Uncategorized

نوفيلا نكهة حبك الفصل الخامس 5 بقلم إيمان العطار

نوفيلا نكهة حبك الفصل الخامس 5 بقلم إيمان العطار
نوفيلا نكهة حبك الفصل الخامس 5 بقلم إيمان العطار

نوفيلا نكهة حبك الفصل الخامس 5 بقلم إيمان العطار

كانت تلك الليله كانت من اصعب الليالي علي الاثنين ريماس ومروان فريماس باتت ليلتها تبكي علي قصه حبها التي لم تبدأ بعد وعلي بعدها عن مروان وعلي حبها الذي لم تجد له مقابل كما تظن!!!!
اما مروان فتعلق بريماس كثيرا وبوجوده معها في نفس المكان فكيف سيتحمل بعده عنها وتلك الغبيه تظن انه كان يتحدث عن مريم. لم تلاحظ اهتمامه بها جنونه بها وغيرته عليها ولكنه سيوضح لها سؤ الفهم قبل سفره.
***********” ‘************
في الصباح الباكر في اليوم التالي
نزلت ريماس باكرا حتي تهرب من المنزل هذا اليوم الصعب عليها..
كان مروان ينتظرها في مدخل العماره وما ان لمحته واقف في المدخل امامها قررت تجاهله وتكمله طريقها
ولكن وقف مروان امامها وسد عليها طريقها
__ ممكن توسع عايزه اعدي كده هتاخر
__ تتاخري علي ايه دي الساعه لسه ٦ انتي رايحه فين بدري كده يا هانم اوعي تكوني فاكره علشان انا مسافر خلاص هتطلعي وتدخلي براحتك لا انا هتابعك يوم بيوم
__ انت مجنون عقلك ده سليم يعني وانت مالك بيا اصلا
ما تروح تتحكم في الهانم بتاعتك وفكك مني
مروان بضحك علي عصبيتها وغيرتها
__ ما هو انا بعمل كده فعلا تخيلي
__ بتعمل ايه
__ بتحكم في الهانم بتاعتي بس مش هفكني منك
__ ودا ليه بقي ان شاء الله
اقترب منها مروان قليلا ونظر لها بعشق ووله وتحدث وهو ينظر الي عينيها مباشره..
__ علشان انتي الهانم الي خدت قلبي ولخبطتني من يوم ما جيت ..، ريماس انا مش عارف انتي عملتي فيا ايه لخبطتيلي كل حسباتي خلتيني كارهه السفر مع ان احلامي وطموحي كلها هناك. خلتيني عايز افضل جنبك مش عايز ابقي في مكان انتي مش فيه
كانت ريماس تستمع الي كلام مروان ومعالم الصدمه واضحه علي وجهها هل هذا ما تستمع اليه حقيقي ام في مخيلتها
تحدث ريماس باندفاع
__ انت يا بنأدم استني هو انت بتقول ايه علشان انا مش فاهمه حاجه
تحدث مروان بضحك… ههههه اقولك تاني ماشي بحبك يا ريمو
__ انت جاي تهزر وتشتغلني علي الصبح يا مروان
__ انت غبيه يا بت ههههه اقسم بالله غبيه.
__ متغلطش واحترم نفسك.. انت مش سامع نفسك انت مش كنت معجب بمريم امبارح يبقي ازاي بتحبني النهارده بقي
__ هههههههههه اقسم بالله غبيه هو انا كنت قولتلك اني معجب بمريم
ردت ريماس باستغراب
__ لا مقولتش
__ امال حضرتك افترضتي كده وصدقتي افتراضك
__ الله ما انت كان شكلك كده معجب بيها وانا ايه عرفني
__ متعرفيش يبقي متفكريش تاني.
__ مروان هو انت قولت ايه من شويه علشان انا فعلا مش مجمعه حاجه خالص
__ بحبك يا ريمو
وضعت ريماس يدها علي وجهها وكادت ان تنفجر من حلاوه تلك اللحظه لحظه اعترافه لها تمنت ان تحتضنه وتعبر له عن ما تحمله بداخلها له ومن اجله هو فقط
ظلت واقفه علي حالها مده طويله لم تستطع ان تبدي اي رد فعل من كثره المشاعر بداخلها في تلك اللحظه
ترك لها مروان فرصتها في استيعاب الموقف واستيعاب اعترافه لها بمشاعره ثم تحدث بصوت مرتفع حتي يخرجها من حاله الصمت تلك
__ انتي يا بت نمتي وانتي واقفه ولا ايه
رفعت ريماس يدها عن وجهها الذي كان محمر وعلي وشك البكاء وتحدثت بعصبيه
__ انت ازاي تعمل كده
__ عملت ايه يا مجنونه
__ انت جاي تعترفلي بحبك علي السلم الساعه ٦ الصبح
__ هههههههه تصدقي انا غلطان علشان طيارتي كمان كام ساعه وانا صاحي من الفجر قاعدلك علي السلم ما كنت سبتك تاكلي في نفسك سنه كمان لغايه ما ارجع
__ اكل في نفسي طب امشي بقي من وشي علشان مش طيقاك كلك علي بعضك كده
__ ما تهدي بقي يا بت احسن والله العظيم اهديكي بطريقتي وانتي حره
__ طريقه ايه لا لا خلاص هديت اهوه
__ ولا تحبي تشوفي طريقتي جربي مش هتندمي
__ مروووووان اتلم
__ قلب مروان..، هتلم مؤقتا بس بعد كده ليا كلام تاني
وبعدين انتي مش عاجبك الاعتراف الي علي السلم
__ ههههههه يعني مش قوي
__ خلاص يا ستي ليكي عندي اعتراف في باريس تحت برج ايفل وليله عمرك ما هتنسيها في حياتك
__ هو انت بتتكلم جد
__ يخربيت كده ايوه يا حجه جد والله
__ حجه تااااني
__ هههههههه شوفتي بقي اخرتي وقعت في حب الحاجه
وما ان تذكرت انه سوف يسافر ويتركها بعد هذا الاعتراف الذي احيا قلبها واحيا مشاعرها فبدأت في البكاء
__ مروان هو انت خلاص ماشي
اقترب منها مروان وبدأ يزيل دموعها بيده
__ لا مش عايز اشوف دموعك خاالص. كلها كام شهر وهتلاقيني عندك هنا تاني ومش هرجع غير وانتي معايا خلصي انتي بس السنه دي. وهكلمك كل يوم تمام
حاولت ريماس التحكم في نفسها امامه قليلا
__ طب هو يعني ينفع ما اتسافرش
__ ههههه لا مش ينفع ما اسافرش تفتكري لو كان ينفع كنت سافرت وسيبتك اصلا ولا البعد سهل عليا.. بس اوعدك البعد مش هيطول. كفايه دموع بقي انا المفروض دلوقتي اكون جهزت علشان امشي ومش عايز اخر حاجه اشوفها دموعك
__ لا خلاص انا تمام روح انت بقي جهز نفسك وانا انا هطلع فوق .. خلي بالك من نفسك ومتتاخرش
__ حاضر وانتي كمان خلي بالك من نفسك واوعي في يوم اتصل عليكي ومترديش فاهمه
__ اووووك انا هطلع بقي وانت ادخل بقي علشان متتاخرش
__ ماشي
تحركت ريماس من امامه ببطئ واستدارت حتي تعود لشقتهم مره اخري ولكن قبل ان تبتعد امسك مروان بيدها فالتفت له فاصطدمت بنظراته العاشقه
ضغط علي يدها ونطق بصوت ملئ بالمشاعر والدفئ
__ بحبك
ثم ترك يدها فابتسمت له وكادت ان تغادر فناداها مره اخري
__ ريماس هو انا ينفع احضنك
__ وحياه طنط. عايز تعمل ايه
__ احترمي نفسك يا بت وغوري من وشي مش عايز حاجه
__ ااه كده لم نفسك انا ماشيه
__ طب مش هتقولي حاجه قبل ما تمشي
__ خلي بالك من نفسك
__ بسكدا
__ ااه بس كدا وادخل بقي احنا بالنظام ده هنفضل واقفين علي السلم يومين ولا هتسافر ولا غيرو
__ طيب يا لمضه اطلعي يلا احسن لحظه كمان ومش همسك نفسي واحضنك
__ طلعت خلاص
وفرت من امامه هاربه وهو يضحك علي تصرفاتها الطفوليه وخوفها من تهديده
***’***************************
مر ست شهور بعد سفر مروان الي فرنسا قويت العلاقه بينه وبين ريماس كثيرا اصبح يحادثها يوميا بدون انقطاع اصبح عالمها ملئ حياتها بالحب والاهتمام تعلقت به كثيرا وتعرفت عليه اكثر…
انهت ريماس سنتها الدراسيه وظهرت نتيجتها ونجحت بتقدير جيد جدا فرحت كثيرا واول شئ فعلته انها اتصلت فورا علي مروان لتخبره
تحدثت ريماس بصوت هادئ حتي لا يظهر الحماس في صوتها
__ مروان انا نتيجتي طلعت.
__ ها وعملتي ايه
سكتت ريماس قليلا
__ ريماس في ايه ما تقولي علطول
__ انا نجحححححت
__ وقعتي قلبي يا حجه الف ملييون مبروك يا قلبي
__ الله يبارك فيك
__ يلا اطلبي الي انتي عايزه وبكره الصبح يكون عندك
__ بعني اي حاجه اي حاجه
__ ايوه اي حاجه نفسك فيها اتمني بس
__ انت
__ انا ايه
__ ههههه انت تكون عندي بكره الصبح
__ ههههههههه لو فعلا عايزاني اجي هاجي بس دا ميمنعش انك لازم تتكافئي علي نجاحك
__ والله انا قولت الي عندي هي دي الهديه الي انا عايزاها
__ انتي بتتكلمي جد فعلا عايزاني انزل
__ انا قولت الي عندي
__ اممممم اوك مستعد انفذ جداا واول ما تفتحي عيونك تلاقيني قدامك بس بشرط اول ما اشوفك اسمع منك كلمه واحده مستنيها منك بقالي ست شهور
__ لا خلاص متجيش
__ ههههههه براحتك يا ستي الناجح يدلع براحته من غير ما تقولي انا اصلا برتب اموري وفي اقرب فرصه هتلاقيني عندك اصلا وحشتيني جداا ومش قادر استحمل
__بجدد هتنزل الله
__ اهو علشان الفرحه الي في صوتك دي مستعد اعمل اي حاجه يلا بقي هقفل دلوقتي بس تروحي علطول واول ما توصلي كلميني علطول
__ اووووووك
عادت ريماس الي المنزل وهيا في قمه سعادتها
ريماس بصوت يملؤه السعاده والحماس…
__ ياماما يامامااااا
__ ايه في ايه جيت اهوه
__ باركيلي يا ماما انا نجحت
__ الف مليون مبروك يا قلبي تعالي في حضني
ارتمت ريماس في حضن والدتها
__ واخيرا يا بنتي الحمد لله كده مش فاضل غير اطمن عليكي في بيت جوزك مع راجل يصونك ويستاهلك
__ ايه الكلام ده يا ماما لسه بدري مش عايزه اتجوز دلوقتي انا عايزه اشتغل في دماغي حاجات كتير عايزع اعملها
__ يا حبيبيتي وماله اشتغلي واعملي كل الي انتي عايزاه وانتي في بيت جوزك بصراحه في موضوع كنت عايزه افاتحك فيه بقالي فتره بس كنت مأجله لما تخلصي بس خلاص جه اوانه دلوقتي
__ موضوع ايه يا ماما قلقتيني
__ كل خير يا حبيبتي خالد ابن خالك طلب ايدك مني بقاله مده وانا قولتله هفتح معاكي الموضوع لما تخلصي واناي خلاص خلصتي وانا شايفه انك انتي وخالد لايقين علي بعض ومتفاهمين سوا جداا
اصيبت ريماس بصدمه من كلام والدتها وتحدثت بذهول
__ خالد ايه يا ماما استني بس خالد ده زي اخويا مش اكتر
__ اخوكي دا ايه مفيش حاجه اسمها كده انا شيفاه مناسب جدا
__ لا طبعا مش مناسب انا مبحبوش ومش هتجوز كده انا
__ انتي في دماغك حد صح انا احساسي عمره ما يخيب
__ بصراحه يا ماما متعودش اكدب عليكي ايوه في حد
__ ااه ومين ده بقي
__ هو حد انتي عرفاه كويس وبتحببه كمان
__ الي هو مين
__ احم مم مروان ابن عمي
__ اااه مروان زي ما توقعت
__ يعني ايه يا ماما
__ يعني تشيلي مروان من دماغك خالص انا مش هجوزك مروان
__ ايييييه ايه الي انتي بتقوليه ده يا ماما يعني ايه اشيله من دماغي انا ومروان بنحب بعض
__ والله الي عندي قولته انتي ومروان لا
وتركتها وغادرت بعد ان نزل علي قلب ريماس ذلك الكلام كالصاعقه فاخر ما توقعته هو معارضه والدتها جوازها من مروان فلا يوجد سبب للرفض ولكن بالتاكيد وراء رفضها سبب قووي ولابد ان تعرفه فهيا لن تتخلي عن حبها لمروان بتلك السهوله في سبيل ان تتزوج باخر…. ????
ذهبت ريماس الي غرفه والدتها مره اخري حتي تعرف سر موقفها ورفضها لمروان، استأذنت ودخلت وجلست بجوار والدتها علي الفراش
امسةت ريماس يد والدتها وقبلتها ثم تحدثت بهدؤ
__ ماما حبيبتي اناي عارفه اني مليش غيرك في الدنيا وانا مقدرش علي زعلك بس انا متعودتش منك علي كده انتي كل حاجه سيبالي حريه الاختيار فيها جايه علي قلبي يا ماما وتجبريني
اخذتها والدتها في احضانها واخذت تملس علي شعرها بحبان
__ انتي عارفه يا ريمو انا مليش غيرك في الدنيا ومش عايزه غير مصلحتك والحاجه الي هتسعدك علشان كده انا خايفه عليكي من مروان مروان مبيحبكيش انا واثقه من كده وجوازه منك ده لغرض تاني
يتبع..
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية دموعها ملاذي للكاتبة مريم حسني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى