رواية عشق مخيف الحلقة الخامسة 5 بقلم ندى
 |
| رواية عشق مخيف الحلقة الخامسة 5 بقلم ندى |
رواية عشق مخيف الحلقة الخامسة 5 بقلم ندى
جنة وقفت بصدمة : مش فاهمه مين اللي هيتجوز
جاد : انا وانتي
جنة : مستحيل انت مجنون رسمي ، مستحيل اوافق علي حاجة زي كدة
جاد بهدوء: جنة لازم توافقي عشان ميبقاش فيه خطر عليكي
جنة ضحكت : خطر عليا ، واللي انا فيه ده مش خطر
كملت بغضب : اسمعني كويس انت لو قتلتني حتي عمري ما هوافق علي حاجة زي كدة
جاد بغضب : انتي لو منفذتيش ده هتنفذيه غصب عنك
جنة : متقدرش تعمل حاجة اخرك هتقتلني ، وانا اهو اقتلني وخلصني من القرف ده
جاد : لا ممكن اقتل خالتك مثلا وعيالها وجوزها وصاحبتك ، تحبي تعرفي ممكن اقتل مين تاني ولا لا
جنة بدموع وصدمة : لا بالله عليك بلاش تأذيهم، مفيش حل تاني غير موضوع الجواز ده
جاد بعصبية : ده اللي عندي
جنة ببكاء: بالله عليك بلاش
جاد : انجزي البسي وخلصي عشان اليوم يعدي علي خير
جنة : انت لا يمكن تكون بني ادم
جاد : كويس انك عارفة
خرج جاد وقفل الباب وراه بغضب شديد
جنة فضلت تعيط كتير مش عارفة تتصرف مشت اتوضت وصلت وتدعي ربنا انه ينقذها منه لحد ما ست كبيرة دخلت اوضتها
الدادة فريدة: انا فريدة ، جاد بيه جابني عشان اساعدك عشان تستعدي
جنة بتعجب : جاد مين
الدادة : جاد العريس
جنة بدهشة وخوف : مش فاهمه مين اللي هيتجوزني بالظبط
الدادة بتعجب : جاد بيه يابنتي، اومال انتي مفكرة ايه
جنة : المفروض اسمه خالد مش جاد
جنة وقفت بفزع قربت من الباب ، مشت وراها الدادة فريدة : لو عايزة حاجة قولي وانا اجيبهالك
جنة بغضب : عايزة الزفت اللي هنا
الدادة : يابنتي براحة بلاش عصبية ، استني انا هناديه
جنة بنرفزة : طيب بسرعة
دخل جاد وراه الدادة : خير فيه ايه ، انتي لسه ملبستيش
جنة : مين جاد اللي هيتجوزني ده
جاد ضحك : انا
جنة : انت مش اسمك خالد
جاد : لا مش اسمي خالد ، يمكن سمعتي الاسم غلط
جنة : لا انا متأكدة اني سمعته صح حتي البت اللي جت قالتلك كدة
جاد ببرود: عادي هتكتشفي حاجات كتير لسه ، اسمي الحقيقي جاد خلصنا بقي
خرج بعدها من غير ولا كلمه زيادة ، تنهدت جنة وارتاحت شوية ففكرت هيجوزها شخص تاني مجهول
الدادة فريدة قربت منها تساعدها وبتحاول تفهم منها اي حاجة : زعلانة ليه
جنة دموعها نزلت : عشان مش عايزة أتجوز الشخص اللي برة ده
-ليه
=عشان ده واحد نصاب ،قاتل ، حقير ، بتاع ستات كمان
-يالهوي كل ده، بلاش تظلميه ، انا عارفاه من زمان هو مش كدة خالص ، ده طيب جدا بس عصبي حبتين.
=هو قالي كدة ، كمان فيه بنت جاتله وبيديها فلوس في المقابل ،حتي الصبح كان …..
سكتت جنة بخجل وفي نفسها : ايه اللي كنت هقوله ده ، استغفر الله العظيم ، يادي الكسوف
-سكتي ليه
=مفيش اظن كدة خلصت صح
-زي القمر يابنتي ،انتي اسمك ايه صح
=جنة ، ممكن سؤال
-طبعا
=هو الفستان لونه ايه
-لونه ابيض طبعا
=طب شكله ايه
بدأت الدادة فريدة توصفهولها وبعدها خرجت معاها .
جاد واقف مستنيها برة الاوضة بيلف يشوفها فضل واقف متكتف مكانه لسانه عاجز عن النطق كانت جميلة جدا ، جمال طاغي ،عيونها مرسومة فاتنه ، حتي حجابها زادها جمال .
جنة بهمس : هو مفيش حد يا دادة غيره صح
الدادة : لا مفيش حد غير صالح ورجالته
جنة : مين صالح ده
الدادة : ده ابوه بس مش ابوه يعني هو رباه
جنة بفضول : ليه هو فين اهله
الدادة : مش عارفة والله يابنتي الموضوع ده محدش بيقدر يفتحه معاه
جنة : طب انا هقف ولا هقعد ولا هعمل ايه
الدادة : تقفي جنب جاد بيه لحد ما يخلص كتب الكتاب
جنة بابتسامة سخيفة : كويس ان فيه كتب كتاب كنت مفكره مش عارف ربنا في ده كمان
الدادة بهمس : تعرفي ان جاد بيصلي
جنة بدهشة : نعم
الدادة : ايوة انا شوفته كذا مرة بس هو ميعرفش اني عارفة ، حسيت انه مش حابب حد يعرف ده فمرضتش اعلق
جنة قلبها زاد دقاته مع كلام الدادة فريدة و بيرفيوم جاد اللي بقي قريب منها جدا
جاد: ايه القمر ده
جنة : طول عمري قمر اساسا الدور والباقي عالناس المعفنة
جاد بدهشة : قصدك مين
جنة : ولا حاجة، اللي علي راسه بطحة
جاد اتنرفز منها ومسكها من ايديها للمأذون
المأذون: موافقة يابنتي
جنة بنرفزة : افكر
جاد بهمس : اخلصي عشان منفذش حاجة من اللي قولتها
جنة بنفخ : موافقة ، يارب نخلص
جاد : اصبري عليا بس
جنة بقلق : متقدرش تعمل حاجة مش كل شوية اقولك كدة احفظ بقي
جاد : هنشوف دلوقتي اقدر ولا مقدرش
جنة : بني ادم مستفز
جاد : بني ادمة رخمة
جنة : اهو انت
جاد ابتسم علي طفولتها
وفات الوقت سريعا وراحت جنة اوضتها لقت جاد وراها
جنة : بتعمل ايه
جاد بمشاكسة : اظن النهاردة فرحنا وكدة ولا ايه
جنة : ولا ايه
جاد: المفروض تيجي تنامي في اوضتي او انا هنام هنا
جنة واقفة قدام الباب : تمام انا هقعد قدام الباب ده للصبح ، تقدر تقعد بردو عالباب
جاد ضحك بصوت عالي عليها : انتي مجنونة ، انا ممكن اعمل فيكي اللي انا عايزه
جنة بجراءة ادهشتها وادهشته : و ايه اللي مانعك
جاد متفاجئ وتوتر بس قال ببرود: مزاجي ومزاجي هشيلك دلوقتي لاوضتي فوق
جنة بخضة : لا لا وحياة ابوك بلاش
جاد قرب منها وشالها : بلاش ايه بس انا مش عارف صابر عليكي كل ده ازاي
جنة بتصرخ: لا بالله عليك انت قولت عشان خطر عليا مش حاجة تانية
ضحك جاد : انتي بتصدقي اي حاجة تتقال كدة علطول
جنة بدموع و ماسكه في البدلة بتاعته بخوف لتقع : بلاش انا عايزة افضل في اوضتي
جاد : الناس هيقولوا عليا ايه لو انتي تحت وانا فوق
جنة بدموع : متخليش حد يدخل هنا محدش هيعرف حاجة.
دخلها الاوضه وقعدها عالسرير وباس دماغها وقال بحنية : جنة انا عمري ما هأذيكي لانك جنتي
جنة خجلت بشدة : قصدك ايه
جاد ونبرة صوته بدأت تتغير لضعف : عايز اعيش من اللي متبقي من عمري معاكي
جنة استغربت من اسلوبه المفاجئ مش عارفة تصدقه ولا بيخدعها
جاد : يمكن مع الوقت تفهمي او تعرفي انا مين بالظبط ، بس لحد الوقت ده عايزك جانبي حتي لو لمجرد صحاب
جنة قلبها دق بعنف فكل كلمة اخترقت قلبها بمشاعر مختلفة خوف وضعف وتردد ومشاعر جديدة اعجاب
جنة : ممكن طيب انزل تحت
جاد : لا مستحيل هتفضلي معايا في نفس الاوضة دايما
جنة بخوف: اشمعني
جاد بتوتر : عشان انا عايز كدة
جاد مش عايز مشاعره تبقي واضحه قدامها بالشكل ده مش عارف يقولها ان من سعات ما نام في حضنها وهو قرر انه ينام في حضنها كل يوم ، كان حاسس بحنان ، دفء ،هدوء
اخد جاد هدومه وهو خارج : انا هغير في اوضه تانية ف خدي راحتك هنا بقي
جنة بسرعة : هدومي تحت
جاد : هتلاقي هدوم تانية هنا جديدة
خرج جاد
جنة سكتت بتعجب : هو جايب الهدوم دي كلها ليه ، هنا وتحت ، وفي الشقة القديمة ، انا شكلي هشوف العجب .
تحسست المكان فالاوضة جديدة عليها
فتحت الدولاب مش لاقيه هدوم ليها كل الهدوم نفس ريحة البيرفيوم بتاعت جاد
فتحت الجانب التاني بردو نفس الكلام ، بدأت تمسك كذا تيشرت بس كلهم رجالي
– متخلف مش يقول هم فين
بدأت تلف في الاوضة تشوف أماكن الحاجات جذب انتباها كرسي متحرك محطوط علي جانب
خبط جاد وأستاذن الدخول لقاها بنفس هدومها
جنة : انا مش لاقيه الهدوم
جاد : في الدولاب
جنة بغيظ : وانا هعرفهم منين يا ذكي كلهم قماشتهم غريبة
جاد فتح الدولاب الجانب اليمين : ايه ده
ضحك جاد : اسف بجد انا نسيت حطيت هدومك في الرف اللي فوق وانا تحت
جنة بغيظ : طب هات هدومي
جاد بمكر مد ايده واخد تيشرت بحملات وشورت قصير وحطهم في فوطة كبيرة : احطهوملك في الحمام ولا تحبي تغيري هنا
جنة بخجل : يا سافل يا حيوان ، حطها في الحمام
ضحك جاد جامد وحطهم في الحمام وخرج
دخلت جنة وقفلت الباب كويس بقلق وتكلم نفسها: واحد معندهوش دم ولا ذوق ولا خفة دم حتي
جاد برة : سامعك علفكرة
جنة : كويس عشان تحس شوية
جاد : ماااشي متزعليش بقي من اللي هيحصلك
جنة جوه اخدت شاور وجت تلبس لقت شورت قصير وتيشرت ضيق كت لبستهم، بتدور علي حاجة تانية تلبسها عليهم ملقتش
جنة بغضب وعصبية: يا سااااافل ، انت واحد زباااله
جاد ضحك جدا : احسن عشان تشتمي تاني بعد كدة
جنة : هات اي حاجة البسها اخلص
جاد نايم علي السرير : مش قادر اقوم تعالي انتي خدي اللي عايزاه
جنة : انجز بقي هات الاسدال بتاعي طيب
جاد : لا اخرجي زي مانتي كدة
جنة : خلاص هنام في الحمام
جاد بخبث : براحتك
الحمام كله ماية مفيش حته ناشفة تقعد فيها حتي
جنة : اوووف والله لاطلع عينك بس اصبر بس عليا
خرجت جنة بكسوف وخجل فهي تجهل شكله ونظراته ليها : انت واحد مستفز
جاد ساكت خاالص في دنيا تانية بعد ما شاف منظرها ده كانت فاتنة بمعني الكلمة بملامحها الغاضبة الخجولة .. اتمني للحظة انها تكون شايفاه وشايفه عيونه العاشقة .
جنة سامعه انفاسه في هدوء : انا عارفة انك هنا وصاحي
جاد قام جذبها ليه ورفعها لنفس طوله وباسها
جنة اتخضت من تصرفاته المفاجأة اللي خطفت قلبها وحاسه بخوف من مشاعرها اللي بتتغير تجاهه
بعد عنها بعد فترة ويبوس خدها الاحمر : انتي هتجننيني
جنة ساكتة من كتر الخجل اللي هي فيه كان قلبها بيدق بسرعة جدا .
حطها عالسرير و اخدها في حضنه و نام
حاولت تنام طول الليل مش عارفة ، حست بيه نايم ، بدأت تفكر في حياتها اللي اتشقلبت دي
: يارب انا عارفة اي حاجة بتحصلنا خير دايما ، يارب اقدر افهمه ، معني كدة ان هو كويس ولا مش كويس طيب ، اكيد كويس عشان كدة ربنا باعته ليا
نامت بعد أفكارها المشتتة تعبتها.
صحي جاد حاسس بمشاعر غريبة ، حس بسعادة من قربها ليه ، بقت مراته خلاص
بصلها كانت نايمة فوقيه كأنه مخدة حاضناها وشعرها متعبثر حواليها في كل حته ، ابتسم بحب علي شكلها لف ايده حواليها وبالايد التانية بيرتب شعرها .
صحت جنة :…..
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية وحدة شغف للكاتبة ندى.
