ثم أمسك يدها وأخذ الشنطة في يدة الأخري وخرجوا من الشقة 

_داخل السيارة كانت حياة طوال الطريق تنظر من النافذة شاردة الذهن لا تشعر بأي شيء جسد بلا روح ظلت علي هذه الحالة حتي وصلوا إلي الفيلا 

-ياسر: حياة احنا وصلنا 

-حياة: تمام أنا أسفة تعبتك معايا 

-ياسر: مفيش تعب وبعدين أنا جوزك وأي حاجة محتاجاها تطلبيها علي طول وأنا عليا أنفذ 

-حياة: ربنا ما يحرمني منك 

-ياسر: ولا منك يا حبيبتي طيب بقولك عندي طلب 

-حياة: أكيد أتفضل قول 

-ياسر: هالة أختي متعرفش علي الأتفاق اللي بينا عشان كدا طول ما هي موجودة هنكون مع بعض في أوضة واحدة وهنكون قدامها زي أي زوج وزوجة أتفقنا 

-حياة: أتفقنا 

-ياسر: تمام يلا بينا 

_داخل الفيلا كان الجميع بأنتظار رجوع ياسر وحياة 

-فريدة: أستقبلت حياة
بالأحضان حبيبتي وحشتيني الكام ساعة دول 

-حياة: تسلمي يا ماما 

-هالة: أنا كدا هغير 

-ياسر: وأنا كمان شكل حياة هتاخد ماما مننا 

-فريدة: كلكوا عندي واحد بس حياة غيركم خالص هي اللي سكنت قلبي عشان بتسمع الكلام وهتقوم تغير وتنزل عشان نتعشي كلنا سوى وتاخد علاجها 

-حياة: حاضر يا ماما رغم أن مليش نفس بس عشان خاطرك 

-ياسر: هطلع أغير أنا كمان علي ما العشاء يجهز 

-فريدة: علي راحتك ياحبيبي 

_صعدت حياة وغيرت ملابسها ثم جلست حتي يخرج ياسر من الحمام 

-ياسر: أنا خلصت يلا بينا 

-حياة: طيب أنزل أنت وأنا جاية وراك 

-ياسر: طيب متتأخريش الكل هيستناكي ثم نزل إلي الأسفل