اسكريبت لماذا الفصل الرابع 4 بقلم حبيبة وليد
 |
| اسكريبت لماذا الفصل الرابع 4 بقلم حبيبة وليد |
اسكريبت لماذا الفصل الرابع 4 بقلم حبيبة وليد
جسمي اتسمر مكانو لما شفت طرف جلبية حماتي إلي مستخبية ورا السرير معرفتش أعمل أي فخدت بنتي و جريت استخبيت ف الحمام عدا ٥ دقايق و سمعت صوت الباب بيتقفل براحة، فتحت باب الحمام براحة و طلعت علي أطراف صوابعي و اتأكدت إنها مشيت نيمت سما و اتصلت باختي و حكيتلها عن إلي حصل
“آنتي متأكدة يا سارة من الكلام دة
_أيوة يا بنتي ، بقولك شوفتها بعيني
” هي بتعمل كدا لي
_ مش عارفة ولله أنا خايفة لتكون عملت حاجة فسما
“بس هي لي تعمل حاجه في حفيدتها ؟ أكيد كانت عايزاكي آنتي
_ ما هي كانت عارفة إني برا
” مش عارفة ولله اقولك أي ، احكي لجوزك
_مهوش مصدقني بيقول دي أمي و مستحيل تعمل كدا و الكلام الفاضي دا
” ربنا يهديه
_طيب مع السلامة دلوقتي أنا بكرا هجيلك و نتكلم فالموضوع دا
” ماشي سلام
م قدرتش أنام فضلت طول اليل سهرانة مش فاهمة حماتي كانت مستخبية كدا لي و لي أصلا هي بتعمل كل دا ، محستش بنفسي غير و الشمس مالية البيت كلو ، صحيت سما و لبستها و جيت اسرحلها شعرها بس لاحظت إن أطراف شعرها متساوية و حادة كأنو لسة مقصوص ، سرحتلها شعرها و نزلت و لقيت سلفي قاعد بس حماتي ماكنتش موجودة سألته عنها حسيتو اتوتر و قالي إنها طلعت من بدري.
رحت لأختي قعدنا نتكلم كتير بس ف الاخر برضو موصلناش لهي بتعمل إيه أو بتعمل كدا لي. روحت البيت و بدأت اسمع فيديوهات عن المواضيع دي بس لقيت سما بتصرخ رحت لقيتها قاعدة تعيط و خايفة و مثبتة نظرها لمكان معين ف الاوضة قعدت اهدي فيها لحد ما نامت.
عدا أسبوع و سما بقت كل شوية تقعد تعيط و تصرخ ، نيمتها و قعدت في الصالة كنت بقلب في الفيديوهات لحد ما لفت نظري فيديو عن استخدام الشعر في السحر كان قلبي بيدق جامد و أنا بسمعو خصوصا لما افتكرت شعر بنتي ، سمعت صوتها بتعيط ف رحت اطمن عليها و أنا مقررة إني هاخدها لشيخ بس لقيت محمد بيرن عليا رديت عليه
_آلو
~ايوة يا حبيبتي إزيك
_ أنا الحمد لله كويسة و إنت أخ…….بس أول ما دخلت الاوضة شفت منظر خلاني اصرخ
~آلو ، آلو
يتبع….
لقراءة الفصل الخامس : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية المقاس للكاتبة فاطمة الدمرداش
