رواية حبيبة يوسف الفصل الخامس 5 بقلم مي أمين
 |
| رواية حبيبة يوسف الفصل الخامس 5 بقلم مي أمين |
رواية حبيبة يوسف الفصل الخامس 5 بقلم مي أمين
حبيبة بتوتر : دي دي واحدة صحبتي
يوسف : صحبتك ، اممم طيب
حبيبة بصدمة: أنت بتشك فيا يا يوسف
يوسف : أشك فيكي ايه يا عبيطة أنتِ ،عايز اتكلم معاكي ممكن
حبيبة: مش فاضية بعد اذنك عشان وصلنا
يوسف : هتتعبيني معاكي .
دخلت حبيبة الكلية وحضرت كل المحاضرات اللي عليها وقابلت صحبتها وفي آخر اليوم جات تخرج حد نادي عليها
آنسة حبيبة ؟
حبيبة : أيوا اتفضل
علي : أنا علي معاكي في القسم ممكن أتكلم مع حضرتك
حبيبة : خير
علي : يعني كنت عايزك تعرفيني علي هدي صحبتك ،انا بصراحة معجب بيها وعايز اتقدم بس عايز أعرف رأيها الاول
حبيبة بابتسامة جميلة: أكيد طبعا مفيش مشكلة ، ربنا يوفقكوا يارب
حبيبة !
لفت وراها لقت يوسف
يوسف : مين اللي انتي واقفة معاه دا
علي جه يتكلم بس حبيبة سبقته: دا علي زميلي في الكلية
يوسف : وزميلك يقف معاكي ليه ؟
حبيبة: مفيش كان بيطمن عليا عشان محضرتش امبارح ،انت جاي ليه
يوسف بزعل: جاي ليه ؟؟ جاي عشان اخدك للبيت عشان الوقت اتأخر مش يلا
حبيبة: تمام ، مع السلامة يا علي هبقي أكلمك بليل زي ما اتفقنا .
يوسف : اقدر افهم يعني ايه زميلك وازاي تكلميه بليل
حبيبة: علي عايز يجي يخطبني وانا قلتله هفكر
يوسف: نعمممممم ووقف العربية فجأة
حبيبة: براحة في ايه
يوسف: انتي عايزة تتخطبي ؟
حبيبة: والله أنا قلت هفكر ، ويلا عشان عايزة أروح
في البيت
يوسف : ماما هنروح نخطب سلوي امتي
حبيبة: طيب عن اذنك يا ماما عندي مكالمة مهمة
يوسف : انتي هتقومي وتسيبنا مش عادتك يعني
حبيبة: أصلي عندي موضوع مهم محتاج تفكير بعد اذنك
في الاوضة
حبيبة: يا هدي افهميني ، هو شخص كويس جدا ومحترم وشكله فعلا محترم
هدي: انتي عارفة ان الموضوع مش ف دماغي
حبيبة: معلش اديله فرصة ، ع العموم نتقابل بكرا واحكيلك
تاني يوم حبيبة متجاهلة يوسف تماما ووصلها الكلية ولقاها راحت للمكان اللي فيه علي اتعصب ومشي
حبيبة: علي أنا أسفة جدا علي اللي قلته امبارح
علي بابتسامة: شكلك عايزة تربيه
حبيبة بابتسامة: جدا
علي : وانا معاكي بس تظبطيلي موضوع هدي .
حبيبة: اتفقنا ، يلا بقا نحضر المحاضرات اللي ورانا
الايام بتمر ببطئ علي يوسف اللي مش عارف يتكلم مع حبيبة ،وزعلان من قرب علي منها
حبيبة قريبت جدا من دينا وبقوا اصحاب وبيحكوا كل حاجة لبعض
علي اتقدم لهدي وهي وافقت عليه
في يوم يوسف راح يجيب حبيبة من الكلية لقاها واقفة مع علي وهدي بيهزروا ويضحكوا
يوسف : حبيبة
حبيبة: ايه دا يوسف ، مكنش ليه داعي خالص تيجي علي كان هيوصلنا
علي: أكيد طبعا يا بيبة
يوسف : كتر خيرك يا استاذ يلا يا حبيبة
حبيبة: حاضر، باي يا علي ، باي يا هدى ،وخرجت مع يوسف من غير كلام وركبوا العربية ومشيوا ومرة واحدة يوسف وقف علي جنب بالعربية واتكلم
يوسف: ممكن أفهم هنفضل كدا لحد امتي ؟
حبيبة بلا مبالاه: كدا ازاي يعني مش فاهمة؟!
يوسف: حبيبة متستعبطيش ، عارف اني غلطت في حقك وزعلتك مني وعارف انك من حقك تعاقبيني ، بس مش بالطريقة دي ، بقالك 15 يوم مش بتتكلمي معايا ومتجهلاني .
حبيبة: وأنت مش شايف أنك تستاهل العقاب دا ، عارف انت عملت ايه ؟ أنت حكمت من غير ما تعرف اىحقيقة جيت زعقت لي وقلت لي اني عيلة ودي تصرفات عيال ، عارف اني بخاف من الصوت العالي ومع ذلك عليت صوتك عليا ، كنت عايز تضربني بالقلم مع انك عمرك ما عملتها ، لأول مرة أحس باليتم ، جيت أدور علي بابا اتداري في حضنه ملقتهوش ، كنت علطول بستخبي في ضهرك انت ، بس يومها انتي اللي زعلتني ملقتش حد اشتكيله منك ، عرفت أنت عملت ايه ؟ كل دا بتقوله بعياط وكملت: أول مرة أتمني اني اروح لبابا وماما عشان انت مش موجود
يوسف بصلها بوجع : أنا عملت كل دا ؟ أنا آسف اني سببت لك الوجع دا كله !،غصب عني يا نور عيني ، أنا زعلت لما لقيت عمي بيتريق عليكي وكمان اصحابي كانوا موجودين وقعدوا يتكلموا عليكي ، غصب عني رفعت ايدي عليكي لما لقيتك بتقولي عايزة تمشي من البيت وتسبينا ، قلبي اتكسر لما قلتيلي بكؤهك وبكره أختك ، بنتي اللي مربيها بتكرهني ؟ لحد دلوقتي مش قادر اتجاوز الكلمة دي ولما سمعتك بتتكلمي مع دينا كرهت نفسي أكتر : أنا يا حبيبة أنا بتعامل معاكي شفقة ، اللي بينا دا كله عطف عليكي !
حبيبة: أنت اول مرة تزعقلي في حياتك بدل ما كنت تعرف السبب وتيجي تطبطب عليا ، تعرف كانوا بيقولوا ايه عليا قالوا اني مش بعرف حاجة ومش بعمل حاجة غير في وجود يوسف ، طب ذنبي ايه ما انتي اللي ربيتني وكبرت معاك انت ، اعتمادي عليك بقوا يتريقوا عليه ، بدل ما تعرف وتيجي تطمني وتقولي ملكيش دعوة بيهم واني هفضل معاكي علطول ومش هسيبك جاي عايز تضربني ، هنت عليك ، هانت عليك حبيبة بنتك
يوسف : عمرك ما تهوني عمرك ، دا انتي أغلي الناس علي قلبي،مش عارف عملت كدا ازاي ، أنا لحد دبوقتي لا عارف أكل ولا عارف أنام ولا عارف اشتغل طول الوقت بفكر في زعلك مني وفي عيونك اللي بتعاتبني طول الوقت ، أسف حقك علي قلبي .
حبيبة: انت رجعت تاني يوم ومتكلمتش معايا ولا جبتلي شوكلاتة زي كل يوم ، لما سألتك عن خطيبتك زعقت فيا تاني قدامهم وطردتني من علي الاكل
يوسف: كنت متعصب منك لانك مأكلتيش طول النهار وكمان مكلتيش امبارح ، انتي عارفة ان اي حاجة ملهاش علاقة بالاكل عشان انتي ضعيفة ولازم تتغذي ، بعدها جيت اتأسفلك ماما قالتلي سيبها ومن ومها بحاول أكلمك وانتي مش معبراني ، وكل ما أجيلك الكلية الاقيكي واقفة مع علي والنهاردة جرحتيني لما قلتلي ايه اللي جابك ، للدرجادي مبقتيش طيقاني ، عارف اني غلطت بس عايزك تسامحيني وعمري ما هعمل كدا تاني
حبيبة: ولو مسامحتكش ؟!
يوسف بكسرة: هفضل ندمان طول عمري اني عملت كدا وهخرج من حياتك للابد
حبيبة بدموع: هتسيبني ؟!
يوسف دمعة نزلت من عيونة: لو مش عايزاني وفضلتي مخصماني هقعد هنا أعمل ايه
حبيبة: خلاص مش زعلانة بس متمشيش وتسيبني لوحدي زي بابا وماما ، عشان خاطري يا يوسف ، كفاية انك هتتجوز وتبعد عننا
يوسف : مش هبعد عنك أبدا يا قلب يوسف ، مستحيل أسيبك لوحدك أبدا ، أنا روحي تفارقني ومعملهاش
حبيبة: بعد الشر عليك ، ممكن بقا تجيبلي شوكلاتة كتيرة عشان بقالك كتير مجبتش وكمان عايزة أيس كريم كبير
يوسف : تحت أمر أميرتي ، بس ممكن أشوف ضحكتك اللي غايبة عني بقالها كتير
حبيبة بابتسامة: حاضر
يوسف : أيوا كدا خلي الشمس تنور حياتي .
يوسف جاب لها كل حاجة عوزاها وروحوا البيت فرحانين
يوسف حدد الوقت وراح اتقدم لسلوي ومعاه والدته وفضلت دينا وحبيبة في البيت
دينا: حبيبة
حبيبة بحزن: امممم
دينا : بتحبيه ؟! ….
