رواية قصة حب أبكاها القدر الفصل الرابع 4 بقلم وفاء كامل
 |
| رواية قصة حب أبكاها القدر الفصل الرابع 4 بقلم وفاء كامل |
رواية قصة حب أبكاها القدر الفصل الرابع 4 بقلم وفاء كامل
وصلنا الفصل ال فات عندما حكت يارا كل شئ لمحمود
وعندما سمعها حزب بشدها عليها وقل لها.. عشان كدا كنتي ف الشارع ف وقت متاخر لانك مخنوقه وتعبانه نفسيا ولما اصدمتي بي واتكسرت الشاشه وانتي صممتي تصلحيها واديتك رقمي محاولتيش تكلمني خالص
يارا.. فعلا كنت بمر بمرحله صعبه
ولما لقيت اختي وجوزها بيتخانقوا بسببي وبابا مصمم قررت اوافق ع الخطوبه
محمود بصدمه.. وافقتي ????
يارا بحزن.. ايوه وخطوبتي ع خالد كانت امس
محمود بحزن والم ف صدره.. مبروك
طيب انا لازم امشي
يارا بدهشه.. ليه ????
محمود.. مينفعش اقعد معاكي وانتي ملك حد ومخطوبه ليه لاني مردهاش ع نفسي ف مردهاش ع غيري وقعدنا سوا دي غلط
يارا بابتسامه.. انت طيب اوي يامحمود ومافيش ذيك الايام دي
بس انا اتخطبت غصب عني ومش بطيقه ولا بحبه
محمود.. والله انا حاسي بيكي وعارف ال بتمري بيه ومقدر
وتاكدي ان ربنا كرمه كبير
وانشاء الله هيقف جمبك لان كل حاجه بتحصلنا فيها حكمه لينا
يارا.. ونعم بالله
بس انا تعبت وزهقت يامحمود م ال بيحصلي ليه
هو انا عملت اي ف حياتي عشان يحصلي كدا
اشمعنا انا ????
محمود بحزن.. استغفري ربك يا يارا
وارضي بقضاء ربنا
،، كل ما يصيبنا ال ما كتبه الله لنا ،،
عايزك دايما مؤمنه بالله
يارا.. عندك حق… بس انا حاسه اني لوحدي وبواجه لوحدي وحدش جنبي
محمود بابتسامه.. خلاص بقا متزعليش وانا معاكي اومال انا روحت فين ????
يارا.. تسلم يامحمود
محمود.. بصي لما تواجهك مشكله
رددي دايما.. لا اله الا انت سبحانك اني كنت م الظالمين
وصدقيني ربنا هيخرجك م هذه المحنه
ابتسمت له نور وظلت تنظر لهبسعاده وتشكر ربنا ع وجوده معاها
يارا كانت سعيدة اووي وحاسة باحساس غريب وهو كمان كان حاسس ان قلبه طاير
محمود.. يارب اشوفك دايما سعيده وفرحانه ويبعد عنك الحزن
يارا بابتسامة وفرحه.. ربنا يخليك يامحمود
بس بجد متتصورش كان نفسي اقعد مع حد واتكلم معاه اد اي
بجد شكرا ليك
محمود.. عيب عليكي انا تحت امرك ف اي وقت وتاكدي مهما تقوليلي عمري ما هعرف حد
يارا.. تسلم
تعرف اني سعيده بتواجدي معاك هنا
انا م ساعت ما جيت القاهره وانا نفسي اوي اقعد ع النيل
كنت بتمشي بالعربيه حوالين المكان ده واقعد ابص عليه وبيبقي نفسي انزل اقعد فيه بس مش عارفة ليه مكنتش بعمل كده
محمود.. وليه بقا كل ده؟
سهله ع فكره انزلي واقعدي عادي
احنا كدا الشعب المصري نشوف البحر نرمي حمولنا عليه ونشتكي ليه سبحانه الله كانه بيسمعنا ويشيل عننا شويه
البحر مليان اسرار
يارا.. فعلا والله عندك حق
بس انت عارف لما تكون نفسك تعمل حاجة بتحبها بس بتخاف
عارف الاحساس ده؟
محمود يبصلها باعجاب وكانه شايف واحد تانيه خالص
محمود.. عارفه اول ما شوفتك قولت عليكي ايه
يارا.. اي بقا؟
محمود بابتسامه.. خلاص بلاش????
يارا بضحك.. هههههههههه لا قول
محمود.. الصراحه كنت بقول عليكي مغرورة ومتكبرة انما في الحقيقة انتي مش كده خالص..فعلا الامور ليست كما تبدو
يارا.. وانا كمان كنت فكراك بني ادم قليل الذوق وغريب
بس طلعت طيب اووي ????
اخذوا يضحكون ع كلامه
ومر الوقت بسرعه ف دائما اللحظات الحلوه تمر هكذا بسرعه البرق
اوصلها محمود الي بيتها وهو يقف معها امام البيت
يارا.. انا متشكره جدا يامحمود ع كل حاجه
محمود.. تاكدي اني مستعد اسمك العمر كله واقف بجانبك دايما ف اي مشكله
انتي بقيتي شخص قريب مني والله حاسس اني اعرفك م زمان
لذلك اتمنى نبقا اصدقاء
مدت له يدها وقالت له يشرفني تكون صديق ليا ????
ولكن فجأه وجدت يد تسحبها م يدها
نظرت له وصدمت عندما وجدته????
يارا.. خالد انت بتعمل اي هنا ????
خالد.. انا هنا مستنيكي م زمان وحضرتك اتاخرتي
فستأذنت م جوز اختك ومشيت ولما نزلت لقيتك واقفه مع الباشا
هو ده بقا ال ترفضي خروجتي عشان تبقي مع الحيوووان الجربوع ده
يارا بعصبيه ونرفزه لم تتحكم ف نفسها وصفعته ع خده وقالت له.. اخرررررس
انا مسمحلكش انك تتكلم معايا كدا
والحيوان ده احسن منك
اياك تتكلم بالطريقه دي عليه
ده خط احمر
واخر مره احذرك تبعد عني ياخالد و لا تسالني رايحه فين وجايه منين وانا بكلم مين وقعده مع مين لازم تعرف اني حره
وانت ملكش الحق انك تتحكم فيا
محمود كان مصدومه م ردته فعلها لكنه كان سعيد لانها تدافع عنه
خالد بعصبيه.. انتي بتضربيني انا والكلام ده ليا انا
انا خطيبك ياهانم وليا الف حق عليكي
واقسم بالله لهدفعك ثمن القلم ده غالي اوي
وتركها وذهب
وازاح محمود امامه بغضب.. اوعي من وشي!!
يارا بحزن.. بجد انا اسفة اوي يامحمود علي ال حصل انا مش عارفة اقولك ايه؟????
محمود بابتسامة.. ولا يهمك…انا ماشي وانتي اطلعي يلا
سلام
يارا.. حاضر… سلام
يارا كانت بتبص عليه وهو ماشي بصة غريبة اوي
محمود خارج طاير من الفرحة انها زعقت لخطيبها وصفعته علشانه
ويارا اصلا هتتجنن هي اتعصبت علشانه كده ليه؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محمود رجع بيته وطاير من الفرحه
ووالده سعيد جدا ع سعادته وتركه وذهب لينام
اما عن صديقه ممدوح كان يجلس مع حسن والد محمود ينتظر صديقه
وتفاجئ برؤيته سعيدا هكذا وكمان يغني وهو ماشي
مش مصدق نفسه معقوله صاحبه الكئيب الحزين دائما
وعلي طول جد يبقا بيغني ومبسوط لا اكيد ف حاجه غريبه ف الموضع ولازم اعرفها هههههههه
ممدوح باندهاش.. مالك ياحوده ايه مفرحك اوي كده؟
محمود بفرحه.. انا حاسس اني طاير وقلبي بيدق جامد
حتي اسمعه كدا ياممدوح واقترب منه وامسك برأسه ووضعها ع صدره ليسمع نبضات قلبه
ممدوح بصدمه.. ف اي ياعم انت سبني
ليه بقي كل ده ما تفرحني معاك؟؟
هو ف اي بالظبط اي ال بيحصل
شامم ريحه واحده ف الموضوع هههههه
ويحكي محمود لصديقه بسعاده ع ال حصل م يوم الكليه وانها حست بتواجده وسمعت ضحكته واصدامه بها وكسرها للشاشه وقعدتهم مع بعض وكلامهم
وال عملته عشانه مع خطيبها
ممدوح بخبث.. يابن اللظينه ????????
وده يبسطك اوي كده في ايه؟
محمود بارتباك.. هااا لا ابدا مفيش
ممدوح بضحك.. يابني قول متخبيش ده احنا اخوات????
قول قول وانا مش هقول لحد
ها انت مالك بقي؟
محمود بارتباك.. لالا مافيش حاجه
انا بس فرحان علشان نصفتني قدامه
ممدوح بمكر.. ااااااااه طب يلا بقي غير هدومك وننزل نسهر سوا
محمود بتنهيده وفرحه.. لاااااا اسهر اي
انا هنام ..تصبح علي خير
ممدوح بضحك.. يعني بتطردني بالزوق ههههه
وانت من اهله يااازوووق ????????
ممدوح يهمس من غير ما محمود يسمعه
“ولا ووقعت ياحوده ومحدش سمى عليك ????”
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يارا معرفتش تنام طول الليل وكانت طول الوقت بتفكر في محمود
وهو كذلك كان طول الوقت بيفكر فيها وسعيد
وبعد لحظات غاصوا هما الاثنين ف نوم عميق وكل منهما غاااارق ف احلامه
ف كل منهما يحلم بالاخر ????
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف صباح يوم جديد
استيقظت يارا بسعاده وقامت بفرض ربنا وبعد ان انتهت م الصلاه دعت ربها ان يكون شعورها نحو محمود حقيقي وتخلص م ال اسمه خالد وابوها يرضى عنها
حضرت نفسها للذهاب للكليه فهي متشوق لرؤيه محمود
ارتدت فستان طويل اسود وعليه چاگت شينز
ورفعت شعرها الى فوق واكتفت بخصلات م شعرها ع عيونها ووضعت ميكب خفيف
ذادها جمالا
وخرجت م الغرفه
وجدت فاطمه وطارق والاولاد بيفطروا
طارق.. صباح الخير ياحبيبتي صاحيه بدري يعني
يارا بسعاده.. ياصباح الهنا ياصباح الورد ياصباح الفل????
الجميع ف صدمه ????
فاطمه.. مالك ياقلبي مبسوطه كدا ليه
يارا.. انا حاسه اني طايرااااا
وعايزه اروح الكليه وافضل هناك ع طول بقيت احبها اوي اوي اوي
طارق يتعجب م امرها.. ربنا يبسطك دايما ياحبيبتي
تعالي افطري وننزل اوصلك
يارا.. لا انا هركب تاكسي خليك انت يابيه
فاطمه باستغراب.. ومن امتى وانتي بتحبي ركوب التكسيات ????
يارا بفرحه.. م النهارده ????
وتركتهم ف حيره وذهبت
طارق ينظر لفاطمه باستغراب.. هو اي ال بيحصل مالها البت دي ع الصبح
فاطمه.. هااا
شكلها بتحب ياطارق
انا عارفه النظره دي
طارق.. بتحب خالد ????
فاطمه.. خالد اي بس اكيد لا
طارق.. واي الموضوع بالظبط يافاطمه هو ف حاجه انا معرفهاش
فاطمه بتوهات.. بتحب الجامعه اوي وبقت بتحب ركوب التكسيات يبقي اكيد هو????
طارق.. هو مين
فاطمه.. انا هحكيلك كل حاجه بس البس الاولاد عشام الباص قرب يجي وبعدين احكيلك
طارق.. ماشي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يارا اتصلت ب محمود بحجه انها لم تجد تاكسي واتاخرت ع المحاضره وزوج اختها راح ع الشركه
سعد كثيرا وقال لها حالا انا جايلك ف الطريق ????
انتظرت يارا محمود وبالفعل 10 دقائق وجالها بسرعه البرق ????
محمود بابتسامه .. اتاخرت عليكي
يارا.. لا
محمود.. طيب يلا اوصلك
وركبت معه يارا ف الخلف
مع ان محمود كان يتمنى ان تجلس بجانبه لكن اتكسف يقولها كدا وكان طول الطريق ساكت
فقط ينظر لها ف المرأه امامه ويبتسم وهي تراه وتخجل وتنظر ع الطريق
يارا قررت تكسر الصمت ده
يارا.. هو انت مش هتروح الكليه النهارده
محمود.. عندي شغل والله
يارا بحزن.. ربنا يوفقك
محمود لاحظ انا اضايقت فقال لها.. بس لو حابه اروح الكليه ونقعد ف الكافتريا شويه نشرب قهوه تمام ????
يارا بارتباك.. ها….. لا عادي….. براحتك ????
محمود.. ???????? تمام
انتي ادخلي الكليه واحضري محضرتك وانا ساعتين كدا وجاي اشوف بس حد يشتغل مكاني ع التاكس وبعدين هجهز واجي
يارا.. لو هسببلك مشكله بلاش خلاص وكمل شغلك
محمود.. لا مشكله ولا حاجه
بس التلكسي ده لازم يفضل شغال عشان فاتح بيتين
يارا حست بخنقه ف صدرها عندما استمعت لهذه الكلمه وظلت تتسال بيتين ازاي يعني
بيت اهله والبيت تاني مين ممكن يكون متجوز ????
لا مش معقول باين عليه شاب صغير
نزلت يارا م التاكسي ولم تنظر وراءه واستغرب محمود اي ال قلب كيانها بالشكل ده
ذهبت يارا للمحاضره وهي شارده تفكر ف كلام محمود
فرح.. الله الله احنا بقينا بنحضر محضرات اهو
اوعي يابت كمان تقوليلي بقيتي تذاكري ????
يارا بضحك.. هههههه اي بت مالك ع الصبح كدا
وبعدين مذاكره اي وكلام فارغ اي احنا بتوع الحاجات دي اصلا ????????
فرح..اهااااا منا قولت كدا يافاشله ????
يارا.. يلا يابت م هنا
فرح.. مش قبل ما اعرف اي ال مغير الجميل كدا ف حاجه انا معرفهاش صح
يارا بتوتر.. ها…… لا ابدا
فرح بضحك.. ماشي هعديها المره دي لكن مسيري اعرف ????
يارا .. فروحتي ????
فرح.. طالما فيها فروحتي يبقا عايزه حاجه
وبعدين بقا ف الصحاب المصلحجيه دي
????
يارا.. اخلص يابارده عايزه اسالك ع حاجعه
فرح.. امور ياجميل
يارا بتوتر.. هو انتي تعرفي كل حاجه ع محمود
فرح بمكر.. ها محمود مين ????
يارا اتغاظت عليها وضربتها بالحقيبه خاصتها.. بت بطلي استعباط
فرح.. اااااه خلاص براحه ياحج مش كدا هههه
يارا.. ياخربيت تقل دمك انا ماشيه ????
فرح بضحك.. هههه خلاص تعالي بس وانا هحكيلك كل حاجه
يارا.. ماكان م الاول يارخمه
فرح.. بصي ياستي محمود مامته متوفيه م ٦ سنين ف الصعيد
يارا.. اي ده هو م الصعيد
فرح.. اه
يارا منين بالظبط انهي بلد سوهاج ولا الاقصر ولا قنا ولا المتيا ولا وادي الجديد ولا……
قاطعتها فرح بضحك.. ااااي يابنتي خريطه مصر دي كلها هههههه
انا معرفش هو انهي بلد بس الكل يعرف انه م الصعيد وبس
المهم هو عايش مع والده ومعندوش صحاب خالص ف الكليه بيجي يحضر ويمشي وطول الوقت مقضيه ف المكتبه المركزيه
يارا.. يعني هو خاطب او متجوز
فرح.. لا طبعا مافيش الكلام ده
وعمرنا ما شوفناه قاعد مع واحده ولا بيتكلم مع واحده خالص
قاطعهم محمود وقال.. صباح الخير
فرح بصدمه.. صباح النور ????
يارا.. اتاخرت ليه
محمود.. معلش الطريق بقا يلا نروح الكافتريا نفطر
يارا بابتسامه.. اوك
سابقها محمود
اما عن يارا كامت تضحك ع منظر فرح وهي مصدومه م ال حصل ههههه
يارا.. مالك يامضروبه
فرح.. هو بجد جيه واتكلم معانا
يارا.. وفيها اي يعني
فرح.. وكمان عازمك ع الفطار ????
يارا بضحك.. هههههه اه
فرح .. انا كنت بقولك اي
وعمرنا ما شوفناه قاعد مع واحده ولا بيتكلم مع واحده خالص
الا النهارده
يارا بضحك.. ههههه طيب يلا بقا سلام
فرح.. الله يسهلوووا اعم ????
يارا.. بت اتلمي
فرح.. يارب اوعدنا بقا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الكافتريا
محمود.. تحبي تفطري اي
يارا.. لا مش مهم كفايه نشرب قهوه
محمود بضيق.. لو خايفه تحرجيني متقلقيش الحمدالله مستوره
شوفي بس تفطري اي
يارا.. مقصدش والله
خلاص ذي ما تحب
يارا تعلم بظروفه ولا تريد ان تضغط عليه وتعلم جدا انه لن يتركها تحاسب هي فهو لديه عزت نفس
محمود.. لو سمحت
ممكن وجبه سوبر دينر بلس
( 10 قطع فراخ كنتاجي + ارز + باكت بطاطس + سلطه كولسلو +بيبسي +4 خبز)
(????وجبتي المفضله انا والبنات ف الكليه وياسلام اواستربس وسبايسي ????
بجد كانت ايام حلوه ايام الكليه الواحد لسه متخرج الدفعه دي وحاسس بالاشتياق ليها والملل مع اننا واحنا ف الكليه مكناش بنطيق نقعد فيها ونزوغ م المحاضرات نتفسح
وحاليا اتمني ارجع تاني
سبحان مغير الاحوال ????????????)
نكمل روايتنا
يارا.. لا يامحمود خلينا نفطر حاجه بسيطه مش لازم ده كله
( لانها تعلم انه غالي)
محمود.. عادي بقا
هو انا بقعد معاكي كل يوم
دي اول مره ولازم اعمل الواجب وبعدين انا اصلا بحب الوجبه دي
وعارف انك بتحبيها
يارا.. وعرفت ازاي
محمود.. كنت بشوفك مع البنات
يارا.. اي ده هو انت كنت ملاحظني اصلا
محمود.. الصراحه ايوه م اول سنه ف الكليه وكنت بقعد جنبك ف المحاضره اتمني اكلمك بس مكنتش اقدر اعمل كدا
يارا.. وانا ال بحسب انك اول مره تشوفني لما ركبت معاك التاكسي وشدينا مع بعض هههه
محمود.. لا انا فرحت جدا لما شوفتك بيس اتافجأت بغرورك وتكبرك وشلتك م دماغي
يارا ????????
محمود بضحك.. بس لما عاشرتك عرفت اد اي انتي طيبه اوي وح…….،????
يارا.. و اي كمل
محمود.. لا ملهوش لزوم المهم اخبار خالد اي
يارا.. صدق انا نسيته اصلا ونسيت اني مخطوبه ههههه
محمود.. ارجو مكتش سببتلك مشكله معاه
يارا.. لا ابدا
محمود.. باذن الله ربنا هيصلح الحل ويحققلك كل ال تتمنيه
يارا.. تسلملي يا حوده
محمود بصدمه.. انتي قولتي اي ????
يارا بخجل.. تسلملي
محمود.. لا مش دي ال بعدها
يارا بتوتر .. ع اي
هو احنا بنتكلم ع اي
هو انت عايز حاجه
طيب قولت حاجه ????????????
محمود.. متهربيش م السؤال ????
بجد انا سعيد اوي
لما سمعتها منك
ده الاسم المفضل ليا لان والدتي الله يرحمها كانت دايما بتناديني بيه وحاليا صاحبي ممدوح بس طالعه منك حاجه تانيه خالص ????
يارا بخجل.. اكتفت بالسكوت ????
وجاء الطعام وتناولوا سويا لاول مره
وقضوا اجمل يوم ف حياتهم
يارا شافت ان ف حفله ف الكليه وجميع م تعرفهم متواجدين بها
نظرت لمحمود بسعاده بعرف ماذا تريد
فامسك بيدها امام الجميع تحت نظراتهم واندهاشهم.. معقوله محمود ماشي مع بنت وكمان ماسك ايدها ????..
كانت نظرات حقد م باقي الفتيات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ف الحفله
كان هناك شباب يغنون
والجميع حولهم سعداء
وبعد ان انتهوا م الغناء حبوا يلعبوا لعبه
احنا هنحدف ال الورده دي ع شخص الموجودين وهيطلع يوصل رساله للي بيحبها وهو بيغني امام الجميع
بدأت تتعالي اصوات كل م موجود والتصفيق والتصفير
وبالفعل حدفوا الورد بعيدا وفجأه
وقعت امام محمود ????
نظر الجميع اليه وصفقوا ليذهب الي المسرح
لكنه اتكسف اوي ولم يتحرك م مكانه
فامسكت يارا يده وقالت بسعاده.. متخفش روح
محمود.. بس انا مش بعرف اغني صوتي وحش
يارا.. قول اي حاجه وخلاص مش مهم دي لعبه مش مسابقه يعني
محمود.. بس
يارا.. يلا اطلع هناك
وبالفعل صعد محمود ع المسرح وسط ذهول الجميع فهما يعرفون شخصيته الجديه واسلوبه وابتعاده ع الجميع وهادي دائما
برغم ان محمود كان خجول جدا
الا انه عندما نظر ف عيون يارا امامه نسي كل الحاضرين وركز معها هي فقط
وكانهم ف مكان لا يوجد غيرهم ابدا
وحصلت الصدمه
والكل تفاجئ بجد
محمود صوته جميل جدااااا ف الغناء ورقيق
حتي يارا تفاجأت م صوته ????
محمود غني لهم وكانه يوجه رساله فعلا ليارا
ومدى حبه لها
ثم ف وسط الغناء مد يده للاسفل لها وامسك يده وصعدت بجانبه ع المسرح واكمل غناء وختمها بكلمه احبك ????
وتعالت التصفيق والتصفير
وهناك اعين حاقده ع يارا واعين سعيده لها
واعين تريد الانتقام
نعم انها اعين.. خااالد….
فهو اتى للكليه لكي يصالحها ويقعد معها ولكنه تفاجئ بها ع المسرح وممسكه بيد محمود ويقول لها احبك ف اخر اغنيته
قرر ان ينتقم منهم هما الاثنين
ازاي تسيبه وتحب الجربوع ده ????
يتبع..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية حياة فرحات للكاتب إسلام عبد العزيز
