روايات

رواية لا أعلم متى أحببتك الحلقة الرابعة 4 بقلم زينب المتولي

رواية لا أعلم متى أحببتك الحلقة الرابعة 4 بقلم زينب المتولي

رواية لا أعلم متى أحببتك الحلقة الرابعة 4 بقلم زينب المتولي

رواية لا أعلم متى أحببتك الحلقة الرابعة 4 بقلم زينب المتولي

 فى واحد طالب ايد رحيق منى وانا موافق ..

ـ اييه ومين ده ؟؟

بصلى وابتسم :

ـ الدكتور مهاب اظنك عارفاه وحددت معاه ميعاد هييجى الخميس الجاي ان شاء الله .

انفعلت وقومت هو مين اصلا عشان يقرر مكانى :

ـ ومين اصلا قالك انى موافقة ؟؟

ـ مش مهم انتى الدكتور مهاب شخص محترم جداا .

ـ خالتى من فضلك اتكلمى معاه …

ـ يابنى دلوقتى لازم نشوف رأى البنت الاول ..

ـ انا عارف ( بعدها بصلى ) يعنى انتى مش موافقة يا رحيق ؟

ـ شوف اولا كده انت مش ولى امرى عشان تاخد منه ميعاد امى موجودة اهى ثانيا انت ملكش دعوة بيا تمام انت حيا الله ابن خالتى مش ولى امرى فهمت  ..

ـ رحيييييق .

تقريبا كده لو كان بيتنا من زجاج كان اتكسر من صوته ..

ـ رئيس لو سمحت متزعقش فى بنتى هو ليه مجاش ليا انا ؟؟

ـ ياخالتى الدكتور مهاب صاحبى من زمان ولما عرف انو انا ابن خالتها والكبير وكده طلب ايدها منى ايه المشكله ..

ـ طيب يابنى .. فى ايه يارحيق ايه المشكله دلوقتى ..؟

ـ واللهى يا ماما فين المشكله المشكله انو حدد ميعاد معاه من غير ماياخد رأيي ..

ـ يابنتى يا حبيبتى هو بياخد رأيك اهوه .

ـ انا مغصبتكيش على حاجة يا رحيق وانا نفسى مش عايزك تواف قصدى يعنى هو شخص كويس ..

بصتله بحزن :

ـ يعنى انت عايزنى اوافق ؟

ـ اهه مش هتوافقى ليه يعنى …

ـ ماشى انا موافقة اقابله عن اذنكوا …

بتسألونى معقول اكون حبيته فى الوقت القصير ده فعايزة اقولكوا ااهه حبيته حبيت شخصيته كنت حاسه انها شخصيه فيها الف حاجة وحاجة وانا لازم اطلعها بس هو باين عمره مافكر فيا اصلا….

بعدها دخلت اوضتى انا غبية غبية ده كان مبتسم وهو بيقولى يعنى يعنى اكيد عمره ماحبنى واناا اللى كنت فاكره انى اللى فى قلبه اتارى واحدة تانية جات اححم احم اندمجت شوية …. انا مش عارفة ليه فكرت انو ممكن يحبنى او حتى يفكر فيا ااهه مثلا افعاله دى كانت كلهاا اشكال يمكن كان بيعتبرنى اخته اووف مش عارفة بعدين انا وافقت ليه على الدكتور مهاب يمكن عشان هو شخص محترم وحياته كويسه وقمر بردو … اناا لازم ارووح لدكتور نفسااانى ياجدعاان … ( لا متستغربوش ده كان مجرد حوار بين البطلة وعقلها الغبى )

روحت عشان اتصل على رؤى عشان اقولها على كل حاجة …

ـ بس هو ده كل اللى حصل ..

ـ حصل ايه يابت انتى محكتليش حاجة .

ـ ايده بجد اصلا هما بيعملوا كده فى الروايات ااححم هقولك اهووه ( قالتلها كل حاجة )

ـ اووه مااى جوود يعنى الدكتور مهاب اللى كل بنات الجامعة بتتنطط عليه اتقدملك وطلع اللى انتى بتحبيه ومفكراه بيحبك وحبتيه على اساس كده مش بيحبك اصلا …

ـ ايه اللفة دى كلها بس عموما صح اعمل ايه انا دلوقتى .

ـ هتعملى ايه يعنى وافقى على الدكتور مهاب يابنتى ده عينه زرقة وشعره بنى وحاجة يعنى اخر حلاوة ..

ـ يا حبيبتى  الجمال فانى مع الزمن يعنى هو لما يكبر معايا جماله ده كله هيروح انما الشخصية والقلب الطيب والاخلاق دى اللى هتفضل وعمرها ماهتتغير ….

ـ طب ما اصلا شخصيتة الدكتور حلوة اتعرفى عليه بس الاول وان شاء الله هيبقى كويس ..

ـ انا زعلانة على قلبى اللى انكسر يا رؤى انا فعلا اتعلقت بيه بسرعة واكتر من اللازم ..

ـ يا حبيبتى هو محبكيش اصلا بعدين انتى متعرفيش عنه حاجة قد كده ده عنده 35 سنة ده اكيد متجوز .

ـ متجوز لا مستحييل لو كان متجوز كان هيقلنا او حتى كان هيجيبها هنا .

ـ الله اعلم يابنتى بس انتى هتعملى ايه بقى ..

ـ هشوف يومها ان شاء الله ..

ـ ان شاء الله..

قفلت معاها وفكرت كتيير فعلا بس موصلتش لحاجة ..

فى مكان اخر …( هنا هيكون دراما اووفر )

صوت تكسيير فى كل مكان ..

ـ رئييس انت بتعمل ايه اهدى خلااص ..

ده كان بدر اللى كان بيوقف رئيس اللى تقريبا كسر البيت اللى هما عايشيين فيه …

رئيس بزعيق :

ـ هتبقى لحد غيرى انت فاهم يا بدر هتبقى لحد غييرى .

ـ طب مادام بتحبها اووى كده ليه راح لحد عندها وبتقولها ان فلى حد طالب ايدها ..

ـ مش هقدر يا بدر مش هقدر اظلمها معايا وفى نفس الوقت مش هقدر اشوفها مع حد غيرى ..

ـ رئيس انسى بقى ده ماضى وفاات انسى .

ـ مش قادر يا بدر مش قادر انسى انى كنت السبب فى موتها هى وابنى ..

يتبع..

لقراءة الحلقة الخامسة : اضغط هنا

لقراءة باقي حلقات الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى