Uncategorized

اسكريبت شريك قلبي الجزء الرابع 4 بقلم روان الطهطاوي

 اسكريبت شريك قلبي الجزء الرابع 4 بقلم روان الطهطاوي

اسكريبت شريك قلبي الجزء الرابع 4 بقلم روان الطهطاوي

اسكريبت شريك قلبي الجزء الرابع 4 بقلم روان الطهطاوي

كريم بغضب: ولله ما هسيبك يا بن ال****
اخد مفاتيحه و موبايله ونزل من الشركه بسرعه و ركب عربيته و ساقها…. 
في مكان شغل شريف والد لمي 
وصل كريم و نزل من عربيته و دخل..
-ممكن ادخل لاستاذ شريف لو سمحتي 
_اقوله مين حضرتك 
-كريم صفوت 
بعد ثواني 
_اتفضل يا فندم 
شريف:اهلا يا كريم ازيك 
-انا بخير يا عمي حضرتك اخبارك ايه 
_الحمدلله يبني 
-انا اسف اني جيت لحضرتك من غير معاد بس محتاج اتكلم مع حضرتك في موضوع مهم 
_اتفضل ولا يهمك 
-اكيد طنط حكت لحضرتك علي اللي حصل امبارح 
_اه فعلا و انا كنت ناوي اخلص شغلي و اروح لابوه 
-طيب النهارده الصبح وصلي جواب من حسام الزفت بيهددني فيه انه هيأذي لمي و مش هيخلي الخطوبه دي تتم 
_ليه هو فاكر نفسه مين دنا افعصه تحت رجلي لو حاول يقرب من بنتي و يمس شعره منها و اوديه فداهيه هو وابوه وامه الحربايه الهبله دي 
حاول كريم يكتم ضحكته بصعوبه:احم احم طيب انا كنت عايز اطلب من حضرتك طلب..هو تقيل شويه بس انا عشمان فحضرتك توافق 
-اتفضل انا عنيا ليك 
_ربنا يخليك يا عمي..انا كنت عايز اكتب الكتاب في الخطوبه 
-ايه ده ليه ايه السبب يعني 
_انا عايز احمي لمي و كمان عايز اكون براحتي اكتر معاها 
-اول نقطه اللي هي حماية لمي ف انا اقدر احمي بنتي كويس اوي و بالنسبه لتاني نقطه انتو متعرفوش بعض كويس و احنا عملنا فترة خطوبه عشان تتعرفو علي بعض 
_يا عمي انا بحب لمي من تلت سنين و عارف عنها كل حاجه بتاكل ايه بتشرب ايه بتحب ايه…مكنتش قادر اجي اتقدم عشان مكنتش لسه اشتغلت و جبت شقه و امنت مستقبلي كنت بدعي ربنا ف كل صلاه و كل يوم انها متبقاش لحد غيري وان ربنا يحفظهالي و رغم اني كنت بحبها حب لا يوصف عمري ما رحت كلمتها عشان مبحبش اعمل حاجه من ورا حد انا حتي مقولتلهاش اني بحبها…واتمني ان حضرتك متقولهاش انا عايزها تسمع الكلمه دي مني لاول مره بعد كتب كتابنا طبعا..صدقني هشيلها فعيني و مش هسمح لاي حاجه تزعلها حتي لو كانت الحاجه دي انا..
شريف كان حاسس بصدق كل كلمه كريم بيقولها و حاسس انه متأكد منها لأنه عارف كريم من زمان و عارف اخلاقه و جدعنته 
-طيب يا كريم انا هاخد رأي مامتها في البيت و ابلغك قراري و كمان لازم اخد رأي لمي 
كريم بسرعه:انا هاخد رأيها 
_خلاص تمام و لو حصل اي حاجه جديده من ناحية حسام قولي
-تمام يا عمي هسيبك انا بقا عشان تكمل شغل حضرتك 
وقف علشان يمشي 
_كريم….خليك عارف ان بنتي اغلي حاجه ف حياتي لو فكرت يوم تضايقها او تزعلها صدقني مش هخليك تتهني يوم 
-بنتك ف قلبي يا عمي متخافش عليها مع السلامه 
_سلام يبني ربنا معاك 
مشي كريم و هو مرتاح رجع شركته كمل شغله و بعدين روح البيت 
عند نيره: هتلبس ايه في الخطوبه 
_وانا هاجي اصلا انتي عايزه عمر يخرمني بنظراته..ده عينه بتطلع ليزر لما بيشوفني 
-يا مازن بلييز دي خطوبة لمي يعني مش حد غريب روح عشانها حتي..
_حاضر ماشي هلبس كاچوال عادي عشان مبحبش البدل 
-اي حاجه اي حاجه 
مازن في نفسه: ربنا يستر و عمر ميشوفنيش 
فون نيره رن 
-ده عمر هقوم اكلمه 
نيره:الووو
-اللي واحشني و متمرمط في الشغل عشانه 
_كله يهون عشان نبقا فبيت واحد يا بطل 
-مهو ده اللي مصبرني عالهم ده 
_يعني مش عشان بتحب شغلك تؤ تؤ عشان بتحبني انا 
-عندك شك ف كدا 
_لا خالص محدش عنده شك ولا حاجه ربنا ما يجيب شك 
-وحشتيني 
_متتلم بقا منا كنت لسه معاك امبارح 
-دنتي فصيله 
_يبني انت عارف اختك بتقول علينا ايه..بتقول علينا محن كلاب 
-بكرا تتجوز كريم و تقرفنا بيه و ستوريهات و حبه جنه انا عشت فيها وحاجه نيله 
_ملكش دعوه بصاحبتي يعم 
-اختي علي فكرا 
_سيم يسطا ولله  … تيجي نخرج النهارده 
-ممم موافق تحبي نروح فين 
_عايزه اطلع عالبحر واقعد ف مكان هادي كده و بس 
-من عيوني..وانا ليا مين غيرك يا مراتي يا حبيبتي 
_عمر…انت عايز تقولي حاجه 
-لا ولله مش القصد يعني انا هعزم مروه في الخطوبه 
_ممممم بجد تمام 
-تمام ايه موافقه 
نيره بهدوء مريب:اومال انت تعمل اللي انت عايزه..بالمناسبه كنسل الخروجه عشان تعبت فجأه 
-مالك انتي كويسه..تحبي نروح لدكتور 
_لا استني بعد ما تعزم مروه نوفر و نروح للدكتور مره واحده بس 
-مش فاهم 
_سلام يا عمر 
قفلت نيره السكه 
عمر:حاسس ان قلبي مقبوض سيكا ربنا يستر راح عمر لمروه 
عمر:مساء الخير 
مروه و اتنين من صحاب عمر:يا جماعه انتو معزومين علي خطوبة اختي 
كلهم:الف مبروك 
-الله يبارك فيكو هي هتكون ف (…..) بعد بكرا الساعه 6 المغرب هستناكو كلكو يلا عن اذنكو 
خرج عمر و خرجت وراه مروه بسرعه و في عيون بتتابعها بحزن 
مروه:ازيك يا عمر 
-انا تمام..خير في حاجه 
_لا كنت بسألك ممكن نخرج النهارده بعد الشغل نشرب قهوه ف اي كافيه عشان ااااا عشان..عشان في حاجات في الشغل عايزه اسألك عليها 
-تمام مفيش مشكله 
مروه بابتسامه:تمام 
مشي عمر راح يكمل شغله 
مروه ف نفسها:هتبقا ليا يعني هتبقا ليه..انت خساره فيه اصلا و رجعت عشان تكمل شغلها 
مروه:علي معلش ممكن تبص ثواني 
علي بحزن:خير يا مروه محتاجه ايه 
-مالك مكشر ليه 
_هيفرق معاكي اوي 
-لو مش حابب تحكيلي براحتك 
_هه عادي يعني مشاكل كده بسيطه..بحب واحده مش شايفاني و مش حاسه بيا وكمان بتحب واحد تاني وهو اصلا مش بيحبها و هي مش في دماغه 
-طب ما تجرب تبينلها حبك اكتر تجيبلها هدايا تخرجو مع بعض بأي حجه يعني حاول تظهر في الصوره قدامها يمكن تاخد بالها منك و تفتحلك قلبها 
_ميتهيئليش..احنا بعاد اوي..بس ممكن اجرب 
وبعدين ابتسم:ها يستي كنتي عايزاني ف أيه 
-كنت هسألك علي…
وكملو كلام في الشغل 
“مش لازم الشخص لما يكون عنده صفه وحشه..بقيت صفاته تكون وحشه..احنا ممكن نستغل صفاته الحلوه بأننا نلغي بيها صفاته الوحشه..احنا ممكن نغيره تماما من انسان وحش و افعاله مكروهه لأنسان الناس كلها بتحبه”
عند لمي كانت واقفه في مكانها المفضل في البلكونه و ماسكه روايه بتقراها و بتشرب عصير
كريم: هعملك مكتبه في بيتنا و امليهالك روايات تقري فيها براحتك 
لمي: ايه ده انت جيت.. حمدلله علي السلامه 
كريم: الله يسلمك يا مراتي المستقبليه.. بتقري ايه بقا 
لمي: بقرا ارض زيكولا 
كريم: حلوه 
لمي: بقيت كل ما اشوف نجمه في السما اقول اسيييل يا كريم الروايه دي في اعماق اعماق اعماق قلبي 
كريم: عقبالي يارب 
لمي بكسوف: احم احم احم عملت ايه النهارده في الشغل 
_العادي بتاع كل يوم.. اللي مش عادي اني روحت لبباكي و استاذنته اني عايز اكتب الكتاب يوم الخميس مع الخطوبه 
لمي كانت بتشرب العصير شرقت و فضلت تكح 
كريم: اهدي اهدي 
لمي: انت بتتكلم جد 
كريم: اه ولله و قالي انه هياخد رأي مامتك و انا قولتلو اني هاخد رأيك.. ف ايه رأيك بس قبل ما تجاوبي اعرفي اني عمري ما هأذيكي و اني هعيش ليكي انتي و بس و كتب الكتاب ده عشان نبقا براحتنا و اعرف احميكي من اي حد.. ف ايه رأيك 
لمي: انا انا م عارفه انا متلخبطه 
-يبقا نقول مبروك 
_يكريم 
-مبرووووك 
_يكرمله 
-مبروووك مبرووك مبروك….اروح ابلغ عمي انا بقا بموافقتك 
-يسطا الحاجات دي مفيهاش هزار 
_منا عارف بس انا مش بقالي تلت سنين مستحمل لحد ما الفنانه تخلص كليتها اللي كانت بترفض اي عريس بيجيلها عشانها..انا هبلغ ابوكي بموافقتك عشان انا علي اخري تمام 
لمي بوش احمر من الكسوف:تمام تمام انا داخله جوه 
-احنا مشوفناش كسوف كده قبل كده عشان مكنش فيه كسوف كده قبل كده 
_اقعد ساكت 
-ماشي ماشي الحساب يجمع 
اتصل كريم ب شريف: السلام عليكم ازيك يا عمي…. كنت بتصل بس عشان ابلغ حضرتك ان لمي موافقه… تمام هستني قرار حضرتك 
عدي اليوم بسلام وفي اليوم اللي بعده 
شريف قرر انه يوافق بعد ما اخد رأي سعاد و 
كريم مكنش مصدق انها خلاص بكرا هتبقي ليه و هيقولها علي كل حاجه و جت نيره عشان تساعد لمي في تجهيز البيت و كمان هتبات معاها و طبعا مش هقول ردة فعل 
عمر يعني 
-يعني انتي جايه النهارده و هتباتي كمان.. بتهزري صح… دنا سريري هينور…شششش لمي مين دي اللي هتباتي معاها لمي بتمشي وهي نايمه.. اه اه ده حتي مره كانت هتنط من البلكونه و العبد لله لحقها… اومااال يبنتي جوزك في عرق هيروز.. المهم انا مرضالكيش انك تتخضي الخضه دي ف انتي هتشرفيني ف أوضتي ماشي…بقا كده طيب يا ست نيره هنشوف ايه اللي هيحصل 
عند نيره: اروح ولا مروحش.. اروح ولا مروحش.. حمدي الوزير اللي هناك ده ممكن يستفرد بيا… لا انا لازم اروح عشان صاحبتي ايوه انا هروح 
راحت نيره ل لمي و بدأو يجهزو البيت وينفخو بلالين و يعلقوها و عمر طبعا تولي مهمة البلالين اللي هتبقا في الحيطه من فوق لحد ما خلصو علي بليل 
نيره: اااه مش قادره اه يا ضهري يا انا يما 
عمر بخبث: اعملك مساچ 
نيره: بس يا سافل 
عمر: انا سافل ماااشي حاااضر وربنا لوريكي كلها شهر بس 
نيره: لمي انا عايزه اتطلق.. انا خايفه اخوكي ده مريب اوي 
لمي: انتي دخلتي القفص خلاص.. ربنا يرحمك هتوحشيني 
نيره: لمي لمي انتي راحه فين لمي متسيبينيش لم.. هاي ازيك عامل ايه.. عمر مالك يا عمر.. عمر انت بتعمل كده.. انت بتقرب ليه 
صرخت نيره و جرت علي اوضة لمي و قفلتها بالمفتاح 
وقعد عمر يضحك 
لمي بضحك: ايه في ايه 
نيره: اخوكي كان هيتحول كان هيبقا شبه ادوارد بياضه يا لمي.. اخوكي مصاص دماء 
لمي: ده علي اساس انك عندك دم يمصه 
نيره: مش هرد عليكي عشان انا امي عرفت تربيني 
_بقولك ايه خدي هدوم من الدولاب و غيري و نامي انا هطلع البلكونه شويه 
نيره: ماشي اشطا 
في البلكونه 
كريم:كلها ساعات و تبقي حرم كريم صفوت..مبسوطه 
لمي:مش عارفه انا خايفه دي مرحله جديده مكنتش في دماغي و جت كده مره واحده..انا كنت بدخل اي رؤيه شرعيه مش عشان اتعرف علي العريس تؤ عشان ارفضه لما عرفت انه انت اللي متقدم حسيت ان كلمة الرفض اتلغت من قاموسي..انا مش فاهماني 
كريم:بس انا فاهمك..مش عايزك تخافي من اي حاجه طول منتي معايا…خشي صلي ركعتين لله و نامي عشان بكرا اليوم طويل.. بكرا انا هقولك علي كل حاجه استنيت تلت سنين عشان اقولهالك بالحلال تصبحي علي خير 
_وانت من اهل الخير 
دخلت لمي و كانت نيره نامت فتحت الباب و طلعت 
لقت عمر قاعد في الصاله 
عمر:لمي لمي 
-نعم يا موري 
_قلب موري يا ناس كنت عايز منك طلب 
-قول
_نامي انتي فأوضتي و انا هنام فأوضتك 
-لا نيره نامت مش هصحيها 
_مهو ده المطلوب..بصي انا هنام جمبها بس كده نفسي اجرب الشعور ده..عشان خاطري يا لمي عشان خاطري عشان خاطري 
-اقل من خمسمية جني مفيش تبديل 
_ماديه حقيره خدي 
-اوك بس اقسم بالله لو عملت حاجه كده ولا كده لافلقك نصين ماشي..
_متخافيش ولله انتي عارفاني بحبها ازاي و اكيد مش هفكر اعمل اي حاجه تأذيها انا عايز اشوف ردة فعلها لما تصحي الصبح تلاقي نفسها كانت نايمه جنبي 
-ممم ماشي عشان انت اخويا و بحبك بس..و ربنا يستر 
دخل عمر اوضة نيره 
عمر:شوفتي بقا مين فينا اللي مشي اللي في دماغه لما نشوف هتعملي ايه لما تصحي تلاقي نفسك فحضني يا مدام نيره….
يتبع…..
لقراءة الجزء الخامس والأخير : اضغط هنا
لقراءة باقس أجزاء الاسكريبت : اضغط هنا
نرشح لك أيضاً رواية صغيرتي أنا للكاتبة سهيلة السيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى