رواية حكاية سما الفصل الرابع 4 بقلم شيماء

جري سيف بتهور ناحية سما وهو يقول…. لا لا لا.

وجلس علي ركبتيه وقال… انتي مش هيحصلك حاجه هتبقي كويسه هاااا خليكي مفتحه عينك وصرخ بصوت عالي… فيين الدكاتره اللي هنا اخلصوا بسرعه.

سما تمسك بيده وعينيها تمتلأ بالدموع وتنظر له نظرة خوف.

سيف… مش هيحصلك حاجه هتبقي كويسه صدقيني.

واخذوها الي غرفة العمليات وهو يمسك بيدها بشده ولا يتركها حتي قال له الطبيب… لو سمحت سيب ايديها خلينا نعمل شغلنا.

وابتعد ثم دمعت عينيه ونظر الي يده وهي ترتعش ومليئه ب د**م سما وقال …مش هيحصلك حاجه يارب ارجوك احميها انت عارف قد اي انا متعلق بيها وبحبها قد اي متوجعهاش وتوجع قلبي عليها.

واتصل بالعائلة واخبرهم وعند وصولهم.

سحر…. بنتي ي سيف حصلها اي ي حبيتي ي بنتي قول الدكاتره طيب مقالوش حاجه.

سيف… لا لسه مقالوش اي حاجه.

سحر… كان قلبي حاسس والله قلبي كان مقبوض اكيد مش هيحصلها حاجه ي كرم صح هي قويه وبتستحمل صح.

كرم يحاول تهدأتها… صح ي حبيتي هتبقي كويسه اطمني انتي متقلقيش.

وسيف خرج خارج المستشفي ويحاول أن يلتقط أنفاسه ويمنع بكائه ثم اتي عمر وقال… متقلقش ي سيف هي هتبقي كويسه.

وانهار سيف من البكاء وحضنه وقال برعشه..انت ي عمر مشوفتش حالتها كانت ازاي كان الد**م حواليها وكانت بتبصيلي بخوف ي عمر انا بجد مش قادر انسي نظرتها من غيرها انا ولا حاجه هي هتبقي كويسه،

 ودمعت عين عمر وابتسم ابتسامه خفيفه ليطمئنه وهو يحتاج من يطمنه وقال… متخافش عليها انت متوقع سما تسيبك بسهوله دي دي قطه ي بني ليها سبع أرواح.

وبعد مده ينتظرون خروج الطبيب وعندما خرج الطبيب.

كرم … اي اي ي دكتور طمنا.

الطبيب…. كانت الاصابه بتاعتها مش سهله حصل معاها نزيف وقدرنا نسيطر عليه وإصابة في العمود الفقري وغالبا بيبقي ليها مضاعفات حاليا احنا نقلناها للعناية لحد ما يظهر رد فعل منها.

سحر ببكاء شديد…. قصدك اي بنتي هتبقي كويسه مش هيحصلها حاجه اي اللي بتقولوا دا فهمني قولي أنها هتكون كويسه.

الطبيب… ادعولها كتيىير دكتور سما كويسه جدا كل اللي في المستشفي بيدعولها صدقيني عملنا كل اللي نقدر عليه.

وسحر تنهار من البكاء في حضن كرم…. بنتي ي كرم بضيع من بين ايديا ي بنتي قومي عشان خاطري محتاجينك ي حبيتي انتي متوجعيش  قلبي عليكي.

وسيف يجلس في الأرض ويضع يده ع فمه وهو ينهار من البكاء.

ثم يغمي علي سحر ويأخذوها لترتاح في غرفة.

ثم يذهب سيف عند سما وينظر لها من خارج العنايه. ثم يري نوران ( ممرضه  تعمل في المستشفي وزميلة سما ).

سيف .. نوران نوران لو سمحتي خليني ادخل ليها ارجوكي.

نوران .. لا ي استاذ سيف صدقني مينفعش.

سيف… ارجوكي خمس دقايق بس.

وبعد إصرار من سيف وافقت .

نوران… ماشي خمس دقايق بس لازم تتعقم  الاول بعد كدا تدخل ليها.

ثم دخل سيف الي العناية ونظر إليها ويحاول أن يمنع دموعه وقال… انا عارف انك زعلانه مني بسبب تقصيري وانك كل ما تقوليلي نتقابل اقولك مش فاضي معايا شغل بس انتي عارفه كويس اني انا شايل مسئولية الشركة وبيكون ورايا شغل كتير صدقيني لما بكون فاضي اول حاجه بعملها اني بروح اقعد معاكي بطلع من مود حياتي الممل لما بقابلك تعرفي جبتلك ايس كريم اللي بتحبيه لانك قولتي أن الجو حر انهارده وقولت اجبلك حاجه بتحبيها زمانوا سايح وبوظ العربيه مش هتقولي وتردي عليا تقوليلي العربيه اهم مني.

 ثم يبدأ بالبكاء بشده… قومي ي سما انا مش متعود اني اشوفك كدا متعود علي المشاكل والرغي والمقالب بتاعتك اللي مش بتخلص قومي انتي عارفه قد اي انا متعلق بيكي متعقبنيش طنط وعمي وماما وبابا وعمر كلهم خايفين عليكي انتي هتبقي كويسه عشانهم اوعدك اني هأجل شغلي لو قولتيلي نتقابل بس متسبنيش ارجوكي.

وبعد مرور خمس ساعات

خرجت نوران بفرحة وقالت… دكتور سما فاقت اخيرا مبقاش دلوقتي في خطر عليها.

سحر… طيب ينفع نشوفها دلوقتي.

نوران…. ايوا ي طنط هينقلوها بس من العنايه وتقدري تشوفيها.

وعندما دخلوا لرؤية سما.

سحر بدموع فرحه…. سما بقيتي كويسه ي روح قلبي انتي.

سما بصعوبه…. الحمد لله ي ماما متقلقيش انا قولتلك اني قويه

.

حنان…. فعلا طلعتي قويه بجد ي حبيبتي.

سيف يقف عند الباب ولا يدخل وهو ينظر لها من بعيد.

سما… في واحد مش عايز يطمن عليا ولا اي.

عمر… خلصتي دموعه ي بنتي بجد.

سما… بجد عيط عشاني.

عمر… اه زي ما سمعتي.

سيف… لا معيطش ولا حاجه اخوكي بيكدب ع فكره.

سما… اخويا بردو اللي بيكدب لا انا مصدقه اخويا علي فكره.

سيف… نينينينينيييي.

سما… نينك في عينك.

كرم… هو انتو لحقتوا تتخانقوا.

وقام الدكتور بعمل فحوصات وأثناء الفحوصات سما لم تشعر بقدمها.

الطبيب… اي ي سما حاسه.

سما… لا خالص ثم تحاول تحريك قدمها لكنها لا تشعر بها ثم تقول بخوف… هو اي اللي بيحصل انا مش حاسه برجلي دكتور انا مش حاسه برجلي.

سحر… اهدي ي سما ي حبيتي .

سما… ماما انا مش حاسه برجلي ي ماما.

الطبيب… اهدي اهدي دا مضاعفات بس بتتعالج مع مرور الوقت هتعملي جلسات علاج طبيعي وهتبقي كويسه.

وتبدأ سما بالبكاء في حضن سحر.

ويذهبوا كرم وسيف و عمر عند الطبيب.

كرم…. دكتور طلبتنا خير.

الطبيب…. انا مكنش ينفع اقول الكلام دا قدامها لأن دا ممكن يأثر عليها بصراحه حصل ضرر كبير في العمود الفقري وصعب أنها تتعالج العلاج اللي هتعملوا مش سهل لازم يبقي عندها اراده قويه وهيتعمل في فتره كبيره نسبة انها ترجع تمشي تاني 20%.

كرم ينهار…. قصدك اي ممكن بنتي مترجعش تمشي تاني ليه ياربي عملت في بنتي كدا ليه بتعاقبها عقاب صعب اوي عليها يارب خفف عنها يارب.

سيف… اهدي ي عمي صدقني اكيد هترجع تمشي وتبقي كويسه متخافش سما قويه هي هتقدر والدكتور قال في امل 20% يعني مش قليل احنا معاها كلنا هنشجعها أنها تكمل انت عارف قد اي سما غاليه علينا كلنا .

عمر… ايوا ي بابا سيف معاه حق سما قدها وقدود يالا نروحلها دلوقتي هي اكيد محتجانا جنبها نطمنها أننا معاها في حالتها.

ويأخذه عمر ويبقي سيف مع الطبيب.

سيف… دكتور انا عايزاه اعرف مين الشخص اللي سما وصلت للحاله دي بسببوا.

الطبيب… هو نفس الشخص اللي اتوفت مراته وقت ما كانت الدكتور سما بتولدها.

سيف…. بس هو يعمل في سما ليه كدا.

الطبيب… عشان هو فاكر أنها المسئولة عن وفاة مراته.

سيف…. هو مش عارف سبب وفاة مراته الحقيقي 

……….