رواية مهمة عاشق الفصل الخامس 5 بقلم خلود وائل
 |
| رواية مهمة عاشق الفصل الخامس 5 بقلم خلود وائل |
رواية مهمة عاشق الفصل الخامس 5 بقلم خلود وائل
الممرضه :الحقي يادكتورة ليلى حالة علي بيه مش مستقرة خالص
ليلي:ماله انا سيباه كويس
الممرضه :ضربات قلبه سريعه جدا والوضع ميطمنش
ليلي:انا جايا معاكي اهو
راحت ليلى والممرضه لاوضة علي ودخلت عطته حقنه بسرعه و عالجت حالته لحد ماأستقرت وخرجت
الحاجه منال بعياط:طمنيني يابنتي ايه ال حصله
ليلي:وارد جدا يحصل حاجه زي كدة اطمني هو بقي كويس واحنا متابعين حالته متقلقيش
سابتهم ليلى وراحت الاستراحه ترن على الاء
ليلي:يوووه كل دة ومبترديش ايه نايمه في البحر
….
الاء:الو
ليلي:اصحي ياست هانم وتعالي المستشفى حالا واياكي تقفلي وتنامي تاني انا تعبت ومبقتش شايفه قدامي
الاء بنعاس:في ايه ياليلى ع الصبح
ليلي:في كتير اوووي بس تعالي استلمي مكاني انا هموت وانام بدل مايغمى عليا من التعب
الاء:اقفلي انا جايه
بعد مدة قصيرة وصلت الاء المستشفى وراحت لليلى
الاء:ايه يابنتي مالك هبله الدنيا ليه كدة
ليلى:اه ماانتي نايمه ومرتاحه مش مطحونه زيي
حكت ليلى ل الاء كل ال حصل من ساعه ماسابتها لحد ماجتلها
الاء:يابنت الايه كل ده يحصل مسافه مامشيت
ليلى:مالك فرحانه كدة ليه
الاء:انتي عبيطه ولا مش واخدة بالك
ليلي:نعم. .. مش فاهمه تقصدي ايه
الاء:قصدي انك المفروض تفرحي انك جتلك فرصه العمر انك تثبتي نفسك واسمك في عمليه صعبه لوحدك والحمد لله قدرتي داانتي المفروض تشكري ال اسمه علي ده
سكتت ليلي شويه وفهمت ان كلام الاء صح
ليلر:علي بيه اسم الله عليه انا اروحله اشكره انتي مشفتيش ابوه مسح بكرامه المدير الارض ازاي ولا صوته كان عالي عليا ازاي
انفجرت الاء في الضحك :مش قادرة اه ياني منك يالي لي حرام عليكي ????????
ليلي:والله حلوة دى اسميه علي بيه اسم الله عليه????
الاء:طب قومي روحي انتي ارتاحي وتعالي استلمي مني ولا تحبي تريحي النهاردة طول اليوم وانا هبقي اتابع انا مع اي دكتور تاني
ليلي:لا مينفعش انا هسيبك شويه تغطي مكاني عما اروح اشوف بابا وماما وانام ساعتين وهاجي تاني انا واخدة تعليمات ان محدش يتابع حالة علي بيه اسم الله عليه غيري حتى الممرضين لا
الاء بضحك:ماشي ياستي قومي يلا
ليلى:سلام
روحت ليلي بيتها الساعه ١٠ الصبح اول مادخلت قابلتها مامتها
الحاجه كوثر:ليلي حبيبتي كدة تقلقيني عليكي
ليلي:معلش ياماما تعبانه ونفسي انام
الحاجه كوثر:سلامتك ياحبيبتي انا هجهزلك لقمه تاكليها عما تاخدي دوش وبعدين تنامي
ليلي بتعب حاضر ياماما
دخلت ليلي اوضتها وجريت علي السرير ونامت ومحستش بأي حاجه حواليها
دخلت الحاجه كوثر تنادي علي ليلي:ليلي ياحبيبتي اتاخرتي كدة ليه
اتفاجئت بليلي ال نعسانه في دنيا تانيه راحت غطيتها وسابتها وخرجت لشغل بيتها
في المستشفي راحت الاء بعد فترة تطمن علي علي ودخلت العنايه وتابعت حالته وبعدين بصتله
الاء:هو انت بقي علي بيه اسم الله عليه ????وابتسمت …ربنا يكون في عونك ياابني والله دي بينها حطتك في دماغها
وخرجت الاء برة الاوضه وعدي وقت طويل ورجعت تاني واطمنت علي علي وخرجت من العنايه قابلها الحاج محمود
الحاج محمود:لوسمحتي يادكتورة
الاء:ايوة يافندم
الحاج محمود:خدت بالي انك ال بتابعي حاله الرائد علي
الاء:ومين حضرتك
الحاج محمود:انا والدة
الاء:اهلا بيك ايوة انا بتابع حالته عما دكتورة ليلي تيجي
الحاج محمود :وهي فين الدكتورة ليلي
الاء:راحت تمر علي حالات تانيه وجايه علي طول مش هتتاخر بعد اذن حضرتك
سابته الاء ومشت واول مابعدت رنت علي ليلي عشان تيجي قبل ماابو علي يعمل مشاكل
الاء:ردي بقي….ياربي اكيد نايمه وعامله التلفون صامت
بعد فترة الحاجه كوثر سمعت صوت التلفون ودخلت لقت الاء مش مبطله رن فردت عليها
الاء:الو ايوة يازفته انتي فين تعالي يلا قبل ماالدنيا تكركب علي دماغي
الحاجه كوثر:انا ابلتك كوثر ياالاء في ايه يابنتي
الاء:احم ايوة ياطنط معلش مااخدتش بالي ليلي فين
الحاجه كوثر:نايمه يابنتي
الاء:صحيها وخليها تيجي المستشفي عشان الحاله بتاعتها محتاجها
الحاجه كوثر:دي ملحقتش تنام يا الاء
الاء:معلش ياطنط ماانتي عارفه وقتنا مش بتاعنا صحيها ضروري
الحاجه كوثر:حاضر يابنتي هصحيها
قفلت الحاجه كوثر مع الاء وصحت ليلي وقالتلها علي مكالمه الاء
ليلي بنعس:الساعه كام ياماما
الحاجه كوثر:الساعه٢يابنتي
ليلي بخضه:ايه ٢ومتصحنيش ياماما كدة تسبيني
الحاجه كوثر:ماانتي مقلتيش ياحبيبتي وبعدين ماانتي مخلصه شغلك متاخر عن معادك
ليلي وهي بتقوم من علي السرير: عندي واحد عامل عمليه واهله ناس غتته وطالبيني بالاسم اعمل ايه بس مش لحقه انام حتي ياربي
الحاجه كوثر: ليه كدة يعني ياليلي هو انتي حديد يابنتي
ليلي خلصت تغيير هدومها بسرعه وخرجت من اوضتها ومامتها وراها
الحاجه كوثر:طب استني كلي اي حاجه
ليلي:بعدين بعدين ياماما
ركبت ليلي تاكسي ووصلت المستشفي قابلتها الاء وحكتلها ال حصل
الاء :واول ماقالي انه بباه انا خفت وقلتله انك بتمري علي حالات تانيه وهتروحيله خفت ليعملك مشاكل
ليلي:ربنا يخليكي ليا يالؤلؤة ????
الاء:احنا اخوات يالي لي يلا روحيله ونتكلم بعدين
راحت ليلي للعنايه ودخلت لعلي واطمنت عليه وغيرت علي الجرح وركبت محاليل وبصت لعلي
ليلي:انت من ساعه ماجيت وانت مدوخني وراك ولا الدادة بس اما تفوق وانا هشوف شغلي معاك ياعلي بيه اسم الله عليه
خرجت ليلي بهدوء وراحت تكمل شغلها
رن تليفون الحاجه منال
نهي:مامي دة عماد هنقله ايه
الحاجه منال:هاتي التليفون الو ايوة ياعماد
عماد بقلق:مالك ياماما فيكي ايه
الحاجه منال بعييط:اخوك ياعماد اخوك مضروب بالنار وفي المستشفي بين ايدين ربنا تعالي ياابني متسبناش لوحدنا … وانهارت في العييط
عماد :انتو في مستشفي ايه متخافيش ياماما مسافه السكه وهكون عندك مين معاكو
الحاجه منال:ابوك واختك وزمايل اخوك وناس معرفهمش ياابني تعالالي عشان خاطري
عماد:اديني نهي تمليني العنوان
نهي:ايوة ياعماد العنوان……..
قفل معاهم عماد ونادي علي السكرتيرة
عماد:كلمي استاذ ابراهيم يجي يستلم الشغل مكاني عندي سفر مهم وجايز اغيب يومين
السكرتيرة:لعله خير يافندم
عماد:خير باذن الله
سابها عماد وركب عربيته وراح للمستشفي وطول الطريق مرعوب من ال هيروح ويلاقيه هناك
ووصل اخر النهار وقابل عيلته وحضن ابوة ال اول ماشافه دموعه نزلت وراح لامه واخته يطمنهم وبص علي اخوة ال نايم قصادة ورا الازاز متركبله الاجهزة وملامحه مش باينه
بليل في المستشفي
ليلي:انا هروح اطمن علي علي بيه اسم الله عليه وهروح وانشاء الله هاجي الفجر وانتي هنا هتغطيني تمام
الاء:تمام بس انا خايفه
ليلي:لا بقي والله اعيط انا لا اكلت ولا شربت ولا نمت دة ظلم ياناس
الاء خلاص ياستي احنا بليل ومحدش فايق يلا ربنا يستر
راحت ليلي اطمنت علي حاله علي وخرجت
وقفتها نهي:لو سمحتي يادكتورة ليلي
ليلي:اؤمري يافندم
نهي:هو مش المفروض انه يعني يفوق علشان ياكل ويتغذي
ليلي بابتسامه:شايفه المحاليل دي ياجميل
نهي:ايوة
ليلي:دي بتدي جسمه الغذا ال هو محتاجه طول ماهو نايم وانشاء الله بكرة هنفوقه وتطمني عليه بنفسك
نهي:يعني هو كويس وتمام ولا بتلعبي عليا
ليلي:والله هو ذي الفل متخافيش انتي مراته
نهي:لاا هو انا اطول انا اخته الصغيرة
ليلي:هههههه ومتطوليش ليه ياجميل انتي مشاء الله قمورة اوي
نهي:علي اخويا دة يابخت ال هتتجوزة بس هو يقوم بالسلامه وهتعرفي ليه لما تشوفيه
ليلي :ربنا يقومه بالسلامه
سابتها ومشت والحاج محمود متابع كلامهم من بعيد
روحت ليلي البيت واول ما دخلت كلهم اتلمو حواليها
حسام:ايه يابنتي زهقتي من قعدة البيت ولا ايه
ماهر:تكونيش هتقبضي بالدولار
الحاجه كوثر:تعالي ياضنايا وشك بقي اصفر تعالي كلي حاجه
الحاج مصطفي:ايه يابنتي من امبارح مااشوفكيش
ليلي:كل ال عندة سؤال انا هجاوبه بس اكل وانام والفجر هحكيلكو والله بالتفصيل
عدي الليل والاء متابعه حاله علي وقلقانه وليلي نامت وصحت الفجر وصلت وحكت لعيلتها كل ال حصل وفهمتهم انها هتغيب كتير لحد ما علي يخرج من المستشفي
الحاج مصطفي:ابوة دة مزودها اوووي بس معلش استحملي يابنتي هو اب في الاول والاخر
ليلي:ماشي ياحج المهم علي بيه اسم الله عليه يخرج بقي وارتاح انا من اول يوم وهموت
حسام:والله وجه اليوم وحد عرف يزهقك ياجميل
ليلي:لسه متخلقش يابابا وقوم نام يابطه عشان تلحق تصحي سلومتك بدري
حسام:بطه في عينك انتي عرفتي منين بطه وسلومتي دي
ليلي وهي خارجه من البيت:ابقي وطي الصوت يسطا حاولو تلحقونا بس مش هتحصلونا????????
حسام :ياربي عايش مع سواقه توكتوك
وصلت ليلي المستشفي وعدي اليوم بتوتر وبعدين راحت لعلي عشان تفوقه وابتدي علي يفوق براحه ويفتح عنيه بهدوء
علي:اننن . ااا اناااا انا فييييين
ليلي:حمد لله علي سلامتك انت في المستشفي
علي:ممم مااامااا هناااا
ليلي:كل عيلتك هنا متقلقش دقايق نطمن عليك ونعملك اشعه وهننقلك علي اوضه عاديه وتقدر تشوف عيلتك بعدها
علي:انتي ميييين
ليلي:انا دكتورة ليلي
علي غمض عينه وبعد فترة طويله فاق لقي نفسه في اوضه تانيه ودكتورة ليلي جمبه بتركبله محلول
علي بتعب:انا فين
ليلي بهزار:في الجنه ونعيمها
علي:انا ميت
ليلي:اه تخيل ميت ومتركبلك محلول
علي:انتي مين
ليلي:بتاع الميلامين
علي:انا فين
ليلي:بين القصرين
علي بنرفزة:ابعدي عني
ليلي:هو انا جيت جمبك ياابني فوق بقي كدة تعبتني معاك انا هناديلك اهلك تشوفهم دققتين
ليلي للممرضه:لو سمحتي نادي علي اهله يجو يطمنو عليه
خرجت الممرضه ونادت اهل علي وجم كلهم يجرو عليه
الممرضه:اربع اشخاص بس يجماعه
مؤمن:ارجوكي وانا كمان والله ماهطول
الممرضه:اتفضل معاهم
دخل الحاج محمود والحاجه منال وعماد ونهي ومؤمن اول ماشافوة عنيهم دمعت وليلي بعدت عن علي ووقفت قصادة من بعيد ومامته بقت تبوس دماغه وتطبطب عليه هي وبباه ونهي كمان وكلهم متأثرين بمنظر علي
الحاجه منال:الف حمد وشكر ليك يارب الحمد لله ياعلي
نهي:حمدلله علي سلامتك ياحبيبي
الحاج محمود:الف حمد والف شكر ليك يارب
عماد:موتني عليك من الخوف ياعلي
مؤمن:مكنتش هسامح نفسي لو جرالك حاجه ياصحبي
علي:انا فين
الحاجه منال بدموع:في المستشفي ياحبيبي
علي :امال حور العين دي مين ياماما انا في الجنه ياماما وضحك براحه وشاور علي ليلي????
