رواية أحببت معلمة ابنتي الحلقة الرابعة 4 بقلم أمل صالح

رواية أحببت معلمة ابنتي الحلقة الرابعة 4 بقلم أمل صالح 

رواية أحببت معلمة ابنتي الحلقة الرابعة 4 بقلم أمل صالح

رواية أحببت معلمة ابنتي الحلقة الرابعة 4 بقلم أمل صالح 

مراد بقلق وهو ينظر لها :ايه يا ملاك في ايه 

ملاك وهي تشير على آية الواقفة في شرفة منزلها قائلة بحماس :ميس آية 

نظر مراد حيث تشير قائلا بتفحص :هي دي بقي ميس أية

ملاك بإيجاب :اه….. بابا عايزة انزل اسلم عليها ممكن 

مراد برفض :لا مينفعش يا ملاك

ملاك وهي تنظر لعينيه بترجي :عشان خاطري يا بابا 

مراد بنفاذ صبر وهو يقول محذرا اياها :طب انزلي شاورلها من تحت اوك

اردفت بحماس وهي تصفق :اوك

ونزلت من السيارة ثم وقفت أسفل بيت آية وهي تشير لها بيدها لتراها آية فنزلت من البيت متجهة لها لتنخفض لها وهي تفتح زراعها فضمتها ملاك

لتقول آية بتساؤل وهي تنظر حولها  :بتعملي ايه هنا يا لوكا وفي حد معاكي ولا لوحدك

ملاك وهي تهز راساها نفياً :لا مش لوحدي بابا برة مستنيني.. وانا شوفتك من عربية بابا قولت اجي اسلم عليكي

آية وهي تقبل وجنتها قائلة :طب يلا عشان بابا ميقلقش عليكي

ملاك وهي تمسك كف  آية قائلة وهي تسحبها :تعالي معايا اعرفك عليه

آية وهي تحاول سحب يدها من يد الطفلة :استنى بس يا لوكا مرة تانية بقى 

اما هو كان يقف بانتظار ابنته حين رآها تخرج وتمسك بيد تلك المعلمة ليقول مراد وهو يمسك يدها :يلا يا ملاك

ملاك وهي تعرفهم ع بعضهم :بابا دي ميس آية.. ميس آية دا بابا

آية وهي تبتسم له قائلة :ازي حضرتك يا استاذ مراد

مراد بمجاملة وهو يبتسم لها :الحمد لله… يلا يا لوكا

ملاك وهي تتمسك بيد والدها :سلام يا ميس 

آية وهي تودعها :سلام

_________________________________

“في المطعم المقام به الميتينج”

انتهوا من الاجتماع وذهب الجميع وتبقى إسراء ورائد على الطاولة فقالت وهي تلملم اشيائها :انا لازم امشي يا استاذ رائد.. عن اذنك

رائد وهو يقف عن مكانه قائلا بتساؤل :تحبي اوصلك

إسراء برفض :لا شكرا معايا عربيتي يا فندم 

رائد بإيجاب :ماشي اتفضلي

*وذهبت اسراء*

بينما قال رائد في نفسه :يرجع بس مراد ونشوف موضوعك 

________________________________

كانت تجلس في مكان اشبه بالمقابر على كرسي هزاز تحركه..لتوقفه قائلة بغضب  :يعني ايه معرفتش تأخذها 

ليجبها ذلك الرجل وهو يبتلع ريقه :ياهانم كانت مع ابوها

لتقول بصراخ وهي تشد على خصلات شعرها :وانت خايف من ابوها ولا ايه

اجابها بثقة :اكيد دا مراد الشاذلي.. ممكن يمحيني من علي وش الأرض… وانا وانت عارفين ان أغلى حاجة بنتو وممكن لو عرفلي طريق اموت

تنهدت تردف بخبث :مانا قولتلك هساعدك تهرب افهم بقى 

اجابها بسخرية :محدش بيهرب من تحت ايد مراد الشاذلي

صرخت تشير على الباب قائلة :طب غوررر

انهتها ليهرول هو للخارج بسرعة لتجلس مرة اخري على الكرسي قائلة بشرود : هتشوف ملك السعيد هتعمل ايه يا مراد هتشوف 

__________________________________

وفي اليوم التالي 

استيقظ مراد على صوت ملاك وهي تجلس بجانبه تصرخ به ككل يوم :يووووه يا بابا هو كل يوم بقى ولا ايه 

فتح عينيه من أثر النوم يردف وهو يدفعها :عايزة مني ايه يا بت انتي ع الصبح 

ملاك وهي تنزل من ع السرير :يلا عشان متأخرش على ال school يا عمنا 

مراد وهو ينظر لها بشك :ايه التغيير المفاجئ ده

ملاك بتفاجئ مصطنع:تغيير ايه بس يا بابا 

مراد وهو يتصنع التفكير :بيتهيألي انك مش بتحبي ال school يعني ولا ايه 

ملاك وهي تقوم بالشرح له :لا يا بابا كنت مش بحب ال school لكن الوقتي بحبها

مراد وهو يرفع فمه للأعلى :وده من ايه ان شاء الله 

ملاك بثقة وهي تربع يدها أمام صدرها :ميس آية 

شرد مراد وهو يتذكر معاملة آية لملاك وكأنها والدتها وليست معلمتها لتخرجه من شروده طفلته قائلة وهي تلوح بيدها امام وجهه قائلة :سرحت في ايه يا درش

مراد وهو ينظر لها بتدقيق :يا ايه..؟!

ملاك بتأكيد وهي تعيد كلمتها :درش

مراد وهو يمسك اذنها :احنا مش قولنا نبطل الكلام الوحش ده هاها 

ملاك وهي تمسك يده الممسكة بأذنها :وانا اش عرفني انو كلام وحش انا الله 

مراد وهو يبعد يده :خلاص مش تقوليها تاني مفهوم 

ملاك وهي تتحسس اذنها :مفهوم 

مراد وهو ينظر لها بصدمة:ايه الطاعة دي يأخت انشراح 

ملاك بدراما : لا والله يا سماح يختي دي ميس آية اللي قالت نسمع كلام ماما و بابا 

مراد وهو يدفعها للخارج :طب قومي يختي  البسي 

ملاك وهي تبعد يده :ايدك لتوحشك

قالتها وهي تهرول مسرعة نحو غرفتها ليغلق هو الباب يستعد لنزول عمله 

______________________________

استيقظت آية من نومها ثم دلفت للحمام وبدلت ثيابها لبنطال اسود اللون وكنزة بيضاء اللون قامت بإدخالها في البنطال وجاكت شتوي ثقيل باللون الوردي ذو فرو كثيف من عند الرقبة 



ونزلت متوجهة لمكان عملها 

_______________________________

“في الفلة”

يجلسون على الإفطار ليقول رائد متحمحاً:احم… احممممم…… احم

ملاك وهي ترمي الملعقة :ايه يا انكل الحمحمة دي قرفتنا الله 

محمد بتساؤل وهو يرفع حاجبه :في. حاجة يا رائد

رائد وهو يجيبه :اه

محمد بستغراب :ايه

رائد وهو يضع يده أسفل خده:عايز اتجوز

ملاك وهي تصفق قائلة بحماس :الله عليك يا رارا يا جامد انت 

مراد وهو يُنزل يدها :بنت عيب كدا 

ملاك :اووف حاضر

مراد وهو يوجه حديثه لأخاه :مين يا اخويا دي بقى

رائد وهو مازل يضع يده أسفل خده :اسراء

مراد وهو يتذكر ليقول :قصدك إسراء ال….

رائد مقاطعاً:ايوة هي اللي معانا في الشركه

محمد موجها حديثه لإبنه :دي كويسه يا مراد دي 

مراد بإيجاب :اه يا بابا بنت محترمة جدا ومؤدبة بس للاسف

محمد بحزن :ايه

مراد وهو ينكس رأسه الاسفل :متستهلش ابنك

رائد وهو ينظر له :ايه يا سطا الاحراج ده

مراد وهو يقول بتحذير :قولت 100 مرة نقي ألفاظك

رائد وهو يرفع يده باستلام :سوري…… المهم هنروح امتى

محمد بزهول :نروح فين يبني 

رائد بتساؤل :نتقدملها

مراد وهو يقف :هاخد معاد واقولك

ملاك بتفكير  :مش المفروض العريس اللي ياخد المعاد مش اخوه

رائد بحزن مصطنع وهو ينظر أرضا بحزن :المفروض يابنتي بس يلا… ربنا ع الظالم والمفتري

مراد وهو يحمل اشيائه مستعدا للخروج :يلا سلام وانتي يا لوكا انكل سامح هيوديكي وممنوع تركبي مع حد غيرو اتفقنا

ملاك بإيجاب :اتفقنا

مراد وهو يودعهم :سلام

وذهبت ملاك لمدرستها برفقة السائق ثم دخلت الفصل وجدت آية قد دلفت قبلها لتقول لها آية :ليه يا لوكا التأخير دا كله 

ملاك باعتذار وهي تنظر لها :سوري يا ميس 

آية :طب يلا اقعدي… ها يا حلوين حابين تاخدوا ايه ماث ولا انجلش ولا اربيك

قال الأطفال بصوت واحد متحمس :انجلش

هزت رأسها بالإيجاب لتردف :اوك.. اول حاجة الحروف اول حاجة حرف الA خد عارف بينكتب ازاي

رفع احد الأطفال يده قائلا بحماس :انا انا

اردفت متسائلة وهي توجه حديثها للطفل :اسمك يوسف

اردف الطفل يوسف :ايوة انا 

آية وهي تعطيه احد أقلام السبورة :طب تعالي اكتبه على ال Blackboard يلا 

التقط منها القلم ثم وقف من مكانه :اوك… كدا ؟؟

قالها بعد ان كتبه على السبورة لتردف آية بتشجيع :ايوة برافو.. يلا قولوا A

الأطفال :A

آية : Apple

الأطفال :Apple

آية :A….. Apple

الاطفال :A….. Apple

وفجأة حدث شئ لم يكن متوقع وقد ادي لبكاء جميع الأطفال بالفصل 

يتبع..

لقراءة الحلقة الخامسة : اضغط هنا

لقراءة باقي حلقات الرواية : اضغط هنا