نوفيلا نكهة حبك الفصل الرابع 4 بقلم إيمان العطار
 |
| نوفيلا نكهة حبك الفصل الرابع 4 بقلم إيمان العطار |
نوفيلا نكهة حبك الفصل الرابع 4 بقلم إيمان العطار
_ اممممم ممكن اعرف بتعملي ايه في اوضتي
اخفضت نظرها خجلا من نظراته التي يرمقها بها
__ انا والله كنت بدور علي علي عمر
ضحك مروان بخفه…
__ بتدوري علي عمر في دولابي
ردت ريماس بعصبيه
__ ااه بدور علي الايباد بتاعه هو الي قالي ووسع كده بقي هو انت مسكت حرامي
رد عليها مروان بعصبيه مماثله
__ هو انا مش قولت ليكي استنيني هوصلك اروح هناك الاقيكي روحتي
__ خلصت وروحت مفيهاش حاجه علي فكره انا حره
__ لا شغل حره والكلام ده ميمشيش معايا انا الي اقوله يتسمع
__ وانت مالك بيا اصلا ده انت بارد
وضعت ريماس يدها علي فمها بعد ما تفوهت به بعد ما رات نيران الغضب تشتعل بعينيه.
تحدث مروان بهدوء
__ انتي قد الكلام ده
__ ااه قده
__ خلاص يبقي تستحملي العقاب
__ عقاب ايه هتضربني وربنا هصرخ والم البيت كله عليك
ثم وضعت يدها علي وجهها واغمضت عينيها خوفا من ان يضربها فعلا
اقترب مروان منها وطبع قبله علي يدها الموضوعه فوق خدها ثم ابتعد عنها.
ظلت ريماس علي حالتها للحظات تستوعب ما فعله مروان هل فعلا وضع قبله علي يدها
تحركت بسرعه وهربت من امامه بدون اي كلام..
**********************************
في اليوم التالي
عادت ريماس من كليتها في وقت متاخر دخلت من باب العماره فانقطعت الكهرباء فجأه.. صرخت ريماس لانها ترتعب من الظلام ولكنها اصدمت بشخص فمسكت فيه علي الفور
.. كان مروان خارج من باب المنزل عندما لمح ريماس تدخل من باب العماره فقطعت الكهرباء عندما صرخت حاوطها بذراعيه القويتين وبدا يهمس لها بكلام حتي يهدأ من روعها
__ خلاص اهدي يا ريمو مفيش حاجه اهدي
ولكنها كانت ترتجف بين زراعيه فاضاء كشاف الموبايل
__خلاص يا حبيبي نورتلك النور اهوه حتي ارفعي وشك
رفعت وشها من حضنه فعادت الكهرباء مره اخري فابتعدت عنه مسرعه حينها فقط ادركت انها كانت بحضنه
__ ايه ده الي انت عملته انت ازاي تسمح لنفسك تعمل كده
__ ايه ده هو انا عملت حاجه انتي الي مسكتي فيا اصلا
__ انا ازاي لا طبعا انت الي بتستغل الموقف
__ والله فعلا مكنتش اعرف
تحركت من امامه بعصبيه ثم التفتت له مره اخري وكانها تذكرت شئ
__ ااه واوغي تكون فاكر اني نسيت الي انت عملته امبارح بردوا علي فكره بقي لو ما احترمتش نفسك معايا انا هاخد موقف
تحرك مروان نحوها بتسليه توقف امامها واتكأ علي الحائط المجاور
__ هو انا عملت ايه امبارح مش فاكر فكريني كده..،
تحدثت ريماس باندفاع
__ عملت ا… انت عارف انت عملت ايه يا مروان.. والي حصل ده ميتكررش تاني
__ ههههه موعدكيش بصراحه يا ريمو
__ نععععم
__ بالظبط مستني الموقف الي هتاخديه بقي
__ والله هتشوف
وانصرفت من امامه بعصبيه شديده وهو ظل ينظر في اثرها وعلي وجهه ابتسامه عاشقه……
*********************************
عادت الي المنزل وجلست علي فراشها وهيا في عالم اخر تذكرت تلك اللحظات التي كانت بداخل احضانه
(( يا نهار ابيض معقوله كنت في حضنه يالهوووي ايه ده انا شكلي وقعت ولا ايه لا اجمدي كده يا ريمو…
اجمد ايه بس هو قالي اهدي يا ريمو ولا يا حبيبي ولا انا بيتهيألي هيجنني والله
بس اكيد قال يا ريمو معقول بيحبني طب ازاي وهو معجب بمريم..
معجب بمريم امال عمل الي عمله دا ليه خليه يشبع بيها بقي.. بس بس حضنه حلوه قووي. وبعدين بقي ايه الهرومانات المهزأه دي لا انا انام احسن واحاول اتجنبه ده بقي خطر عليا).
**’*************************
في منزل مروان
كان مروان جالس في غرفته يتفحص الايميلات علي الجهاز اللوحي الخاص به فسمع طرق علي باب غرفته
وقبل ان يجيب كان عمر فتح باب الغرفه
__ ممكن ادخل
__ ما انت دخلت تعالي
__ ايه يا بوص بتعمل ايه
__ مفيش كنت بشوف الايميلات الي عندي
__ ولقيت ايه
__ بطل الحشريه الي انت فيها دي ههه… ومع ذلك هقولك المفروض ارجع فرنسا خلال اسبوعين كحد اقصي
__ ايه هتسيبنا وتسافر كمان اسبوعين
__ طب اعمل يا عمر شغلي ولازم ارجع وغير كده الدكتوراه الي انا بحضرها هناك. بس اطمن المرادي مش هغيب كتير
__ طب وو ولا خلاص بلاش
__ قول قول كل الي في نفسك
__ هتسمع كلام بابا وماما وتخطب قبل ما تمشي
__ انت هتعوم علي عومهم انت كمان خطوبه ايه بس ازاي اعلق معايا واحده وامشي كده مش هينفع..
__ يعني مفيش حد
__ مش عارف والله يا عمر..، تفتكر هينفع
__ اااه طبعا هينفع جدا والله انت وريمو لايقين علي بعض جدا
__ هههههههههه ومين جاب سيره ريماس دلوقتي
__ عيب عليك اخوك لميح بردوا وليه نظره
__ ههههههههه طب قوم بقي يا اخويا شوف مذاكرتك
__ اوك يا بوص تصبح علي خير
مر الاسبوعان وريماس تنجنب مروان بقدر الامكان تخرج باكرا الي كليتها وتحاول قضاء اليوم كله في جامعتها
حتي لا تحتك بمروان باي طريقه كانت تحاول ان تبتعد عن المنزل قدر الامكان …
قبل سفر مروان بيوم
كانت ريماس جالسه في شرفه منزلهم لا تعلم ما اصابها منذ ان علمت انه سيسافر مره اخري.. هل هكذا هيرحل ويتركها ويغادر . احست بقبضه غريبه في قلبها وكانها تختنق فجأه.
دخل عليها عمر وهيا لم تشعر به فكانت سابحه في بحر افكاراها
__ الي واخد عقلك
انتفضت ريماس علي صوت عمر
__ خضتني يا عمر في ايه
__ ما انا بقالي ساعه واقف وبنادي وانتي في عالم تاني
__ عالم تاني ايه انت كمان اقعد اقعد انت فين
__ انا الي فين بردوا ولا انتي الي مبقتش لاقيكي ولا حتي بقيتي بتفوتي عليا وانتي راجعه بقالك اسبوعين
__ ولااا اوعي تكون فاكرني ناسيه الي عملته اخر مره لما خدتني ونزلتني عندكوا وخلتني ادخل اوضه اخوك مروان
وقبل ان ينطق عمر ويرد علي ريماس جاء صوت من خلفه
__ مين جايب سيرتي…
وقفت ريماس بصدمه… مروان.
عمر… طب انا هدخل اشوف مرات عمي طابخه ايه النهارده
وبقي ريماس ومروان داخل الشرفه….
__ انا مسافر بكره
__ احسن بردوا، تصدق انا فرحانه جداا
__ ياااه للدرجادي وجودي كان مضايقك
__ ااه اصلك انسان مستفز
__ تاني بتغلطي انتي محرمتيش
__ ايه محرمتيش دي انت متقدرش تعملي حاجه.
__ تيجي نجرب
__ مروان اتلم اوعي تقرب مني
__ هههه ماشي يا ستي مش هقرب بس انتي فرحانه اني ماشي.
__ ااه جدددا
__ بس انا بقي مش فرحان.. تخيلي انا كنت جاي مصر ومضايق جداا مكنتش عايز انزل اتعودت علي العيشه هناك جدا وكل احلامي وطموحي بره.. بس لما جيت هنا قبلت حد خلاني اغير رايي خلاني احب هنا جدا وزعلان اني ماشي
__ مين الحد ده انا اعرفه
__ ااه طبعا تعرفيه جداا
في هذه اللحظه احست بخنجر غرس في قلبها فها هو ياكد لها شكوكها وظنونها حاولت تمالك نفسها واستدارت للخروج وقالت وهيا موليه ظهرها له
__ ولما انت حبيتها كده مقولتش ليها ليه.. مريم كويسه وتسستاهل
ثم انصرفت من امامه بسرعه
__ مريم… مريم مين دي يخربيت دماغك خدي هنا يا بت…
دخلت ريماس الي غرفتها مسرعه جدا وبعدها سلم مروان علي مرات عمه واخذ عمر وانصرفوا..
يتبع..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني
