رواية احبه ولكن الفصل الأول 1 بقلم مروان فرج

رواية احبه ولكن البارت الأول

رواية احبه ولكن الجزء الأول

رواية احبه ولكن الحلقة الأولى

اني بنت موليد 97اسمي حياة من عائله بسيطه تتكون من أب وأم وتلاته بنات معنديش خوت ولاد واني الكبيره في خوتي بوي طبعه صعب شويه يعني البنت ليهاا حدود معينه مافيش حريه نهأي كل شي بحدود لين وليت زي المتعقده مش عارفه كيف نتصرف حتا لما نحصل في موقف نقعد ندور في حد نحكيله باش يطلعني مناا
وكنت ندرس في الهندسه ومتفوقه في دراستي واموري تمام التمام صح عاطيني بوي قوانين ماشيه عليها لكن علي خاطر دراستي موافقه وعادي علي قلبي زي العسسل
والقوانين هيااا مافيش صحبات يعني نمشي لي صحبتي هادي وله كلمتني صحبتي هادي حتا رقمي مافيش حد يعرفه قالي قولي بوي مايبش حد يعرفه كل شي يقولي دكيه في راسي وتليفوني امتاا مايوقف يقول هاتي معناها مافيش لا في ايده طول يعني معقدني الحق وصلت سنه تانيه جامعه امي دكتورة نساء وتوليد وكانت امي مشالله عليها تحب خدمتها ومعروفه في مجالها وفي يوم جت لي امي بعته خارج ليبيا لمدة اربعه سنين وفرصه لي امي الحق وكانت ماتبيش اضيعها وبوي رافض في الاول علي خاطرناا انااا درستناا بتتغير ومش واخدين علي الوضع وبنتشردو معاها كان رافض لكن خوتي البنات الزوز اصغر مني وكانو حتا في العمر صغار يعني وحده تقرا صف التالت وتانيه صف اول يعني مش مشكله يقدرو يتقالمو لكن اني لا صعب لاناا جامعه وبتتلخبط علياا امي اضايقت من بوي وقعدت فتره تزن عليه وهوا رافض قررت امي تمشي لي عمي باش يقنع بوي
عمي هاداا حالته الماديه فوق الريح مستريح علي الاخير وعنده بنت ولد بس احني مش مخلطينهم هلباا الحق لاناا بوي متعقد زي ماقولتلكم وماكانش يخلي فيناا نطلعو لي ناس هلباا وامي ديما مشغوله من مصحه لي مصحه يعني أغلب وقتها خدمه و متواصلش هلباا في الناس حتا اقرب الاقارب امي معندهاش كترت عيله بوها وامها متوفين وخوتها كل حد في حاله
امي روحت من خدمتها مش لي حوش عمي قالتله شن صاار وهياا تبي تمشي ضروري واناا فرصه ومش حتتعوض تاني وهياا حلمهاا تكون أخصائية كبيره وعندها طموح تكبر شغلها عمي فهم عليها وقالها تمام عندك الحق حاضر توا اني نتفاهم معاه
روحت امي وعمي اتصل بي بوي قاله نبي نهدرز معاك شويه قاله بوي تمام خشي بوي لي حوش عمي قعد يهدرز عليه وقاله علاش وحرام عليك هادا حلمها ومستقلبها واناا انتا ضروري تخليها تمشي بوي قاله اني كاسر ضهري حياة قرايتها حرام البنت تتلخبط دراستها علي خاطر امها علاش هياا انانيه تفكر في روحها وصغارها لا عمي قاله باهي كيف الحل قاله بوي خليها توا وان شاء الله خير
روح بوي طبعاا طول استقبل امي بالعياط وتعارك معاها كيف تمشي لي خوي وشن دخله هواا ودوه طويله امي قتله اني ضروري نمشي وقعد تبكي وبوي قالها اني حنسأل غدوه شن موضوع الدراسه عندهم البنت تكمل طول ولا يضيع عليها السنه
قتله امي تمام
وفجاء اتصل عمي بي بوي قاله تعالى نبيك حياة خليها تقعد عندي زي بنتي اني عندي وحده و ولو زوز والصغار الزوز ارفعهم قاله بوي لا طبعاا كيف انتاا عندك ولد في الحوش وكيف هيا بتقعد عندك قاله بوي خيرك هياا اصغر مناا وهوا يخدم يروح من اليل لي اليل يرقد والصبح يطلع تاني وقعد يقنع فيه لكن بوي شي شي يخش من اهني يطلع من اهني
وروح لي امي قالها ياااني يا السفره امتعك
امي قعدت بين نارين وقلبها واكلها عليناا مش عارفه كيف تتصرف
وفي الوقت هادا كان عمي يفكر كيف يساعد امي
طبعاا عمي عنده ولده هاداا يبي بنت مش ليبيه وهوااا جنتل مان وجو طبعاا وسياره واو والخدمه مدير في شركه بوه يعني حلم كل بنت
لكن معمي علي عيونه ويحب وحده مش ليبيه ومش عارفه شن دايرتله مخليته زي المهبول
وعمي ومرت عمي رافضين طبعاا وقالوله انتاا تحلم ياتاخد ليبيه ياا لا
طبعا عمي ومرت عمي قعدو يفكرو وصلو لي حل اناا يقترحو علي ولدهم خالد اسمه طبعاا
يقرا علي حياة الفاتحه لين تروح امها من السفر باش بوي يقول باهي ويخليني نقعد عندهم طبعاا هماا يبو ولدهم يفوت البنت هاديكا ويلها معاي مرات يتغير الوضع ويبداا يحبني اني
وكل واحد في الاخير يدور علي مصلحته
طبح عمي علي امي قلها هكي وهكي واناا الموضوع علي الورق بس يعني فاتحه بس باش انتي تقدري وتمشي تكملي دراستك طبعا امي انانيه مفكرتش في بنتها وشن بيصير فيها فكرت في نفسها وخلاص
روحت امي و قالت لي بوي راهو خوك يبيها لي ولده واحني مش راح نلقو خير منهم وبنعيشو في جرتهم طبعا احني حوشناا ابسط من البساطه واخدين ارض ونبنو عليها وكل فلوس امي و بوي ماشين في البني
وامي عينها واسعه وتبي كل شي احسن مايمكن بوي قالها البنت صغيره شن الدوه الي تدوي فيها انتي قتله لا توا فاتحه بس لين اتكمل قرايتها ونروحو احني وبعدين بنديرو العرس
قعد بوي يفكر شويه بعدين اقتنع
طبعا ولد عمي خالد في الاول رافض نهأي لكن بعد ما عمي هدداا اناا بياخد مناا كل شي واناا الموضوع علي الورق بس وقاله باهي اقراء فاتحه عليها وبعد فتره خود انتااا الي تبيها وهادي لما ايروحو بوها وامها طلقها
طبعا عمي ايساير فيه يبيه يحصل بعدين بي خطط من عمي ومرت عمي يخلوه يحبني
و معاش في وقت خلاص علي سفرة امي مزال اسبوع قال عمي خلاص اليومين هادو بنقروها قاله بوي تمام وكانت مرت عمي فرحانه الحق وبنت.عمي حتا هياا وامي وكلهم واني طبعا ماكنتش نندري علي هادا كله اناا خالد يحب وحده تانيه مش ليبيه واني فتره بس وبيطلقني كنت فرحانه وقريب انطير سن المراهقة يعني وهواا الحق ينحب يعطيه دعواا يهبل و مافيشي ولا غلطه من كترة ماهواا جنتل وشايف روحه ماكنتش حتا نحلم نسلم عليه ولا نكلمه
مش نتزوجه يعني الموضوع جي بسرعه بسرعه
وجي يوم الفاتحه 😍😍😍
واني قريب انطير من الفرحه ومش مصدقه بكل تقول نحلم ومع هادا كله مزال مجتش بيني وبينه كلمه كل واحد في حاله الدوه بين بوي وعمي
قرو الفاتحه وروح بوي وقال مشت الامور لكن حسيت الولد مش فرحان تقول في جنازه قتله امي متحشم بعدين خالد هكي طبعه رزين شويه عادي تو مع الايام ياخد عليها و يتعرفو علي بعض اكتر
وتاني يوم قتلي امي هياا نطلع ناخدلك شويه حوايج قنينات حتا تقعدي قدامهم نضيفه و منضمه قتلها تمام خدتلي حوايج ما عمري فكرت نشري منهم ماركات كلهم و بجامات نوم حلوات و توتات تقول غير نعيشو اني واياه في دار وحده وبيدخل علياا علي اماا اناا امي مقويه قلبها
المهم خدتلي هادم الحاجات وروحنا وتاني يوم قتلي امي اني يعد غدوه الطياره امتاعي يعني انتي غدوه بتمشيلهم قتلها باهي وتيت حاجاتي كلهم و مشيت لي حوش عمي تاني يوم كان استقبالهم لياا حاجه واو لين مصدقتش روحي نحسابه حلم تي كيف هكي علي ما انا فرحانين بيا وبنتهم اصغر مني بسنه تقرا في القانون وكانت متفوقه حتا هياا
وبديت اني واياها صحبات هلبا لكن خالد ؟؟؟؟
لا روح للحوش لا شي اسبوعين لا شفته لا ريته واني مابيتش نسأل عليه قولت ارزني يا فرخه تو ايروح ولا تسمعي عليه حاجه وهوا الفالح بسلامته طلع مقايل لي بوه مش تبي نقرا فيها الفاتحه اهو قريتها خلاص توا اني فوتني ومشي اجر شقه وقعد فيها واني طبعا منندرش علي هادا كله زي العبيطه مشيت ضحية امي و عمي كل واحد يجري علي مصلحته و قعد عمي يرفع فياا للجامعه اني و بنته ويروح بيناا وكل شي ماشي تمام لين فاتو شهرين والوضع زي ماهو عليه مافيش واحد منهم يجيب في اسم خالد علي لسانه في الحوش
وبعد هاديكاا الشهرين قررت نسأل اخته مروه عليه يعني نضرب عليها من فوق لي فوق علي اساس بندير روحي فالحه منحسابش روحي منعرفش نخلص بقره من طين
😑😑😑😑
قوتلها قولي يا عسسله وين خوك العفو مايقولش بالك مرتي تبي حاجه توا اني مرته خلاص
قتلي والله شن بنقولك هوا قاعد مع واحد صاحبه يسكن قريب علي الشركه وعزابي قال خليها علي راحتها مدامه توا في وين نقعد خليهم هما بنات مع بعض واني مستريح عند صاحبي
ودوه زي هادي متخشش الراس شن خليها علي راحتها شن شكيتلك اني تي اني جايه الحوش علي خاطرك المهم ماعدلتش علي كلامها وخديت رقمه من تليفونها وقررت نتصل بيه
واتصلت بيه في اليل مع الساعه عشره لقيته انتظار قولت شني من اولها هياا الحكايه صكرت وقعدت شويه بعدين عاودت لقيته مزال انتظار قولت انتي هكي تي برا شن تحساب روحك امشي ملح معاد معودتلك وفي وسط قلبي وخاطري نقول زعما نتصل بالك صكر وقعد نسحن عليه ونقول بالك يعاود لكن الاستاد ولا على باله رقد و فاتني نضت الصبح بعتله رساله مكتوب فيها صباح الخير ☺☺
معدلش علياا 🤔🤔🤨🤨
اكتر من ساعتين لا رد لا اتصل شي شي قولت باهي خليك توا والمشكله اني ازبيكو ومنعرفش نتصرف زي الغبيه نهك وخلاص
نبي كيف
انجيبه لي حوشهم ويجي يشوفني واني الحق قنينه عيوني ملونات وشعري قصدلي و بيضاء يعني خير من العقربه الي هوا يبيها لكن شوفتها نصدمت الحق مزال تو انجيبكم بالدوه هي هي قداش ماشفت اني
وبعد اكتر من تلاته ساعات لقيته بعتلي مسج مكتوب فيه 😏😏من معاي؟؟؟؟
قولت هي ياافالحه شن بتردي عليه تراا قولت نقوله معاك مرتك يافالح الي من يوم قريت فيها فاتحه معاش دورتها بعدين قولت تي لا ياغبيه شن مرتك
زيدي فكري
امممممممم
معاش عرفت وهمي وخلاص تي فكري بسرعه قبل مايفوت وينسي الموضع قتله
اني حياة ☺☺
بعتلي
شن في ان شاء الله خير؟؟؟؟؟
اني خلاص اسخنت شن يقول هادا مصح وجهااا
قعدت انفكر شن بنردد المهم من كترت الغباء والعبط الي عندي كل مسج والتاني نقعد قريب ربع ساعه انفكر بعدين بعتله