رواية خطة رنا الفصل الرابع 4 بقلم روني محمد

-: النهاردة عيد ميلادي 

-: بجد كل سنة وانت طيب 

-: ايه البرود ده انتي عمرك معملتي معايا كده 

-: عملت ايه بس مش فاهمه 

-: انك تنسي عيد ميلادي ، ده انتي الي كنتي بتفكريني …

-: اه ما خلاص ده كان زمان 

_: رنا بصيلي كده و انا بكلمك وارمي الزفته الفرشة دي من ايدك… 

-: اللهم طولك يا روح….  ادي الفرشه ها قولي بقى عاوز ايه.. 

-: فين صوري الي كانت مالية الأوضة ؟

-: انت متعصب عشان كده اهم فوق الدولاب خدهم لو عاوزهم… 

-: رنا… انتي اتغيرتي ليه؟،، انتي مكنتيش كده. 

-: ……

-: رنا ردي عليه ايه الي بتعمليه ده انتي بتبوظي كل الي بنا.. 

-: هههههه انا الي ببوظ….. أقولك حاجة ومتزعلش

-: قولي 

-: ياريت تطلع وتسبني لوحدي انا عاوزه انام.. 

-: مش همشي يا رنا ولا هطلع غير لما اعرف ايه الي قلبك عليه كده.. 

-:الاجابة سهلة اوي…..  انا بطلت أهتم 

-: مش فاهم 

-: بطلت اجري وراك…  بطلت احسسك بحبي ليك….  بطلت ادور على الحاجه الي بتسعدك…  بطلت اجي على نفسي عشانك…..  بطلت أوجع نفسي عشان خاطرك.. 

-: ليه كل ده يا رنا انا عملت ايه لكل ده 

-: المصيبه انك مبتعملش ، انت مبتحولش حتى تعمل…  كتير بسمع ان فترة الخطوبة دي بتكون أسعد فترة بين اي اتنين ، في كلام رومانسي بنهم في ورد في اهتمام في حب 

-: ومين قالك اني مبحبكيش 

-: انت معملتش اي حاجه تثبت حبك ليه… 

-: طب يا سيتي انا بحبك 

-: ……….

-: ساكته ليه انا ريحتك اهوه 

-:  ياريتك ما قولتها ، انا دلوقتي بقيت موجوعه اكتر من الأول… 

-: لأ بقى انتي في حد بيلعب في دماغك و

-: اطلع برااا انا مبقتش عوزاك خلاص 

        المرة دي انا فعلا انهارت وانا بطلب منه يخرج ويسيبني ، طول عمري كنت بتمنى انه يقولي بحبك ، ويوم ما قالها بيقولها تأديه واجب… 

     اتخانقنا وصوتنا علا بابا جه على صوتنا ، وساعتها أمجد مشى و سابني…  .

    فات يومين 

  مشفتش أمجد خالص ولا حتى سمعت صوته ، لغاية لما عرفت ان الكلية عاملة مسابقة بين الطلبة ودي هتكون عن عمل فني عن الطبيعة هيكون في مكان في واحة وصحرا الي حابب يشترك بلوحاته لازم يسافر ومدة المعرض حوالي اسبوع ، حسيت ان المسابقة دي جت في وقتها ، انا كنت محتاجه ابعد عشان أقدر أفكر هل هقدر أكمل ولا لأ… 

     بابا كان رافض فالاول فكرة السفر بس لما ألحيت عليه وقولتله اني محتاجه اغير جو بعيدا عن ضغط الامتحانات وغيرو وافق بعد عذاب ، وسافرت بعد يومين وبردو مشفتش أمجد…. 

……..خطة رنا بقلمي روني محمد 

في الباص عند رنا 

نور ( صديقة رنا)  : سرحانة في ايه ؟

رنا : ولا حاجة.. 

-: يا سيتي لو السفرية دي مش جاية على مزاجك تعالي نوقف الباص وننزل واحنا لسه جوه القاهرة هناخد تاكسي ونرجع… 

-: لأ طبعا..  انا مسافرة مخصوص عشان محتاجة اغير جو.. 

-: طب فكي كدة وبلاش التكشيرة الي انتي عملاها دي… 

-: طيب 

-: ها قررتي هتعملي ايه فالمسابقة….. 

————خطة رنا بقلمي روني محمد 

في منزل رنا 

امجد : ازاى يعني تسافر من غير ما تقولي ؟

الاب : انا فكرتها قالتلك ، وبعدين هي اخدت رأي وانا وافقت… 

أمجد : انت توافق ولا متوافقش ميخصنيش انا جوزها يعني متتحركش خطوة من غير علمي.. 

الأب : امجد احترم نفسك انا مش عيل صغير عشان تكلمني كده 

امجد : انت مش شايف حركات بنتك الي بتعملها وبتستفزني.. 

الاب : ولله انا شايف ان بنتي معملتش حاجه غلط ، انت الي بتكبر المواضيع من فراغ 

امجد : اه انتو بقى متفقين عليه ومقوينها عليه 

الأب : اطلع بره وانا ليه كلام مع ابوك 

أمجد : انا عاوزها ترجع دلوقتي حالا 

الام : أهدى بس يا امجد ما احنا اتصلنا بيها وبنور صاحبتها تليفونتهم مقفولة 

الاب : انتي بتحاميله انتي كمان وعاوزه البت ترجع ويتحرق دمها ، بص يا أمجد انا ساكت من زمان وبقول بكره تتعدل بس انت مبتتغيرش ، انا بنتي مش رميه الف من يتمناها ، سبها يا بني وكل واحد يروح لحاله وخلينا نخرج بالمعروف زي ما دخلنا بالمعروف  ..

أمجد : ده يبقى أخر يوم في عمرها ، واعمل حسابك يا عمي انا مش هسكت على الي حصل ده…….. 

      خرج أمجد صافعا الباب خلفه بقوة…. 

الام : يعني عاجبك كده عاوز تطلق البت وتقعدها جنبك.. 

الأب : اسكتي انتي وروحي شوفي كنتي بتعملي ايه اهو كلامك ده الي مخليه يتفرعن علينا…. 

————–خطة رنا بقلمي روني محمد 

في الباص 

-: ايه صوت ضرب النار ده 

-: وطو راسكم بسرعة 

-: في ايه..  دول مين الي بيضربوا نار عالاتوبيس كده 

-: مش عارفين ، دول ناس ملثمين ، شكلهم حراميه ولا قطاعين طرق 

-: يارب يارب ابعدهم عننا يارب 

      صوت انفجار قوي جعل الجميع يصرخ بأعلى صوت ، وما هو الا احد القنابل اليدويه ، رماها أحد الملثمين امام الأتوبيس ، حتى يجبره على الوقوف… 

       وقف الاتوبيس ليضرب احد الملثمين الباب ويفتحه ويستحوذ على كل من فالاتوبيس بما فيهم رنا التي كادت ان تفقد وعيها من شده الرعب….