رواية بين الماضي والحاضر الفصل الرابع 4 بقلم ياسمينا

عبير قربت من علي السرير ورفعت الملايه وبصت تحت السرير.. ولقت عمر 

عمر بأبتسامه  :  هالوووو

عبير بصدمه:  جيبالي رجاله ف البيت يقمر 

قمر بتوتر:  لا دا راجل واحد والله

عمر طلع من تحت السرير وقال بذكاء:  انتي متعرفنيش 

عبير بغضب: وانا اعرفك منين

قمر بصدمه:  ماما ده بابا عمر 

عبير بضيق:  قمر انتي اتهبلتي ده مش ابوكي  وبعدين  ابوكي ايه ده قدك

قمر فتحت كراسة الرسم وقالت  :  ده مش بابا 

عبير بصت علي رسمه وقالت:  اه ده عمر صاحب فريده وده رسم فريده عمر اختفا ف سنه 1997 انا عمري ما شوفتو الصراحه  بس فريده متأثره اوي بغيابو 

قمر بصت لي عمر…  وعمر بصلها بحزن كان واثق انها مش بنتو

قمر بدموع:  اومال انا بنت مين 

عبير بتوتر:  انتي هتخديني بصوت ولا ايه مين ده 

عمر بسرعه:  انا حازم ابن عمر وانا شبهو 

عبير بغضب:  وايه الي جابك بيتي.. 

عبير اتفاجأت بسؤال قمر:  هو انا بنت حرام 

عبير مردتش عليها

قمر بصوت عالي: ردددي 

عبير بغضب:  بس اسكتي خلاص 

قمر بتهديد:  انا كدا كدا هعرف بس اقسم بلله ياماما لو طلعت بنت حرام ما

عمر قطعها وقال: بس خلاص 

عبير مقدرتش تستحمل كلام بنتها وطلعت برا الاوضه 

قمر بدموع  : لو طلعت بنت حرام هغير الماااضي وهنتقم منهم كلهم 

عمر بحزن:  اهدي احنا لازم نرجع لزمني 

قمر:  تعال ننزل من هنا 

عمر:  طب مامتك 

قمر بصتلو بضبق  وطلعت من الاوضه وعمر مسك كراسة الرسم وخدها معه وطلع وراها……  وطلعو من الشقه 

عمر بضيق:  اي كان مامتك  عملت  ايه مكنش ينفع تكلميها كدا 

قمر بصتلو بغضب وقالت:  انت جاي تعلمني ولا ايه لا روح علم نفسك انت حبيت مرات صحبك بجد مش عارفه  ايه القرف ده لا وكمان جاي تعلمني الادب

قمر دخلت الاسنسير بغضب….  وبصت  لي عمر وقالت بضيق:  ادخل 

عمر مسك باب الاسنسير  وقال بكل هدوء:  شوفتي معاملتي معاها كانت عامله ازاي شوفتي فريده جرحتني ازاي بس انا فضلت معاها مش علشان بحبها والله لا علشان انا من اول يوم اتجوزت فيه سليم  شوفتها اختي…  وانا مبسبش اختي واقعه ف مصيبه.. طيب شوفتي فريده  كانت معيشه اسر ف كدبه وانها هي وابوه كويسين  معا بعض وبيحبو بعض مسألتيش نفسك ليه

قمر بصتلو ودموع في عنيها وقالت:  ليه

عمر:  علشان متخليش نفسيتو وحشه فريده وسليم كل دقيقه بتتخانقو اكيد هي بعدت اسر عن الخناق علشان نفسيتو وشخصيتو متطلعش زاي ابوه شوفتي  بقا الفرق  بنا وبنكم اسر لما عرف ان امو بتحبني زعقلها..  وانتي جيتي تزعقيلي بجد المستقبل  ده شكلو فيه مصايب كتير وناس مبتحترمش حد وقلة الادب هتبقا طبع فيهم 

قمر حطت ايدها علي وشها وبدأت تعيط بحزن..  وعمر دخل الاسنسبر وحضنها بحنان وقال  :  انا اسف اني كلمتك كدا بس لازم تفهمي ان دي امك مهما عملت 

قمر حضنتو جامد وقالت:  الماضي ده طلع وحش اووي انا كنت بحسب ان كل مشكلتي اسمي بس

عمر بضحك:  انا مش عارف عقلي كان فين لما سميتك الاسم  ده 

قمر ابتسمت وقالت:  كنت شارب حاجه  شكلك 

فجاه سمعو شخص بيقول:  استغفر الله العظيم.. 

قمر خرجت من حضن عمر وبصت قدامها لقت راجل كبير واقف قدام الاسنسير

قكر بستغراب:  مالك ياحج 

الشخص بقرف:  استغفرالله  بحد البنات مبقاش عندها حياء 

قمر بصت لي عمر وقالت:  هو قصدو ايه الراجل الخرفان ده 

الشخص وهو بيمشي قدامهم:  بقو يحضنو ويبوس بعض كدا قدام الناس بجد بنات اخر زمن 

قمر  بغضب:  استنا ياراجل ياكداب انت احنا بوسنا امتااا!!! 

عمر مسك ايدها وقال:  اتهدي بقا وحركي اما الاسنسير  ده

قمر:  طيب… 

________________________________________

اسر وصل القصر بتاعو بس دخل من البوابه الخلفيه محبش مامتو تشوف عربيتو كدا وتخاف عليه….  ودخل من باب المطبخ الخلفي وبعدين جاي يخرج من المطبخ بس  شاف ابوه بيزعق لي فريده

سليم بغضب: انتي عايزه مني ايه 

فريده بدموع:  وطي صوتك لاسر يجي ويسمعك

سليم بغضب:  مايسمع خليه يجي يشوف امو

فريده بغضب:  ارحم بقا انت كل يوم معا ست اتقي الله بقا 

سليم  بخبث:  ايه غيرانه عليا

فريده بصتلو بقرف وقالت:  ابدا بس انا مش عايزه اخوت لي اسر تاني 

سليم  بسخريه:  ولا تاني ولا تالت وبعدين انتي قلبك اسود اووي انتي لسا فاكره الي حصل من 23 سنه 

فريده بدموع:  يوم 28/10 /1997 التاريخ ده لسا محفور ف قلبي وفي عقلي مستحيل انسه 

سليم بخبث  :  قولتلك سبيني

فريده:  علشان تاخد مني اسر عارف لو مكنتش بتهددني بيه كنت مشيت وسبتك… 

اسر  كان سامع كل ده بصدمه وبعدين  جالو رساله من قمر فتح التلفون وشاف الرساله ( احنا قدام القصر اطلع) 

اسر قفل التلفون وبعدين طلع من القصر 

قمر بحزن:  اسر انا طلعت بنت حرام 

اسر بصلها بحزن وقال:  وبابا  طلع بتاع ستات وماما عارفه  وساكته 

عمر بضيق:  اكيد علشانك 

اسر مردش عليه وكان باصص ف الارض بحزن 

عمر قرب منو وقال بهمس: علي اساس انك مش طالع لابوك دانت ياشيخ كنت عايز تعرفني علي بنات

اسر ابتسم غضب عنو وقال: تعرف وبس والله مش حاجه تانيه

عمر: لا ياحبيبي وانا اضمن منين 

قمر بضيق: بنات ايه 

عمر بضحك:لا متخديش ف بالك  

قمر: طب هنعرف الحقيقه ازاي 

عمر بتفكير: نرجع للماضي

اسر: نرجع لي تاريخ 28/10/1997

عمر بستغراب: 28/10 عيد ميلادي 

اسر: انا معرفش بس ماما قالت ان ده اوحش يوم ف حياتها..

قمر طلعت المنبه وعمر خدو منها وقال:هاتي اظبطو 

قمر: تمام 

قمر مسكت ايد اسر وعمر ظبط الوقت وبعدين مسك ايد قمر….  وفجاه اختفو..

_________________________________________

*في زمن 1997*

قد ام قصر اسر….. عمر فتح عينو بهدوء وبص حواليه وقال: طيب احنا كدا رجعنا

وفجاه سمعو صوت رعد وقالت: شكلها هتمطر تعالو ندخل من البوابه الخلفيه 

عمر: طيب 

عمر واسر وقمر دخلو من.البوابه وبعدين راحو المطبخ…. وبصو علي صالون لقو فريده واقفه قدام ترابيزه وحاطه علي ترابيزه تورته وحاطه فوقها شمع علي شكل 24 وحاطه جمب تورته صورة عمر 

فريده بحزن: انا مش عارفه روحت فين ولا اختفيت ليه بس انا دايما هفضل احتفل بعيد ميلادك 

قمر بغيره: امك دي مستفزه

اسر بضيق: اتلمي

عمر بهمس:هششش

فجأه دخل علي فريده خالد وقال بغضب: جوزك فين

فريده: مش عارفه

خالد بغضب: عبير مختفيه من الصبح ومش لقيها 

فريده بقلق: وسليم مجاش 

خالد: دايما جوزك بيبص علي الي ف ايد غيرو

  فريده بدموع: مش ذنبييي 

خالد بزعيق: هلقيه وسعتها اقسم بلله ما هرحمو…..

عمر طلع عليهم وقال: ف ايه 

قمر بهمس:عمر 

اسر حط ايدو علي بوق قمر وستخبو ف المطبخ…

اسر: اهدي شكل ده الي حصل اليوم ده ولازم عمر ياخد دورو علشان نعرف حصل ايه بظبط 

فريده بصت لي عمر بصدمه وقالت: عمر انت جيت كنت فين

عمر بتوتر: مش مهم قولي في ايه

خالد بسخريه: اخيرا جيت دانت من شهر ٢ مختفي ومنعرفش عنك حاجه

عمر بضيق:فين عبير خطبتك 

خالد بغضب: معرفش مختفيه 

فريده: عمر رد عليا كنت فين وايه البس الغريب ده

عمر بصلها وقال: تعرفي سليم فين دلوقتي 

فريده بتفكير: مش عارفه بس لما بنبقا متخانقين بيروح لي البرج بتاعو هو شطب شقه واحده  ف البرج ده 

عمر افتكر البرج الي عايشه فيه قمر وقال:تمام انا رايح اشوفو 

خالد: انا جاي معاك 

فريده بضيق: وانا 

عمر مشي وهما مشيو وراه… وعمر ركب عربية فريده وتحرك 

فريده: عمر براحه 

عمر تجاهلها ومردش عليها….  

اما ف شنطة العربيه ***

كانت قمر واسر فيها…

قمر: همووووووت يخربيت دي فكره 

اسر بضيق: كنا لازم نروح معاهم

قمر بغضب: مش عارفه اتنفس 

اسر بهمس: كان يوم اسود لما شوفت وشك النحس 

قمر بحزن: تخيل كدا مين ابويا

اسر: معرفش بس ايه علاقة بابا ب مامتك

قمر: مهي باينه شكلو كان بيضايقها

اسر سكت لما لقه العربيه بتقف…. 

وعمر نزل من. العربيه هو وفريده وخالد وطلعو البرج 

.. 

اما قمر طلعت من شنطتها حديده حجمها صغير وحاولت تفتح الشنطه….  وفتحتها وطلعت هي واسر 

اسر:  يلا بسرعه 

قمر:  مش عارفين انهي شقه 

اسر بتفكير:  تعالي نشوف يمكن الدور الاول 

قمر واسر دخلو العماره 

قمر بضيق:  عمر راح فين

أسر  :  اكيد طلعو الدور التاني

فجاه سمعو صوت ضرب نار جاي من دور التاني 

قمر بخوف:  عمر…. 

اسر وقمر طلعو الدور التاني ولقو باب الشقه مفتوح دخلو بسرعه لقو الصاله متبهده وكل حاجه فيها متكسره.    

اسر بهمس:  شكلهم ف الاوضه

اسر وقمر  دخلو  الاوضه….  وقمر صرخت وقاالت:  متسحيلللللل…..   !!!!!!!  وهنعرف بعدين 

يتبع…..