رواية الحب المر الفصل الخامس 5 بقلم سارة جورج

ملك : ليلي.. !!! في ايه يا ليلي…. ايه الي حصل…. انتوا كويسين…. ؟؟!!!

ليلي :لا مش كويسين…. اسمعيني بسرعه…. عاوزاكي تجيلي شرم بسرعه…. هعملك Share Location لما اوصل مكان ثابت… 

ملك : انا مش فاهمه حاجه…. طب وعلي فين طيب مش كان معاكي ؟؟!!! 

ليلي : ملك نفذي الي بقولك عليه وانا هبقي افهمك كل حاجه لما اشوفك…. هبعتلك ال Location  كمان شويه…. المهم انتي اتحركي دلوقتي علشان تلحقي تيجي بسرعه… وبقولك ايه…. هاتي معاكي چاكت تقيل ليا…. ( في نفس التوقيت الي ليلي بتكلم ملك فيه بيكون زياد جي وراها وبيشوفها في المرايا وهي بتتكلم في التليفون فمبيحبش يزعجها …لانه حس انها مش عاوزه تتكلم قدامه…. فمشي بعيد عن العربية ….ولما لقاها خلصت قرب من العربية وركب… خد باله انها علي وشك انها تعيط… بس تجاهلها المره دي… )

زياد : جبت شويه اكل…. وجبت نسكافيه …. علشان عاوز افوق وجبتلك معايا …اتفضلي…. اشربي عشان البرد الي في كل حته دة …(تأخد ليلي الكوبايه منه… ) 

ليلي : ميرسي يا زياد…. علي فكره انا عملت مكالمه من تليفونك لواحده صاحبتي وشويه كده هبعتلها ال Location  من عندك بس لما اوصل الشاليه …معلش بقي ….

زياد : معلش علي ايه … عادي …

( بيوصلوا الشالية…. ويدخلوا بسرعه من البرد ويقعدوا جنب الدفايه وطبعا زياد جاب الاكل وعمل سندوتشات وقعدوا ياكلوا…. وهما بياكلوا ليلي بتاخد بالها ان زياد لابس دبله وعليها حرفين…. Z , M ) 

ليلي : هو انت متجوز ….؟؟! 

زياد : اه 

ليلي : وسايب مراتك وقاعد هنا ليه ؟؟!

زياد : مش انا الي سايبها…. هي الي سابتني…. 

ليلي : متخانقين يعني ؟؟!

زياد : لا…. راحت للي خلقها ( قالها كده بصوت مخنوق…. سكتت ليلي لما حست انها داست علي جرحه اوي…. واكتفت بأنها طبطبت علي كتفه… )

زياد : انا هقوم اعمل شاي…. تشربي ؟؟

ليلي : ماشي… اه صح ممكن موبايلك عشان ابعت ال Location  لصاحبتي ؟؟

زياد : اه طبعا اتفضلي…. 

( راح زياد عشان يعمل الشاي وليلي بعتت ال Location وبعد كده راحت قعدت في الريسبشن علي الكرسي الخشب الهزاز الي جنب الدفايه علطول وطلعت السلسلة وبصتلها في حزن…. وشالتها في جيب الچاكت الجلد ومن كتر التعب النوم غلبها…. خلص زياد الشاي وجه علشان يديهولها …. لقاها نامت …. راح حط الصينيه بكل هدوء وطلع فوق الدور التاني جاب بطنيتين وغطاها بواحده ….بس هي حست بيه وصحيت مخضوضه…. )

زياد : ايه مالك متتخضيش…. لقيتك نمتي محبتش اصحيكي… شكلك تعبان… فجبتلك بطانيه …

ليلي : لا انا قومت خلاص.. 

زياد : طيب وانا عملت الشاي سخن اهو… اتفضلي… 

ليلي : شكرا… 

(بيروحوا هما الاتنين علي الكنبة لانها اريح من الكراسي وبيقعدوا وبيشربوا الشاي…. وبعدها بيجيب زياد البطانيتين ويحطهم عليهم… )

ليلي : انت بتعمل ايه ؟؟!!! (بنظره غاضبه… )

زياد : هكون بعمل ايه … بردان متدفاش…  مش عاوزه بطانيه براحتك…. الله ….

ليلي : طيب…. بس انا مش هنام…. انا مستنيه صاحبتي… 

زياد : ولا انا هنام انا مستني صاحبتك ( ضحكت ليلي بسخريه…. والحقيقه ان هما الاتنين بعد ربع ساعه بقوا بياكلوا رز مع الملايكه…. وعلي الساعه 12 (منتصف الليل ) سمعوا جرس الباب بيرن…. فقاموا الاتنين…. ليلي قامت لقت نفسها جنب زياد علطول وزياد قام لقي ليلي سانده راسها علي كتفه ….فقامت بسرعه وزعقتله…. )

ليلي : ايه الي بيحصل ده …. انت عملت كده ازاي.. ؟!!!

زياد : ممكن تهدي ومتزعقيش … علشان الزعاق مش كويس عشانك … انا معملتش حاجه 

ليلي : ياسلام معملتش حاجه ازاي 

زياد : انا كنت علي اول الكنبه صحيت لقيت نفسي علي اول الكنبه…. انتي كنتي علي اخر الكنبه…. يعني انتي الي جيتي عندي … ( وراح يفتح الباب وهو بيضحك من الموقف وسابها واقفه مضايقه منه وفي نفس الوقت كلامه اقنعها… فابتسمت بينها وبين نفسها وراحت علشان تشوف صاحبتها…. )

زياد : اهلا …اهلا… اتفضلي… 

ملك : انت مين… ليلي هنا… 

ليلي : تعالي يا ملك… خشي من البرد… ميرسي يا حبيبتي انك جيتي…. تعالي علي الدفايه علطول… 

ملك : مين ده يا ليلي…. 

ليلي : ده زياد … هبقي افهمك حكايته بعدين …

زياد : طيب اعملكوا حاجه سخنه بقي…. 

(معرفش ليه حاسه ان زياد كان اصله قهوجي… ????????)

ملك : لا مفيش داعي… احنا هنمشي دلوقتي ..

زياد : تمام ….براحتكوا… 

ليلي : زياد …شكرا بجد علي كل الي عملتوا معايا… انا فعلا تعبتك… 

زياد : متقوليش كده…. اي حد في مكاني كان هيعمل كده وزياده…. اه صحيح قبل منسي…. اتفضلي الروشته بتاعتك اهي….. 

ليلي : اه صحيح كنت ناسياها…. ميرسي اوي…. 

(بيمشوا ليلي و ملك من الشالية…. وزياد بيقف علي باب الشالية…. وبعد ما ليلي بتركب العربية … بيلاقيها نزلت تاني… )

زياد : ايه …نزلتي ليه ؟! 

ليلي : اتفضل الچاكت بتاعك… 

زياد : لا خليه معاكي الجو برد…. 

ليلي : لا مهي ملك جابتلي چاكت معاها… 

زياد : طيب براحتك …

(بياخد الچاكت منها ويلبسه … ويبص عليها وهي بتركب عربية ملك …عربية صغيره لونها لبني… وبيعملهم باي باي وهما ماشين… بس… وهو بيحط ايديه في جيوب الچاكت من البرد بيلاقي السلسله بتاعتها معاه… فبيجي ينده عليها …بس للاسف هي بتكون خلاص مشيت…. فبيقفل الشالية وياخد المفتاح ومفتاح عربيته ويطلع وراهم…. )

ملك : ياه يا ليلي كل ده حصل في يومين بس … معلش يا حبيبتي ربنا يصبرك …

ليلي : كنت عارفه انهم بيكرهوا علي.. بس متوقعتش انها توصل لكده…. بس انا هدفعهم التمن غالي…. وغالي اوي كمان… ( وسكتت دقيقه كأنها افتكرت حاجه ) ملك …استني … ممكن تعدي علي الشالية بتاعي قبل منروح ؟! 

ملك : اه طبعا…. بس ليه ؟! 

ليلي : نسيت حاجه مهمه هناك…. 

ملك : حاضر… !!

(زياد فضل يلف بالعربية في المناطق الي جنب الشالية بتاعه…. اكيد ملحقوش يبعدوا عن هنا… لحد مبيلاقي عربية ملك وهي بتهدي جنب شالية وهتقف… فبيقرب من عربيتها وبيهدي علشان ينزل يديها السلسله…. في نفس التوقيت… )

ليلي : استني انتي يا ملك…. مش هتأخر عليكي…. (وفجأه…. بتسمع ليلي حد بينده عليها بصوت عالي…. ويجي 5 عربيات مليانه جاردات هيطلعوا وراها…. ) يا نهار اسود…. اطلعي بسرعه يا ملك….!!! 

ملك : حاضر…. حاضر…. بس هما مين دول!!!!