Uncategorized

رواية غيث ومرام الحلقة الرابعة 4 بقلم منار رضا

رواية غيث ومرام الحلقة الرابعة 4 بقلم منار رضا 

رواية غيث ومرام الحلقة الرابعة 4 بقلم منار رضا 

رواية غيث ومرام الحلقة الرابعة 4 بقلم منار رضا 

بعد ماغيث نزل من علي السلم ومسك الفون اول مافتح الفون لقي شات بين مرام وابن عمها (ابن عم مرام اسمه نادر بيحب مرام من صغره طويل عيونه بني فاتح شعره ناعم بشرته قمحاوي اكبر من مرام بأربع سنين اصغر من غيث بسنة ) 

الشات بين مرام ونادر ،

نادر=طمنيني عليكي ي صغنن.

مرام=الحمدلله بخير بطل كلمة صغنن انا مش صغيرة.

نادر=ولا تزعلي ي ست البنات ي قمر مش هقولك كدا تاني مرات عمي عاملة ايه.

مرام=الحمدلله بتسلم عليك كتير مش هاتيجي عندنا ولا ايه بقالك كتير مجتش.

نادر=وانتي عايزاني أجي عندكم.

مرام=أيوة عايزاك تيجي ونا مش هبقي عايزاك تيجي ليه .

نادر=ماشي ي ستي بقولك صح.

مرام =قول ي عم .

نادر =مرام بتقولي عم فين مرام الرقيقة فين .

مرام=نادر اخلص عشان بروق مع ماما ولو شافتني ماسكة الفون هتهزءني .

نادر=هقولك بس هتفق معاكي انك متزعليش مني ونفضل زي مااحنا ماشي.

مرام=والله علي حسب وبتبعتله ايموشن كتير بيضحك .

نادر= اديني الامان الاول.

مرام=ايه في ايه هتقولي اخبار دولية اخلص ي بني بقا .

نادر=اكتر من كدا.

مرام= سيكا والبلوك هيقفل علي صباعك وانت بتكتب.

نادر=دنتي مستفزة خلاص هقولك.

مرام=انطق .

نادر=مرام انا بحبك بحبك من زمان اوي وان شاءالله كلها سنتين واتقدملك رسمي.

مرام=……….. 

نادر=مرام قولي اي حاجة طيب.

مرام=اقول ايه .

نادر =بتحبيني ولا ايه كدا يعني ردي حرام عليكي قلبي هيطلع من مكانة من التوتر.

مرام=عيب ي نادر الي انت بتقوله ده احنا اخوات وانت انا بحبك بس اخويا اخويا وبس تمام وياريت متكلمش معايا تاني غير لما تبقي عارف ان احنا اخوات فعلا سلام.

وخرجت من الشات كان في ساعة دخول غيث الاوضة .

غيث/كل الوقت ده كان بيقرء الشات بسرعة قبل مامرام تدخل عليه الي خلاه اتصدم أنه أول مافتح الشات كانت علي كلمة بحبك بعد ماقرء الشات اطمن وقلبه اطمن أن مرام مش بتحب نادر وفي نفس الوقت لما غيث خلص قراءة الشات وقفل الفون حاطه مكانه تاني مرام دخلت عليه الاوضة .

مرام/دخلت الاوضة وكانت شايله صنية عليها كوباية عصير مانجة وازازة مياه سقعة اتفضل  ي غيث ماما عملتلك عصير وأدتله الكوباية .

غيث/خالتوا دي قلبي والله صح بقولك ي مرام هو نادر ابن عمك جاي في العيد عندكم ولا ايه.

مرام/ن اد ر  ن ادر (وبتهته في الكلام) بقالي كتير مكلمتهوش معرفش هايجي ولا لا انا هروح اساعد ماما بق وهربت  من غيث ودخلت تساعد مامتها.

غيث/بصوت غير مسموع انا لازم ابعد الزفت نادر ده عن مرام  شرب العصير ونده علي خالته غيث بصوت عالي خالتوا انا خلصت عايزة حاجة تاني ولا انزل.

مامت مرام/بتكلم وهي خارجة من المطبخ سلامتك ي حبيبي وسلملي علي امك .

غيث/وهو متجه  ناحية الباب يوصل ي خالتوا سلام.

بعد اربع ايام كان تالت يوم العيد …..

صحيت مرام علي ضوء الشمس وهو بيداعب جفون عينيها وعماله تتقلب يمين وشمال وتحط المخدة علي وشها بس مافيش فايدة (الشمس في كل مكان ومافيش مهرب لازم تصحي نيهيههها بضحكة شريرة كده تخيلوا بقا بهزر نرجع نكمل بقا وبلاش هبل) ضوء الشمس مع صوت العصافير وكملت  اوي مع صوت مامتها وهي بتصحيها الكون كله بيصحيها .

شالت مرام الكوڤرته من علي جسدها وقالت حاضر ي ماما صحيت خلاص جاية اهو قامت مرام من علي السرير وقالت (“اللهم إني أصبحت أشهدك ،وأشهد حملة عرشك، وملائكتك ، وجميع خلقك، أنك أنت الله لا اله إلا أنت وحدك لا شريك لك، وأن محمداً عبدك ورسولك”ورتبت سريرها ودخلت الحمام خدت شور واتوضت وخرجت من الحمام لبست إسدالها وصلت وخرجت لمامتها كانت محضره الفطار قعدوا علي السفرة وفطروا دخلت مرام الاطباق مكان الفطار المطبخ وهي بتغسل الاطباق مامتها دخلت المطبخ وقالتلها /مرام نادر ابن عمك جاي انهاردة لسة متصل.

مرام/ماشي ي ماما اعملك شاي.

مامت مرام /اه ياريت .

فضلت مرام تفكر هتعمل ايه لما نادر يجي عدي الوقت بسرعة وجه بليل …………تك تك تك سمعت مرام الباب بيخبط مين.

نادر /انا نادر ي مرام .

دخلت مرام ندهت علي مامتها تفتحله فتحت مامت مرام الباب /ادخل ي نادر ي حبيبي وباباك ومامتك.

نادر /بخير الحمدلله وبيسلموا عليكي هي فين مرام .

مامت مرام بتنادي ي مرام ابن عمك جه تعالي ….طلعت مرام من اوضتها /وقالت ازيك ي نادر كل سنة وانت طيب .

نادر/وانتي طيبة وبخير ي جميلة طمنيني عليكي.

مرام /الحمدلله كويسة .

مامت مرام قامت تجيب عصير ل نادر… فرح وقال لمرام مرام انا اسف متزعليش مني مرام اتوترت ووشها جاب الوان كانت مكسوفة لا انا مش زعلانة …. 

نادر/بجد مش زعلانة مني بتحبيني زي مابحبك ي مرام.

مرام/بتهته ق ص دي ي نااادر مش زعلانة عشان انت اخويا ومقدرش ازعل منك .

دخلت مامت مرام وجايبه العصير .

الباب بيخبط تك تك تك .

مرام مين 

انا غيث افتحي 

فتحت مرام الباب غيث اتفاجئ لما لاقي نادر دخل وسلم علي خالته ومرام وقال ازيك ي نادر ليك واحشة والله من زمان مجتش ودخل قعد جمب نادر وقال غيث ل نادر  بس حلوة الصورة الي لسة منزلها واضح انك بتحب البنت الي متصور معاها عينيك فضحاك وفضل يضحك.

نادر/اتوتر بنت ايه ي بني دي زميلتي في المركز الي باخد فيه الدروس اتصورنا صورة عادية زمايل واخوات عادي يعني ي بني.

غيث/اه شكلي فهمتك غلط اصل انت بتنزل صور كتير ليك مع بنات .

نادر /صلي على النبي ي غيث واسكت.

غيث/عليه افضل الصلاه والسلام ⁦❤️⁩.

نادر/صح ده كله عقبال ما تطلع ي غيث هي ندي شكلها كانت بتقولك علي حاجة مهمة اوي عشان كدا اتأخرت ده كله بس حلوة ندي دي.

غيث /ندي دي اختي وكانت بتسئلني علي مدرسين كويسين يعني  هي السنادي في تالتة ثانوي وكدا اختي ها ي نادر.

مرام ومامتها قاعدين بيبصوا علي الاتنين وهما بيتكلموا ويضحكوا عليهم

قام نادر من علي الكنبة انا همشي بقا ي مرات عمي عشان متأخرش وطلع ورقة 200جنية من جيبه وعطاها لمرام كل سنة وانتى طيبة ي مرام عديتك وطلعلها شوكلت من جيبه   .

خدت مرام العدية والشوكلت وفرحت اوي بالشوكلت وانت طيب ي نادر شكرا.

غيث اتضايق  وقال لخالته وانا كمان نازل مع نادر ي خالتوا سلام خرج غيث ونادر من الشقة غيث قال  ل نادر …. ونادر قال لغيث في نفس  الوقت هما الاتنين لبعض انت بتحب مرام الاتنين بصوا لبعض بصدمة؟!

 غيث أيوة انا بحبها ومرام بتاعتي ي نادر ياريت تفهم .

نادر مرام مش بتاعت حد لحد دلوقتي اما نشوف مرام هتحب مين في الاخر سلام ي عسل وبيضحك وهو نازل من علي السلم نزل غيث وراه وكل واحد راح بيته …………………………………………………عدت فترة حوالي ثلاثة أشهر في الفترة دي نادر كل شوية يبعت فديوهات عبارة عن اجزاء من اغاني كل فترة وشوية ويبعتلها اغنية( كان رومانسي اوي ابن الايه يبختها). غيث كان بيكلم مع مرام عادي محاولش معاها بأي طريقة يقرب منها نادر مع انه في ثانوية عامة بس عمره مابعد عن مرام وكان بيهتم بيها انا غيث مع دخوله الجامعة اتغير مبقاش مع مرام زي الاول وبعد عنها اوي (الي انا مقولتلهوش أن مرام بتحب غيث من وهي صغيرها ولما قالها بحبك هي كانت عايزة تقوله بحبك بس تربيتها مسامحتش انها تقوله كدا وكانت مكسوفة وكدا ) وسمعت من ندي جارتها أن غيث بقا مصاحب في الجمعة وأنه اتغير في التعامل معاها فعلا .

واستمر الوضع ده لمدة سنة سنة عدت علي ابطالنا وحاجات كتير اوي اتغيرت مرام خلصت تالتة إعدادي ونادر دخل كلية وغيث بقا في تانية كلية .

بعد مانتيجة مرام طلعت وجابت مجموع يدخلها ثانوية عامة وكانت فرحانة جدا.

ومرام قاعدة في اوضتها  علي السرير وماسكة الفون كالعادة نادر ماملش من أنه يعبر عن حبه ليها وغيث الي بقا يبعتلها رسالة كل فين وفين 

…………………………..فتحت الاكوانت بتاعها ونزلت

“‏” فَليحدث شيئًا يُبهر قلبي يا الله”.

وقفلت الفون ونامت بعد تفكير في كل الاحداث دي……..

يتبع..

لقراءة الحلقة الخامسة : اضغط هنا

لقراءة باقي حلقات الرواية : اضغط هنا

نرشح لك أيضاً رواية ديفشا للكاتبة شهد مرسي.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى