رواية القوية إذا أحبت الحلقة الخامسة 5 بقلم ندى الشريف
 |
| رواية القوية إذا أحبت الحلقة الخامسة 5 بقلم ندى الشريف |
رواية القوية إذا أحبت الحلقة الخامسة 5 بقلم ندى الشريف
قطع الصمت صوت سليم
*تعرفى انك حلوة اوى
_شكرا
*وشعرك حلو اوى
_شكرا
*وبطل أوى
ادم مسكو من كتفو ولفو ليه::اه فعلا بطل اوى وضربو بالروسيه وزقو على طرابيزه البوفيه
سليم قام وهو متعصب لأن شكلو مش حلو قدام الناس اللى اتلمت
وراح مسك كرسي ونزل بيه على دماغ ادم
ادم ضربو بالبوكس ورا بعض وبعدها إدالو بالشلوت فى وشو وقع مغمى عليه
جاسر ادخل وقال &ايه اهدى كدا يا ادم هتموتو فى ايدك
:: ملكش دعوه يا جاسر وراح مسك ليل من ايديها ومشي بيها
_ادم وسع كدا ايه اللى انت عملتو دا
ادم بعصبيه شديده:: انتي تخرسي خالص فاهمه
ليل سكتت لحد ما وصلو العربيه
::اركبي
_لا
::انا قولت اركبي
_وانا قولت لا يا ادم ومش هتشميني على مزاجك
::انتي ازاى تسمحيلو يقولك كدا
_انت اساسا جيت وهو بيقول كدا مددتنيش فرصه اتكلم وضربتو
::وانتي بقى خايفه عليه
_ ادم انا مش بحب حد يتحكم فيا
::وانا مش بتحكم فى حد وبراحتك انا اسف انا غلطت
وراح ركب عربيتو ودورها ومشي
ليل فى نفسها_ استغفر الله ونعمل ايه بقى دلوقتي ياربي
& انا مش شايف عربيتك تعالى اوصلك
لفيت وشي اشوف مصدر الصوت لاقيت جاسر
_لا شكرا انا هتصل بالاسواق
&والله ما هيحصل تعالى اوصلك
_وانا قولت لا
& طب تعالى بس
ومسك أيدها عشان يركبها قامت ليل ضربتو بالقلم
_انت ازاى تمسك أيدي كدا
وسابتو ومشيت رنت على السواق الخاص وجالها وركبت وروحت
_دادا فاطمه. يا دادا
+ ايه دا يا لولى بتندهى على مين
_ وانتي مالك انتي بتدخلى ليه. يا داداااااااااا
$ايوا ايوا يا بنتي
_ ايه كل دا
$ لامؤاخذه كنت بصلي يا بنتي. تؤمرى بايه
_مش عايزا حاجه امشي من وشي
طلعت على فوق وانا عفاريت الدنيا بتتنطط فى وشي دخلت اوضه المكتب بتاعى اللى فى دورى الخاص
واتصلت بالبوليس بلغت عن نرمين
عشر دقايق والبوليس كان موجود وطبعا مثلت
+ ايه انتو عايزين مني ايه واخدني ليه
_ ايه حضرتك فى ايه
///اهلا يا ليل هانم احنا بنقبض على نرمين
_بتهمه ايه
///القتل
_قتلت مين
/// السيد محمد الصافي
+ مقتلتوش مقتلتوش
_اتفضل يا باشا خدها
///تمام يا هانم
ومشي البوليس
طلعت قعدت فى اوضه المكتب بتاعتي واتصلت بجاسر
&الو يا ليل انا اسف والله مكنش قصدي
_ولا يهمك يا جاسر انا برن عليك عشان عايزا اعرفك حاجه
&ايه
_نرمين اتقبص عليها
& ايه ازاى دا حصل
_ايه دا انت متعرفش
&اعرف ايه
_انا هحكيلك
نرمين لما سبتها يوم فرحها قررت الانتقام مني وجات تقعد معايا وكانت هتستنى اللحظه المناسبه وتتهجم عليا وتقتلني
هيا كانت مخططه أنها تقتلني اول امبارح بس انا اتاخرت وروحت اشتريت لبس
لما طلعت عشان تقتلني ملقتش حد بس من سوء حظها اني سبت محمد (واحد من رجاله ليل) مكاني ولما دخلت قتلت محمد مش انا
& انتي عرفتي كل دا ازاى
ضحكت ضحكه فخر وانتصار_ ليل تعرف كل حاجه بتدور حواليها وبعدين ما انت عارف ايه اللى مخليني اشترك فى صفقه كاميرات مراقبه
جاسر ضحك لما فهم دماغها &صحيح أن كيدكن عظيم
_هههههه سلام يا جاسر
قفلت معاه واتصلت بادم
::الو يا ليل
_ايه يا ادم انا اسفه اوى على اللى عملتو اتمنى تسامحني
:: انا اللى اسف يا ليل سامحيني
_ مسمحاك يا ادم
:: طب انا عازمك بكرا
_ لا يا دومى انا اللى عازماك بكرا
:: ينفع بردو انتي اللى تعزيمني
_ لا انا عازماك عندي فى الفيلا انت عارف العنوان بكرا بليل الساعه تسعه مستنياك
:: ماشي سلام يا قلبي
_ سلام يا ادم
قفلت معاه وحطيت التليفون على المكتب وضحكت وقولت بصوت عالى
_ الغبى اللى يفكر انو ممكن يلعب على ليل
***********★
صحيت الصبح لبست فستان واسعه ولكن وطويل وعملت شعري ديل حصان ولبست الجذمه وخدت شنطتي وروحت على شركتى
وصلت المكتب دخلت ومسكت تليفوني رنيت على منصور
:::ست البنات اخيرا سمعنا صوتك
_ جرا ايه يا منصور ما انا عندي شغل
:::ربنا معاكي ايه عندنا طالعه
_عيب لما تسال السؤال دا انا لو مش عارفه انك وعصابتك رجاله بجد مكنتش هرن عليكم
:::اؤمرى يا ست البنات
_ بص يا منصور………
قفلت مع منصور وقعدت اشتغل لحد الساعه خمسه وبعدها روحت
دخلت الفيلا
_ دادا بطه يا روح قلبي انا
$خير يا بنتي
_ انا اسفه على اسلوبى امبارح
$عادي يا بنتي انا عارفه انك مش قصدك
_ طب يا روح قلبي انا مدياكي إجازة اسبوع وبعدها ترجعيلي
$ ماشي انا هروح الم حاجاتي
مشيت دادا فاطمه وطلبت منها تاخد اروى معاها عشان مش هعرف اتعامل معاها
الساعه جات تسعه بالظبط الباب خبط
روحت فتحت وانا فى اجمل حاجه عندي
_ اتفضل يا دومى
:: ايه القمر دا
_ شكرا اتفضل
دخل الفيلا وقفلت الباب وراه
_ تعالى يا دومى عايزا اوريك حاجه
:: ايه
_ تعالى بس وهتعرف
خدتو من ايدو وروحت على الدور بتاعى فتحت وخدتو على اوضه مكتبى ودخلنا الاوضه
:: طب ممكن اعرف انا رايح فين
_ عايز تعرف
:: اه
_ اوكيه. انت هنا عشان دا
وضربتو على دماغو من ورا وقع مغمى عليه
****** * ادم ******
صحيت لاقيت نفسي متكتف فى كرسي وفى رجاله كتيرة واقفه وماسكه سلاح
:: انا فين
جالى الرد من جمبي
_ انت هنا فى مملكه ليل
لفيت وشي اشوف مين اللى اتكلم وانصدمت لما شوفت اللى بيتكلم
:: جاسر
************★
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية شلة بنات للكاتبة ندى الشريف.
