رواية عيون جميله الفصل الرابع 4 بقلم هدير أحمد

رواية عيون جميله الجزء الرابع

رواية عيون جميله البارت الرابع

رواية عيون جميله الحلقة الرابعة

عيون جميله
فجاه كلهم سكتو لما سمعو صوت الطلقه وبصو ل مصدر الصوت
حسام: اي كفايه دراما بقي العقرب مبيحبش حد ولا حتي نفسه وبعدين بص ل فهد وقالو انا فكيتها علشان تسمع كلامك لانها يعيني كانت مخدوعه فيك وكانت فاكره انك بتحبها يخسارة حبك ي نيرو
نيره ساكته كل ده مستنيه رد فهد ويقول انه كان بيقول كده علشان يوقعه بس خيب ظنها لما قال
فهد: محدش قالها تحبني عادي ميهمنيش وخلاص نها*يتك علي ايدي وطلع مسد*سه وصوبه اتجاه حسام بس دخل معتز وقاله بلاش ي فهد دلوقتي ناخدو علي القسم وحسابه هناك
وقبض علي حسام والل معاه كلهم و راحو علي القسم
فهد بعد ما كلو مش بصي ل نيره وقال: يلا علشان اوصلك
نيره وهي بتضر*به: مش عايزه حاجه منك انا بكر*هك بكر*هك ليه ليه تعمل فيا انا كده ليه
فهد وهو بيسحبها بالعافيه علشان يركبها العربيه قال: محدش قالك تحبيني و ركبها العربيه وراحو علي القسم علشان يخلصو الاجراءت
في القسمفهد ل نيره: كل الل سمعتيه صح انا و شيماء مش اخوات هي تبقي بنت عمي وانا فهد المنياوي من الصعيد ظابط مخابرات الملقب بالعقرب وشغلي بره مصر انا عارف ان انتي وشيماء اصدقاء من الطفوله بس هي اضطرت تخبي عليكي علشان تحميني وعلشان محدش يشك فيا مكنتش تعرف انك هتتخطفي ولا كانت تعرف ان كل ده هيحصل
نيره ببرود عكس الل جواها: ميهمنيش كل الكلام ده انا بكر*هك بكر*هك وسابتو ومشت وهو روح بيته
تاني يوم♕
شيماء هتروح ل نيره البيت
والدة نيره الل بتفتحلها الباب
والدتها: اتفضلي ي شيماء
شيماء: تسلميلي ي طنط معلش ممكن ادخل ل نيره
والدة نيره: اه اتفضلي
شيماء بتخبط عليباب اوضة نيره
نيره: ي ماما سبيني ل وحدي بالله عليكي
شيماء فتحت الباب و دخلت
نيره لما شافتها اي الل جابك مش عايزه اكلمك انا بكر*هكم كلكم
شيماء: بالله عليكي اهدي والله مكنتش اعرف ان هيحصل كل ده مكنتش اعرف ان هتوصل ل خط*فك والله مكنتش اعرف
نيره: اخرجي بره ي شيماء مش عايزه اتكلم مع حد اخرجي
شيماء: نيره والله ما
قاطعتها نيره: قولت بررررره
خرجت شيماء متعصبه من عند نيره و راحت تواجه فهد
شيماء ل فهد: احنا متفقناش ان نيره تتخ*طف مكنش ينفع اضحي بصحبة عمري وهي الل بتحبك وانت دمرتها بكل سهوله لما انت مبتحبهاش لعبت عليها ليه وفهمتها انك بتحبها كل ده علشان تقبض عليه تلعب بيها ليه حرام عليكي اخي
فهد بعصبيه: بقولك اي محدش قالها تحبني وانتي عارفه كويس ان انا العقرب وعارفه ان العقرب مبيتعاملش ب قلبه انتي الل محاولتيش توعيها وتقوليلها اني مش بحبها متجيش تلوميني علي غبا*ءك وغباء*ها واحترمي ان انا ابن عمك واكبر منك وخد شنطته ومشي
وشيماء انها*رت ف الارض
بعد مرور زمن
في احدي محافظات الصعيد وتحديدا قصر عائله المنياوي واحده من اشهر العائلات في الصعيد؛ بيعيش جوا القصر ده فهد وعيلته اللي بتتكون من:
جده: جمال شخصيه صارمه وجاده والكل في الصعيد بيعمله الف اعتبار بالضبط
والد فهد: سالم ماسك مجموعه شركات العيلة جاد جداا في شغله وطبعه صارم بس حنين مع عيلته
والده فهد: أمينه شخصية طيبه
اخوفهد:سليم بيشتغل دكتور ومدير مستشفى في الصعيد
اخت فهد: مريم وبتشتغل مهندسه ديكور( باقي الشخصيات هنعرفها مع الاحداث)
في قصر عيله المنياوي
الكل كان قاعد علي بيفطر ماعدا أمينه اللي كانت تبص في طبقها وسرحانه
سالم: مالك ي حبيبتي سرحانه ليه
امينه: فهد من امبارح مرجعش البيت انا تعبت منه ومن تصرفاته
جمال بحدة: يعني عوزاه يسيب شغله ويجي يقعد جنبك ولا اي
امينه: مقولتش كده ي ابوي بس ده ولدي وخايفه عليه
جمال هبد بعاصيته: ولدك بقي راجل ي امينه ميتخافش عليه اعقلي؛ وقام وسابهم
سالم باس راسها: متزعليش ي حبيبتي انا هتكلم مع فهد
امينه: تتكلم معاها في اي هو فهد بيمسع كلام حد انا مش بشوف ابني ده من شغله في المخابرات لشغله في الشركة انا بقيت بشوفه بالصدفه حسوا بيا بقي؛ وطلعت وسابته وسالم اتنهد بحزن وراح الشركة
في احدي مستشفيات القاهره
الممرضة: دكتوره نيرة دكتور محمود عاوزك
نيرة: هو في مكتبه
الممرضة: اايوا ومستني حضرتك
نيره: هروحله اهو
ولبست البالطو بتاعها وراحت لمحمود مكتبه
نيرة خبطت علي الباب ادخل ي كتور
محمود: تعالى ي نيره اقعدي
نيرة: خير ي دكتور قالولي انك عاوزني
محمود: انتي وكمان كام دكتور تانيين هتتنقلوا الصعيد
نيرة: الصعيد ليه ي دكتور اانا عملت اي
محمود: اهدي ي نيره انتي معملتيش حاجة بس المستشفي اللي هناك لسه فاتحة جديد وهي الفرع التاني للمستشفي دي ومحتاجة دكاتره وبما انك لسه متعينه جديد فهتتنقلي هناك أنتي والدكاتره المتعينه جديد
نيره بتنهيدة: هستلم الشغل امتي
محمود: من بكرا
نيره: تمام ي دكتور عن اذنك؛ وراحت مكتبها تلم حاجتها
تاني يوم
نيرة وزمايلها كانوا وصلوا المستشفي في الصعيد وبدئوا يستلموا شغلهم
نيرة: مش معقول كده من اول يوم هنسهر
سلمي: انا حاسه انهم ما صدقوا اننا جينا فهنلبس الشغل كله
نيرة بضحك: ما انا مكنش لازم أشوح بايدي واعمل فيها استرونج اندبنت واشتغل
سلمي بضحك: اول عريس يتقدم ليا هوافق واقعد في بيتي يختي انا مش حمل بهدله
نيرة بضحك: قره عيني اولي بيا
سلمى بضحك: مليش غيره ولو قالوا اي
في شركات االمنياوي
فهد كان قاعد بيشتغل ومركز في شغله وقطع تتركيزه صوت خبط علي الباب
فهد: ادخل
زين: هو انت اليوم اللي هتيجي فيه الشركه هتربي للموظفين الرعب
(زين يبقى ابن عم فهد وفهد بيعزه جدا وبيساعدهم في الشغل)
فهد: هو عشان بحب النظام والجديه في الشغل ابقي بربي ليهم الرعب
زين: يعم مقولناش حاجة بس مش بالطريقه دي الشركه برا لو رميت فيها القلم الكل هيسمع رنته
فهد ببرود: والله دي طريقتي واللي مش عاجبه يتفضل يمشي
زين: انت مفيش فايده من االكلام معاك
فهد لسه هيرد عليه بس تليفونه رن
فهد: الو انت وصلت
المتصل:…….
فهد: تمام خليك عندك ونص ساعه هجيلك وقفل معاها
زين: مين ده
فهد: هتعرف بعدين المهم خليهم يجهزوا مندره الضيوف
زين: ايوا بس مش لما نعرف لمين
فهد: لضيف العقرب ي زين
وأخد حاجته ومشي ونزل ركب العربيه؛ وبعد نص ساعه وصل لمكان؛ فهد نزل من العربيه
فهد: نورت الصعيد ي معتز
معتز بابتسامة: منوره بأهلها ديما ي فهد؛ وسلم عليه
فهد أخد منه شنطته وحطها في العربيه وركبوا
معتز: انا حاجز في فندق…..
فهد: فندق اي اللي تنزل فيه ي معتز انت ضيف فهد المنياوي وضيوفي مش بينزلوا في فنادق
معتز ابتسم ولسه هيرد عليه؛ بس جات عربيه وبدات تضرب عليهم نار وفهد حاول بأقصي سرعته يهرب منهم بس للاسف معتز اتصاب في كتفه
فهد: معتز انت كويس
معتز بالم: متقلقش انا….. وقبل ما يكمل كلامه اغمي عليه
فهد ساق بسرعه وطلع علي المستشفي وشاله علي ضهره ودخل بيه المستشفى؛ االممرضين اول ما شافوه جابوا ترولي وحطوه عليه
فهد: حالته أخبارها اي
الممرضة: هيحتاج يدخل العمليات عشان نقدر نطلع الرصاصه
واخدوه وراحوا علي اوضه العمليات
في مكتب نيره
الممرضة دخلت: دكتوره نيره عاوزين حضرتك في أوضه العمليات في حاله عندها اصابه في الكتف
نيرة: حاضر هاجي حالا
وراحت غيرت هدومها ولبست لبس لعمليات ودخلت بسرعه لاوضة العمليات وبعد 3 ساعات طلعت وفهد كان واقف قدام الاوضة
اول ما طلعت فهد راح ليها: طمنيني أخباره اي
قطع كلامه لما نيره خلعت الكمامه بتاعتها
والاتنين مصدومين