Uncategorized

رواية حكاية روح الفصل الخامس 5 بقلم أسماء أحمد

 رواية حكاية روح الفصل الخامس 5 بقلم أسماء أحمد

رواية حكاية روح الفصل الخامس 5 بقلم أسماء أحمد

رواية حكاية روح الفصل الخامس 5 بقلم أسماء أحمد

قامت روح وهى راحه الحمام سمعت صوت بدر من وراها بيقول:روح 
روح:نعم 
بدر جرى عليها وحضنها وقالها :مش قادر اشوفك زعلانه منى يا روح 
روح بعدت بدر عنها وضربته كف على وشه 
بدر حط أيده على خده مكان القلم وهو مصدوم 
روح بصوت منخفض نسبيا عشان محدش يسمع قالت:انت ايه اللى انت عملته دا انت ازاى تعمل كده 
بدر:أنا عملت كده عشان اصالحك
روح:تصالحنى؟؟ انت مش عارف أن دا حرام يا استاذ بدر والا قعدتك فى أمريكا نستك كل حاجه حتى دينك
بدر:لا منستش …أنا آسف 
ولف بدر عشان يمشى من قدامها
روح بتردد:بدر 
بدر:نعم 
روح:أنا آسفه انى ضربتك مكنتش اقصد 
بدر كان لسه لافف وشه الناحيه التانيه فغمض عينه بألم وقال:ولا يهمك أنا عارف انى غلطت عن اذنك 
مشى بدر من قدام روح 
روح بتكلم نفسها وبتقول :غبيه كان لازم يعنى تضربيه دى اهانه كبيرة ليه كرجل 
بعد مكل اللى فى البيت صلوا كلهم ناموا 
*فى الصباح*
روح: صباح الخير يا جماعه
رشا: صباح الخير..قولى مساء الخير
روح:ولا تزعلى نفسك مساء الخير يا ستى 
نبيله:الاء لسه مصحيتش طبعا 
روح:دى نايمه جوا زى المقتوله 
نبيله:وهتفضل نايمه طول اليوم بقى 
روح:لا متخافيش أنا هروح اصحيها دلوقتى لان فى ضيفه هتيجى وعايزه اعرفها عليها
رشا:ضيفة مين يا بنتى
روح:تقى يا ماما صاحبه السوشيال بتاعتى 
رشا:تشرف يا بنتى …هتيجى امتى 
روح:هتلاقيها فى السكه 
بدر طلع من اوضته وهو لابس طقم شيك وقال:صباح الخير 
رشا ونبيله:صباح النور 
رشا:لابس كده ورايح على فين 
بدر:هروح اقابل مدير المستشفى اللى صاحبى كلملنا عمه عشان نشتغل فيها انا والاء …صحيح هى الاء مصحيتش 
نبيله: لا لسه بس انت هتقابله علطول كده 
بدر:اه والا عايزانى افضل عاطل كده 
نبيله:لا يا حبيبي ربنا يوفقك 
روح بتردد :مستشفى ايه 
بدر ببرود : مستشفى*********
روح : دى مستشفى خاصه صح 
بدر:اه 
روح:ربنا يستر 
بدر:مش فاهم
روح:ها …لا لا… ولا حاجه …..أنا هروح اصحى الاء 
بدر:ماشى
دخلت روح الاوضه عشان تصحى الاء 
روح:الاااااااااااااااااااااااااااااء 
الاء بفزع :ايه….إيه في ايه 
روح:قومى يا استاذه الساعه بقت ١٠ الصبح 
الاء :١٠ الصبح وبتصحينى دلوقتى ليه …الاء حطت المخده على وشها وقالت: سبينى أنام شويه 
روح:يا بنتى بدر لابس برا وبيقول أنكوا هتروحوا مستشفى عشان تشتغلوا فيها 
الاء:عاااااااااااااااااااااا
الاء نطت من على السرير وفتحت شنطة هدومها وخدت هدوم منها وكانت بتجرى فى كل مكان زى المجنونه وروح كانت بتضحك عليها 
روح:أهدى شويه يا بنتى انت شكلك يضحك قوى 
الاء:بدر لو اتأخرت دقيقتين كمان هيقتلنى هو قالى اصلا وانا نسيت  
روح:أهدى يا بنتى متخافيش هو مستنيكى برا وباين عليه مش متعصب 
اتنهدت الاء براحه :الحمدلله 
روح:انتى كمان دخلتى طب 
الاء:اه مع أنه مكنش حلمى بس دخلت مع بدر ….عشان محبتش ابعد عنه 
روح: دكتوره جراحه برضوا
الاء:لا دكتورة اطفال 
روح:واو يعنى بتشوفى اطفال كتير 
الاء:اه بيبقى شكلهم كيوت قوى 
روح:طب قومى يلا ياختى البسى 
الاء:ماشى 
*فى مكان ما فى الشارع* 
تقى ماسكه شنطتها وبتحاول توقف تاكسى بس مفيش تاكسى بيقف 
تقى:اووووف مفيش ولا واحد راضى يقف
تليفون تقى بيرن فردت 
تقى:الو 
روح:ايوا يا بنتى انتى فين
تقى:مفيش ولا تاكسى راضى يقف 
روح:خلاص انا هاجى اخدك 
تقى وهى بتتكلم فى التليفون شاورت لتاكسى ومكنتش واخده بالها أن فى حد تانى شاورله راحت تقى ركبت التاكسى وهى لسه بتتكلم فى التليفون 
تقى: خلاص انا لقيت تاكسى 
روح:ماشى أنا هستناكى تحت العماره سلام 
بصت تقى جمبها لقت ادم رافع حاجب ومنزل حاجب 
أدم:خير يا انسه 
تقى:أنت اللى خير …أنا اللى مشاوره للتاكسى دا 
أدم: حضرتك غلطانه أنا اللى مشاور للتاكسى دا 
تقى:لا والله …وحتى لو انت اللى شاورتله مش نازله برضو
أدم:لا دى اسمها قلة آدب بقى 
تقى شهقت وقالت:نهارك اسود مين دا اللى قليله الادب يلا 
أدم:يلا ؟….عموما اتفضلى انزلى من التاكسى حالا لان عندى مواعيد ومش فاضيلك 
تقى:طب ايه رائيك بقى انى مش نازله لان أنا اللى وقفت التاكسى …مش كده يا عمو مش انا برضو اللى شاورتلك الاول 
السواق:الصراحه يا بنتى هو اللى شاور الاول 
أدم بصلها بصت انتصار وابتسملها 
تقى وهى بتمثل الحزن: عمو مش عيب لما تبقى واحده قد بنتك واقفه فى مكان مقطوع زى دا 
أدم:مقطوع ؟؟!
بصتل تقى لادم بغضب وبعدين كملت كلامها:ومش لاقيه تاكسى وجايه من مكان بعيد ولوحدها ومحدش معاها وتسيبها طب افرض يا عمو مثلا فى شباب خطفونى واغتصبونى  وخطيبى اللى بحبه سابنى عشان مش هيتجوز واحده زيى  وازعل وبعدها انتحر بسبب العالم الأسى دا مين اللى هيشيل ذنبى ساعتها قولى يا عمو قولى مين مين مين اهئ اهئ اهئ 
أدم فتح بوقه بصدمه وفضل يصقفلها :هايل يا فنانه …العرض خلص يلا بقى اطلعى برا التاكسى بسرعه 
تقى:أنا بكلم عمو على فكره 
بص أدم للسواق لقاه عينيه مدمعه وبيقول:لا يا بنتى متخافيش محدش هيخطفك ومش هتنتحرى 
بصت تقى لادم نظرة انتصار 
أدم:دى بتضحك عليك على فكره 
تقى :اهئ اهئ اهئ حرام عليك ليه كدا …أنا بنت لوحدى فى مصر يبقى دى معامله شباب مصر ليا
أدم صفر وفضل يصقف:معلمه بالله معلمه انتى المفروض الممثلين يتعلمو منك يا بنتى والله
السواق:يلا يا اخينا أنا هوصلها هى 
بص أدم لتقى بغضب:تمام أنا كدا كدا اللى مش عايز  اركب فى التاكسى دا
فتح أدم باب التاكسى وطلع برا ووقف قدام الباب وهو بيبص لتقى بغضب 
تقى شاورتله وهى بتحرك صوابعها :باى 
التاكسى مشى وادم غمض عيونه بغضب وقال:كان ناقصنى
*فى منزل روح*
كانوا قاعدين يفطروا كلهم وروح كانت بتتكلم مع تقى برا فى التليفون ودخلت وهى بتقول:ماما أنا هنزل استنى تقى برا قدام العماره 
بدر:خدينا معاكى يلا يا الاء 
الاء كانت بتأكل والأكل كان مالى بوقها:يا عم أنا لسه بأكل 
بدر:طول عمرك مفجوعه …أنا هنزل اوقف تاكسى دقيقه وتكونى تحت فاهمه
الاء بغضب:فاهمه …..وبعدين همست بصوت واطى فاهمه انت اللى مبتفهمش
بدر:بتقولى حاجه يا الاء 
الاء:ابدا يابرو ابدا 
بدر:امممم ماشى…..يلا يا روح 
روح:يلا 
بدر وروح نزلوا فى صمت بس قطع الصمت دا روح 
روح:هو انت لسه زعلان منى 
بدر:مش فاهم قصدك ايه 
روح:لا ولا حاجه 
بدر:اوووووف يا روح انتى ليه تلاجه كده ايه ولا حاجه دى 
روح:معشان محرجكش يابدر 
بدر:لا متخافيش أنا عارف انى غلطت امبارح وكنت استحق القلم دا …..بس ممكن تفهميني ليه مش عايزه تقوليلى أنا زعلتك في ايه 
روح:سبب تافه 
بدر:ولما هو تافه مش بتقوليه ليه 
روح:بدر لو سمحت متضغتش عليا أنا مش هقول 
بدر: خلاص افضلى عاملينى ببرود كده وفى الاخر تقوليلى السبب تافه
روح: خلاص يابنى مش  هعاملك ببرود تانى وانت متسألنيش تانى 
بدر:وعد 
روح:وعد 
بدر:يعنى خلاص رجعنا أصحاب 
روح: خلاص رجعنا أصحاب ..بس متأخدش عليا قوى عشان اللى حصل امبارح ميتكررش 
بدر:لا متخافيش مش هيتكرر تانى ….بس اضحكى بقى وافتحى الشبابيك دى
روح ضحكت 
بدر مسك قلبه وقال:اه الضحكه هتجيب اجلى يا بنتى 
روح خدودها احمرت وقالت بعصبيه:بددددددر 
بدر بضحك:لسه زى مانتى بتتكسفى … دائماً كنت بحب ادايقك عشان اشوف خدودك الحمرا دى يا روح الروح
روح:لسه فاكر الاسم دا 
بدر:طبعا يا روح الروح وانتى بردوا لسه فاكره اسم الدبدوب التخين
روح:صحيح انت بقيت عندك عضلات وجسمك منحوت و…
بدر حضن نفسه بايديه الاتنين وقال:كلكم طمعانين في جسمى 
روح ضحكت: حيواااااااااان ….لا بجد الصرف باين يعنى …قدرت تعملها ازاى دى
بدر: هناك فى أمريكا كنت بعانى من كميه تنمر رهيبه بسبب جسمى فاخدت قرار انى لازم اتغير فاهتميت بصحتى وكنت بروح الجيم وغيرت نظام اكلى وبقيت زى مانتى شايفه
روح:ترانى تأثرت 
بدر:مش عندك احساس 
روح:لا مش عندى عاجبك والا مش عاجبك
بدر: عاجبني والله العظيم عاجبنى 
روح:بحسب 
الاء نزلت من فوق وهى متعصبه وبتقول:مبسوط كده يا استاذ بدر اهو معرفتش اكمل اكلى 
بدر:مكملتيش اكلك دا انتى ناقص تاكلينا معرفش انتى مبيبانش عليكى ازاى نفسى افهم  
الاء:عشان الجامد مبيحكيش عن جمدانه فمش هقولك 
بدر:مجنونه 
وهم واقفين بيتكلموا تاكسى وقف قدام العماره فطلعت منه بنت وهى بتقول:عمو أنت متأكد أن هو دا العنوان 
السواق:ايوا يا بنتى هو دا
روح طلعت برا بوابة العماره وبصت لتقى بفرحه ودموع وقالت:تقى ؟؟!
تقى:روح؟؟! 
وحضنوا بعض وهم بيعيطوا 
تقى:اخيرا شوفتك يا روح 
روح:أنا مش مصدقه نفسي 
وطبعا كل دا بيحصل  
تحت نظرات الاء الغيرانه من تقى(اللى عندوا بيست هيفهم)
بدر راح عشان يوقف التاكسى قبل ميمشى عشان صعب أنهم يلاقوا تاكسى 
بدر:فاضى ياسطا والا مش فاضى 
السواق:فاضى 
بدر:يلا يا الاء اركبى 
تقى:لحظه بس أنا لسه محاسبتش عمو 
جت تقى عشان تطلع فلوس من شنطتها 
بدر:انتى بتعملى ايه أنا هحاسب 
تقى:وتحاسب ليه تقربلى ايه يعنى 
بدر:أقرب لروح مش ليكى 
تقى:اها برضو مينفعش تدفعلى أنا هدفع لنفسى 
روح بغيره:خلاص ادفعلها يابدر وانتى يا تقى خلاص بقى 
تقى:ماشى خلاص 
روح بصت لالاء:دى تقى صاحبتى يا الاء 
الاء بضيق:تشرفنا ….يلا يا بدر عشان هنتاخر
بدر:يلا 
التاكسى مشى ببدر والاء بعد كده تقى قالت :هى مالها دى 
روح:هى كده بس لما تعرفيها هتحبيها 
*فى المستشفى*
المدير:احنا نتشرف طبعا بشغلكوا هنا كفايه أن تعليمكوا كان فى أمريكا وطبعا تقدروا تشتغلوا من النهارده 
بدر:احنا اللى لينا الشرف أننا هنشتغل هنا 
الدكتور:أنا هنادى على اكتر دكتور خبره هنا فى المستشفى هو هيساعدكوا 
الدكتور بيتكلم فى التليفون :الو …..تعالى على مكتبى فى دكاتره هنا عايزك تعرفهم على المستشفى ….ماشى سلام 
*بعد ٥ دقايق* 
خبط على باب مكتب المدير 
المدير:ادخل ….اهو جه اهو احب اعرفكوا باكتر بواحد خبره هنا دكتور احمد 
الاء وبدر لفوا وهم بيبتسموا 
دقق احمد فى ملامحهم كويس وبعد كده قال:الاء وبدر 
يتبع……
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية إشارة للكاتبة دعاء الأنصاري

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى