رواية نوح الفصل الرابع 4 بقلم آلاء محمود

سفيان : اه يا رقبتي يا اني .. الله يلعن الشغلانه اللي انا فيها دي .. ابويا قالي بلاش قولتله لا اعالج الناس واحل مشاكلهم .. ومن ناحيه اتحل فهو اتحل رقابتي من مكانها ..

عز وشروق ضحكوا

سفيان : اضحكوا .. اضحكوا .. ماانتوا مش حاسين باللي انا فيه ..

اسلام : الف سلامه عليك يا صاحبي .. انتوا بتضحكوا ع ايه !؟

شروق بضحك : اصل عمال يندب ع نفسه من الصبح

اسلام بضحك : ماهي دي عادته ولا يشتريها هو انتوا لسه عرفينوا

شروق وعز : ضحكوا جامد .. صح والله فعلا

سفيان : حتي انت يا اسلام شكرا يا صحوبيه .. الصحاب ف اجازه فعلا انتوا مبتكدبوش

اسلام وشروق وعز ضحكوا جامد خلاص بقا يا صاحبي ده انت حببنا والله

سفيان : بس بس.. انا ماليش غير سلمي عصب المستشفي هي اللي هتجبلي حقي

اسلام بحزن : سلمي .. اممم

شروق : اسلام .. عز حكالي اللي حصل صدقني هي مش بتكرهك والله .. انا وهاله عارفين كده كويس

اسلام بحزن : وبرضو ولا بتحبني يا شروق

عز : هي كلمتك النهارده !؟

اسلام : لا انا لسه جاي من عندها من البيت .. والموضوع ولا كان فارق معاها

شروق : بص اوحش حاجه ف سلمي انها مبتفكرش ف حاجه غير الشغل .. مافيش اي مجال ل اي حاجه تانيه … سلمي كده من ايام الجامعه يا اسلام .. سلمي مبتعرفش تبين مشاعرها لحد ابدا فبتطلع بدبش وحاجات كده فظيعه بس حرفيا قلبها ابيض وطيبه جدا انا وهاله اكتر ناس عارفنها وكمان

د. رؤوف عشان يعتبر هو اللي مربي سلمي بعد د.محمد بابها الله يرحمه .. بس صدقني .. سلمي بس محتاجه وقت وغير كمان الفتره دي عرفت من هاله انها تعبانه .. انا عايزه اطمن عليها والله

اسلام : اه باين عليها .. وشها الفتره دي دايما اصفر وتحسي انها مبتنمش كويس .. انا قلقان عليها بجد

………………………………………………………..

سلمي اول ماغمضت لقت نفسها ف نفس البدروم بس المرادي لقت بنت مربوطه ف سرير

البنت بصريخ: سااااااااااعديني … ارجوكي ساعديني قبل مايجواااااااا

سلمي : بدات تفكها .. مين دول وانتي مين وبتعملي ايه هنا ؟!

البنت ببتسامه خبيثه وصوت غريب : مرررررررررام

سلمي اتنفضت : لا اله الا الله .. مرام ! هي تعرفني منين عشان تجيلي ف احلامي انا اكيد بس عشان بفكر ف الحاله كتير هي متعرفنيش ولا انا اعرفها اصلا .. اعوذ بالله

نبيله : سلمي يلا قومي ف ايه ! .. ع فكره انتي لازم تروحي لدكتور .. وشك اصفر يا حبيبتي من التعب

سلمي : لنفسها اصفر من الكوابيس وحيات عندك .. لا يا ماما انا تمام .. هو بس ههتم بأكلي الفتره دي واخد مقويات والدنيا تظبط

نبيله : انتي ف حاجه مأثره عليكي يا سلمي احكيلي يا حبيبتي .. انا امك اسمعك محدش هيخاف ولا يخلو باله منك غيري انا واخوكي

سلمي : مافيش انا تمام .. انا هقوم اصلي بقا عشان البس واروح الشغل

نبيله : مش هتنزلي غير لما تاكلي .. اديني قولت

سلمي : حاضر يا ماما .. طب ايه رايك اعمليلي سندوتشات واكلها هناك عشان متأخرش بس

نبيله : ماشي يا ستي .. هقوم اعملهالك

سلمي قامت وصلت فروضها وخدت سندوتشاتها ومشيت ع الشغل

………………………………………………………

ف المستشفي ..

شروق : اهي ست سلمي شرفت اخيرا

سلمي : شروق وحشتيني والله

شروق : لو كنت وحشتك كنتي استنيتي امبارح متمشيش

سلمي : كنت تعبانه مقدرتش

شروق : مالك يا حبيبتي ؟

سلمي : ارهاق بس وضغط الشغل والكلام ده .. وبهمس وضغط اسلام عليا

شروق : بس اسلام مبيضغطش عليكي

سلمي : انا عارفه .. بس وجوده ضغط بنسبالي

شروق : انتي معاه عشان مامتك صح .. ماينفعش ده غلط .. متستمريش ف حاجه انتي مش عايزاها عشان حد تاني اي ان كان مكانته ف حياتك .. اصل الشخص ده مش هو اللي هيعيش ده انتي وغير انتي كده بتظلمي اسلام .. واسلام بصراحه بيحبك بجد

سلمي بحزن : عارفه .. والله يا شروق انا نفسي اديله حب زي اللي بيديهولي بس مش عارفه .. حقيقي مش عارفه .. وكل مالفكره بتيجي ف بالي اصلا بتعب نفسياً

شروق : خلاص يبقا انهي الموضوع احسن .. وكده كده الجواز قسمه ونصيب

سلمي : حاضر

سفيان : سلمي عصب المستشفي جت

سلمي بضحك : يا عيني يا بني ..

سفيان : حتي انتي بتضحكي .. انتوا مش جدعان ليه يا جماعه

سلمي : والله مقصدي .. بس بجد مريضه زي دي يطلع كل ده منها !

سفيان : انا اصلا خلاص اتنازلت عن الحاله دي وماليش حرفيا دعوه بيها …

سلمي : سفيان بطل هبل .. احنا كلنا مع بعض وايد واحده ماينفعش ايد فينا تفك فاهمني

سفيان : سلمي انا بجد مش مطمن .. اسألي عليها حتي شروق .. وليه تسأليها ماانتي هتشوفي بنفسك .. اتفضلي بقا عشان اسلام مستنيكي عشان تشوفوها ..

سلمي : قلبها انقبض .. لا انا مرام دي هشوفها بعد حاله الوسواس القهري الاول

سفيان : سلمي بلا وسواس بلا زفت دلوقتي ..

د. رؤوف تقريبا دي اهم حاله عنده ف المستشفي تقوليش داخل عليها سحب بجد حاجه تنرفز

سلمي : برضو هشوف حاله الوسواس الاول .. مش هبدي شغلي الاساسي مع ناس عشان حاله لسه جايه جديده اصلا

شروق : سلمي صح يا سفيان .. احنا ايه هيفضل شغلنا الشاغل ست مرام ..

سفيان : انا عارف اني مش هاخد ولا حق ولا باطل .. اتفضلي

سلمي : انت اللي هتتفضل معايا عشان نروح ل دنيا مريضه الوساس القهري

………………………………………………………

اوضه دنيا ..

اول مادخلوا لقوها هي اللي بتغير ملايات السرير

سلمي : ايه يا دنيا بتغيري الملايات ليه !؟

دنيا : مش نضيفه ؟ مش عجباني .. الاوضه اصلا ريحتها وحشه ومكركبه وشكلها وحش بجد انتي مش شايفه

سلمي : بس مافيش حاجه من الحاجات دي الاوضه زي الفل اهي .. وبتتنضف كل يوم يا دنيا .. وكانت لسه هتقعد

دنيا : لا اوعي تقعدي .. الكرسي مترب ملوث

سلمي : مترب ملوث ! طب هنعمل ايه !؟

دنيا : استني ! هجيب منظف عشان تقعدي براحتك .. انا قولت للي بتنضف تجبلي الحاجات دي عشان لو انا حبيت انضف ف اي وقت

سلمي ببتسامه : كويس والله .. طب تمام خلاص انا كده كده كنت همشي متتعبيش نفسك

دنيا : تمام ماشي

………………………………………………………

سلمي وسفيان ف ممر المستشفي ..

سفيان : وسواس قهري بحت بجد

سلمي : بص احنا لازم نتعامل معاها كالاتي لازم نحسسها ان اللي بيتعامل معانا هو المرض مش هي خالص .. عشان لو هي حست اني احنا بنساعدها مش هتتقبل ده نهائي .. ولازم نصبر عليها عشان ده سبب من اسباب اني نتخلص من اعراض الوسواس اكد ع الممرضين يا سفيان انهم يتعملوا معاها بالطريقه اللي بقولك عليها دي وعايزين كمان نخليها تركز ع الحاجات الايجابيه اللي ف حياتها وخلي بالك مريض الوسواس بيكره مرضه اكتر مننا عشان كده ماينفعش نتعانف معاها عشان تتخلص من المرض وبأذن الله لو مشينا ع كل اللي قولتهولك ده الدنيا هتظبط معاها ونبهه ع الممرضين بالكلام ده برضو

سفيان : حاضر يا عصب المستشفي

سلمي بضحك : ماتتلم يابني .. فظيع يا سفيان والله

( الوسواس القهري : ده فكر من الافكار اللي بتتسلط ع المريض بتخليه يكرر سلوك بطريقه اجباريه وتسيطر عليه كمان والمريض للاسف مابيعرفش يقومه او انه يتوقف عن التفكير او عن الافعال بتاعته … برغم ان المريض ممكن يكون واعي جدا بغرابته وعدم وجود اي فائده ليه بس برضو المريض بيحس بالقلق والتوتر لو حاول مقاومته ودايما بيحس بالحاح جواه انه يعمل الحاجه اللي افكاره عايزه ينفذها وخلاص

وطبعا مرض الوسواس ليه اعراض

الخوف من التلوث أو الأوساخ

عايز دايما الحاجات منظمة ومترتبه

أفكاره عدوانية أو متوحشه حول إزيه نفسه أو اللي حواليه بيتجنب المواقف الي ممكن تسببله الوساوس، زي انك تسلم عليه وايدك تلمس ايده

والوسواس بيكون ليه مضاعفات ناتجه عن مشاكل كمان منها

مشاكل صحيه زي التهاب الجلد من كتر غسل الايدين

علاقاته بتكون فيها اضطراب باللي حواليه

بيكون معندوش امل ف الحياه خالص

وبيجيلوا افكار انتحاريه )

هاله : سلمي تعالي د.رؤوف عايزك .. واسلام قاعد معاه مستنيكي

سلمي : تمام جايه

………………………………………………………

ف مكتب د. رؤوف

سلمي : اسفه يا دكتور بس كنت بشوف حاله دنيا

رؤوف : مافيش اسف يا سلمي .. انا عارف انتي بتعمليه ايه كويس ربنا يقويكي

سلمي ببتسامه : شكرا يا دكتور

د.رؤوف : بصي يا سلمي انتي واسلام .. حاله مرام اشرفولي عليها .. وانا هتابعكوا متقلقوش .. انا عارف اني الحاله صعبه وجديده عليكوا بس برضو لازم تخوضوا التجربه وانا واثق انكوا هتكونوا عند حسن ظني

سلمي واسلام : شكرا يا دكتور … دي شهاده نعتز بيها

……………………………………………………….

كل مايقربوا من اوضه مرام .. سلمي قلبها بينقبض اكتر

سلمي : مسكت اسلام من ايديه ..استني .. اسلام انا ليه قلبي مقبوض !؟

اسلام : ممكن بس عشان الكلام اللي سمعتيه عليها مننا اهدي كده وزيها زي اي حاله .. بس الفرق اني احنا لازم نبذل مجهود اكتر من الاول واهدي كده ماشي

سلمي : حاضر يا اسلام

……………………………………………………..

اوضه مرام …

سلمي دخلت لقتها قاعده ومدياهم ضهرها

اسلام : مرام ازيك النهارده

مرام انتبهتله بس فضلت مركزه ع سلمي

سلمي وقفه مصدومه ولنفسها : ازاي !؟ ده هي اللي شوفتها هي نفس ملامحها .. طب ازاي ازاي

مرام تخطت اسلام و بدات تقرب من سلمي

كانت هتمسكها من رقبتها بس سلمي مسكت ايديها بسرعه

مرام بضحكه خبيثه : ههههههههه .. ذكيه وبفحيح افاعي يا سلمي

سلمي بصت ل اسلام وعنيها خايفه بس بتحاول ان مرام متشوفش ده ف عنيها

مرام ببتسامه : خايفه !؟ وبرائه ده مش وقت خوف .. الخوف لسه مجاش .. لسه مجاش يا سلمي هيجيلك .. هيجيلك .. هيجيلك .. هيجيلك

يتبع..