رواية حدث غير لي حياتي الفصل الخامس 5 بقلم رحمة نجاح
 |
| رواية حدث غير لي حياتي الفصل الخامس 5 بقلم رحمة نجاح |
رواية حدث غير لي حياتي الفصل الخامس 5 بقلم رحمة نجاح
قاسم.بغضب. ايه القرف اللي عملاه في نفسك ده ..
شهد بغيظ. مش قرف وحلو عليا ورأيك مش يهمني اصلا ..
قاسم وهو يجز علي أسنانه. بجد والله رايي ميهمكيش ..
شهد.بخوف تحاول إخفائه. احم اه ميهمنيش …
قاسم. بهمس. تعرفي ايه اللي مصبرني عليكي ..
شهد. تؤتؤ ..
قاسم. انك طفله وانا مش بضرب اطفال ..
شهد.بغيظ. انا مش طفله بطل رخامه بقا دا انتا غلس يا شيخ و وسع كده ..
كانت تقول كلامتها وهي تدفعه في صدره لعله يبتعد عنها ..
قاسم. بعدت اهو الهانم ناويه علي ايه بقا ..
شهد. ملكش دعوه مش انتا مش عايزني احضر الحفله المصونه بتاعتك خليهالك انا همشي ..
كادت أن تتحرك من أمامه ولكنه جذبها من يديها لكي لا تبتعد ..
قاسم. شهد ماسك نفسي عنك بالعافيه جنان مش عايز انتي سامعه وانا اللي هوصلك ..
شهد. وانا مش عايزاك توصلني قولت خليك في حفلتك وانا همشي ..
قاسم. شهد ..
شهد. يا نعم ..
قاسم بحده مخيفه. اتفضلي امشي قدامي ..
بالفعل بدات شهد أن تسير معه بعد تلك النبره التي تكلم بها في جملته الاخيره ..
في المنزل شهد …
الام. ايه اللي جابك ..
شهد. عشان سي قاسم مش عايزني احضر الحفله ..
قاسم. لا عشان انتي غبيه ..
شهد. ماما خليه يسكت انا مش غبيه ولا طفله ..
الام بضحك. خلاص انتي مش غبيه ولا طفله وفي موضوع مهم عايزاكي فيه ..
شهد. يانعم موضوع ايه ..
قاسم. طب انا همشي وابقا أجلكم بكره ..
الام. ماشي يا بني ..
كاد قاسم اني يفتح الباب ويخرج ولكن سمع ما جعله يقف مثل الصنم ويكاد أن ينفجر..
الام. ايه رأيك بقا اخليه يجي ..
قاسم بسرعه. هو مين اللي يجي ..
الام. العريس اللي طلب ايديها ..
شهد بمكر. اه خليه يجي يا ماما عادي اهو نجرب ..
قاسم بعصبيه. تجربي ايه هو ايس كريم ..
شهد. الله يا عمو مش الواحد لازم يعيش تجارب في الحياه ولا ايه ..
قاسم. نعم ياختي عمو مين أن شاء الله..
شهد ببراه مزيفه. الله مش انتا عمال تقولي يا طفله يبقا اقولك يا عمو احتراماً للكبير بردو ..
الام. انتو هتجننوني اجيبوا ولا لا ..
قاسم. لا ..
شهد. اه ..
الام. يا حلاوه ما هو انا لو هجيبه قاسم هيقعد معاه عشان هو الراجل يبقا قاسم يشوف هيفضا أمته عشان يجي ..
قاسم. انا مش فاضي السنه دي ..
الام. نعم يعني ايه مش فاضي السنه دي ..
قاسم. هفضا علي سنه 2025 كده ..
الام. بضحك. انتا عبيط يالا هي الحفله قصرت عليك ..
قاسم.بتبرير. ما هي شهد صغيره مش هينفع ترتبط في السن ده وكان في تالته ثانوي يعني تحديد مستقبل ..
شهد بخبث. ما انا هحدد مستقبلي معاه ..
قاسم. بصوت عالي .. شههد ..
شهد. هو ايه اللي شهد شهد انتا بتجرب اسمي عامل ازاي ..
الام. هو جاي بكره اصلا وسعوا بقا كده خلوني ادخل أنام ..
لتترك الام قاسم يقف بصدمه وشهد تشعر بالفرحه لرؤيته هكذا ..
قاسم. تعرفي انتي لو قعدتي معاه انا هعمل فيكي ايه ..
شهد. لا معرفش وبعدين مالك يا عمو مضايق ليه ما عاش اللي يضيقك ..
قاسم. شهد لمي نفسك ..
شهد. الله ما انا قاعده كويسه اهو ويالا روح بقا الحفله مش عيب المدير ميبقاش موجود بردو ..
قاسم. بقا كده ماشي ..
ليخرج قاسم من تلك الشقه وهو يكاد أن ينفجر بسبب شهد التي أقسمت أن تريه ماذا تفعل الطفله التي يراها هو …
يمر اليوم بسلام ويأتي اليوم التالي ..
الام. مش عويدك يعني تصحي بدري ..
شهد. ما انا هاروح عند يارا ..
الام. اه قولي كده بقا هتروحي عند يارا عشان كده صاحيه من بدري اومال انا لو قولتلك اصحي بدري تعملي معايا حاجه بتقلبيلي امرأه في ال 60 من عمرها ..
شهد بضحك. معلش بقا يا حاجه اصل اياد وحشني اوي وعايزه اشوفه ..
الام. روحي ياختي شوفيه مصحبالي واحد اكبر منك بخمس سنين بس عسل ..
شهد. الله وفرق السن ماله بس وبعدين ده انتي بتحبيها ولما بتتجمعوا مع بعض بتتفقوا ضدي بس يالا كله فداكوا ..
الام. ما انا بحبها عشان هي تتحب وبعدين تعالي هنا مين هيروق الشقه عشان عريس انهارده ..
شهد. لا بقولك ايه ما الشقه زيي الفل اهي ..
الام. امشي يا شهد ما هو انا مش هاخد منك ولا حق ولا باطل ..
شهد. عليكي نور يالا بقا تكير يا بيبي ..
بعد مرور ساعه كانت تقف شهد امام منزل يارا وهي تطبل علي بابا الشقه وتغني معا ..
شهد. افتحي شباكك انا جيت انا واقف تحت البيت وهيصه لولولييي ..
يارا. بضحك. يخربيتك فضحتيني في العماره ..
شهد. الله فدايا يا رورا..
يارا. رورا طب خشي يا نيله ..
شهد. الحج جوزك موجود ..
يارا. لا في الشغل ..
شهد. احسن بردو عشان ناخد راحتنا اومال فين اياد..
يارا. هتلاقيه عندك جوه ..
شهد. ايدو حبيبي انتا فين ..
اياد. شهد الجميله جت ..
شهد. بهمس. جاهز لمغامره اليوم ..
اياد.بحماس. جاهز ..
لتأخذه شهد وهي تمشي ببطئ لكي لا تسمعها يارا التي توجد في المطبخ وأخيراً تقف امام النيش ..
اياد. شهد تفتكري الكوبايات دي بتتكسر ..
شهد. بتفكير. تيجي نجرب ..
لتفتح شهد الباب ببطئ شديد فالو رأتها يارا وهي هكذا سوف تجلبها من شعرها ..
شهد. اهو جبت كبايه نجرب بقا بتتكسر ولا لا ..
لتمسك شهد الكوب وتلقي به علي الارض لينكسر ..
يارا بشهقه. شهد انتي بتعملي ايه ..
شهد بخضه. نهار اسوح اتقفشنا ..
يارا. اه يا بنت ال**بتكسري كوبايات النيش بتاعتي ده انا مش هسيبك في ليلتك دي ..
لتجري شهد سريعاً وخلفها يارا تحاول أن تمسك بها وهذا الطفل يضحك بشده عليهم فهم يبدوا مثل توم وجيري ..
يارا. دا انتي ليلتك فحلقي يا شهد الكلب انتي ..
شهد. اتهدي بقا ابنك اللي كان عايز يعرف الكبايه بتكسر ولا لا .
يارا. تقومي يا عاقله ماسكه الكوبايه كسرها بتعملي عقلك بطفل عنده خمس سنين ..
شهد. الله مش ابنك ولازم احققله أحلامه ..
يارا. ده انا اللي هخليه يشوفك في أحلامه بس تعالي هنا ..
شهد. متبقيش قفوشه بقا دي هي كوبايه وخليني احكيلك انا جايه ليه ..
يارا. مش قبل ما اضربك علي الكوبايه ..
شهد. جيلي عريس انهارده ..
يارا. بفرحه. بجد لولولييي ..
شهد بضحك. جماعه انتو فرحانين كده ليه انا لسه صغيره والله لدرجادي مش طيقني في حياتكم ..
يارا. أخيراً حد هيشغلك عننا ..
شهد . قاسم رجع ..
يارا. قاسم مين ..
شهد. قاسم حب الطفوله اللي كنت قرفاكي بيه ..
يارا. ثواني بس افهم ازاي اللي كنتي بتحبيه رجع وانتي جيلك عريس وعوزه توفقي عليه ..
شهد. بصي هحكيلك عشان انتي عندك كده حلقات مفقوده ..
يارا. سامعه احكي ..
لتحكي لها كل شئ من بدايه الغيبوبه التي كانت بها حتا تلك الحفله التي حضرتها لكي تغيظه ..
يارا بشهقه. انتي حصلك كل ده وانا معرفش ..
شهد بمرح. عذراكي ما انتي مكنتيش في مصر بردو هي في حد يسيب دهب ناس تتمشي علي البحر وناس تدخل غيبوبه ..
يارا بضحك. النق يا أختاه بس بجد بقا انتي مريتي بحاجات كتير اوي ..
شهد. يالا بقا نعمل ايه ..
يارا. طب انتي كده مش عايزه توافقي علي العريس بس عايزه تغيظي قاسم عشان بيقولك يا طفله ..
شهد. عليكي نور هو بظبط كده ..
يارا. خلاص يبقا روحي والبسي واستني العريس وإذا كان هو جه يبقا بيحبك فعلاً لو مجاش ولغا الجوازه دي يبقا انسيه يا شهد ..
شهد. ده اللي هيحصل يالا سلام بقا ..
يارا. مين هيلم الازاز ..
شهد بضحك. انتي بقا يا بيبي وبسرعه عشان اياد ميتعورش..
يارا بغيظ. اه يا بنت الايه انتي ..
يمر اليوم بسلام ويأتي الليل حيث كانت شهد تجلس في غرفتها تنتظر هذا العريس أو بمعني اصح تنتظر ماذا سوف يفعله قاسم فهو الي الان لم تراه والعريس علي وشك الوصول …
الام. خلصتي يا شهد ..
شهد. اه يا ماما انا قاعده مستنيه اهو ..
كانت تجلس شهد بخوف حقيقي فهي أذنت لوالدتها بأن تجلب تلك العريس لكي تثير غيرة قاسم ليس أكثر ..
الام. يالا يا شهد اهو جه ..
شهد. ماما مش انتي قولتي أن قاسم جاي ..
الام. مش بيرد علي التليفون يا شهد ..
شهد. ماشي يا ماما انا خارجه اهو ..
لتخرج شهد وتجلس مع ذالك العريس وهي تنظر إلي الباب تنتظره لعله يأتي ..
محمد بضيق. انتي كل شويه تبصي لباب ليه مستنيه حد ..
شهد. هااا لا مفيش حاجه مش مستنيه حد ..
وأخيراً تسمع شهد طرقات علي الباب وتري قاسم يدلف الي الغرفه المتواجده بها ..
قاسم وهو ينظر بغضب لها ويقول. اهلا …
محمد. مين حضرتك ..
قاسم. انتا اللي مين ..
محمد. انا جاي اطلب ايد الانسه شهد ..
قاسم. …..
نظرت شهد الي قاسم بعد جملته تلك بزهول شديد فما يقصد معناها يا تري …
