رواية حب بالصدفة الفصل الرايع 4 بقلم أحلام تامر

-مصطفي:ممكن تجيب لها هديه.

-محمد:هديه ايه يعم انت. 

-مصطفى:ميار مش هتسامح بسهوله انا عارفها فلازم تجيب لها حاجه بتحبها. 

-محمد:ونا هعرف منين هيه بتحب اي. 

-مصطفى بخبث:بسيطه اقولك انا هيه بتحب اي. 

-محمد:ها 

-مصطفى:……………. وبس يعم

-محمد:متأكد الخطه دي هتنجح ولا اي.. يعني هتسامحني عشان ضميري يستريح ولا اي

-مصطفى:ثق فيا. 

-محمد:اه قدام قولت ثق فيا يبقي هنروح الشوليحاا. 

-مصطفى:نفذ بس اللي قولتلك عليه واتكل علي الله 

-محمد:طيب.. استأذن انا بقي عشان اروح احضر الهديه. 

-مصطفى بخبث:تصبح على خير…. و كمل كلام ف سره.. ده انت بكره هيبقي اسود يوم ف حياتك. 

-وبعد كده مصطفى روح لقي ميار لسه صاحيه وقاعده ع الفون.. امال اي اللي مصحيكي 

-ميار:عادي مش جايلي نوم

-مصطفى:تيتا فين

-ميار:نامت من شويه.. اعملك عشاا. 

-مصطفى:لا لا انا جعااان نووم.. 

-ميار:طيب تصبح على خير 

-مصطفى:وانتي من اهله..وف سره قال البت دي صعبت عليا بتقولي عشاا وتصبح على خير ونا رايح اعملها مفاجأه هتصدمها.. لالا مهي بتعمل فيا مقالب كتير غير انها كل شويه بترخم عليا بسبب أيه..اوف يلا علي خيره الله.

*********************

محمد روح البيت لقي مامته لسه صاحيه.. حبيبه قلبي اللي وحشاني 

-الام(فاطمه) :اه يواد يبكاش 

-محمد بفكاهه:والله انت ظالمني يا فواز

-فاطمه :ماشي يا حبيبي 

-محمد اتنهد بخفه وفضل ساكت. 

-فاطمه:مالك

-محمد:لا يحبيتي مفيش بس تعبان من الشغل. 

-فاطمه:يواد ده امك

-محمد:طب بصي…. وحكي محمد كل حاجه لأمه من اول مره قابل فيها ميار لحد اعتزاره لمصطفى وانو مصطفى طلب يجيب لها هديه… وبس كده يستي. 

-فاطمه:اممم طب بص يا بني اول حاجه انت غلطان دي بنت برضو ومينفعش تبدلها ف القسم عشان تعتذر ع حاجه معملتهاش ومن طريقه كلامك وشغل المراهق اللي عملته ده فأكيد انت معجب بس هيه متنفعش قدام مخطوبه لواحد غيرك وكمان بتحبه فلازم فعلا تعتذر وتجبلها هديه وتنهي الموضوع ده عشان متتعلقش اكتر يعين امك. 

-محمد بتفكير:عندك حق يا ماما.. طيب هقوم انام انا بقي عايزه حاجه. 

-فاطمه:لا ياحبيبي تصبح على خير 

-محمد:وانتي من اهل الخير.

*********************

تاني يوم الصبح كان يوم الجمعه اللي محمد معزوم فيه عند مصطفى 

-ميار صحيت من النوم دخلت اتوضت وصلت الصبح وبعد كده بدأت تروق الشقه وهيه مشغله اغاني لعمرو دياب وبتدندن معاه ومش حاسه باللي حواليها خالص.. ميار :انتي لسه زي مانتي قمر ف عيني احلي عمر ده اللي كان بينك وبيني وما تيجي ف الكلام سيرتك بقوول دي حبيبتي الغاليه دي بنت القصول…. وكانت مندمجه جدا مع الاغنيه وهيه بتتخيل بفتي أحلامها اللي يغنيها الاغنيه دي.. مصطفى صحي ع صوت الاغاني.. يخربيت عمرو دياب يشيخه كرهتيني ف الراجل حرام عليكي لازم تصحي الكل ع صوت الاغاني. 

-ميار:ان كان عاجبك يا برووو.. وبعدين انت تطول تسمع عمرو دياب يبني ده الهضبه.. ده البرفيوم بتاعو تمنو بمرتب سنه من شغلك 

-مصطفى :اه جايب برفان عمرو دياب لجلب الحريم 

-ميار:الزم حدودك احسنلك انت مش عارف ده مين.. انت اتجننت.. ده عمرو

-مصطفى:اتفضلي عصبيني لحد اما ارزعك واحده الحمد لله الذي تتم بنعمته الصالحات تجيب اجلك

-ميار:هات اخرك

-مصطفى:طايب والله لتشوفي اللي هيحصلك انهارده

-ميار:اللي تقدر عليه اعملو يبابا

-مصطفى:والله وكبرتي يا قطه وبيقتي تعرفي تتكلمي

-ميار بشرود:مفيش حد بيفضل علي حاله وبالذات لو عايز ينتقم زيينا. 

-مصطفي:وحياتك عندي لانتقم منهم كلهم وبالذات الوسخ الكبير بتاعهم. 

-ميار:طيب.. انا هروح اجهز الفطار علي ما تصحي تيتا 

-مصطفى :ماشي يقلبي.. بقولك صحيح انا عازم زميلي النهارده  اللي طلعك من القسم امبارح 

-ميار:بمناسبه اي يعني

-مصطفى بطريقه دراميه:عيد جوازنا يا حبيبتي. 

-ميار:بطل خفه دمك دي شويه يخربيت اللي هتاخدك.

*********************

عند محمد صحي من النوم وفطر وكان بيلبس عشان خارج 

-فاطمه:اي يا حبيبي رايح فين من الصبح كده

-محمد:اي يا حجه انتي نسيتي ولا مش قولتلك امبارح رايح اجيب الهديه للبنت اللي قبضت عليها من غير متعمل حاجه عشان تعتذر ليا 

-فاطمة:من الصبح كده يبني

-محمد:علي ما ادور ف المحلات وكده. 

-فاطمه ماشي يبني ربنا يعينك

خرج محمد وفضل يلف في المحلات عشان يشتري الهديه واخيرا لاقي الي بيدور عليه

*********************

#بقلميAhlam Tamer 

جه معاد الغداا ومصطفي رن علي محمد وقالو انهم مستنيينو وميار وجدتها جهزو الغدا…. وبعد شويه الجرس رن. ميار قالت لمصطفى افتح انت لزميلك ودخلو علي ما اجهز السفره. 

-مصطفى:حاضر.. وراح مصطفى فتح الباب لمحمد وقالو بصوت واطي.. جبت الهديه اللي قولتلك عليها. 

-محمد:اه يا رب تعجبها بقي

-وجده ميار خرجت سلمت علي محمد… نورتنا والله يبني بقالي كتير مشفتكاش

-محمد:معلش والله الشغل واحد وقتي كلو

الجده:ربنا يعينكو يبني.عن اذنكو بقي احضر الاكل مع ميار

-محمد:اتفضلي يا ست الكل

وبعد شويه

-ميار نادت علي مصطفى وقالتلو انهم جهزو السفره ومصطفى اخد محمد علي السفره وقعد… ميار جت واتفاجئت ان محمد هو الموجود… اي ده انت بتعمل اي هنا

-مصطفى:ميار اهدي هو جاي يعتذر مش اكتر

-ميار باستغراب مصطنع:تعتذر! ليه يا حضره الظابط مش انت اللي كنت عايزني اعتذر ولا اي اللي اتغير. 

-محمد باحراج:احم بصراحه انا عرفت غلطي وجيت اعتذر. 

-ميار باستفزاز بنفس طريقه محمد لما كان بيقولها عشان تعتذر:اتفضل سمعاك

-محمد ف سره هيه رفعاا مناخيرها لفوق ليه دي.. بس انا اللي استاهل. 

-ميار:اي يا حضره الظابط رجعت ف كلامك ولا اي 

-محمد:احم انا اسف يا انسه ميار علي اللي عملتو وياريت تقبلي الهديه المتواضعه دي

-ميار باستغراب :هديه… ليه مش مستهله كفايه انك اعتذرت وخلاص. 

-محمد:الرسول صلى الله عليه وسلم قال تهادوا تحابوا ودي حاجه من باب الصلح

-ميار:ابتسمت ونا قبلت الهديه ومسمحاك من كل قلبي يعم.. شوفت انا كريمه ازاي

-مصطفى:طب افتحي الهديه طب خلينا نشوف فيها اي 

-ميار فتحت الغلاف اللي برا واول ما شافت الهديه كان ردهااا.. عاااااا وفضلت تجري وتصوت يماما الحقيني ياماما ووفجأه……..