Uncategorized

رواية عذبني ولكن أحبني الفصل الخامس 5 بقلم منة محمد

 رواية عذبني ولكن أحبني الفصل الخامس 5 بقلم منة محمد

رواية عذبني ولكن أحبني الفصل الخامس 5 بقلم منة محمد

رواية عذبني ولكن أحبني الفصل الخامس 5 بقلم منة محمد

مؤلمة تلك الدمعة التي تسقط وأنت صامت تسقط من شدة القهر والألم والإحتياج.
غريبه هذه الدنيا تحول كل شي ضدي ولما جيت أسقي الورد، يقولي أرجوكي ما ودي
هدى بخوف: ماما خلينا ناخدها للمستشفى خايفه تموت وتدبس في رقبتنا والبوليس مش هيسكت
شالوها وأخدوها للمستشفى
في المستشفى
هدى قاعدة في الممر وخايفه رن موبيلها وشافت المتصل لقتها رنا:اهلا رنا
رنا:أهلا حبيبتي اخبارك
هدى بصوت مرتعش:بخير
رنا: ماله صوتك مش عاجبني….بعدين ايه الإزعاج الي جنبك إنتي فين
هدى:في المستشفى
رنا:ليه سلامتك
هدى:لميس وقعت مننا واخدناها للمستشفى
رنا بشماته:وانتي ليه متضايقه أحسن يكش تموت
هدى أستغربت كره رنا للميس:رنا إنتي ليه بتكرهي لميس
رنا: كدا ماحبتهاش
هدى:أنا لازم اقفل دلوقت باي
قفلت مع رنا ودخلت عليها ريم:هااااي
رنا ابتسمت بفرحة:هايات
ريم: خير مالك مزاجك رايق ومبسوطه علي الاخر والابتسامه هتاكل وشك
رنا حطت رجل ع رجل: مفيش حاجة بس هدى قالت إن لميس في المستشفى
ريم شهقت: ايه…..ودي حاجة تفرح
رنا بغرور:أيوه
ريم خافت ع لميس:أي مستشفى
رنا رفعت حواجبها:ليه إن شاءالله عايزة تروحلها
ريم بعصبيه: ما ا ا الكيش دعوه وقولي أنهي مستشفى
رنا:مستشفى ال……
ريم طلعت بسرعه لأمها: ماما انا لازم اخرج دلوقت حالا
كوثر استغربت: علي فين
ريم: رايحه للمستشفى
كوثر: ليه فيكي ايه
ريم:لا مش انا..هو إنتي ماتعرفيش
كوثر:في ايييه
ريم:هدى وأمها في المستشفى لأن لميس تعبانه
كوثر:ميين قالك
ريم:رنا
كوثر بحمقه:وإنتي مالك ايه دخلك في لميس انتي تعرفيها اصلا منين ها
ريم إستغربت من عصبيتها: ماما مالك انتو ليه بتكرهوها البنت رنا فرحانه وانتي مش عايزاني أروح لها
كوثر اتوترت:تروحي لها ع أساس ايه
ريم مقهوره من رفض أمها: حبيت البنت ومرتاحه لها
كوثر بحدة :وأنتي شفتيها وتعرفيها من امتي عشان تحبيها اماغريبه والله
ريم:شفتها لماكانت عندنا واتعرفت عليها
كوثر عصبت :لا مش هتروحي ويلا اطلعي علي اوضتك
انقهرت ريم وطلعت لفوق لغرفتها وقابلت أبوها عند باب الجناح
الجوهري إستغرب لما شاف الحزن ع وش ريم مسكها قبل ما تطلع:ريم حبيبتي مالك
ريم بزعل: بابا ماما رافضه أزور واحده أعرفها في المستشفى
الجوهري بهدوء:ليه ياقلبي
ريم: معرفش مالها حطها في دماغها ليه
الجوهري :ومين البنت دي
ريم :لميس
الجوهري خفق قلبه:لميس بنت جوز صاحبة أمك
ريم:أيوه أم هدى
…..منه محمد……..
الجوهري بخوف: خير مالها
ريم استغربت نبرة الخوف في صوت ابوها: معرفش بس هدى قالت لرنا إنها دخلت المستشفى النهارده
الجوهري بحنيه :طيب روحي ألبسي أنا هوصلك وهستناكي تحت في العربيه
راحت ريم جري ولبست فستانها واخدت شنطتها ونزلت جري وراحت مع أبوها للمستشفى
……….
في المستشفى
خرج الدكتور من الغرفه وراحت له نبيله
نبيله بخوف: عامله ايه
الدكتور ووشه متغير:إنتي والدتها
نبيله بخوف :لا خالتها اقصد مراه ابوها اصل أمها وأبوها متوفين،خير فيها حاجة
الدكتور: تعالي معاي للمكتب
راحت معاه وهي ميته خوف
قعد الدكتور خلف المكتب وقعدت نبيله ع كرسي
الدكتور:أنا آسف لكن لميس دخلت في غيبوبه لأنها قضت وقت طويل في حرارة الشمس و جسمها ماتحملش لانه ضعيف وأثرت علي نفوخها
نبيله انصدمت”غيبوبه”
الدكتور:ولميس عندها فقر دم وارهاق
نبيله:طيب الغيبوبه ممكن تطول
الدكتور:والله ممكن ماتطولش
لكن(مسك قلم في إيده وهو ينظر لها بتفحص)وواضح من خلال الكشف وجود آثار وكدمات في جسمها نتيجة تعرضها لإعتداء وحشي بالضرب
انصدمت نبيله وحست بالرعب وإرتبكت ولاحظ عليها الدكتور خوفها
الدكتور:أنا مضطر أبلغ الشرطه
نبيله إرتعبت:إإيييييه ……الشررطه
وصلت ريم وأبوها للمستشفى
عند الريسبشن
الجوهري:لو سمحت كنت بسال عن حاله دخلت اليوم
لميس علي محمد ال……
الموظف عيونه ع شاشة الكومبيوتر: اسف بس ما وصلتش حاله بالاسم هنا اليوم
الجوهري والشك بدى يساوره:هي وصلت الساعه واحده الظهر
باسم لميس
الموظف :قصدك لميس محمد سالم ال****
لحظــــة سكـــون ….صدمــه…….خــــوف
الجوهري انشل لسانه من الصدمه ماقدرش يتكلم …….
الموظف مستغرب:لوسمحت
الجوهري انتبه:آ أيوه أيوه
دله ع الغرفه وراح يجري ووراه ريم اللي مستغربه من أبوها
وصلوا للغرفه وشافوا هدى قاعدة ع كرسي لماشافت الجوهري وقفت مستغربه من شكله
الجوهري:لميس مالها
هدى بأكبر علامة إستفهام:ماعرفش الدكتور طلع من عندها وبعدين راح مع أمي
الجوهري راح وسأل عن الدكتور ودخل لمكتبه:السلام عليكم
نبيله انصدمت لماشافته ووقفت بخوف وحست نهايتها قربت
الجوهري:لو سمحت دكتور لميس مالها
الدكتور:إنت قريبها
الجوهري:أنا،،،،أنا عمــهـــا
الدكتور:اتفضل
الجوهري قعد وكلمه الدكتور عن حالة لميس
الجوهري مصدوم: ايييييه
الدكتور:أنا طلبت الشرطه للتحقيق
الجوهري لف لنبيله اللي خافت من نظراته المرعبه
صرخ فيها:انا هدفعك الثمن غالي يا………واللــه لأخليكي تتحسري ع اليوم اللي مديتي إيدك فيه على بنت محمد سالم
نبيله غمضت عيونها ميته خوف
حضرت الشرطه وحققت في الموضوع وتبين إن نبيله هي اللي تعرضت لها بعد ماعترفت بكل شئ من الخوف والغضب
انفجرت تصرخ في الجوهري بحقد:أيوه أنا اللي عذبتها ،،،،عذبتها زي مااااعذبني أبوها علشان أمها أخدت حقي منهم كلــهـــــم بكررررررهها وبكره أبوها وأمها تستاهل اللي فيها
طلعت الشرطه مع نبيله والجوهري
هدى لما شافت أمها مع الشرطه قامت بسرعه: ماما رايحه فين هما هايخدوكي علشانها
الجوهري بقسوه:أمك تستاهل اللي فيها وأكتر علشان ماتحطش راسها بـ راسي
لفت هدى تبكي:وأنت مين علشان تتدخل
الجوهري بقسوه:أنا عم لميس،،،،
واللي يحط راسه براس الجوهري وأهله يتحمل الي يجيله
انصدمت ريم وشهقت وحطت إيدها ع بؤها
هدى إنصدمت:ع ع عمها
صرخت تبكي:حسبي الله ونعمَ الوكيل فيكي يالميس بكررررهك كله منك بكرررهها
راحت الشرطه مع نبيله وبنتها اللي لحقتها
أما ريم كانت واقفه مصدومه من اللي تسمعه”لميس بنت عمي ازاي طيب “
قعدت جنب أبوها: بابا ايه الي بيحصل ممكن تفهمني
الجوهري بتنهيده:بعدين ياريم لمانرجع البيت
قام ودخل في الغرفه شاف لميس ممدده ع سرير أبيض وشعرها الكستنائي مبعثر ع المخده وفي أجهزه عليها قعد جنبها يتامل ملامحها ووشها الأصفر ويتحسر لأنه ساب بنت أخوه ولا سأل عليها وكل ده حصلها … نزلت دمعه منه ومسحها و باس جبينها ومسح ع شعرها
طلع من الغرفه ورن موبيله شاف المتصل كوثر…كنسل الموبيل
رجع للبيت مع ريم اللي حاسه انها تايهه ومصدومه
في قصر الجوهري
دخل مروان البيت مع رغده كان متغدي عندها وجات معاه
دخلوا بيضحكوا وإختفت ضحكتهم لماشافوا أمهم بتلف حوالين نفسها في هول القصر وعلي اخرها متعصبه
مروان بقلق : ماما مالك
انتبهت لهم وبعصبيه وحده: مفيش حاجة … سكت مروان ماحبش يكلمها وهي متعصبه
مروان بهمس لرغده تعالي نقعد ونشوف فيه ايه
دخل الجوهري مع ريم:السلام عليكم
كوثر بعصبيه :الحمد لله ع السلامه
الجوهري قعد ع الكنبه وقلع الجرافت ورماه جنبه وريم قعدت ساكته
مروان ورغده خافوا وحسوا إن فيه حاجه طبعا من شكلهم
كوثر ل ريم:وأنتي عملتي برضه الي في دماغك وأنا مانعتك
مروان: ماما خلينا نفهم الاول حصل ايه
نزلت رنا لما سمعت صوت أمها: مالكم خير
الجوهري بهدوء: اتفضلوا اقعدوا واسمعوني كويس
قعد الكل وهما باصله باستفهام
الجوهري وجهه كلامه ل رنا:عادل وفهد فينهم
رنا:عادل نايم وفهد قاعد في اوضتي بيلعب بلاستشن
الجوهري:روحي ناديهم بسرعه
قامت رنا وطلعت فوق والكل بيتسائل من الإجتماع المفاجئ
دخلت رنا غرفة عادل
وراحت عند سريره هزت كتفه:عادل،،،،عدول إصحى
عادل :إممممم
رنا هزته بخوف:عادل إصحى بابا عايزنا كلنا تحت
فتح عيونه وقام قعد:ليه خير حصل ايه
رنا بخوف: مش عارفه بس شكله مايطمنش فيه حاجات حصلت بسرعه قوم
قام عادل بسرعه وغسل وبدل هدومه ونزل
دخل الرسبشن لقى الكل موجود:مساء الخير للكل
قعد يبصلهم باستفهام
كوثر:ياللا قول ايه الي بيحصل ده
الجوهري بعد صمت:………كوثر فاكره لما طلبت منك تسألي عن اسم أبو لميس
كوثر:أيوه
الجوهري :لما رجعت من السفر في نفس اليوم الي شفتها في الجنينه حسيت إني أعرفها وإن ،،،،فيها شبه من (سكت شوي بعدين كمل) من أخويا محمد
انصدم الكل مش كانوا يعرفوا إن عندهم عم غير عمهم فريد
مروان: بابا إحنا لينا عم غير عمي فريد وإحنا مانعرفش
الجوهري هز راسه:أيوه…..لما كنا في عمر امير أخوك أو أكبر عمك محمد سافر لبريطانيا لشغل ولما رجع اتفاجأنا إنه متجوز من هناك وجدكم غضب عليه رافض فكره ان ابنه يتجوز وحده أجنبيه وكافره وخاف من كلام الناس خصوصا إن سمعته في السوق كبيره
مروان بصدمه : مراته كافره
الجوهري:لا مسلمه بس جدكم ماقتنعش وطلب من عمكم يطلقها بس محمد رفض لأنه بيحبها وعنده ولد منها ولما هدده جدكم إنه يتبرى منه عمكم أوهمه إنه طلقها وأجبره جدكم إنه يتجوز بنت صاحبه وشريكه وكانت مطلقه وعندها بنت اتضطر يتجوزها عشان بس يرضي جدكم الله يرحمه ولما اكتشف صاحبه إن محمد اخويا ما طلقش مراته البريطانيه غضب وفك الشراكه بينه وبين جدكم لانه إنخدع وحاول يطلق بنته من عمكم بس هي رفضت وجدكم غضب ع عمكم وطرده من بيته ومنعنا من الإتصال بيه أومن شوفته وبعد وفاة جدكم الله يرحمه دورنا علي محمد وسألنا عنه بس ما عرفناش عنه شئ وبعد كم سنه عرفت بالصدفه إنه اتوفى وحاولت إني ادور علي مراته وابنه لكن للاسف عرفت إنهم اتوفوا في حادث(سكت لأنه ماحبش يقولهم إن البيت إتحرق بيهم بعدين كمل)والأهم إني عرفت إن عنده بنت
كوثر بذهول:ولميس هي بنته
الجوهري هز راسه نعم والكل انصدم
رنا وقفت:مستحيل دي تكون بنت عمي
الجوهري بعصبيه : وليه مستحيل دي بنت عمك غصب عنك
رنا بقهر:لا مستحيل أعترف إنها بنت عمي أنا تكون واحده زي دي بنت عمي
مروان بحده:رنا احترمي بابا واسكتي احسن لك
رناطلعت وهي شايطه”مستحيل تكون اللي بكرهها ومش بطقها بنت عمي اززززاي”
مروان بهدوء: بابا ليه عمركم ماقلتو لنا إن لينا عم اسمه محمد
الجوهري:أنا عارف أحنا غلطانين لاننا ماقلنا لكم بس دلوقت إنتو عرفتوا
قام الجوهري:أنا رايح للمستشفي ووهبلغ عمكم فريد والعصر القاكم هناك
مروان قام:إن شاء الله يا بابا
طلع الجوهري ولحقته ريم: بابا…بابا
الجوهري وقف ولف لها:نعم
ريم: اروح معاك،،،ربنا يخليك يا بابا
الجوهري ابتسم:ياللا مستنيكي في العربيه بسرعه
دخلت ريم اخدت شنطتها وطلعت معاه
الكل تفاجأه باللي حصل واجتمعت العيله في المستشفى عند لميس
بعد يومين
لميس حست ان دماغها هتنفجر من الالم وسواد بيلف حواليها حركت إيدها وحاولت تفتح عيونها حست إنها ميته فتحت عيونها ببطئ وقفلتها بسرعه بسبب النور اللي ماتعودتش عليه عيونهافتحتهم ببطئ ودارت عيونها في الاوضه “أنا فين”
دخلت الممرضه ولما شافتهاعرفت إنها في المستشفى
الممرضه ابتسمت:حمد لله ع السلامه
خرجت من الغرفه تبلغ الدكتور ورجعت ومعاها الدكتور
الدكتور:حمد لله ع السلامه يالميس
حاولت تتكلم بس ريقها ناشف طلع الكلام منهابصعوبه:عـ….عاأ….،مــ…ميه
شربتها الممرضه الميه
الدكتور: ها عامله ايه دلوقت إن شاءالله تمام
لمي
س:أ ،،أنا مالي
الدكتور:إنتي كان عندك غيبوبه والحمد لله إنتي دلوقت بخير
لميس:غيبوبه،،،،من امتى
الدكتور:من تلات أيام مش فاكره ايه الي حصلك قبلها
هزت راسها لا
الدكتور:ع العموم طبيعي إنك مش هتفتكري بسرعه اللي حصلك بعد الغيبوبه إن شاء الله هتكوني بخير إنتي إرتاحي وما تتعبيش نفسك
كتب ملاحظات في أوراق معاه وطلع مع الممرضه
غمضت عيونها بتحاول تفتكر ايه الي حصل معها
بعد ساعات كانت لميس قاعده على السرير وممدده رجليها وسانده ع المخده
سمعت صوت الباب انفتح وشافت واحده دخلت
شافتها لميس وعرفتها
ابتسمت ريم:الحمد لله ع السلامه
ضمت لميس وقعدت على طرف السرير:عامله ايه دلوقت حبيبتي
لميس ابتسمت ومستغربه من وجودها:الحمد لله بخير
ريم بابتسامه:أنا ريم فكراني
لميس:أيوه
ريم:خوفتينا عليكي بس الحمد لله إنتي دلوقت أحسن
لميس باستغراب:خوفتكم
انفتح الباب ودخل الجوهري بهيبته وشموخه ووقاره
لميس شافته واستغربت وجوده
الجوهري:حمد لله ع السلامه
نزلت راسها محروجه وساكته
الجوهري وقف عندها:إرفعي راسك لعمك يالميس
رفعت راسها مصدومه: عمي
حكى لها كل شئ وهي تسمعله ومصدومه مش قادره تصدق معقوله بعد السنين دي كلها يطلع لها أهل وهي متعرفش اتجمعت الدموع في عيونها ماقدرتش تمسك نفسها أكثر وبكت ضمها الجوهري لصدره بحنان:سامحينا يالميس سامحيني يابنت الغالي
لميس”ا ا ا ا ا اه من زمان أتمنيت الحضن ده اللي يحن عليا ويحميني وينسيني العذاب اللي عشته (ضمته بقوه) مش مصدقه في يوم وليله أصحى وألقى نفسي بين أهلي ا ا ا اه)
ريم بكت من الموقف والجوهري ساب لميس في حضنه لحد ما تهدا وبعدين لما حس انها هديت خالص خرجها ومد ايده ومسح دموعها ووجعها والمها :خلاص حبيبتي علشان خاطري ما تعيطيش
مسحت لميس دموعها الي رافضه تقف
ريم ابتسمت وهي بتمسح دموعها:شوفي خليتيني اعيط
ابتسمت لميس وقعدوا معها عمها وريم وقالوا لهاإن أهلها جاين يزوروها
اتوترت لميس مع إنها متشوقه تشوف أهلها وتتعرف عليهم
المغرب:
دخل عمها فريد:السلام عليكم
الكل:وعليكم السلام
لماشاف لميس راح لها وحضنها:حمد لله عالسلامه يابنتي
الجوهري: ده عمك فريد
ضمته لميس وبكت وفريد يهديها
فريد: ازيك يابنتي إن شاء الله أحسن
لميس:الحمد لله ياعمي
سمعوا خبط الباب ودخل الدكتور :السلام عليكم
الكل:وعليكم السلام
الجوهري وفريد ماستغربوش لما شافوا لميس ماتحجبتش لأنهم توقعو إنها مش محجبه اصلا لأنها عايشه في بريطانيا ومتعوده على نمط الحياة هناك
الدكتور إبتسمت: لا الحمد لله فيه تحسن في صحتك يالميس
لميس منزله راسها:الحمد لله
الجوهري ب اهتمام: أمتى تقدر تخرج من هنا يادكتور
الدكتور: لا هتفضل عندنا لحد ما نتطمن عليها وبعدها بإمكانها تخرج
الجوهري:شكرا يادكتور
الدكتور:العفو ده واجبي
استأذن الدكتور وطلع
بعد دقايق سمعوا دق ع الباب
الجوهري :اتفضل
دخلت كوثر وفهد:السلام عليكم
الكل:وعليكم السلام
كوثر: ازيك يا فريد الاولاد بخير
فريد:تمام الحمد لله وانتي كويسه
كوثر:بخير الله يسلمك
قربت من لميس وسلمت عليها:حمد لله ع السلامه…. ؟
لميس بحياء:تمام الحمد لله …ازيك يا طنط
كوثر قعدت بعيد:الحمد لله
فريدقام:أستأذن انا ياجماعة
وبص ل لميس:الف سلامه عليكي يابنتي
لميس:ميرسي يا عمو
باس جبينها وسلم وطلع
كوثر:العيال برا عايزين يسلموا
الجوهري نادي عليهم :مروان عادل تعالوا
استغربت كوثر لأن لميس شعرها عريان ولبسه كات ورجعت غمزت للجوهري اللي فهمها بعيونه وسكتت
دخل مروان وعادل منزلين روسهم
ولميس حست بارتباك وإحراج ونزلت راسها
مروان عيونه في الأرض: حمد لله ع السلامه يابنت عمي
لميس بصوت مخنوق من الحيا:الله يسلمك
عادل بص ل لميس بجرأه وانهبل: الف سلامه عليكي ياحلوه
اتكسفت لميس من جرأته وما ردتش عليه
ريم بغيظ:عيب البنت اتكسفت
عادل ضحك:هههههههه ليه تتكسف دي زي أختي عادي
الجوهري:عادل بلاش رخامه
عادل بضحكه: حاضر يا بابا
ابتسمت لميس “شكله دمه خفيف “
وأثناء حديثهم مروان الي عنده فضول يشوفها رفع راسه وفتح بؤه بذهول لما شاف لميس”تهبببببل بنت اللذين يخربيتك جمال امك “
= اوصف بإيه دا مفيش اوصاف لا كنت شاعر ولا وصاف
= جملها دلالها دا نورها ياناس خطاف
عادل لكزه بكتفه وهمس: اقفل بؤك هتفضحنا
مروان انحرج ونزل راسه
عادل بهمس :بس والله عسسسسل… ياعمري بنات عمي هيتحطموا هيعرفوا انهم غفر جنبها …..والله عمي محمد حسن النسل
مروان ماسك ضحكته من هبل أخوه وريم بصت لهم بنص عين:خير مالكم شيفاكم تتسايروا خير
مروان “الله يفضحك”إبتسم بغيظ:سلامتك
ريم كلمت لميس :خليني أعرفك عليهم
شاورت بأصبعها على مروان: ده مروان(وبغيظ)عدوي اللدود ودلوعة البيت
مروان شهق:عدو
الكل:هههههههههههه
ريم:اسكت خليني أكمل(شاورت ع عادل)وده عادل مهفوف وبلا فخر زي
عادل باستهبال:شهاده وسام أعتز بيها
ريم: وده فهد اخر العنقود سكر معقود ودلوعة مارو
مروان بتوعد:ريم راي تسكتي أحسن
ريم حطت اصابعها على راسها: والله بمزاجي وبعدين مش بعرفها كل واحد فيكم عشان تعرفكم
عادل: تمام أنا كمان اعرفها عليكي (كلم لميس)دي الله يسلمك(شاور ع ريم) اهيف وحده في البيت وأحيانا أحس إن ماعندهاش مخ بالمره
ريم بدلع:مخليه العقل والمخ كله ليك
الجوهري:رنا ماجاتش ليه
مروان ارتبك:تعبانه و نايمه
لميس عرفت من إرتباك مروان إنها رفضت تيجي لأنها بتكرهها ومش عايزها في حياتهم (يالله الكل حساه متقبلني إلا رنا ومرات عمي اللي قاعده بعيد ولا قالت كلمه من ساعه ما قعدت لا حتي ما بصت لي الله يعني)
ريم:وعندنا أخت تانيه هي الكبيره ومتجوزه من ابن خالتي عمر وإسمها رغده
مروان بضحكه:ماشاءالله مش فاضل الا توصفيها عطيتيها الموجز كله عنها
ابتسمت لميس وبصت ل مروان فجأه إختفت إبتسامتها
“معقوله ياربي ازاي لسه منتبه يمكن لاني لسه مدققه النظر فيه”
مروان استغرب لماشاف لميس بصت له ووشها اتصدم
انتبهت لميس لمروان ونزلت راسها ووشها أحمر
ريم:وأخويا الكبير امير بيدرس في أمريكا واتخرج السنه دي وراجع قريب
عادل مد لها كوبايه ميه : اتفضلي اشربي تلاقي ريقك نشف من كترالكلام اختي ريم ولا إذاعة لندن
ضحك الكل وريم اتعصبت: شوف الي يرازيك هو الي يعيب عليك
الجوهري :خلاص اسكتوا البنت لسه بتتعرف عليكم وانتو تتخانقوا قدامها
عادل بنداله:بنتك ريم فالحه في البيت تتشطر ع مروان وبرا عليا انا
مروان :يسلم لسانك
ريم اتغاظت منهم: بابا شايف عيالك كلهم عليا
الجوهري مثل العصبيه:خلاص كله يمشي وريم خلوها تقعد مع لميس
ريم بنص عين ورفعت حواجبها:سمعتوا
طنشوها وماردوش عليها
لميس بصت لهم بحزن”فينك يارامي تشوفني بين أهلي فينك يابابا تشوف عمي وولاده تشوف عمي اللي خبيت عننا وجوده ازاي محتويني بين أهله فينك يارامي تفرح معايا “
دمعت عيونها بحزن وماسكه نفسها بالعافيه
ريم لاحظت إرتجاف لميس:لميس مالك
الكل سكت يبصلها رفعت راسها بتحاول تمسك نفسها وتبتسم بس غصب عنها نزلت عيونهاع مروان اللي بصلها بخوف وتسائل وكان فيه شبه من رامي وافتكرت رامي ماقدرتش تسيطر ع دموعها ونزلت دموعها غطتها وشها بايدها تبكي والكل انصدم
من بكائها المفاجئ ومروان باستغراب لما بصتله وانصدم لماشاف دموعها تنزل وتبكي “ليه مالها عيطت بانهيار”
ضمها الجوهري يهديها:لميس حبيبتي مالك طيب أهدي
ريم مسكت إيد لميس:لميس ياقلبي حد ضايقك
هزت راسها بلا ودفنت وشها في حضن عمها
صعب إنك تكون عايش بضياع ووحده وفاقد الصدر الحنون اللي يحويك وفجأه تلقى نفسك بين أهلك وفي أحضانهم
لما هديت لميس رفعت راسها وكأنها افتكرت شئ بصوت مبحوح:عمي فين طنط نبيله
الكل اتفاجأ من سؤالها عنها
الجوهري عقد حواجبه: ليه بتسالي عنها بعد كللل الي عملته فيكي
لميس:طيب هي فين
الجوهري :الدكتور بلغ البوليس لماشاف اثار الضرب اللي في جسمك والبوليس جه وحقق وإعترفت إنهاهي اللي عملت فيكي كدا واخدوها

بعدت عن عمها تترجاه:لا ياعمي الله يخليك طلعها علشان خاطري
الكل مصدوم من طلبها حتى عمها مستغرب من رده فعلها
##############
يتبع ……
لقراءة الفصل السادس : اضغط هنا
لقراءة باقى فصول الرواية : اضغط هنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى