رواية أحببت روح الفصل الرابع 4 بقلم سلمى سيد

الجميع: ايه 

ادم بصدمه: مطلوب القبض عليا ليه 

الظابط وهو يحط الكلبشات في ايده ويقول 

كل حاجه هتعرفها في القسم 

كانت ساره تقف جنب ادم وهي خايفه وهو شاف خوفها وابتسم باطمئنان ومشيوا 

وفعلا بعد شويه كانوا في القسم وساره معاه 

ادم ببرود: طبعا من حقي ان اكلم حد 

الظابط: طبعا 

رن ادم علي صحبه احمد 

احمد بنوم: الو 

ادم: احمد فوووق كده معايا 

احمد ولسه النوم مسيطر عليه: ايه يا ولاء الله لحقت اوحشك يا سافله 

ادم: الله يخربيتك يا حيوان فووووق انا ادم 

احمد: ادم…. ايه في ايه وبعدين رقم مين دا 

ادم: مش وقت اسئله انا في القسم 

احمد وهو يقوم من علي السرير فوقع 

احمد: اااااه الله يحرق كده يا جدع

ادم بضحك: ههههههه يخربيتك حتي اهبل في المواقف الجد 

احمد وهو يقوم: صحيح انت في القسم ليه 

ادم بسخريه: حتي دي والله ما اعرف 

احمد: طيب مسافه السكه 

ادم: ماشي.. سلام 

وقفلوا 

ادم ببرود للظابط: ممكن اعرف انا جيت هنا ليه 

الظابط ببرود: احنا جالنا بلاغ انك بتتاجر في المخدرات

ادم بصدمه: بتاجر في المخدرات

الظابط: اه 

ادم: طيب وايه الدليل 

الظابط: للاسف لسه معناش دليل كامل بس لقينا في شركتم مخدرات وفي حد بيتاجر فيها وكنا شاكين أصلا بس انهارده حد اتصل وقال انك انت بتتاجر في المخدرات 

ادم: بس دا برضو مش دليل 

الظابط: عارفين بس هنفضل قابضين عليك لحد ما نلاقي التاجر 

كان هيتكلم لكن قاطعه صوت الباب وكان العسكري 

في حد بيقول ان اسمه احمد يا فندم 

الظابط: طيب دخله 

العسكري: حاضر يا فندم وادي تحيته العسكريه وخرج وبعد ثانيه دخل احمد واتفاجا وقال 

يخربيت عقلك الواد حماده واحشني يا جدع والله 

الظابط او حماده: ابو حميد حبيبي يا صحبي 

وحضنوا بعض 

ساره باستغراب: انت تعرفي 

ادم: والله ابدا يا بنتي اول مره اشوفه 

احمد لادم: انت متعرفش دا مين

ادم: لا الصراحه 

احمد: عشان اهبل والله دا حماده اللي كان بيسرق مننا السندوتشات واحنا صغيرين بس ضربناه 

حماده: فضحتني يا احمد 

ادم: ااااه حماده يا خرابي تصدق معرفتكش 

حماده: الزمن بيغير يا جدع بس والله كنت بشبه عليك 

ادم: يعني معرفتنيش من البطاقه 

حماده: لا عرفتك بس حبيت اتنح 

احمد: لسه تنح زي ما انت متغيرتش ههههه 

وضحك الكل 

احمد بجديه: ايه الموضوع بقي 

وحكي ادم كل شئ 

حماده: انا عارف انك مش التاجر بس كنا لازم نعمل كده عشان التاجر الحقيقي يبقا يهرب البضاعه وهو طبعا مستريح وعارف انك اتسجنت وهو كده بقي في امان بس الاهبل مش عارف ان دا فخ مننا

ساره: انا عارفه مين التاجر 

ادم بصلها وافتكر لما حكتله علي مديره وانه بيشرب حشيش وعرف انها كانت منه 

ادم بخبث: طيب واللي يقولك علي التاجر الحقيقي 

حماده: انت تعرفي 

ادم بضحك: عز المعرفه وبص لساره وضحك بشر وهي بادلته نفس الضحكه 

وفي الشركه كان المدير بتكلم في التلفون 

الو اه كل حاجه تمام اه هنسلم انهارده الساعه 8…. تمام في معادنا سلام 

ثم قفل الخط وضحك وقال 

وكده لعبنا عصفورين في حجر واحد اتخلصت في ادم وهكسب اكبر صفقه في حياتي 

غبي ميعرفش ان المكالمة كانت بتتسمع ومتسجله وطبعا كأن الظابط 

حماده: كده كله تمام الساعه 8 لازم نكبس عليهم 

احمد: لا احنا كده في السليم صح ونقدر نروح 

حماده: ايوه كده خلاص….  بس عايز اسأل سؤال يا ادم يعني انت بتشتغل بقالك كتير عرفت منين ان المدير هو تاجر المخدرات 

ساره: من ذكائي انا يا باشا والله لكن هو غبي اقسم بالله 

بصلها بغيظ وبص بسرعه لحماده وقال 

قدراتي الخاصه بقي 

ساره بلويه بوز: اتوكس قال قدرات قال دا انت اهبل تك وكسه عاملني فيها نمس بوند وانت في الاساس اهطل يا اهطل 

بصلها ادم بغيظ وحقد وكان عايز يقوم يموتها ويخلص ثم افتكر ان هي اصلا ميته فضحك 

احمد: بتضحك علي ايه 

ادم: لا متشغلش بالك افتكرت حاجه ضحكتني بس 

احمد وهو يقوم: طيب نمشي احنا بقي 

حماده: ماشي بس اكيد لازم نعوزك تاني يا ادم ولازم تيجي عشان شويه تحقيقات 

ادم: خلاص ماشي اي وقت كلموني وانا هاجي علي طول 

حماده: ان شاء الله 

احمد: سلام 

حماده: سلام 

وبالفعل مشيوا واخيرا روحوا البيت بعد تعب 

احمد: انا هدخل انام بقي 

ادم: هتنام تاني مشبعتش نوم يا اخي 

احمد: يا شيخ اتنيل هو انا لحقت انا لسه نايم لقيت اللي بيرن عليا ويقول انا في القسم 

ادم:دا كله رغي الواحد غلط ان سالك روح نام امشي 

احمد: ما انا هنام فعلا 

وبالفعل دخل نام احمد وادم غير هدومه وخرج وكانت ساره في الصاله زي ما هي 

ادم: تعالي نقعد في البلكونه 

ساره: ماشي 

ودخلوا البلكونه وفضلوا ساكتين شويه وقطع السكوت ادم 

طبعا دلوقتي من حقي اعرف ايه حكايتك 

ساره: انا هحكيلك لانك لازم تساعدني 

ادم: اتفضلي 

ساره: انا ساره كنت البنت الوحيده ومعنديش اخوات خالص كنت مدلعه جدا جدا وكل طلباتي مجابه وكانت حالتنا الماديه كويسه كويسه جدا كمان وكنا عايشين في فيلا بس كانت المشكله في عمي كان مش بيحب بابا ابدا ودايما يحقد عليه بس بابا كان برضو بيحبه لان مهما عمل دا اخوه بس انا كنت مليش دعوه بالمشاكل دي خالص لحد ما جه اليوم النحس وقتها عمي وبابا اتخانقوا خناقه كبيره اوووي وكنت انا وماما بنعيط ما هو احنا مش عارفين نعمل ايه وبعدين عمي مشي وسابنا وبابا تعب جدا بسبب افعال اخوه وعدي علي الخناقه دي حوالي شهر وبابا وعمي متقابلوش خالص وكل واحد ميعرفش اخبار التاني وبابا اعتقد ان عمي خلاص ندم بس مكسوف يجيي واقترح علي ماما ان هيعزمه بس ماما كانت مش مقتنعه بس بابا عرف اقنعها واتفقوا اخيرا انهم هيعزموه وقتها انا بقي كنت بذاكر ومندمجه جدا من المذاكره وفجاه حسيت بحركه حواليا و وسكتت ساره شويه وادم حس بيها وقال 

اهدي لو مش قادره تكملي متكمليش بس اهدي 

ساره مكملا: بس محطتش في دماغي وفكرتها القطه بتاعتي وفجاه حد حط السكينه علي رقابتي وو

يتبع…..