Uncategorized

اسكريبت حتى النهاية الفصل الخامس 5 بقلم بسملة محمد

 اسكريبت حتى النهاية الفصل الخامس 5 بقلم بسملة محمد

اسكريبت حتى النهاية الفصل الخامس 5 بقلم بسملة محمد

اسكريبت حتى النهاية الفصل الخامس 5 بقلم بسملة محمد

مالك:يعني احنا متكلمناش بقالنا سنين ايه حوار التليفون ده بقي
ملك بصدمة:انا.. انا عايزة اروح ل امنية
مالك:امنية مين
ملك:امنية صاحبتي هروحلها
مالك:طب استني هوصلك
ملك:لا لا انا هروح لوحدي
مالك:مفيش حاجة اسمها هروح لوحدي قومي يلا هوصلك
” نزلنا من البيت وركبنا العربية وانا عمالة افكر هو اخويا فعلا ولا لا..وصلت عند امنية ونزلت من العربية قبل ما يتكلم معايا او يقول حاجة طلعت العمارة وخبطت علي امنية”
امنية:الحمار اللي بيخبط خلاص جاية
ملك:حمار اما ياكلك يا شيخة افتحي يا مهزقة
امنية وهي بتفتح الباب:شكرا يا حاج
ملك:سيد عيب ماتقولش كدة احنا أهل
امنية:ايه اللي جابك بقي
ملك:تقريبا كدة مالك مش اخويا
امنية:انا عملت صنية كنافة تحفة تتدوقي؟
ملك:بت انتي عبيطة
امنية:انا اللي عبيطة برضوا يعني انتي فايقة وجاية تهزري عايزانى اقولك ايه
ملك:بس انا مبهزرش
امنية:لا استنى كدة بقي واحكيلي كل حاجة من الاول
                    “بعد نص ساعة”
ملك:بس يا ستي ده كل اللي حصل
امنية:طب مش ممكن يكون قالك كدة فعلا عشان ترجعي تعيشي معاه
ملك:طب لو كلامك صح يبقى ليه مالك قالي كدة لما سألته ع التليفون
امنية:طب ما انا عندي حل حلو اوي
ملك:ايه هو
امنية:انتي ممكن تعملي تحليل Dna وتعرفي هو اخوكي ولا لا
ملك:صاحبي العبقري
امنية بغرور:عيب عليكي انا مش اي حد برضوا
ملك:طب يا أستاذة ذكاء هعمل كدة ازاي من غير مايشك في حاجة
امنية:انا هقولك تعملي ايه…. 
_______________في مكان مجهول______________
مالك بعصبية:يعني ايه هنأجل الصفقة
ادهم ببرود:زي ما سمعت الصفقة هتتأجل لحد ما نعرف مين الخاين اللي بينا
مالك:طب هنأجلها قد ايه
ادهم:مش هقدر اقولك حاليا مش يمكن تتطلع انت الخاين 
مالك:اسمع ياباشا انا مش الخاين ولما تكتشف ده بقى هتدفع كتير اوي عشان ترجع الثقة بينا تاني
ادهم:انت بتهددني
مالك:انا مش بهدد حد ده حقي سلام يا باشا
_______________في بيت ملك_____________________
مالك:ملك انتي هنا
ملك وهي بتخرج من المطبخ:ايوة انا هنا.. انت كنت فين
مالك:كنت مع صحابي.. ايه بتعملي ايه
ملك بتوتر:انا بعمل عصير استنى هجبلك كوباية
مالك:لا مش قادر
ملك:لا ما انا مش باخد رأيك ولو مشربتش انت حر
مالك:هاتي جتك القرف
ملك بأبتسامة مستفزة:اشرب
“مالك شرب الكوباية كلها وبعدها بدقايق بدأ يحس انه عايز ينام وفجأة وقع ع الكنبة نايم”
ملك:ايه ده هو مات ولا ايه الله يخربيتك يا امنية ياريتني ما سمعت كلامك
“جبت الحقنة واخدت عينة من دمه واخدت شنطتي ونزلت من البيت قابلت امنية”
امنية:ها عملتي ايه
ملك:اخدت العينة وربنا يستر.. المهم انتي ضامنة دكتور احمد ده
امنية:يابنتي بقولك ابن خالتي وخطيبي المستقبلي يعني متقلقيش خالص
ملك:والله انا مش خايفة غير منكوا انتو الاتنين
امنية:عيب عليكي
ملك:طب يلا عشان الحق اروح قبل ما يفوق من المنوم
                     ” بعد ربع ساعة”
امنية:خد يا احمد العينات اهي
ملك:هي التحاليل هتطلع امتى
احمد:يعني هو المفروض اسبوع او اتنين ويكمل وهو بيبص لامنية:بس عشان خاطر امنية بس استنوا لبكرا وأمنية تبقى تيجي تاخد النتيجة
ملك:طب تحبوا اجيبلكوا اتنين ليمون وشجرة؟
ما تتلمي يابت انتي وهو.. يلا يا امنية عشان نمشي
“روحت البيت ولاقيت مالك نايم ع الكنبة زي ما هو غطيتوا وسيبتوا ودخلت اوضتي وانا بفكر هعمل ايه لو ماطلعش اخويا؟ نمت عشان اهرب من أفكاري وصحيت على صوت تليفوني”
ملك:ايوة يا امنية
امنية:التحاليل معايا انا جاية دلوقتي
ملك:تمام تمام هستناكي
“خرجت من الاوضة لاقيت مالك خارج من الحمام”
مالك:صباح الخير
ملك:صباح النور
مالك:انا نمت هنا ازاي
ملك بتوتر:ها ااه معرفش انا خرجت من المطبخ لاقيتك نمت مارضيتش اصحيك
” قطع كلامنا جرس الباب”
ملك:دي اكيد امنية استنى هفتح انا
امنية:ازيك يا ملك
ملك الحمدلله
امنية بكذب:خدي الورق بتاع البحث اهو.. همشي انا بقي عشان اتأخرت
ملك:تمام سلام
مالك:ايه الورق ده
ملك:ده بحث للكلية وكدة.. انا هدخل اوضتي بقي
“دخلت اوضتي وانا متوترة.. كنت مترددة افتحه ولا لا وفيه ميلون فكرة بتدور في دماغي لحد ما قررت اني افتحه.. فتحت الظرف وانا خايفة وبدأت اقرأ اللي مكتوب وانا مصدومة وفجأة مالك دخل الاوضة”
مالك:بتعمل ايه
ملك وهي بتحبي الورق ورا ضهرها:ها لا مفيش
مالك:خبيتي ايه دلوقتي
ملك:مخبتش حاجة اطلع برا
مالك قرب منها وشد الورق من ورا ضهرها بسرعة وبدأ يقرأ اللي فيه و….
يتبع…..
لقراءة الفصل السادس : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية حين التقينا للكاتبة شيماء جمعة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى