Uncategorized

رواية الاتفـاق الحلقة الرابعة 4 بقلم ميشو محمد

 رواية الاتفـاق الحلقة الرابعة 4 بقلم ميشو محمد 

رواية الاتفـاق الحلقة الرابعة 4 بقلم ميشو محمد 

رواية الاتفـاق الحلقة الرابعة 4 بقلم ميشو محمد 

رهف وقفت ع الشباك مرة تانيه وتشوف ف باب القراج: شن رح يصير لو اطر الامر رح نتصل بشرطه اني مانقدرش نعيش واني نائنب ف ضميري شخص برئي رح يدمر قدامي ياربيييي.. قعمزت تحت الشباك 

رهف: فكري فكري فكررررري جتني فكرة ييييس يس يس يس الحمدلله ياربي نشالله تزبط يارب.. ونزلت تجري

جت الساعه 12 ف ليل وكل الرجعو لبيوتهم 

رهف تغسل ف الماعين مع امها ونصيب اضم ف المطبخ من الهوسه لكانت 

رهف:ماما شن رايك نعزمو بسام ع الغدي غضوا قصدي عيب يجو يسالو عليا شن رايك نعزموهم مش احلا

نصيب ابتسمت بفرح وتقول ف روحها يارب توافق 

رهف تقول ف روحها يارب يارب هادي فرصتي الوحيد يارب فهد برئي يارررب 

عايدة:اي عادي نصيب لو كلمك خطيبك اصيل قوليله وقوليله مايرفضش واضغطي عليه 

بعد تنضيف الحوش من الحوسه والكركبه 

نصيب ع الهاتف:بسام ماما عزمتكم ع الغدي غضوا بمناسبة شفاء رهف 

بسام:مانقدرش نصيب واصلا جدك حسيته مايحبش جو توا رح يضايق منا 

نصيب: بسسسام عشاني 

بسام: مانعرفش اني عشانك تمام نشوف امي هي توا راقده غضوا الصبح نفتح الموضوع معها ونتواصلو اوكي؟

نصيب:اقنعها بسام بلييز ????????

بسام: يصير خير ❤

نصيب:اوكي يلا تصبح ع خير 

بسام: قدامك كل خير ..وصكر الخط

رهف تفرك ف ايدها:شنووو قال وافق؟

نصيب استغربت:انتي شن دخلك؟

رهف:نصيب شن قال بيجو غضوا؟

نصيب:قولي علاش قبل

رهف تتسهوك:استاحشته وحبيته تعرفي حبيته معاك ????

نصيب:حبك برص نشالله باهي؟

رهف: يانصيب شن صار خيرك يابنت يارب يانصيب ربي يفرحك وتتزوجيه (نصيب تشوفلها ????) باهي اسمعي يااارب يارب يانصيب يابنت جابر تتزوجيه وماتعركوش ولا يوم وتحملي وتجيبي وتسمني وتضعفي وتشيبي وتطولي وتقصري ويقعد طوووول العمر يحبك ويموت فيك 

نصيب:استغفر الله قالي بيسال امه وصبح بيكلمني 

رهف فرحت:يااارب توافق عمتي العزوزه وللهي تهبل عزوزتك يانصيب نشالله توافق بس 

نصيب رقدت ورهف بسبب عيونها وتعبانه رقدت 

ساعه تمانيه 

رهف فاقت شافت الساعه:نصيييب 

نصيب نفجعه:ياعنبوك ياحمارة اتفوو عليك 

رهف:ياعنبو اصلك اتصلي بـ النممم متع النمم عشان النمم متع النمم 

نصيب: قصدك نتصل ببسام من الصبح؟????

رهف:انتي مفكرتيه صبح لا ياعمري هدا مش صبح هدا قاااايله اتصللللي بسرعه هيااااا

نصيب رجعت للوسادة وسكرانه نوووم ????

رهف ????

رهف خدت هاتف نصيب ببطئ واتصلت:ايووه السلام عليكم اني رهف 

نصيب قعمزت ????????

بسام:وعليكم السلام صباح الخير

رهف:صباح النور كيف الحال

بسام:كويس الحمدلله الحمدلله ع سلامتك 

رهف:الله يسلمك بسام ماما عزمتكم ع الغدي اليوم بللهي عليك ماترفضش ماما تجهز ف الغدي هي ونصيب وينضمولك ف غدي مليح تعالوو باهي

بسام ضحك:باهي نشاالله 

رهف:تمام نسيبي يلا سلام 

بسام:علاش كلمتيني انتي وين نصيب؟

رهف:اهاا نصوبه تنظف ف الصاله مشااالله مرتك ناشطه خايفه بالك مايعجبكش الحوش ????????

نصيب ????????????

بسام:???????????? اوكي باي..وصكر الخط 

رهف حدفت الهاتف ع نصيب:لم نقولك حاجه تنفدي فاهما

نصيب:ياتافه ياسخيفه وللهي ماتتحشمي 

رهف: انبحي باهي قتله نصوبه تنظف واطيب وتغسل الحق فيا اني مفروض قتله راقده وغاطسه ف العسل 

نصيب: كثر خير كثر خير لكن اذكريه اليوم هدا ورح تندمي ياتافه ????‍♀️????

رهف: الندم لضعفاء وليس للاقويا ????????

نصيب طلعت وهي تسب ????????????

رهف وقفت ع الشباك:واحد بس يقرب ع فهدي نوريه نجوم الضهر اليوم ياجدي بتقعد مقعز مع بسام انت وعمامي واني رح انفد خطتي ونشالله وبأذن الله ننجح فها ❤❤

رهف نزلت 

جهزو الغدي كسكسي وعصبان وترتيبات وضيافه وهكي ❤

منصور: نسيبنا الاول جاي يتغدى هني يعني كلكم بترحبو بيه هدا نسيبي ❤❤

ووصل بسام وامه وجايبن معاهم حلو  المهم الرجاله يتغدو ف المربوعه كلللهم 

والصالة فيها ام نصيب ونصيب ورهف وام بسام 

نصيب لبسة سورية حمراء قصيرة  وسروال واسع ازرق غامق وشريط احمر ف شعرها مع مكياج خفيف ❤

رهف لبسة سروال جينز ازرق وسوريه قصيره صفرا وشهرها قايماته فوق عكعه مع مكياج خفيف????????

رهف ف غرفتها:كلهم يتغدوو توا لازم  ننزل..لبسة وشاحها ونزلت وخشت للقراج لكن الباب مصكر فتحت الصكاره 

فهد كان عطيها بضهر سمع الباب نفتح تعصب وبدي يتحرك فوق الكرسي ويدير ف صوت من فمه 

رهف:لااا اششش بللهي عليك اششش .. فكتله اللصقه من فمه 

رهف: بللهي عليك اني بنساعدك اشششش فهد وعيونه مغمضات ومربط: فكيني 

رهف فكتله ايده اول شي وبعدين اتجهت لوجها  ونزلت القماشه من عيونه وحني تلقوو عيونهم ❤ ونزلت تفكله ف رجليه 

فهد يشوفلها كانت السوريتها قصيرة: بعدي اني نفك بروحي 

رهف فكتله رجليه وقامت عيونها فيه وهي تفكله ف رجله التانيه:بدون صوت او صدقني يقتلوني 

فهد فك الحبل من رقبته ويتلامس ف رقبته كانت متشنجه 

رهف وقفت:اسمعني بللهي عليك اني رح نطلعك لازم تسمع مني توا كلهم يتغدوو تمام انت رح تقعد هني تمام خمسه دقايق بس وللهي مانتاخر اوكي 

فهد:لا خمسه لا عشرة حولي من قدامي 

رهف بخوف وقفت قدامه:بللهي عليك لو طلعت رح يشكو انه ف حد ساعدك بللهي علييييك يقتلوووني افهم اني ساعدتك 

فهد بعد شعره للخلف بعصبيه: دقيقه بس ماتتاخريش 

رهف ابتسمت: تمام خليك..وطلعت 

مرت اكتر من تلاته دقايق ????‍♀️????????

رهف خشت:اسمعني وافتح دماغك تمام 

فهد:اختصري ع فكرة هدا حوش جدي ونعرف نطلع 

رهف تعصبت: حوش جداك مش غير جدك ياغبي لو طلعت رح يشوفوك بلا غباء 

فهد ساكت ????

رهف:اوكيي اسمع بلا غباء رح تمشي وراى الحوش وتطلع من الباب الخلفي 

فهد: تتكلمي جديات حتى اني عارف روحي بنطلع من الباب الخلفي تتذكي انتي ????

رهف تعصبت: بتطلع من الباب الخلفي افهم بلا غباء 

فهد:الباب الخلفي؟

رهف: اي الباب الخلف ملا شنو بنحفرلك نفق من تحت الارض خيرك هكي غبيي 

فهد: اوووووف دوتك هلباااا…وطلع بسرعه وخطوات سريعه 

رهف:ماقالش شكرا ???????? مرة تانيه اني معادش بنساعد حد نشالله يقتلو بعض..وتلفتت بتطلع ????????????

رهف تشوف قدامها ????????????: ف فايز؟

فايز: صدقيني رح يقتلووك قتلل 

رهف جمدت ف مكانها:هو هرب اني…قاطعها

فايز بصوت عالي:ياااااسر كذب 

رهف ترجف كلللللللها دموعها ينزلو: فايز يافايز بللهي عليك يافايز هدا صاحبك 

فايز:انتي توا طلعتي فهد لكن رح تدفعي الثمن 

رهف تبكي: نقوللهم هرب ونقوللهم اي قصه بللهي عليك ????????????????????

فهد وصل لعند الباب:مفاتيح الشقه ومفتاح السيارة والهاتف كانو معاي..ورجع للقراج 

فايز: رح تدفعي الثمن 

فهد وصل ووقف مكانه ويسمع

رهف تبكي: فايز حرام تاكلو ف رزق الياتيم وحرموه من امه حرااام???????????? 

فايز: امشي لحوشكم 

رهف مسحت دموعها وطلعت شفاته قدامها شدت مرفقه بسرعه ووقفو وراى السيارة لـ في القراج عشان فايز مايشوفاش 

رهف بصوت واطي شافته:اغباء مخلوق نشوفه ف حياتي..قاطعها

فهد :مفاتيح شقتي ومفاتيح السيارة والهاتف

رهف خايفه دمعتها نزلت: بسببك اني نكشفت وانت تقولي مفاتيح ياربببي ????

فهد يشوفلها كيف تبكي: اني ماطلبتش منك مساعده صح؟ يعني مادخلي بشي ????

رهف بعصبيه: اني ساعدتك وانت هكي تتكلم معاي الحق مش فيك الحق فيا اني لنساعد فيك 

فهد: انتي لتتصلي بيا ومغيره صوتك صح ✅

رهف مسحت دموعها: مننن اليوم هادي اخر مساعده مني ليك انت شخص ماتستاهلش اني ساعدتك مفروض تقولي ولو حتى كلمة شكرا بس 

فهد: مستحيل اني ماطلبتش مساعده 

رهف نهارت تبكي 

فهد:اني كنت نقدر نساعد روحي مش عيل (رهف شافتله بنضره متع خاطري نعجنك طريحه ????) اني مستحيل نعطيهم توقيعي ولا رح…قاطعاته

رهف وقفت:انت خيرك غبي هما مش جايبنك عشان توقيعك جايبينك عشان ياخدو بصمتك كانو رح ياخدو بصمة مكسورتك وبعدين بحححح افهم وافتح دماغك بلا غباء بللهي عليك 

فهد: ابهرتيني اني مستحيل نبصم 

رهف بعصبيه وصوت حاد: شن مفكرهم رح يجيبولك شكلاطه يقولوك بللهي عطينا بصمتك لا ياروح الماما يقدرو يضربوك يبرة او حتى ممكن يقتلوك اي يقتلوك انت مش اغلا من فلوسهم 

فهد:اووووف

رهف: توا ياسيد فهد جلال منصور اني كيف رح نسكت فايز فهمنيييي 

فهد شافلها:فايز صاحبي مستحيل يتكلم اني نوتق فيه اكثر من روحي 

رهف: فهد (شافلها) التقه ف الرسول والرسول مات هدا لمفكره صاحبك هدا اللفعه الكبيرة فيهم 

فهد: فايز نعرفه

رهف:شن تعرف (شافلها فهد ع جنب بعصبيه) اي تكلم شن تعرف تمام اني نقولك انت تعرف انه يسكر؟ يحشش؟ كان محبوس لمدة اربعه سنوات بسبب بنت ؟يلعب ف قمار؟ شن تعرف تكلمممم 

فهد: فايز هكي؟

رهف: اني عارفه شن تحس….قاطعها

فهد بعصبيه: كلللل شي قلتيه صح لكن مستحيل تحسي بشخص غيرك م س ت ح ي ل فهمتي مستحيل 

رهف تبكي: لو مش حاسه بيك ليش نتصل وساعدتك 

فهد تعصب:ساعدتك ساعدتك ساعدتك اووووووف ياااسر بشنو ساعدتيني فهميني اليوم بسسسس ساعدتيني صح 

رهف تبكي: اني عشانك قريب عيوني نعموو اني ضحيت بعيوني.. وطلعت تبكي 

فهد الكلمة تررن ف وذنه: هي اذت عيونها؟ يعني ف هدكا اليوم ماكانتش صدفه 

رهف خشت لغرفتها طول حدفت روحها ع السرير ????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????????

فهد جمد ف مكانه ( تخيلو انتم تكونو ف مكان فهد وفي شخص يضحي ويساعد فيك؟)

فهد ضرب ايده ع السيارة بصوت عالي:المهززززله هادي لاااازم اتم لحد هني وبس ..وطلع من القراج ينادي بصوت عالي 

فهد بعصبيه:منصووووور منصووووور 

رهف سمعاته فتحت الشباك بقوة لدرجة انه الشباك دار صوت وشافتله 

فهد قام عيون وشافها ف الشباك وهو يشوفلها:منصووووور 

رهف عضت ع شفايفها بقوة من الخوف هزت راسها بمعنى لااا 

فهد شافلها وهي تهز ف راسها بمعنى لا:منصوووووووورررر

طلعوو من المربوعه كلهمم بسام بس قعد ف المربوعه 

فهد يشوف ف جده:اني بنحترم عمرك ياكبير ياجدددي لكن اني ناديتك عشان سؤال واحد بس ونبي نعرفه 

منصور شاف عثمان بصوت واطي ووالعه فيه النار: كيف طلع ????

عثمان سكت لانه بوه متعصب

فهد شاف جده وقرب خطوتين:انت مستعد تقتلني بسبب مصالحك؟(بصوت عالي)تكلمووو

منصور: لـ مايسمع كلامي موته ارحم ????

فهد تراجع الخطوتين للخلف:كوييييس كوييييس بكل (بصوت حاد وهو متعصب) شوفولي كلكم شفتوني اني من خمسه سنوات ماشفت حد فيكم وتوا خلاااااص انتم من عيلة واني من عيلة تمت (شاف منصور) لو سالك حد وين حفيدك الكبير قوله قتلته باش ضميرك يرتاح قدام الخلق 

جابر: قتلكم اني سيبوو الولد ف حاله تحملوو توا يابوي حفيدك الفروض يكون مع امه لم مات بوه لكن انت اول مامات بوه وانت طامع في رزق مش ليك (شاف فهد ) الرزق لعندك كله ليك  وبتعب بوك كله كدب هما ماعندهم شي عليك …تلفتت بيخش 

فهد:الله يعزك 

رهف تشوف من الشباك بصوت واطي :كل شي ادير فيه رح ندفع الثمن اني انت تريح ف ضميرك لكن جدي والع فيه نار صدقني بحركاتك اني رح ندفع الثمن غالي ????????????????..وبتصكر الشباك سمعت ????

فهد: معادش حد يدور عليا من اليوم لكن صدقني مش خايف منك يامنصور اني بنسافر عشان مايقولوش قتل حفيده عشان الفلوس 

منصور: الحفيد الكبير يريح ف جده لكن انت العكس ???? 

فهد: تبيني نريحك؟ بعد كل شي درته فيا تقولي ريحني؟ عندك صحة وجه مش عاديه انت 

لكن اني مش زيك اني لم شخص يطلب مني حاجه منرداش اطلب شن تبيني نديرلك اياااا شي اطلبه مهما كان صدقني رح تكون راضي 

منصور وجها تقششر: حني علينا ديون وعطيينا مهله لو ماتسلم المبلغ…. قاطعه

فهد: مش عيلة المنصور لتنهان وتذل ماعاش ولا كان لـ يمسكم قولي مني وامتى واسماهم وقبل مانسافر مانسافرش الا ماتكون راضي 

وحكاله القصه تاااااامه 

عثمان: يابوي هدا بيديرلنا مشاكل والقصة رح تكبر وبس 

فهد شافله ????: مش عيل قدامك..ووقف 

فهد: توا نبي نتكلم معاك بروحي قوللهم يطلعوو

منصور شافلهم:بسام قعد ف المربوعه مع جابر امشو قعمزو معاه 

محمود وعثمان مشوو

فهد:مقابل لـ رح نديره في بنت فكتني مانعرفش شن اسمها لكن هي بنت عمي جابر لعيونها….قاطعه

منصور: رررهف 

فهد: البنت هادي لو يصيرلها شي او حد يكلمها بس صدقني مش رح نرحم ولا شخص فيكم انتم بعدتو امي لكن البنت هادي ساعدتني ومش اني لننكر الجميل لو نعرف ف شخص مكلمها الكلام بس صدقني وللمرة التانيه مش رح نرحمه ومن كلامي انت رح تفهمني غلط صدقني وبراس امي البنت لا نعرفها ولا شي واصلا حتى اسمها مانعرفاش قبل ممكن نعرفها لكن توا نسيهم كلهم 

منصور: علاش ساعداتك كيف عرفت هي ????

فهد: بدون كثرث دوه البنتت لو تغلطو فها بكلمة بس كلمه ماتتوقعش شن رح يصير فيكم انتم وصلتو فيا وسكتتت وصلتو ف امي وسكتت لكن لعند هني وبس

يتبع… 

 لقراءة الحلقة الخامسة: اضغط هنا

لقراءة باقي حلقات الرواية : اضغط هنا

 نرشح لك أيضاً رواية أدوار وهمية للكاتبة أروى طاهر المسلاتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى