روايات

رواية جدايل حكيمة الجبايل الفصل التاسع عشر 19 بقلم إيمان صالح

رواية جدايل حكيمة الجبايل الفصل التاسع عشر 19 بقلم إيمان صالح

رواية جدايل حكيمة الجبايل البارت التاسع عشر

رواية جدايل حكيمة الجبايل الجزء التاسع عشر

رواية جدايل حكيمة الجبايل
رواية جدايل حكيمة الجبايل

رواية جدايل حكيمة الجبايل الحلقة التاسعة عشر

چدايل ••ياسلااام عالأخبار الزينه ياولاااد زغرطو ياصبايااا،،، الچميع يزغردن ماعدا الوحيدة التي تبكي بنواح لتقطع تلك الزغاريد،،، ربي
ربي••اااااه،،، بكاااء وعويل،، يا حباية جلبي ياحااافصه !!!!
إلتفتت لها چميعهم وبالأحري چدايل التي تربطها بها علاقه قويه في دهشه وإستغراب ،،
چدايل ••وه ؟؟ عما تعوي إكده ليه مالك؟؟ إفرحي عااد البنته حجها رچعلها وبيرچع،،
ربي••ببكاء أمسكت بيد حفصه التي اصبحت كقطعه آتيه من القارة القطبيه،، وأخذت تحدث حفصه،، حفصه؟؟ بت ياحفوصه؟؟ إنتي زعلتي مني عاد عشان جولتهلم إنك ماخلفتيش؟؟ ولا زعلانه يابت عشان فروزه !! طب جومي حدتيني ماكلهم ولادك يابت ياخايبه،، طب هحكي سري لمين واعاكس فمين يماا ؟؟ أهااا اهاأء يااخاايتي جومي،،
چدايل ••بخطوات حذره تقترب من ربي،، وسالت دموعها علي خداها،، فيه إيه ماله مارضياشي تجوم ليه؟؟ يا تعبانه!! هاتيها إكده؟؟ واخذتها الأخري في حضنها حينما مالت وجدتها مبتسمه ودموعها مازالت اثرها علي وجهها،، خت چدايل بدون عنوه،، خاله حفصه لااه،، حدتيني دانتي مرچعي بالاه عليكي،،
الجميع تحول لحاله مكبوته باهته،،

 

چميله ••حبيبتي ياخاله حفصه،، دكتور ياولاد،، وأخذت تصرخ وقامت تشلشل في إنهيار ثم صرخت بها چدايل،،
چدايل ••باااس !! عما تصرخي ياچميله !! عيب علي القراان اللي عما نحفضهولك !! ماحدث يصرخ عليها ولا صرخه دى ماعذبتش حد عشان تتعذب حرااام !! الصريخ علي الميت ده بيوچعه في جبره،، وبعدين دكتور صحيح مايمكن عيانه،، يابراهيم،، ياخووي،، بكااء،، إلحجني ياخووي،،
إبراهيم ••فيه ايه فيه ياچميله مالك ياچدايل!!
چدايل ••الدكتور، بسرعه،، بعد قليل،، أكد الدكتور الوفاه وسببها سكته دماغيه بسبب حزن،،،،،،،
الحزن،، الحزن الذي يلوح في الأفق فوق كل إنسان،،
لو كان الحزن شخصااا لقتلته !! الحزن الذي يؤدي للموت بشتي الأشكال،، الحزن الذي يؤدي للمرض بمختلف الأشكال،، الحزن والغيظ الذي يؤدي إلي التصرفات الحمقاء بكل الأشكال !! لماذا ندع الحزن يتحكم فينا ؟؟ لم لا ننفضه عن أكتافنا بعيداا !! لاتحزن إذا فشلت في مهمة وتأكد أن الله يؤهلك للأهم،، لاتغضب حين حزنك حتي تصل بك المرحله من حزنك وإحساسك بالفشل أن تقتل روحك او أولادك وبناتك،، فقط حين حزنك (إصمت) ذلك ماتعلمته بعد حزن وغضب ثم حزن وغضب ثم تصرفات خاطئه ثم حزن وتصرفات خاطئه ثم فقدان أعزاء وأحباء،، ثم حزن ومرض،، ياااا إلهي !! إنها رحله مع الحزن،، فأرجوكم لاتحزنو حتي الموت او المرض !!
في صباح يوم المأتم،، الحزن يخيم علي المكان،،، تلك الروح المسالمه،، تلك النفس المطمئنه،، رچعت إلي ربها راضية مرضيه،، بدون أذية لمخلوق،،
الكل يجلس ساكتا صامتااا،، غسلتها چدايل بعدما انهو الأوراق المطلوبه لتصريح الدفن،، وأخذت تقرأ علي روحها القرآن وتكفنها وتجدل ضفائرها التي مازالت أغلبها سوداء والبقيه أبيضااا،، أخذت تجدل شعرها وهي تحدثها،،
چدايل ••مع السلامه ياجلبي،، مع السلامه يامي التانيه،، ياللي اديتيني معني الطيابه بكف ومعني الحج والشچاعه بكف التاني،، قبلتها من وجنتها وأخذت رباطااا من الذي كان في رأسها،، آني هاخد توكتك أحتفظ بيها ياخاله حفصه معجلهاش من يدي،، سلميلي علي أبا رشيد،، وجوليله إني أنا الچايه بعديكو ياجلب بتك،، بكاء بنحيب،، هتوحشك جووي يانضر بتك،، وإرتمت عليها وإنهارت ولم يستطيعو حملها من عليها،، لأول مرة تنهار في حياتها هكذا،، حتي عندما مات رشيد تماسكت،، لكن هذا الموقف يبدو أصعب من ذي قبل،، تري !! هل هو حب چدايل لحفصه؟؟ أم حب الله لها !! إن الله إذا أحب عبدااا أحبه كل العبااد !!

 

رُبي••التي تقف يدها بيد چدايل،، حضنتها ومن ثم أنهارو معاا،، بعد فترة قصيرة،، يلايابتي،، يلا ورانا يوم طويل خلينا نريحوها في مكانها الأخير،،
چدايل ••آني لازمن أنزل المجبره أحطلها مسك معاها ياخاله ربي،،
رُبي ••ببكاء وكل من يتحدث يبكي،، إنتي عاوزة الرچاله يسبونا عاد ولييه؛!! مافيش إكدة يابتي،،
چدايل ••ماليش دعوة وااصل !! لازمن أنزل أحطلها مسك وأحطها بيدي ووإدعها يانااس،، بكاااء بصوت جهوري،،
چميله ••ياچدايل آني مجدره اللي إنتي فيه والله،، بس براهيم والرجاله خواتها ماهيرضوشي ياخيتي،، وآني هدي دولي ابراهيم يحطهم في الجبر وياها،،
چدايل ••ااة،، اة والنبي خلي جبرها تبجي ريحته زينه،
ربي••مسحت دموعها،، اللي بيعمل الريحه الحلوة العمل الصالح يابتي مش المسك،، وخالتك حفصه عملها كيف الجشطه،، شفتي الكفن عامل عليها كيف !! والله ماشفت حته من چتتها وهيا بتتغسل !! اللهم أسترنا فوج الأرض وتحت الأرض ويوم العرض عليك،،
دخل عليهم مرسال،، يلا شهلو العربيه برا،،
ربي••يلا ياولدي،، فين خيك براهيم رشيد،، نادم عليه،، نده عليه،،
إبراهيم ••يلا يارچاله يلااا،، نقلوها إلي الصندوق الخشبي وچدايل تقف في حاله يرثي لها،،
چدايل••إيه خلاص إكده ؟؟ ماشيه اهناكه وسبجاني!! لااه،، طب سيبها هبابه يابراهيم وحياة ولادك،، ياحفصه !! مع السلامه طب ياجلب،، في امان الله وچنته يمااا،،،

 

ربي••مع السلامه يارفيجة عمري،، مع السلامه ياأطيب جلب،، سلاام ياحفصه،، اعطت چميله لزوجها المسك في جيبه،،
چميله ••مااتنساش تحط معاه دة،، مع السلامه ياجلب چميله،، سلااام ياغاليه،،
وودعوها وتهاني ايضااا تبكي في إنهيار،،
وقت العزاء،،، خموووول،، سكوت تااام،، لا أحد يتحدث، لاكلاام،، كل يحزن عليها في صمت،، طوال النهار إلي إقتراب الليل،، فقط قرآنااا يعمل والجميع صامتوون،،
بعد العزاء،، دخلت چدايل للغرفه الخاصه بها هي وربي،، ولم يستطيعا التمسك بكو حتي غلقت عيناهم وصارت أشبه بالبالونات المنتفخه،،
بعد شهر دام علي هذا الحال،،
لم يعد في المنزل غير تهاني وربي وچدايل وإبراهيم وزوجته والأولاد الباقيين،،
تهاني ••اااة ياحفصه،، البيت عمال يصفصف عالواحد واحد ورا التاني واللي يروح أغلي من اللي جبله،، الله يرحمك ياحفصه،، ويخليلك بيتك ياسراء يابتي،،
ربي••عامله إيه صح في الچواز !! ماحبلتشي؟؟
تهاني ••لااه لسه والله ياربي،، إدعيلها ربنا يعطيعها لاحسن الوليه السو دياتي جاعده تسم في عضامها بسبب إنها لسه ماخلفتشي،،
چدايل ••وااه ؟؟ هيا لحجت؟؟ دى كلها شهر ونص اللي إتچوزتهم !!
تهاني ••لااه ماهي عاوزة البشارة بجي،، اصل مرات إبنها التاني بعد شهرين چواز طلعت حبلي،، ولازمن دي تطلع حبلي راخرة!! نسوان متخلفه بعيد عنك،،

 

چدايل ••شكلها بتك وجعت واجعه واعرة ياتهاني،، ربنا يسلم ويحفظها ويهديها،، اااه،، آني هجوم أريح إشوي لاحسن آني نعسانه،،
تهاني ••نامى،، وولادك فينهم !!؟
چدايل ••تلاجيهم بيلعبو مع البنته بره،، اني هنام ولو فيه حاچه نادمو هة !!
ودخلت والدموع تتلألأ في عينها تذكرااا لحفصه،،
الله يرحمك يخاله،، توحشتك جووي،،
وبعد مرور أشهر عديدة،،، قرابة الست شهور،،
حكم لمروه بالورث الشرعي من التركه وهو ثلث التركه ولأخيها الثليثين إستنادا للنص القرآني،،وبذلك عاد حق الفتاه شرعااا وقانونااا واخذ سلمان يقضي الحكم الصادر عليه،،
أما في منزل عبد الباري وعروسه ،،،
إسراء••وآني جولت منزلاشي ياعبد الباري،، بيتي أولي بيا عااد !!
عبد الباري ••يعنى ايه يعنى؟؟ هوا انتي مبتحرميش يابت الناس!! هوا مبيكفيكيش عمايل امي فيكي عااد !!
إسرااء••وه !! خلاص ياخووي تعبت نفسياا آني !! كل شويه تحكمات وراحه فين وچايه منين !! كني عيله صغيرة ولاإييه !! الواحد چرف عالآخيير،، لاه واللي زاد وغطي كماني لمن حضرتك تجولي لما اطلب منك حاچه !! تجول مجولتك الشهيرة،، معاكي فلوس وفيدك صنعه !! إصرفي علي روحك !! لييه ؟؟ وآني متچوزه سوسن !!
عبد الباري ••بت !! إحترمي نفسك عاااد !!! ثم إن تعالي إهنه !! إنتي زعلانه كمني عما جولك إكده !! مش فيدك صنعه بتوكلك الشهد إنتي ؟؟ خيوط كروشبه وعنديكي وبتشتغلي شغل كروشيه لوحديه،، جماش ةعنديكي وعندك الماكينه وبتشتغلي عليها إشي بلوزات وإشي جمصان وكلو بيييع بييع بييع،، وجعاد وإكسسوارات ودنيا !! دانتي مبتبطليش شغل يابو !! دانتي تصرفي علي آني!!
إسراء••إيوة إيوه،، نج ياخووي،، آديلي شهرين ولاشفته،،
عبدالباري••عاوزة إنتي إيه دلوك يعني ؟؟

 

إسراء ••تتعالچ ياعبباري،، ياإما تجول لأمك تحل عني هبابه عشا بجت روحي إهنه،، وعلي فكرة لو مابطلتشي تچرحني بسبب الخلفه هجولها ان العيب عنديك إنتا،، ثم إن إحنا لسه ماعديناش واحده مجفلتش سنه !! ودايرة تجول علي ماعخلفشي؟؟
عبد الباري ••ياستي تجول اللي تجوله،، آني معاوزشي دلوك،،
إسراء ••لأ إنت معارفشي مش معاوزشي !!
عبد الباري ••ببلطجه وإنفعال،، معارفشي ياستي مش معاوزشي،، ليكي شوج فحاچه؟؟
إسراء ••إيوة ياخوي،، لو إنت مش عاوز آني من حجي،، يعنيي من الآخر ياتعالچ حالك وتظبط أمورك الماديه تعيشني زين ياكل واحده يروح لحاله بالمعروف،،
عبد الباري ••اااه،، تتطلجي عشان تبجي سبتيني عشان مافياشي للخلفه !! دة بعينك يابنته،، إحنا مفيش فعيلتنا طلاج أصلااا،،
تركته إسراء غاضبه وذهبت من أمامه وهي تبكي وجلست علي الماكينه لتنهي ما بيدهها من عمل مطلوب منها !!
إسراء••تخبط علي أفخاذها بيدها بغيظ؛؛ يارب تموت إنت وأمك ياشيخ يارب،، بكاء،، من الأسفل صوت بخيته ينادي،،
بخيته••اسراااء!! إنتي يابت ياسراااء !!
طوحت بيدها،، بلا مبالاه،، أعادت النداء ثانية،،
إنتي يامبومه !!
إسراء ••قامت بغضب،، عاوزة اييه !! مالك عااد بلللو بلللو فيه إيييه !!
بخيته ••وه وه وه ؟؟ بتتحدتي معاي آني إكده؟؟

 

إسراء••إيوة هوا فيه غيري آني وانتي؟؟ خير عيزة ايه بردة مافهمتش !!
بخيته ••إنزلي يلا لچل مانغسلو الفرش اللي في الارض دواتي،، اديلنا شهرين ماتغسلشي،، يوسخ أكتر من إكده اييه؟؟
إسراء ••وآني اللي كنت وسخته ؟؟ ماتخلي اللي مجعمزه معاكي تحت هيا اللي تغسله،،
بخيته ••وه !! الحبلي هيا اللي تعمله !! دى شايله حفادي،، مانتي معرفاشي تعملي كيفها،، لمن تبجي كيفها ابطل أشغلك في الدار وهيا شايله،،
إسراء ••والله بجي الكلام دة تحدتي بيه ولدك مش آني،، آني الحمد لله زي الفل مافياش حاچه عفشه،،
بخيته ••بغضب،، جبر يلمك فيه ياشيخه !! أنا ولدي صاغ سليم يابت المبومه ويلا إنزلي ادعكي السچادتين خلينا نكملو بجيت الشغل،،
إسراء ••دخلت للداخل وهى تسب وتلعن،، الله يخربيتك لبيت ماتچوزت ولدك ياشيخه،، اللهم آمين،، ونزلت للأسفل لكي تنهي ماطلبت تلك المرأه منها،، وصعدت للأعلي تجرجر جسدها من شدت الألم،،
وهمت لتضع جسدها حتي ترتاح،، وجدت بخيته فوق رأسها في شقتها،،
بخيته ••إنتي بتريحي ياستو آنييي !!! اللهم صلي عالنبي ! طب الصحون والحلل اللي تحت دياتي مين هيشطفهم !!
إسراء ••بعنف،، بجولك إيه يامرا إنتي !! بعدي عني أنا عفاريت الدنيا عما تترجص في وشي !!

 

بخيته ••رفعت يديها للسماء وأخذت تصرخ،، يامرراااي !! اﻧي يابت الك،، لب؟؟ طب وديني ماهعتجك،، ونزلت فوقها ضربااا بالحذاء وإسراء، مذهوله مما تفعل،، وتصرخ إلحجوني ياخللج !! ياناااس !! ااااه،، وتضربها والأخري تصرخ مستغيثه،،
إسراء ••إلحجوني ياناااس!! ياخلج غيتوني،،
دخل عليمها زوجها متلهفااا،،
عبد الباري ••إيه يما في إيه يما باااس،، أبعدها عنها،، فيه إيه ؟؟
إسراء••سد مرهق من الضرب قبل العمل الشاق !! إنت مش راااچل صح،، نهجت،، لو إنت رااچل امك مكانتش ضربت مرتك،،

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جدايل حكيمة الجبايل)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى