Uncategorized

رواية أحببتك رغم انتقامك الفصل الخامس 5 بقلم منه محمد

 رواية أحببتك رغم انتقامك الفصل الخامس 5 بقلم منه محمد

رواية أحببتك رغم انتقامك الفصل الخامس 5 بقلم منه محمد

رواية أحببتك رغم انتقامك الفصل الخامس 5 بقلم منه محمد

وقفنا لحد ما رنه موبيل كريم الي صدعت المكان زائد دماغه ف اضطر انه يرد لقاها عاليا بتطلب منه يقابلها
كريم قام واخد تلفونه وبعد عند التربيزه وبصوته الغاضب: نعم عاوزه ايه تاني؟؟!!
عاليا:فيه كلام انا لسه مقلتهوش
كريم بعصبيه: بس انا بالنسبه لي الكلام كله انتهي
عاليا بحده: قلت لسه
كريم رفع حاجب وبخبث: كدا اركبي وتعالي نتكلم
عاليا: لا تعال انت نقعد ونتكلم هنا
كريم: ليه خايفه اخطفك واكلك
عاليا: كدا انا جايه لك ابعتلي العنوان
كريم قفل وابتسامه خبيثه مرسومه علي شفايفه استأذن من الشله ان وراه مشوار مهم ونهله قلقت وفضلت تسأله مين الي كلمه وهو رفض يجاوب وخرج بسرعه من المكان
ثواني ووصلتله عاليا  لقته راكب الدراجه فضل يتأملها كانت لابسه بنطلون جينز ازرق فاتح وبلوزه بينك وطرحه مدمجه بنفس اللونين ابتسم من تحت الخوذه 
 قربت وركبت وراه وهو طلع مره واحده وبأقصي سرعته لدرجه كانت هتقع تنزل زرع بصل بس اتمسكت في وسطه بأيدها الاتنين 
عاليا بخوف : كريم ممكن تمشي ببطئ
كريم مطنشها وسايق بنفس السرعه لكن ليه لما حوطت ايديها حوالين وسطه حس برعشه سرت كل جسمه
عاليا سألته: انت واخدني علي فين؟؟
كريم بلؤم:مكان هخليكي تتكلمي وتخلصي كل كلامك بما فيه الكفايه
شويه ووصلوا مكان في حته مقطوعه تخوف نزلها ونزل !!!!!!
كريم : يله اتكلمي
عاليا التفتت حواليها المكان مرعب بمعني الكلمه:ممكن نروح مكان تاني
كريم: ليه ده حتي مكان هادي وظريف والي عاوزه تقوليه قوليه
عاليا: بطل تضايق امي
كريم مد شفايفه لقدام : هو انا يعني غاوي
عاليا: انا اقصد يعني مش هنقدر نخرج من البيت بس اوعدك محدش فينا حيزعلك واول ما امي هتتحسن هاخدها ونمشي
كريم ربع ايده : وانتي معتقده اني حوافق انتي وامك اعدائي افهمي
عاليا  نبره كلها استعطاف: طيب لو اتوسلت اليك هتوافق تتقبل امي وتتقبلني حتي لو فتره
كريم: اممم افكر
عاليا: تفكر في ايه
كريم: افكر ازاي اخليكي تخرجي ,,ليه لان امك لفت علي ابويا وبعدين البنت تغوي الابن الي هو انا يعني تاخده الاتنين في واحد
عاليا بنظرات حاده: انت انسان قذر 
كريم خبط كذا مره بالسبابه خدها: ليه ياقطه اضايقتي كنتي حلوه وبتتوسلي لي من شويه
عاليا منعت دموعها ينزله: عاوزه اروح ورايا شغل (تقصد تلم مكان التورته )
كريم:اي شغل في الكافيه الي انتطردي منه ولا في حته تانيه
عاليا عارفه قصده ودماغه:اتجرء وانطقها
كريم بوقاحه:وراكي شغل دعاره ها فيه زبون تاني هيدفعلك اكتر مني 
عاليا عيونها تطق شرار وصدرها طالع نازل من وقاحته:بجد انا مش عارفه اوصفك
كريم: بس انا ممكن اوصفك بأنك مقرفه بس هاجي علي نفسي ها عاوزه كام تعويض عن الليله
عاليا: انا مش عايزه فلوس 
كريم شدها عليه: امال عوزاني انا بس من دلوقت بقولك مستحيل اقرب منك واقع واحبك
عاليا دفعته عنها وردت تدافع عن نفسها:دايما مفكر نفسك الضحيه وطول الوقت عمال تتهم الناس بالباطل
كريم : ليه زعلتي من الحقيقه انتي الي بتعمليه انت وامك ميختلفش عن الدعاره
عاليا غمضت عيونها بخوف وجسمها ارتجف
كريم كمل بتريقه: اممم شكلك مش عجبك كلامي بس انا قلت الحقيقه
عاليا كبحت غضبها منه اللي ماهمه حد يرمي الاتهام ويدوس عليه : لاخر مره ممكن نتكلم بأسلوب مهذب عشان نوصل لحل
كريم شدها عليه يهز فيها جامد وغضب : مش لما تجاوبي الاول عن الي قلته صحيح ولا
عاليا شدت دراعها منه جامد:لان الي قلته كله غلط   لاانا ولاامي فكرنا بالي انت فكرت فيه وانا عمري ما فكرت فيك لاني بكرهك بكرهك يمكن اكتر شئ في حياتي 
كريم: انتي متأكده انك بتكرهيني
عاليا: ايوه بكرهك ولا بطيقك ارتاحت
ليه لما قلتله بكرهك ارتعش قلبه برعب و دق بعنف واتك علي شفايفه يكتم غيظه
كريم بصلها شويه : تمام وقتك خلص وركب دراجاته
عاليا: انت رايح فين
كريم: طالما بتكرهيني خليك هنا بس ممكن ترجعي لوحدك سلام يا قطه
وشغل الموتسكل وسابها ومشي فضلت تجري وراه ووترجاه لكن هو من كلمه انا بكرهك ساق بأقصي سرعه عاوز يهرب من المكان  لكن ليه قلبه وجعه انه هيسبها ….اما عاليا بصت حواليها المكان فاضي عتمه مرعب لـ اقصي درجه
لحظــة سكـون ….صدمـه…….خــوف
قعدت تبكي:حسبي الله ونعمَ الوكيل فيك  ياكريم بكررررهك كله منك بكرررهه يارب
كملت طريقها وهي حاضنه شنطتها وفضلت تذكر ادعيه تحفظها لحد ما تلاقي الطريق الصحيح….اما كريم كشر فجأه ووقف بالموتسكل يفكر انه يرجع وفي سره”وأنا مالي انشاء الله تتحرق” لكن قلبه وجعه ورسم اسوء سيناريو ممكن يحصلها وبسرعه البرق لف بالموتسكل وساق رايحلها ……اما عند عاليا حست بنور جاي قدامها من قوته قفل عيونها اتجمدت مكانها من الخوف غمضت عيونها  لماحست ان النور هدي قدرت تفتح عيونها علي اخرها وشهقت لماشافت اللي قدامها انه كريم
…………منه محمد……….
دخلت الفيلا منهاره 
سعاد بخوف: مالك يا انسه عاليا؟؟
عاصم ونبيله طلعوا يجروا لقوها منهاره جريت اترمت علي نبيله الي فضلت تتصل بيها بس الموبيل مغلق
نبيله بخوف ضمت بنتها وبعد ما قدروا بالعافيه يهدوها حكتلهم كل الي حصل معاها
عاصم قرب منه وبدون مقدمات ضربه قلم سقع: ليييييه عملت كدا
وضربه كف تاني اقوي: لييييييه
كريم بنفعال وصريخ: انت ليه بتضربني
عاصم بعصبيه: يا بجحتك يا اخي ليك عين تسأل اخدت البنت وسبتها في مكان مقطوع  قولي لوحد طلع عليها ولا حصلها حاجه كنا حنعمل ايه؟؟
كريم: انت ليه دايما محموق عليها علي العموم بنتك بخير وسليمه محدش لمسها
عاصم: انت ليه بتكابر ومش ندمان عن الي بتعمله انت لو مجنون مش هتعمل كدا 
كريم: ايوه لان انا مش مجنون انا سئ ويله اضربني تاني وتالت ورابع يله
عاصم: بطل تبجح فيا
كريم: الهانم بخير بس هي الي غاويه تمثل انها هتموت ولونها رخيصه وامها ممكن تبعها عشان الفلوس
نبيله: اخرس مش انا الي ابيع بنتي قصاد الفلوس و لو كنت كرهني صفي حسابك معايا انا ..وانا حمشي ولو طلبت حياتي هدهالك بس اياك تقرب من بنتي ولا من شرفها لاني مش هسيبك انت سامع
كريم  اتحول هجام: ايوه هتعملي ايه لو قدرتي تقربي يله جربي حظك يله وفضل يقرب ويقرب ويقرب ويقرب منها!!!
نبيله هنا كانت النهايه لـمرحله المها ووجعها مسكت رجلها من التعب وانهارت علي الارض وعاليا صرخت صراخ هستيري وهي تضم امها : ماما مالك ماما ارجوكي ردي عليا ماما انا لسه محتجالك والله عمي ساعدني من فضلك
عاصم بفزع: سعاااد جهزوا العربيه بسرعه
سعاد: حاضر هوا
 رفعها من عالارض يجري بيها لتحت
عاليا جايه تجري وراه تحصل امها كنز حياتها الحاجه الوحيده الي بدعوتها مخاليها تكمل طريقها المسدود لقت كريم شدها وبكل وقاحه: مالك الدنجوان اخدها يبسطها
عاليا بكل غضبها ضربته بالقلم: امي مريضه ياحيوان مريضه بس انت رافض تصدق بس لو حصل اي حاجه لـ امي هنتقم منك ياكريم وجريت بسرعه وراه امها
……..منه محمد……..
في المستشفي الكل في حاله ترقب وقلق عاليا منهاره في حضن عاصم الي عيونه بقت جمره نار 
الدكتور خرج الكل جري عليه: انتم اهل المريضه
عاصك: ايوه طمنا لو سمحت
الدكتور بأسف: للاسف الحاله بتزداد سوء بس احنا حنعمل الي علينا ولو اتغيرت حاله المريضه هبلغكم فورا
عاليا: ممكن اشوفها
الدكتور: اسف ممنوع
عاليا برجاء وتوسل: لو خمس دقايق ابوس ايدك دي امي
الدكتوربعطف علي حالتها: تمام بس خمس دقايق
عاليا لبست اللبس الخاص بالعنايه ودخلت الغرفه الي كانت كلها اجهزه ومافيش فيها غير جسد امها الهزيل الانسانه الوحيده الي حبتها قربت ومسكت ايدها: ماما حبيبتي قومي عشاني ارجوكي انا معرفش اكمل من غيرك لو جرالك حاجه انا هخسر قلبي وروحي وعقلي (باست ايدها) مستنياكي يا امي مستنياكي فضلت لمده خمس دقايق وخرجوها 
اول ماخرجت انهارت في حضن عاصم: حبيبتي وحدي الله
عاليا عقلها قرب يطير: انا عايزه امي
عاصم نزلت دموعه وحاول يهديها: عارف 
عاليا: ماما حتكون بخير مش كدا
عاصم: حبيبتي ادعلها تقوم ليا وليك بالسلامه واجمدي كدا خليني اجمد معاكي
عاليا بنحيب يقطع نياض القلب:هجمد لما ترجعلي
عاصم ضمها لصدره بحنان ابوي:انشاء الله شده وتزول وبلبله تخرجلنا وتخالي بالها مننا 
كريم الي وصل المشفي وشاف الدكتور خارج من غرفه نبيله:دكتور من فضلك
الدكتور: افندم
كريم:انا قريب المريضه نبيله عاوز اعرف عندها ايه
الدكتور: للاسف عندها سرطان ودمر اجهزه هامه في الجسم وكل الي بنعمله مجرد مسكنات تسكن  اعراض الالم لدعم المريضه لحد ما نوصل لخطه علاج جديده
كريم :شكرا
الدكتور: العفو عن اذنك
كريم هنا توتره زاد ودقات قلبه بدئت تتصارع بسبب  كلام الدكتور عن الحاله  ولاول مره تنزل دموعه واتمني ان نبيله ميجرلهاش حاجه وافتكر امه ولحظاتها الاخيره
……….منه محمد……..
ندي: عاليا حرام عليك نفسك 
عاليا اتنهدت وأأعدت علي كرسي ترتاح وسندت دماغها علي كتف صديقتها وغمضت عيونها بتعب لان دماغها صدع من كتر العياط 
ندي بحزن لانها مش قادره تشوف صديقتها وحبيبتها في الحاله دي: عاليا حالتك وحشه لازم ترتاحي
عاليا بدموع: ارتاح ازاي بس وامي مرميه في المستشفي
ندي: انشاء الله هتتحسن 
عاليا: ايوه ياندي بالله عليكي طمنيني
ندي: انشاء الله ونرجع ننتقم من الوغد كريم (وبغل) اه لو كنت معاكي كنت ساعدتك ورميته في البسين تلات مرات واربطه في شجره وهو مدهون عسل واسيبه في الصحراء خمس ايام
ايه الراجل ده لاعنده عقل ولا مشاعر ده محتاج يروح العباسيه يحددوا سلامه عقله 
عاليا ابتسمت ما بين دموعها : بطلي تشجعيني اروح اقتله
 ندي: ايوه كدا بلاش تيأسي لازم تحاربي ضد كريم عارفه لو شوفته هتف في وشه هخليه مينسهاش طول حياته
عاليا بعدم فهم: هي ايه دي؟!!
ندي ضربتها في كتفها: التفه
عاليا ضحكت سبحان الله ربنا دايما بيهون علينا كل ما ضاقت بيها الدنيا تلاقي ندي وسادتها والشاهده الوحيده علي دموعها
خالد: انسه عاليا لازم اتكلم معاكي فيه عندك وقت
عاليا بيأجاز: لا
ندي: عاليا تعبانه ومش فايقه تتكلم
خالد طنش ندي: انسه عاليا طيب اسمعيني من فضلك
ندي بعصبيه: انت ايه مش بتفهم
عاليا: لو حتتكلم عن صاحبك اياك تتكلم
خالد: لا انا هنا عشان اتكلم عن الشغل انتي وكريم فيه مشكله ما بينكم ايه هي؟؟!!
عاليا: شوف لو علي الشغل حتكلم لاني محتجاله لكن لو هتتكلم عن الكائن ده فمستحيل اتكلم
خالد هز دماغه: تمام وانا حتكلم عن الشغل وسحب كرسي وقعد معاهم وبعديها يطلع معاهم علي المستشفي
………………منه محمد……….
كريم فضل يوميا يكرر زياره نبيله في الخفا ويقف يكلمها ويدعلها ترجع للحياه هو مش اد الذنب ده ولا يمكن يتحمله 
عاصم كل يوم يكلمها حتي لو كان من خلف الحاجز الزجاجي ويقولها انه هو وعاليا منتظرنها وزي ما تكون فاقت لمجرد توصيه علي عاليا وغابت تاني عن الوعي
بعد يومين عاليا اتلقت خبر رحيل امها سقط قلبها حست ان الدنيا بتقفل كل الابواب خلفها
سيطرت حاله من الحزن علي عاصم وعاليا ..عاليا الي انهارت علي كريم واتهامته ان امها ماتت بسببه لولا الي عمله كانت عاشت معاها وفضلت تقوله انت مجرم قاتل وتضربه في صدره ليه عملت كدا ياكريم ليه
ليه !!حس انه نفسه يضمها يحتويها ليه حاسس بالذنب وانه قتلها عمد عاليا دفنت وشها في صدره تنعي حظها لحد ما انهارت عالارض وهي لسه في صدره
لقي نفسه محتاج يهرب من الموقف معندوش الي ممكن يقدمه ولا يواسيها بيه خرجها من حضنه لحضن ندي ومشي ساب المكان كله
……….منه محمد…………..
في المطعم حسن عمال يتصل بكريم مش بيرد: فينه ده عمال اتصل بيه مش بيرد
خالد: قال عاوز يفضل لوحده واكيد عايش في تأنيب ضمير
نهله كسرت الكاس وبعصبيه : بطل ترمي الوم علي كريم
خالد بنفس العصبيه والحده: امال ارميه علي مين فكري شويه في عواقب افعاله
نهله: كريم بصراحه مش غلطان هي كدا كدا كانت تعبانه وفي مرحله اخيره يعني كانت هتموت
خالد: لكن الي عمله كريم عَجل بموتها
نهله: ده بدل ما تدور علي صاحبك وتقف معاه واقف تجيب اللوم عليه كأنه عذرائيل خطف روحها
خالد بصراخ: انا واقف مع الحق ولو كان غلط حقول في عين الطخين وكريم كان سبب ان عاليا تخسر امها ولولا فضويته وقله ادبه مكنش حصل الي حصل وحذري كريم ده لو كان عاوز يسمعلك يبعد عنها
نهله: والله ده لو غلطان وعايش في بيتها
خالد: انتي كدا دايما كريم علي حق 
نهله: ايوه
حسن صرخ فيهم: ده وقته يعني بدل ماندور علي كريم  يحضر الدفنه واقفين نتخانق زي الديوك 
………….منه محمد………..
واقفه كأنه روحها بتودعها كأنها مش مستوعبه الفراق مسحت دموعها وانحنت حطت باقه ورد كبيره علي القبر!!!  
خالد الي انحني وراها وحط باقه ووقف يدعي  لـ امها وكذلك حسن حتي كريم ووشه مفسر حزنه ووجعه وخس وكانه هيكل علي عظم بصلها وشفق علي حالها وقلبه وجعه لحالتها
عاليا واقفه لكن حاسه بالتشتت والضياع ومره واحده الدنيا لفت بيها رجعت خطوه لوري جري كريم يلحقها لكن ايد خالد كانت اسرع منه  قرب وساعدها ليه حس انه عاوز يقتل خالد يمحيه من الوجود قطع عليه تفكيره نغمه موبيله
نهله: كريم انت فين انا تايهه
كريم بعد شويه: انتي فين بالظبط خلاص حالا جيلك ورحلها
كريم: جيتي ازاي
نهله بعتاب: ابدا لقيت بالصدفه النعي في الجورنال وسالت عن مكان الجنازه حبيت اقدم واجب التعازي لـ اونكل عاصم ممكن تاخدني عنده
مشي كريم قدامها وهي ماشيه مثلت ان رجليها اتلوت فصرخت
كريم لف بفجعه: نهله انتي بخير
نهله بألم: مش عارفه وداست صرخت اكتر
كريم: يظهر فيها التواء تعالي خلينا نقعد
نهله: تمام اه مش قادره
كريم سندها: اوك مشي بحذر
نهله بعد ما قعدت : كريم ليه مش بترد علي مكالمتنا حتي انا 
كريم: لا كنت مشغول شويه
نهله: لو زعلتك في حاجه او ضايقتك انا اسفه
كريم: خليني اشوف كعب رجلك 
وانحني تحت رجليها ومسك الكاحل: هنا بتوجعك
نهله الي لمحت عاليا خارجه من المقابر ومعاها خالد
نهله: كريم اه براحه
كريم: اسف بتوجعك
نهله: لا بس حاسه بتحسن حاليا
كريم: متأكده مفهاش كسر
نهله: انا بخير والله وفرحانه انك قلقان عليا  عارف بتفكرني بأيام زمان لما كنت بتهتم بيا
عاليا قربت هي وخالد ووقفوا قصادهم كريم انتبهه لوجودهم وقام وقف
نهله: اسفه كنت جايه عشان اعزيكي انت وانكل عاصم
عاليا بقتضاب: شكرا ولو محتاجه اوصلك لعمو عاصم اتفضلي ممكن اخدك لهناك وشدتها جامد
نهله صرخت: اه
كريم: مابراحه بتسحبي انسانه علي فكره
نهله: انا كويسه يظهر مكنتش تعرف عن وجع رجليا
كريم: عادي هي مش بتهتم بمشاعر الناس
خالد: كريم حاسب في رد فعلك هي مكنش قصدها
كريم: انا بقول الحقيقه وافهم كويس اوي انك قريب هتبعد عن البت دي لما تتعرف عليها كويس
خالد: هستخدم حكمي الخاص مش حكمك انت
عاليا بكل هدوء: ولا تهتم يا استاذ خالد انا في نظره واحده شمال وبجد انا مش فايقه اتخانق معاك
كريم ليه هو انا لو عاوز اتخانق هاخد الاذن منك
عاليا: وايه الي منعك
كريم: مكسل 
عاليا: وانا مش عايزه اتخانق مع واحد مريض
كريم لسه هيرد
نهله حبت تدخل بينهم: كريم انا رجلي وجعاني اوي ومحتاجه اروح ولفت لعاليا) البقاء لله
عاليا: شكرا هسيبكم لوحدكم ومشت وخالد وراها
نهله: حاسه بتحسن
كريم: كدا خليني اوصلك للبيت ورفعها بين ايديه عن الارض
نهله: كريم مفيش داعي انا بخير 
كريم: ولا يهمك يله حوصلك
……..منه محمد……
دخل البيت بعد انتهاء العزاء
عاصم قام وقف في وشه: كنت فين؟؟
كريم: كنت قريب من هنا
عاصم: دورت عليك ملقتكش جنبي مش المفروض في يوم زي ده الابن يكون جنب ابوه (وشده ) انت ايه يا اخي مفيش احساس بالندم انك السبب في موت نبيله
كريم: ليه كنت عذرائيل ولا كنت عاوزها تموت
عاصم: ليه مفكرتش لحظه في كل عمايلك لعبت في حياه انسانه مريضه
كريم: اظن انت قومت بالدور بدالي
عاصم: انت ليه ابن سئ كدا ليه
كريم: سئ زيك
عاصم : انت ابن عاق جاحد
كريم: كمل واناني نسخه منك
عاصم بنفي: لا احنا مختلفين انا بعمل الي بعمله عشانك وعشان مستقبلك
كريم: سالتني قبل ما تروح تجيبهم اخدت راي خلتني علي الهامش
عاصم: عشان كدا بتتصرف تصرفات جنونيه غاوي بس تضايقني انت مفكر نفسك ذكي انت مغرور 
كريم:  لا انا بعمل كدا عشان امي،،امي الي لما ماتت كنت في اوضه الاجتماع و عشقيتك فضلت جنبها لـ اخر نفس
عارف انا مش بفكر اتجوز ولا اخلف لاني هديلو ايه الحب معرفوش الحنان مشفتوش غير مع امي قولي لو عندك اب شبهك تحب تقوله ايه؟؟ انا لما بكون معاك بحس بالحزن والتعاسه
عاصم بكا بنحيب: طالما  مش محتاجلي يبقي تخرج من بيتي ولو متعدلتش اياك ترجعه ومن هنا ومن الساعه دي انسي ان ليك اب ولا تتصل بيا وانا هعتبر نفسي معنديش ابن جاحد زيك
كريم صقف: برافو انا فعلا مش هرجع يا عاصم بيه مش حرجع خصوصا والحشره دي موجوده هنا حتي لو موت مش هحضر دفنتك
عاصم شده بقسوه لبرا: برا غور برا
يتبع..
لقراءة الفصل السادس : اضغط هنا
لقراءة جميع فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى