رواية بريئة في قلب الصعيد الفصل الخامس 5 بقلم شيماء شيري

شهيره:اي مش تعرفنا يا كامل يا  حبيبي

“جميله جدا عيونها ملونه قالبه ع الخضار كدا تبلغ ٣١ سنه جسمها مرسوم رسم بس عليها لسان ودماغ رهيبه هنعرفها مع الاحداث”  

كامل بصوته العالي:دي الهانم مراتي الجديده شهيرة

الكل بانت الصدمه عليه 

انجي:يااااااالهووووووي وقعدت تصرخ وتندب ف حظها وتقول وهي باصه علي كامل لا اااا لالااااا اكيد معملتش كدا فيا ازاي تعمل كدا ها قولي

كامل وهو بيشدها م شعرها:استهدي بالله كدا يا بت الناس وروحي من وشي دلوقتي بدل ماخلي ليلتك دي متعديش ع خير وانا حسابي معاكي بعدين

انجي بصريخ:انا مش هتحرك من مكاني واسيبك انت والحرباية دي ها جايب واحده م الشارع عشان تقعد ف الفله بتاعت ام فريد

*الطمع يا جماعه بيعمل كتير اهم حاجه عند الناس دلوقتي بقيت المظاهر بالفلوس والمكان مش عشان تعيش لا عشان تكبر ف نظر غيرك وهو دا اللي خايفه منه انجي نظرات الناس مش عشان اتجوز لا علشان الناس تقول ازاي هو يتجوز عليا*

شيماء”شيري”

شهيره بغضب مكتوم: طب شايف يا سيد الرجال هي مش عملالك احترام ازاي وعماله تشتم فيا وانا ساكته علشان خاطرك انت بس وتبص علي انجي وتقول علي رأي المثل ما قال لو مخدتهوش القرعه تاخده ام الشعور يا عنيا 

انجي مقدرتش تستحمل وكانت هتمد ايديها علي شهيره بس شهيره بعدت عنها قبل ماتلمسها

كامل بعيون مليانه شر :ااااااااانجي انتي عايزة تمدي يدك علي مراتي وانا واقف حصلت يا بت الأبنودي دانا اللي خليتك مراة ليها قيمه وسط الناس بس والله لخليكي تندمي علي عملتلك دي  جاب السوط بتاع الحصان وضربها بيه وكان كل اللي يحجز يضرب معاها اتجمعت الناس كلها علي الصوت

*في النادي*

معاذ: اي يا سيف عملت اي

سيف :كله تمام يا برنس نزلت رقمها علي مواقع التواصل الاجتماعي وكمان علي المواقع *****بس فاضل الصور ونعمل احلي فوتوشوب ونعرف نهددها براحتنا

ضحكوا هما الاتنين 

معاذ:تبقا توريني هتعمل نفسها شريفه وطاهره ازاي بنت ال ******

*عند بيت كامل *

كامل وباعلي صوت :محدش يدخل بيني وبين حريمي انا راجل بحب الفضايح ومبخفش من حد ولا بخاف من حاجه واللي عايز يجرب شري يقرب مني وهخلي كل الناس تتفرج عليه 

الناس كلها مشيت وخافت من تهديده

انجي بصوت يكاد ان يكون مسموع:ابوس رجلك ويدك خلاص سامحني انا مش هعمل كدا تاني 

كامل وبص لانجي بسخريه وقال لابرار:خديها فوق واقعدي معاها مش عايز اشوف وشها لحد الصبح وبص ع شهيره وانا هطلع مع عروستي الشقه االثانيه 

شهيره بضحكه مايصه:هيهيهيه يلا يا سيد الرجال وتبص علي انجي علشان تدايقها  وتقول دانا هخليك تشوف الدلع اللي ع حق 

ابرار هزت برأسها ليه بمعني الموافقة وقالت ف سرها:ياربي يعملوا المصايب وابرار تتحملها وتقول لانجي يلا ياختي ماهو اليوم باين من أوله اصلا

انجي وهي تتمتم:حسبي الله ونعم الوكيل والله لخليهم يندموا هما الاتنين 

*في بيت سناء*

سناء وعلي وجهها علامات الفرحه :احسن تستاهل اصل هي رافعه مناخيرها للسماء مش عارف علي اي وبصت لمازن اوعي يا مازن تعمل كدا معايا والله اشرب من دمك

مازن:عيب عليكي يا سوسو برضو انا استغني عنك يا جميل     

*يمر الليل علي ابطالنا منهم  من ف حاله حزن ومنهم من ف حاله فرحه ومنهم من يود الانتقام *

كامل:صباحيه مباركه يا ست العرايس 

شهيره بدلع:الله يبارك فيك يا سيد الرجال

يلتقط كامل هاتفه ليهاتف  ابرار  ويخبرها ان تحضر الطعام لهم

ابرار:حاضر،تغلق ابرار الهاتف وتنظر لوالدتها هو اي يا ماما دا احنا هنبقا خدامين لدي كمان ولا اي 

هدي:معلش يا حبيبتي هنعمل اي مكتوبلنا التعب يلا غيري هدومك علشان توديلهم الاكل وتروحي علي درسك

راحت ابرار تودي الاكل فتحت شهيره الباب  بملابسها القذرة دي دا لو كان اللي لابساه اصلا يتقال عنه لبس انا كبنت اتكسفت اوي ونزلت بسرعه م عندها عشان اروح الدرس

*في السنتر بتاع الدرس *

اسماء: اي يابنتي مالك غضب الدنيا مرسوم علي وشك ليه 

ابرار:والله احنا عندنا العجب ف بيتنا مش عايزاني ابقا مكتئبه المهم مش تباركيلي

اسماء بنظرة تعجب:اي اتخطبتي ولا اي!

ابرار:ياستي تفي م بوقك اتخطب اي بس بلا قرف لا ياستي احب اطمنك مش عمي اتجوز هههه

اسماء ببلاهه:ها عمك مين ا؟  

ابرار بضحكه  سخريه:كامل ههه اصل اتجوز التانيه وكان يوم صراحه ميتنسيش 

اسماء:صلاة النبي احسن ازاي كدا 

ابرار:اي هو اللي ازاي زي الخلق 

اسماء:قال علي رأي المثل الفرحه بتعدي علي الناس قدام عنينا واحنا من خيبتنا مبتعديش علينا

ابرار :يخرب بيت أمثالك زفت زيك ههه بس حلوة

اسماء وصلتلها رساله واتوترت

اسماء:طب انا همشي بقا خلاص خلصت وانتي 

ابرار:لا انا هاخد الدرس التاني يالا باي

*في بيت كامل*

شهيره نازله من شقتها ورايحه الدوار تقابلها  سناء

سناء:اهلا بالناس الحلوة وتغمزلها

شهيره بضحكتها المايصه :ههيهيه والله ما في حد غيرك حلو 

سناء بنظرة خبيثه  :شكلنا هنبقا حلوين قوي مع بعض 

شهيره:وماله لو حاجه في مصلحتي مايضرش  يا جميل ههههه

كامل بصوت عالي:جنننه هاتي كوبايه الشاي اخلصي يا بت عشان طالع 

جنه :حاضر يا عمي 

جنه جابت كوبايه الشاي وكانت هتحطها قدامه فجأة وقعت من يدها علي الارض 

كامل بكل عصبيه ضربها وفضل يشتم فيها اي يابت الخدمه

يا زباله مش عارفه تمسكي كوبايه الشاي اتفو عليكي وعلي امك 

هدي:طلعت م البيت علي الصوت واخدت جنه بعد ماخدت شتايم من كامل يا مرآة يا******** 

شهيره :مالك بس يا سيد الرجال متتعصبش   علشان صحتك

كامل:بت ال****مش عارفه تمسك كوبايه شاي

شهيره:وماله انا اجبلك احلي كوبايه  شاي من تحت ايدي

كامل مسك ايديها وباسها:تسلملي يدك يا قمر انت

*في الشارع*

ابرار كانت خلصت وخلاص هتمشي وقفها صوته

معاذ:اي يا قمر ماشيه لوحدك ليه ها ولا عمود النور بتاعك سابك لوحدك  “هي اسماء”

ابرار مشيت ومردتش عليه كل دا وصاحبه سيف بيصور 

معاذ ادايق مسك ايدها وشدها ليه :لما اكون بكلمك عيب عليكي مترديش داحنا حتي كنا حبايب

ابرار شدت ايدها بقوة:ايدك دي لو حطتها عليا   تاني هصرخ والم عليك الناس انت فاهم خليك بعيد عني يا معاذ 

وسأبته ومشيت

معاذ بصوت عالي :مش انا اللي يتقالي لا بكره يجي اليوم اللي تتزلي فيه قدامي يا بت ال***

سيف راح لمعاذ وقله:كله تمام يا برنس والصور عندي 

معاذ:تمام كدا هنشوف مين اللي هيكسب مبقاش معاذ الألفي ان ما وريتك يا ابرار

*في بيت ابرار *

ابرار رجعت البيت وجنه ومحمد معاها وجنه حكتلهم  كل حاجه حصلت النهاردا وهي بتعيط

محمد:متخافيش كله هيتعدل 

ابرلر:اي يا جنتي خلاص بقا ماكلنا بنتهزا وعايشين اهو ولا عشان انتي رقيقه بس وقمر كدا

جنه بضحك:والله انتي اللي قمر ربنا مايحرمني منكم ابدا

ابرار:يلا قومي نتفرج علي مسلسل هندي كدا ونفك شويه

قبل ما يجي الوحش ويطلع عنينا

(الوحش اخد مراته علشان يقضوا شهر العسل وهو كان مانع اي بنت في البيت تتفرج علي مسلسل او فيلم)

جنه:يلا نتفرج علي عميله سريه

وبعد ماتفرجنا وكل واحد راح ينام ابرار صحيت مع الفجر علشان تصلي وقبل ماتصلي فتحت الفون بتاعها لانها

قفلته علشان تعرف تنام تن تن  يعلن عن وصول رساله علي الفون بتاعها واول ما شافت ابرار الرساله….

يا تري اي هيحصل لابرار؟

واسماء كانت متوترة ليه؟

وياتري كامل هيعمل اي؟