Uncategorized

رواية حب بنت الشوارع (حياة الصقر) الفصل الرابع 4 بقلم ملك اسامة

 رواية حب بنت الشوارع (حياة الصقر) الفصل الرابع 4 بقلم ملك اسامة
رواية حب بنت الشوارع (حياة الصقر) الفصل الرابع 4 بقلم ملك اسامة

رواية حب بنت الشوارع (حياة الصقر) الفصل الرابع 4 بقلم ملك اسامة

صوت من وراهم:الله الله صقر الصفتي بيلعب مع الخدامين!! 
كلهم  بصوا لمصدر الصوت و سعديه لوت بوقها و حياه أستغربت مين دي 
صقر بعصبيه: اولا دول مش خدم يا أميرة دول أسمهم المساعدين عيلتي التانيه أي مسمي غير خدم و ثانيا ملكيش دعوه 
أميرة: مليش دعوه!! 
صقر: آه ملكيش دعوه كنتي جايه عايزة حاجه بقي!! 
أميرة بصدمه من بروده: إيه الطريقه دي يا صقر 
الكل انسحب من قدامهم و حياه بعدت عنهم شوية بس سمعاهم. 
_صقر: دي الطريقه اللي انتي بتفهميها 
أميرة: صقر أنا بجد مبقتش  فهماك 
صقر و هو بيقلع دبلته: ولا أنا 
حط الدبله في إيدها و قال: نصيب و إحنا مش نصيب بعض أتفضلي
أميرة أخدت الدبله و بصتله بهدوء و خرجت…. صقر اتنهد أنه أخيرا خلص منها و أرتاح و طلع و هو طالع لمح حياه واقفه هزلها رأسه بمعني أنه كويس و دخل أوضته. 
باليل عملوا العيد ميلاد و خلص و حياه و صقر كل واحد قاعد في بلكونه أوضته بس مش حاسين ببعض. 
صقر اتكلم بهمس و حياه حست بيه كان بيتكلم في الموبايل خلص و طلع قدامها. 
صقر: قولتلك إن وليد مستحيل يعمل حاجه زي كدا 
حياه: كان عايز يشتريني ليه!! 
صقر: وليد كان عنده أخت اتخطفت و هي في المستشفي يوم ولادتها و من وقتها و والدته فاقده الشعور بالحياه و وليد فكر و قال أنه ممكن يجيب بنت تعمل إنها أخته لأن والدته لحد دلوقتي بتدور عليها و حياتها مدمره حتي بعد ما عدي 20سنه علي خطفها بس فهو طريقته خانته. 
حياه: يوم ما طنط حكيتلك هو قالي إنك هتطردني 
صقر: أيوة قالي إنك مينفعش تعيشي معانا و كدا مقالش حاجات مهمه يعني 
حياه: عرفت إزاي!! 
صقر: نونا قالتلي 
حياه: طنط عرفت إزاي!! 
صقر ضحك: هو قالها يا حيااه و مكانش عايزني اعرف لأنه عارف إني هعارض عشان كدا كان عايز يبعدك 
حياه بتفهم: تمام 
لحظه صمت قاطعتها حياه. 
حياه: أنت كويس!! 
صقر: فوق ما تتخيلي عارفه حاسس إنها كانت حمل تقيل اوي و اتخلصت منه آه ممكن شغلنا يبقي فيه توتر وكدا لكن أنا مرتاح 
حياه بصتله و أبتسمت و هو سرح في عيونها العسلي و ابتسامتها و أول مره يركز في عيونها كانت حلوه و شدتهه ليها  فاق من تفكيره علي صوتها. 
حياه: تصبح علي خير 
صقر: وأنتي من أهله 
أتنهد و دخل و كان فاكر أنه هينام بسرعه بس بالعكس فضل يفكر فيها لحد ما تعب و نام. 
^^^^^^^^^^^^^^^^^^^
تاني يوم الصبح 
صقر اخد حياه و راحوا الشركه. 
صقر: مها تعالي أنتي و حياه ورايا علي أوضة الاجتماعات 
مها: بس يافندم حياه لسه مبتدئه 
صقر: عارف و عشان كدا عايزها يلا بسرعه 
مها: حاضر 
صقر دخل اوضة الاجتماعات و مها و حياه وراه و بدأوا يظبطوا كل حاجه قبل ما العملاء ييجوا و بعد وقت العملاء جم و صقر كان ملاحظ إن واحد منهم كان بيبص لحياه كتير خلصوا الإجتماع  و حياه كانت هتطلع لكن سؤال العميل وقفها. 
العميل: انسه حياه حضرتك مخطوبة!! 
حياه بصتله بأستغراب و صقر اتصدم و قام. 
صقر: أنت مالك مخطوبة متزفته أنت مالك 
العميل: دا مجرد سؤال 
صقر: متسألش في اللي ملكش فيه و اتفضل يلا الإجتماع خلص 
العميل بصله بغضب و طلع و الباقي وراه و مها طلعت و حياه كمان كانت هتطلع 
صقر: اقفلي الباب و تعالي 
حياه قفلت الباب و وقفت. 
حياه: نعم!! 
صقر في لحظه كان قدام حياه و قرب منها و باسها.. 
يتبع….
لقراءة الفصل الخامس : اضغط هنا
لقراءة باقي الفصول : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى