Uncategorized

رواية مشاعر متضاربة الفصل الخامس 5 بقلم حورية

 رواية مشاعر متضاربة الفصل الخامس 5 بقلم حورية

رواية مشاعر متضاربة الفصل الخامس 5 بقلم حورية

رواية مشاعر متضاربة الفصل الخامس 5 بقلم حورية

خرجت من الاوضة بتاعت المستشفى و فضلت ماشية في الممر لحد ما شوفت خيال محمد على اوضة روحت بسرعة وفتحت باب الاوضة و يارتني ما فتحته شوفت اسوء منظر ممكن اشوفه في حياتي عمري ما كنت اتمنى اشوف المنظر ده اول ما فتحت الباب شوفت اسر و محمد في نفس الاوضة و حواليهم اجهزة كتير اوي الي قطع صدمتى و حولها لاضعاف الصدمات لما جهاز القلب بتاع محمد صفر نتيجه وقف نبضات القلب وقتها افتكرت الحلم لما محمد قالي ان وقته خلص ازاي لا محمد مش هيسيبني دخلت الاوضة بسرعة و قعدت اهز فيه جامد و اصرخ لحد لحد ما الدكاترة جم و خرجوني و قعدوا يعملوا محاولات كتير علشان قلبه ينبض تاني كان جسمه كل ما يتنفض كان قلبي بيتنفض معاه منظره كان صعب اووي يعني يارب يوم ما الاقيه و اعرف انه عايش يمو… لالا هو مماتش هو عايش محمد قلبه رجع ينبض تاني الحمدلله يارب الحمدلله كل الي حصل ده و انا ايديا عماله تسقط دم علشان شديت الكانولا من ايدي جامد و اتجرحت الدنيا بقت تلف بيا و خلاص معتش قادرة كفايا صدمات بقا لحد كده وقعت على الارض و كان اخر حاجه شوفتها هي ملاك و هي طالعة تجري عليا بخوف اي ده ملاك خايفة عليا ازاي و من امتى. 
__________________________
ملاك:-
اول ما شوفت كايلا وقعت على الارض محستش بنفسي غير و انا بجري عليها علشان الحقها انا بعد ما عرفت الي هي عملتوا معايا علشان متأذاش من ساعتها بس عرفت مين فعلا الي بيحبني بجد هي متستهلش كل الكره الي كان في قلبي ليها ده. 
__________________________
كايلا:-
كنت حاسة بكل حاجه حواليا عياط ملاك و محمد، محمد كويس بس ازاي اكيد تهيؤات. 
محمد بدموع: امتى بقا تفوقي يا كايلا وحشتيني اووي. 
انت وحشتني اكتر والله انت مش متخيل كان وحشني صوتك قد ايه انا سمعاك و حاسة بيك بس مش عارفة اتحرك مش قادرة افتح عيني حتى.
ملاك بدموع: يلا يا محمد نروح احنا علشان نسبها ترتاح. 
لالا متروحوش خليكوا معايا علشان خاطري ياريت لو كنتوا سامعني و حاسين بيا زي ما انا سمعاكوا.
محمد:انتي مش هتقولي لي في ايه، ليه معاملتكوا معايا كده و ليه انتي اتغيرتي معايا و بعدتي عني اكتر ما كنتي بعيدة.
ملاك:-مفيش حاجه يا محمد اتغيرت.
محمد:لأ فيه طب ممكن تقولي ليه بتقعدي في البيت بالطرحه.
ملاك: عادي ببقا سقعانه.
محمد:سقعانه في الصيف يا ملاك.
ملاك:بص يا محمد انا مش هقول لك حاجه اسأل باباك لو قالك حاجه وقتها بس هقول لك كل الي انت عايز تعرفه.
محمد:يعني هو في حاجه مخبياها و بعدين ايه باباك دي كمان هو بابايا لوحدي.
ملاك بتوتر: قصدي بابا و مفيش حاجه مخبياها يلا نمشي يا محمد.
محمد كان هِنا بجد مش بتهيألي بس من كلاموا معنى كده انهم مقالوش ليه الحقيقة طب و اسر بقا كويس ولا لا و بابا الحقيقي عرف ولا لسة عايزة اقول لهم اني سمعاهم مش عايزاهم يعيطوا كده عايزاهم اقوياء بيا او من غيري.
_______________________
ماجده (عمه محمد): عامله ايه مع محمد يا سارة انا عوزاكي تقربي منه على قد ما تقدري و اهي فرصة كايلا في غيبوبة حاولي تقولي ليه على الحقيقة و انهم مش اخواتوا انا عارفة انهم لسة مقالوش ليه الحقيقة. 
سارة: يا ماما محمد مش مديني فرصة اقرب منه اصلا و لو قعدت معاه لوحدنا مش بيتكلم و لو حاولت افتح معاه مواضيع بيقلب الكلام و يقعد يتكلم عن كايلا اعمل ايه يعني. 
ماجده: يخرب بيت كايلا دي تحسيها عملالوا عمل بس بيحبها زي اخته يعني هو ميعرفش الحقيقة لسة انها مش اخته لو عرف الوضع هيتغير حاولي تقولي له. 
سارة بتوتر: ما هو! 
ماجده: ما هو ايه؟!
سارة: هو و هو لسة في المستشفى الدكتور قال انه بيحس بكل حاجه حواليه فأنا بقا يوم خطوبة ملاك روحت و قولت له كل حاجه.
ماجده: ادعي عليكي بأيه يا بعيده هو اكيد دلوقتي عارفة انها مش اخته.
سارة: طب انا ذنبي ايه ما انا بعد ما قولت له عرفت انه بيحس بكل حاجه حواليه.
ماجده: ملكيش ذنب خالص و كبعا قولتي ليه كل حاجه.
سارة: لا بتهيألي مقولتش اني مش بحب كايلا و بمثل عليها الحب و اني بحبه هو و انك عايزاني اتجوزة علشان ورثة بتهيألي مقولتش كدا.
ماجده: ما هو ده الي كان ناقص يا ميلة بختك يا ماجده ربنا ابتلاكي بواحده معتوهه حسبي الله.
____________________________
محمد:بابا ممكن اتكلم مع حضرتك شوية.
كمال: اه طبعا اقعد يا ابني.
محمد: هو في حاجه انتوا مخبينها عليا.
كمال: لية بتقول كدا.
محمد:حضرتك مش شايف تعامل ملاك معايا ازاي… دي بتقعد في البيت بالطرحه من امتى التدين ده ده كانت بتلبس الطرحه في الشارع بالعافية … انا عارف بردوا ان ملاك مكنتش قريبة مني زي كايلا بس مش لدرجه تقعد في البيت بطرحه انا اخوها.
كمال:انا مش هعرف اخبي عليك اكتر من كدا يا بني.
محمد:تخبي ايه؟؟!
كمال: ملاك و كايلا مش اخواتك يا محمد انت والدتك توفت و هي بتولدك.
محمد: ازاي امال مين دول.
كمال: نعمه(والده ملاك و كايلا) انا اتجوزتها بعد وفاة والدتك ب3 سنين و كان معاها ملاك و كايلا.
محمد: ازي و هما في شهادة الميلاد مكتوبين بأسمك؟!
كمال بحزن: انا كنت على علاقة بنعمه قبل ما اتجوز والدتك و لما اتجوزت والدتك علاقتنا استمرت برضوا و والدتك عرفت ان انا على علاقة بواحده تانيه قبل ما تولد بساعات و دلخت العمليات و مقلتليش انها عرفت و بسبب زعلها مني و بالإضافة انها كان عندها ارهاق من الحمل دخلت العمليات مخرجتش خرجت انت مكانها و كانت وصيتها اني اتحوز الي كنت على علاقة بيها علشان ترتاح في تُربتها لانها كانت مفكره ان نعمه انسة مكنتش تعرف انها كمان متجوزة و بعد وفاة والدتك ب 3 سنين قررت انفذ الوصية و اتجوز نعمه و نعمه بقا لما جوزها عرف انها كانت على علاقة بيا و  هي متجوزاه  طلقها حتى مهتمش لبناته لانه كان مفكرهم مش بناته حتى مدورش على اي حاجه تثبت انهم بناته و قعدا 3 سنين من غير شهادة ميلاد لحد ما اتجوزتها و سميتهم على اسمي و كانوا عندي و هيفضلوا بناتي الي مخلفتهمش.
محمد:-
انا مكنتش مصدق سارة لما جاتلي المستشفى و قالت لي انهم مش اخواتي بس دلوقتي اتأكد و لسة اما اتأكد من حكاية اسر ده ال ايه بيخطب ملاك و بيحب كايلا و بعدين انا من ساعة ما فوقت ما شوفتوش خالص و لا جابوا سيرته حتى في الكلام … و امي، امي ماتت بسبب بابا بسبب زعلها منه يعني لولا كدا كان زمانها موجوده معايا دلوقتي و مامت ملاك و كايلا هي السبب في الي حصلي ده.
محمد: انا عايز ازور امي.
كمال:دلوقتي يا بني الساعة 12 نص الليل خليها الصبح و ابقا اروح معاك.
محمد: ممكن اسألك سؤال.
كمال: اسألتك كترت يا محمد اسأل.
محمد: من يوم ما اتجوزت عمرك فكرت في امي او زورتها  او دعيت لها بالرحمه حتى.
كمال بحزن: امك عمرها ما راحت من بالي يا محمد ابقى بكدب عليك لو قولت لك محبتها انا حبيتها لا انا عشقتها انا عاشرتها سنتين و كانوا احلى سنتين في حياتي مشوفتش في اخلاقها و حنيتها و جدعنتها كان ست عظيمه بمعنى الكلمه و كانت شايلة اسمي و صيناني عمري … عمري ما نسيتها و هنساها يا بني امك ست متتعوضش. 
كمال: انا اتجوزت تاني علشان دي كانت وصية امك الله يرحمها مش عشان انا عايز اتجوز انا معرفتش قيمه امك غير لما ماتت كانت شايلة عني كتير عرفت قيمتها بجد لما اتجوزت تاني ياااااااه مينفعش اصلا المقارنة ربنا يرحمها يارب امك مفارقتش صلاتي بدعيلها في كل صلاة و بروح لها كل اسبوع يوم الخميس بقعد اكلمها امك ست ولا كل الستات … وحشتني اووي نفسي لو الزمن يرجع و اعوضها عن كل دمعه نزلت منها بسببي وحشني حضنها الدافي الي بترمي فيه بعد تعب يوم طويل امك تعبت معايا اووي و انا تعبان من غيرها اووي. 
محمد بدموع: تصدق انا حبيتها من الدقتين الي اتكلمنا عنها فيهم دول بس تصدق يا بابا انا طول عمري ماكنتش مستريح لمراتك كنت بحسها بتكرهني كانت دايما تشوف اي الحاجه الي بحبها و تحاول تبعدها عني حتى كايلا كانت بتحاول تبعدها عني بكل الطرق… 
طق…طق…طق
كمال: ادخلي يا حبيبتي ده محمد محدش غريب. 
ملاك بدموع و وجهها في الارض: هو انا يعني. 
محمد مسح دموعه: اتكلمي يا ملاك مالك انتي بتعيطي انا عرفت كل حاجه اتكلمي. 
ملاك بدموع: هو انا ينفع اقول لك يا بابا بدل استاذ كمال. 
كمال: اخيرا حنيتي تاني. 
ملاك ذهبت جلست بجوار كمال ثم قالت بدموع: انا محتجالك اووي انا مفيش حد جنبي انا لوحدي من يوم ما كايلا دخلت في غيبوبة و انا حاسه ان انا لوحدي مفيش حاجه بتسندني و تخليني اكمل غير مذكرات كايلا كأنها كانت حاسة بيا كايلا بتحس بكل حد حواليها و بتقدره و انا مبحسش بحد حتى بيها انا كنت انانيه اووي و مكنتش بفكر غير في نفسي تعرف انا حبيت اسر اووي كنت عايزاه جمبي و كايلا مش هنا بس هو كمان في غيبوبة وحشوني اووي حتى بابا مش معترف ان انا بنته و مش مصدق حتى مش عايز نعمل تحليل عشان يتأكد هو مش هامه  … انا بعدت عن صحابي كلهم محدش وقف جمبي كل اختياراتي غلط في غلط مكنش في حاجه صح في حياتي غير كايلا حتى دي كمان ضيعتها من ايدي انا من غيرها هي و اسر ولا حاجه اسر كان بيحميني من طيشي و تهوري انا عايزاهم جمبي و رحمه طنط قمر ادعيلي ربنا يسامحني و ميعاقبنيش فيهم انا عملت حاجات كتير اووي وحشة في حياتي ادعيلي يسامحني … حتى امي انا مش فارقة ليها انا تعبت اووي انا حتى فكرت اروح لمامت اسر بس هي مش بتحب ماما اكيد مش هتحبني انا عارفة ان حضرتك مش بتحب ماما بس انت الي ربتنا و عمرك ما عاملتنا وحش على عكس ماما معاملتها مع محمد كانت وحشه و مش مع محمد بس معانا كلنا لدرجه اني شكيت انها مش امي بس اخر حاجه هقولها بالله عليك ادعيلي علشاني انا مش علشان خاطر ماما لو كان ليا عند حضرتك خاطر ادعيلي ربنا ميعقبنيش في كايلا و اسر. 
كمال: حلفتيني بالغالية يا بنتي الله يرحمها انتي في مقام بنتي يا ملاك ربنا يهديكي و يهدينا. 
محمد/
 بابا اخدني انا و ملاك في حضنه عشان يطمنا و احنا صغيرين كان بيعمل كدا بس ناقصنا كايلا … ملاك بتحب اسر كتير شكلها بتحبه اووي هتتخدع فيه لما تعرف انه بيحب كايلا مش عارف سارة عرفت منين بس ادام كل الي كانت قالته في المستشفى طلع صح يبقى جت على اكيد برضوا صح. 
______________________
الممرضة: حمدلله على السلامه. 
كايلا: اي الي حصل و انا هنا من امتا. 
الممرضة: انتي هنا بقالك ست شهور في غيبوبة. 
كايلا: اسر و محمد كويسين. 
الممرضة: مين دول الي جم معاكي في نفس اليوم. 
كايلا: اه اه هما
الممرضة:في واحد فيهم خرج من شهرين و التاني اهله جم اخدوه في مستشفى تانيه بعد اسبوع.
كايلا:يعني هو بقا كويس.
الممرضة:هما صمموا ياخدوه و هو لسة في غيبوبة لان الحادثة الي عملها اثرت عليه ده غير انه حاسس بكل حاجه حواليه بس عنده صدمه عصبية شديده مش عايز يقوم منها مستسلم لفكرة الموت.
كايلا بدموع:انا عايزة اشوفه يارب يكون بقا كويس(في سرها) و محمد خرج من شهرين اكيد محمد هو الي خرج لان انا سمعت صوته هو كان هنا.
الممرضة: انتي كويسة يا حبيبتي.
كايلا:اه اه انا كويسة انا عايزة اخرج من هِنا.
الممرضة: الدكتور هو الي هيحدد ثانيه واحده اندهولك.
___________________________
نعمه(والده ملاك و كايلا): انتوا متجمعين كدا ليه خير. 
ملاك: مفيش قاعدين عادي. 
نعمه: اصل غريبة اول مرة اشوف ملاك قاعده معاكوا. 
ملاك: غريبة لية يعني. 
نعمه: ما غريب الا الشيطان يلا الاكل جاهز. 
محمد: احنا اكلين ايه؟! 
نعمه: رز و بيض و بطاطس. 
محمد: بس حضرتك عارفة اني عندي حساسية من البيض. 
نعمه:  ده الي عندي مفيش غيرة اي الدلع الماسخ ده. 
محمد بيأس: طيب. 
ملاك: بس انا بقا مش اكله الاكل ده.
نعمه……………… 
يتبع….. 
لقراءة الفصل السادس : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت طفلتي للكاتبة مروة جلال

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى