رواية غرام العاشق الفصل الخامس 5 بقلم ميرو أحمد

مرو يومين مافيش اي جديد

تاني يوم من رجعة حمادي من الزرده مشا جاب عهود

عهود حس وجهه مش طبيعي

عهود: كنك حبيبي صاير شي امعاك ليش روحت بدري

صح قتلي بتقعدو اسبوع

حمادي ايحاول يخفي توتره : ماقدرتش علي بعدك رايفتلك روحت طول اصلا جوها بايخ الزرده

عهود ابتسمت: تعرف حتي نا خاطري في زرده ع البحر ليا زمان عليها  

حمادي: لو خاطرك فيها توا نحجزو في شالي انا وياك انغيرو جو

عهود: لالا بس امع العيله احلى يبدا فيها جو وهدرزه

حمادي ضحك: شنو انا مش عاجبك ???? 

عهود: مش هكي حبيبي انا قصدي لمه العيله احلى

حمادي: انمرو علي هلي انسلمو عليهم اشويا بعدها انروحو

عهود : تمام زي ماتبي  

حمادي :ولا بكرا احسن بالمره نتعشو عندهم اتحسيها بايخه اخر اليل

عهود: والله عليك انت

حمادي لف وغير طريقه اتجاه الشقه: خلاص انخلوها بكرا بايخه جيه خت فت

عهود:اي

قعدو ايهدرزو لين وصلو الشقه   

عهود رتبت دبشها: حبيبي تبي انديرلك حاجه تاكلها  

حمادي : لالا مانبيش  ماتعبي روحك حبيبتي 

عهود كملت الي في يدها  وخشت جنب حمادي وحضاته

حمادي لف ايديه عليها وتنهد وفي قلبه غصه

عهود: احسن شي درته روحت رايفتلك بكل

حمادي ابتسم وباس راسها: نجك ليا شن درتي في اغيابي  

عهود: شي مافيش جديد لا طلعه ولا خشه امع البنات

حمادي تنهد بتعب :تعبااااان واجد 

عهود انخلعت ورفعت راسها: كنك حبيبي فيش اتحس

حمادي ????????: مضايق بس

عهود قعمزت:  والله حاسه بيك جوك مش حلو من روحت كنك متعارك امع اصحابك ولا شنو

حمادي بحزن ????:انا درت ذنب كبير فحياتي ???? 

عهود مش فاهمه شي: كنك سرقت ولا قتلت ????????  

حمادي نزل راسه بغصه: لالا اكبر من هكي ???????? نبي نمشي العمره انكفر عن ذنبي

عهود ????:حبيبي كنك اتقول هكي شن درت  

حمادي تنهد مسك يدها:حبيبي ارقدي والله ماعنديش نحكي

عهود نزلو ادموعها وجعها حاله:  يعني كبيرا لدرجة ماتقدرش تحكيلي

حمادي مسح دمعتة الي في طرف عينه مش قادر يحكي ولا يتكلم مش قادر حتي ايحط عينه في عين عهود

حمادي: عهود قتلك ارقدي خلاص  

عهود سكتت ما حبت اتزيد عليه رجعت رقدت بس بالها مشغول علي حمادي شن السر الي امخبيه عليها  

الاتنين قعدو ساكتين عهود الي مش فاهمه حمادي شن قصجا في كلامها 

وحمادي الي عكس هدوء الخارجي كان من داخل نار شاعله فيه مش مرتاح قلبه وخايف يخسر عهود بسبب غلطه ???????? 

.

.

.

عهود رقدت مضايقه مجرد ما خفت وخش النوم في اعيونها  جتها صورة حمادي راقد امع امراه تانيه في سريرها والاتنين يضحكو  ناضت مخلوعها تتنفس بالقوه التفت جنبها لقت حمادي راقد تنفست براحه انه طلع حلم حطت يدها علي قلبها ترجف اسمعت أدن الفجر ناضت توضت صلت الفجر وقعدت تدعي لحمادي وليها  طولت هي تدعي  ناصت سلحت الملايا الصلاه وقعمزت علي الصالون وقاعده صورة حمادي والبنت في راسها ???????? قعدت تستغفر لين رقدت في الصاله من غير ما اتحس

الصبح ناض حمادي مالقيش عهود جنبه طلع القيها في الصاله ابتسم نوضها وخش لحمام

عهود دارت فطور وفطرو جميع 

طلع حمادي بيجيب حاجات ناقصه لشقه 

عهود قعدت اتنضف في الشقه بدت في الحمامات حشاكم بعدها خشت المطبخ درتلها تعزيل بعدها الصاله واخر شي دار النوم طلعت دبش حمادي الي يبي غسل علي جنب وقعدت اتنضف تحت السرير   لقيت ممري طايحه جنب السرير استغربت فيها مش ليها الممري هدي ولا لي حمادي  ركبتها في تليفونها خشت ع الاستيديو طول وشافت صدمة عمرها فيها اصور حمادي وامعا بنت في شقتها اخرا علي سيريرها ???????????? كانت صدمة ولقيت كم فيديو ليهم كله ???????????? 

انصدمت تتفرج وفاحته مهمه مصدوووومه مش قادره اتصدق اعيونها وتبكي خطر عليها كلام حمادي امس علي انه دار ذنب كبير ???????? مادرتش في بالي انه يطلع ذنبه زنا ???????????? انهرت قعدت نبكي بحرقه ???????????? لتاني مره نتعرض للخيانه من الاشخاص الي انحبهم ???????????? 

مسكت ايديا ونرجف اتصلت بحمادي  

حمادي: ها حبيبي في شي ناقص تاني 

عهود تبكي: عارف لو تمشي لرسول مش بس العمره واتروح انت واحد نجس مستحيل تنضف انا معاش نبيك تعال طلقني  

حمادي مصدوم: كنك شن اتقولي انتي 

عهود ????: الي اسمعته طلقني  

حمادي انصدم: سكري جايك  وسكر الخط مش عارف كنها

في خمس دقائق كان قدام الشقه  نزل يمشي بسرعه وقلبه مش مطمن  

خش القي شناطي عهود قدام الباب وهي لبسه عبيتها 

حمادي واقف عليها ايدينه يرجفو ????????????: عهود شنو هدا  

عهود رفعت راسها كانو اعيونها حمر من البكي:  توا بس اطلقني معاش نبيك انت نجس وخاين

حمادي بخوف: كنك شن صاير

عهود فتحت تليفونها وخشت علي الصور ورتهم ليه

حمادي تعصب ????:نننن ولد $$%%  

ورجع شعره لوراء بعصبيه ايحاول يمسك روحه

حمادي امعصب: وين القيتهم هذين

عهود تبكي: لدرجة هدي طلعت رخيص اتخوني في شقتي يا محمد انا الي حبيتك في عمري مانقصت عليك حاجه ادير هكي

حمادي: والله فاهمه غلط اقسم بالله مستحيل انخونك انا غير افروخ الحرام  وسكت ???? 

عهود تبكي: شنو فاهمه غلط بلكي بتقول تركيب الصوره باهي الفيديو باهي شقتنا ولا سريرنا في شنو بتكذب واضح كل شي توا اتشيلني لبيت اهلي ورقتي توصلني  

حمادي قدم ومسكها من كتفها:مستحيل انطلقك ولا انخليك تبعدي عني مانبيش نخسرك يا عهود وربي غلطه والله العظيم مش واعي كنت والله  

عهود بعدت ايديه بالقوه ودفاته: معاش اتمسي انت اخسرتني من لمه فكرت اتخوني وترقد امع غيري انت مافيكش امان توا اتشيلني لعند هلي  

حمادي ????: حبيبي وراسك الي تبيه انديره ليك الا انشيلك هلك انسيها عهود والله انا انحبك

عهود تبكي بحرقه:  الي ايحب مايجرحش حبيبه الي ايحب ما ايخونش ولا يكسر حبيبته   

حمادي ????????: وربي انا مش هكي يا عهود افهمي واقسملك بالله مش في وعي درت الشي هدا كلا من الكلب صاحبي  

عهود ماتحملتش اتشوفه قدامها ????: بتشيلني لهلي ولالا

حمادي: لا مش شايلك لين انحلو الموضوع

عهود: مافيش حل غير ورقتي توصلني  ورفعت تليفونها اتصلت بي خوها انس

حمادي ساكت ايشوفلها 

أنس : ايوا

عهود : انس فاضي

انس : اي كنك تبي شي  

عهود:  تقدر اتجيني في الشقه محمد طلع عنده شغل نبي انجي عندكم

انس: تمام اشويا وانجيك

عهود: استعجل ماطولش

انس حس من صوتها صاير حاجه: تمام هي جايك وسكر 

وركب سيارته ومشالها باله مشغول عليها لانه حس من صوتها انه متعاركه امع محمد

حمادي: يعني قررتي خلاص  

عهود بغصه: اها خلاص احنا انتهينا ياريت اطلقني من مشاكل وبري عيش حياتك وكمل نجاستك وجيب الي تبيها ???? 

حمادي سكت وجعه كلام عهود ???????????? 

رفع مفتاحه نزل هو مضايق ومايبي عهود اتسيبه لانه بجديات ايحبها ركب في سيارته وطار بيها امعصب ويتصل بصاحبه هشام ???????? مزال كل ارقامه مقفله ????

.

.

.

.

.

انس جا لعهود طلعتله الشناطي هو مستغرب فيها  حطهن في السياره وركبو  

انس ببصاره: انتي متاكده محمد عنده شغل وراد مش امهاجر ???? 

عهود انفجرت تبكي انس انصدم

انس انخلع : بسم الله كنك متعاركه انتي وياه

عهود تبكي هزت راسها بمعنى لا ???? 

انس مش فاهم: مد يده عليك ضربك

عهود هزت راسها بمعنى لا

انس : استغفرالله باهي كنك شن صاير وليش البكاء هدا كله مدام مش متعاركه امعا ولا ضاربك

عهود تبكي وساكته

انس سكت ولع السياره روح بيها حس في موضوع كبير صاير بينهم لانه هدي اول مره عهود اتروح لبيتهم حرجانه ???? 

عهود اول ما خشت قابلتها امها حضتها وقعدت تبكي بحرقه كانها ميتلها حد لعند خوتها وبوها مصدومين فيها سن الي وصلها للحاله هدي  قعدو امها وخواتها ايهدو فيها عشان تهدا وتحكي شن صاير امعاها

اما بوها وخوتها طلعو عشان ايخلوها علي راحتها  

.

.

.

.

.

.

انا واخير تشجعت وطلعت علي ايهاب الي كان امقعمز في الصاله يحضر في مباره

انا:ايهاب قتلك

ايهاب نقص صوت المباره: ها

انا:قتلك الكليه فتحت بدو يقرو نبي نمشي بكرا انزل موادي وانكمل اقرايتي  

ايهاب رد عليا برود: نعرف

ورد ايشوف لي المباره

انا:كيف تعرف

ايهاب: امس عمي قالي علي انه اقرايتكم بدت عشان نرفعك  

انا: شن قتله انت  

ايهاب بتجاهل: قتله حاضر شن بنقوله يعني  

انا ستفزني طريقة رده وبروده وتجاهله

انا: يعني انوتي روحي بكرا ترفعني  

ايهاب شافلي من فوق لتحت: ديري رايك لو تبي تقري بس مانبيش مشاكل ولا خلطه امع الشباب والبنات واجد اتكملي محاضرتك اترني عليا انروح بيك تنسريف الزايد امتاع زمان اتفوتيه

انا افرحت: تمام  

ايهاب: تمام بكرا الصبح نالقاك واتيه امع 8 انحطك ونمشي لشغلي  

انا بفرحه:تمام

نضت من جنبه فرحانه خشيت لدار اتصلت طول بي شروق

شروق: تي الواحد حتي هو يسمسم ماتخلوه في حاله

انا ضحكت: كنك شن تاكلي ???? 

شروق: قاعده نتغداء

انا:صحه حبيبتي

شروق: سلمك 

انا بفرحه: قتلك حكيت امع ايهاب علي عشان القرايا

شروق: شن قالك

انا: قال تمام توا نرفعك

شروق: قتلك من البدايه انتي خايفه وخاشه في بعضك

انا:هدا هو والله هكي طبعي انا

شروق : طبعك يكسر الرقبه تي ديري شخصيه لروحك

انا: بدينا في الدسكه امتاعك

شروق: اقعدي هزي راسك لين بعدين ايجيب عليك ضره واتسودلك ايامك

انا: شوشو والله جوي حلو مانبيش انخربه غيري السيره

شروق: امتى بتمشي انتي 

انا: بكرا

شروق:  تمام نتفاهمو بكرا  الساعه كم ماشيه

انا: الـ 8 

شروق: تمام توا انكلم باقي الشله

انا:  تمام

هدرزت امعاها شويا وسكرت  طلعت لبسه الي بنلبسها بكرا

اسمعت دقات خفيفه ع الباب  

فتحت الباب  

ايهاب: ليش قافله الباب

انا: شي

ايهاب: معاش تقفليه

انا: تمام

ايهاب: انا ماشي لبيت جدي تبي تمشي امعايا اتشوفي هلك

انا افرحت: اي والله ريفتلهم ???????? 

ايهاب ابتسم ايشوف لعيوني : تمام البسي انراجي فيك برا 

وطلع 

انا افرحت لانه بجديات كنت امرايفه علي بابا وماما وخواتي  

لبست علي السريع ودرت مكياج خفيف ولفيت وشاحي وطلعت  علي ايهاب في الصاله  

انا: واتيه

ايهاب:بالله بنعتبك ديريلي قهوه ع السريع

انا: حاضر  

وخشت لمطبخ حطيت البكرج ع النار

واقفه ع الغاز انراجي في الميه تسخن

خش عليا ايهاب  

ايهاب:مزال امطوله

انا: اشويا بس  

ايهاب فتح التلاجه وطلع بنقة اميه وقعد يشرب وايشوفلي

حاسه بعيونه لين توترت خشيت في بعضي

طيبت القهوه وعطيتها ليه

ايهاب خداها:يعطيك الصحه

وقعد يشرب فيها  

انا :سلمك   

طلعت من المطبخ هو ورايا

ايهاب: ماتبي شي ناقصك من برا

انا استغربت فيه اليوم مش طبيعي: لالا  

ايهاب كمل قهوته: هيا اطلعي  

طلعنا مشينا لبيت جدي خشينا سلمنا عليهم  خليت ايهاب امع جدي وطلعت لبيت  اهلي 

سلمت علي ماما والبنات بالحضان ❤️ 

وقعد انهدرز امعاهم وماما تسال فيا علي حياتي امع ايهاب  

قلتلها تمام

انا: وين هومي

ريهام: امع جده  

انا: قداش رايفتله الفرخ

إيلاف: واحنى

انا ضحكت: لالا افتكيت من دوشتك والسانك

إيلاف: خزي عليك  

ريهام: اصدقت فيك صداع بكل

إيلاف: تعرفو اليوم في حصة العربي ممله قعدت في الكراسي الاخيره رقدت في الحصه وفي نهاية الحصه هدا وين فطنتلي الابله تعرفو هزبتني قدام اولاد والبنات قعدت انا وياها كلمه بكلمه لين لزتني قتلي ماتحضري حصتي لمدة اسبوع  

انا ضحكت: هههههه من اولها هكي

إيلاف: تي قتلك الحصه ممله بكل ماتعرفش تشرح

ريهام:ركزي راك شهاده مش لعب  

إيلاف: باهي

انا: اي لازم اتركزي ره ماينفعكش الطياش امتاعك هدا ومشاكل امع الابلات

إيلاف: تي هي هزبتني قدامهم وقعدو يضحكو عليا

ريهام: تستاهلي 

إيلاف: ووووووه حتي انا الي حكيتلكم يعطيه قصه الساني بعد حكيت

انا ضحكت:  ياريت والله

إيلاف: انتي شن جابك عندنا انتلفي لراجلك ما صدقنا افتكينا منك

انا ????????: ههههههه مش ماشيه قعده علي قلبك

دارو البنات نسكافى وكيكه  قعدنا انهدرزو ❤️

.

.

.

.

.

.

.

.

في بيت عمي اسماعيل اب عهود كان الجو متكرهب اشويا يبو يفهمو كنها عهود

عهود بعد ما هدت  من البكي  خش عليها اسلام وسراج وأنس خوتها  وامعاهم عمي اسماعيل

عمي اسماعيل: مزال ماحكت شي  

صفاء ام عهود:  والله علي حالها تبكي بس ماحكت شي  

عمي اسماعيل حط ايده علي راس عهود: كنك يابنتي شن في احكي ليش البكاء كله

اسلام: يابوي نتصل بي محمد نفهم منه هذي شكلها ماتبي تحكي  

عمي اسماعيل: لالا لين نفهمو من اختك

اسلام: هي ماتبي اتكلم  

انس: حلوها اتريح توا تحكي ماتضغطو عليها  

عمي اسماعيل: شنو احكيلنا خيرك ره يطلع غالط فيك خلي خوتك ياخدو حقك

عهود تمسح في ادموعها: بس انا نبي نطلق

صفاء شهقت 

بوها وخوتها انصدمو

عهود قعدت تبكي وحكتلهم كل شي شفاته ???????? 

عهود كملت كلامها الكل علامات الصدمه علي اوجهم بالخص بعد شافو الصور في هاتف عهود ونقاش حاد بينهم كل واحد ايقول راي

عهود حست بذوخه بعدها معاش حست بشي وطاحت عليهم

رفعوها خوتها وبوها للمستشفى خايفين عليها  

طلعت الدكتوره  

صفاء:طمنيني يادكتوره كنها بنتي  

الدكتوره: وين زوج المريضه

عمي اسماعيل: زوجها مش قاعده انا بوها وهذوم خوتها

الدكتوره: والله المدام واضح نفسيتها تعبانه وعندها انهيار عصبي ليه تاتير سلبي ع حياة  الطفل لانه حملها ضعيف لازم تنتبه لصحتها وتبعد عن المشاكل والضغوطات النفسيه

صح الكل فرحو بس كانت الفرحه ناقصه بعد سمعو بالقصه  

طلعو خوتها امعصبين ويتحززو علي محمد  وكيف وصل اختهم للحاله هذي   اتصلو بمحمد ما ايرد عليهم

بعد كملو فحوصات لي عهود روحت امع بوها متحشمه بعد عرفت روحها حامل  خوتها كانو وراهم أنس وسراج 

عمي اسماعيل اتصل بي اب محمد وقاله نبيك في موضوع وسكر كان يبي ينهي المهزله وياخد حق بنته الي حسها انه انهانت

انس: انا ماشي شور محمد بنقتله ???????????? احني ايعلم علينا في اختي 

اسماعيل: شن بديرله ريح روح كل شي ينحل بلعقل 

سراج: حتي انا امع انس يا بوي هدا غلط في اختي لازم ناخدو حقها

اسماعيل: تاخد حقها من أب طفلها شن اتقولو انتم باهي فكرتو في المستقبل بعد يكبر طفلها ايقولكم خوالي وين بابا اتقولوله احني قتلنا  

قعدت النقاش بينهم يعلا لين جا الحاج خليفه وحكوله كل شي  الحاج خليفه كلم عهود  

عهود خشت متحشمه ???? 

الحاج خليفه: يابنتي بوك حكالي شن صار نبي نعرف انتي شن قرارك والي تبيه انتي ايصير

عهود طبست تمسح في دموعها: ياجدي انا مانبي شي غير ورقة طلاقي من غير مشاكل كل واحد يمشي في حاله

الحاج خليفه: انتي علامه توا بوضعك مايقدرش ايطلقك لين اتجيبي  

عهود هزت راسها

الحاج خليفه: ان شاءءالله ايصير خير توا نحكي امع بوه وانحلو الموضوع وايطلقك بعد اتجيبي

عهود هزت رسها بغصه وطلعت لي دارها تبكي  

قابلها الاوراق والتحاليل امتاع الحمل مسكتهم وحطت ايدها علي بطنها تبكي علي حملها ماتوقعت روحها حامل ????

.

.

.

.

.

 ايهاب خش علينا كنا امقعمزين في الصاله سلم علي بابا وماما والبنات  قعد ايهدرز امعاهم اشويا

ايهاب وقف: غرأم هيا

بابا: مزال الوقت اقعدو تعشو امعانا

ايهاب: مره تانيه عمي 

ماما: امتى حلك جيت انت خليكم اشويا والله ما اشبعنا منكم

ايهاب ضحك:  والله انجو يوم تاني ياعمتي

انا لبست وشاحي وطلعت امع ايهاب بعد ودعنا هلي ماما مسكت في ايهاب قتله الجمعه غداكم وعشاكم عندي  

روحنا انا و ايهاب  

درت عشاء خفيف وتعشينا

 كل واحد خش لداره

انا رقدت طول  اما ايهاب اتصل برهف ايهدرز عليها ????

.

.

.

.

.

.

إيلاف: ماما انا بنمشي لي وعد نبيها

ماما: شن تبي فيها في هل اليل

إيلاف: تي كساد نمشي انهدرز عليها

ماما:امشي  

إيلاف ما صدقت امها قالت امشي طلعت تجري  كان الجنان ظلام في النص هي تجري وخايفه خبطت في أنس الي طالع

إيلاف ماسكه رسها بان عليها وجه أنس  ???????? : تي كنك ماتشوفش اعمى تاني مره نخبط فيك يا ادره

أنس ????????: نننن انتي الي تجري يامصيبه شن جايبك لبيتنا

إيلاف ????: مادخلك مش جايه انشوف في ازويلك حيد غادي وانت بديت تطلعلي في اي مكان زي الجن

أنس اشر علي روحه:  انا نلحق فيك ???? 

إيلاف: اي  

أنس: اسمعي انتي يامريضه شن تحسابي روحك 

إيلاف ضحكت: وربي مافيش مريض غيرك باهي  

وخشت  

أنس كان رقيله من قصة عهود وكملت عليه إيلاف  ????

إيلاف خشت لي البنت حست الجو متوتر اشويا حكتلها رغد شن صار إيلاف زعلت علي عهود هدرزت امعاهم طولت وبعدها روحت

.

.

.

.

.

.

.

مصطفى: كيف ياجدي انت واعي في الي اتقول فيه

الحاج خليفه: اي لانه هدا احسن حل

مصطفى وقف امعصب: وكيف انا ماعندي راي ولا حياتي لعبه عندك

الحاج خليفه تعصب وضرب مصطفى كف

الحاج خليفه بعصبيه:  ادير الي قتلك عليه وصوتك ما يعلا عليا ياكلب اقلب وجهك عني اتوافق غصبن عنك  

مصطفي عصب ????: انا مش اموافق انا مش زي ايهاب زلبحته بكلمتين امشي دور حد تلعب عليا انا حياتي مش لعبه عندك وطلع امعصب  

الحاج خليفه بصوت عالي: باهي ياكلب توا انوريك عليها تعليت الصوت ورد الكلام انكان ما ربيتك من جديد ياقليل الادب

مصطفى: الي في ايدك ديريه

كمل طريقه امعصب من كلام جده ???????? ركب في سيارته وطار بيها ???????? 

.

.

.

.

.

.

.

.

.

 .

.

.

.

تاني يوم الصبح

فقت امع 7 وتيت روحي وفطرت انا وايهاب كان جوه رايق وايهدرز بعدها وطلعت امعا وصلني لي الكليه قبل ما ننزل

ايهاب مسك ايدي: انتبهي روحك غرام هنيني عليك اتكملي اتصلي بيا  

انا توترت من لمسة ايده: حاضر

ايهاب طلع من جيبه افلوس حطهم في ايدي  

انا رجعتهم ليه : مش لازم والله ايهاب

ايهاب: غرام ماتتحشمي راني راجلك ومسؤل عليك خوديهم معاش اتعوديها القطه هدي نعطيك حاجه اترديها  

انا سكتت وخديتهم

ايهاب: تبي ننزل امعاك ولا عادي

انا: لالا عادي البنات ايراجو فيا

ايهاب: تمام كملي اتصلي بيا

انا: حاضر ونزلت بعدها خبطت ايدي علي وجهي ورجعت

ايهاب نزل القزاز:كنك رجعتي

انا مديتله تليفوني: ماعنديش رقمك انسيت

ايهاب ضحك ونزل من السياره وجاء لعندي خدا التليفون

ايهاب: كنك ماخديته من قبل توا خطر عليك

انا :انسيت باهي الي ادكرت توا ???????? 

ايهاب سجل رقمه واتصل وصلت الرنه لتليفونه  مدلي التليفون

ايهاب: معاش تنسي  

انا خديته منه سجلته ايــهـاب  

ايهاب ايشوف فيا انسجل ضحك: ايهاب حاف 

انا: هدا اسمك شن تبي نكتب راجلي العصبي

ايهاب ضحك : ???????????? حلو حتي هدا

انا رن تليفوني كانت شروق :خلاص بنخش انا 

ومشيت

ايهاب دخل ايديه في اجيوبه ايشوفلي مبتسم لين خشيت 

ركب في سيارته ومشا لشغله

.

.

.

.

.

انا سلمت ع البنات نزلنا المواد طلعت عندنا محاضره الساعه 10 قعدنا انهدرزو لين جي وقت المحاضره خشينا

كان الدكتور واعر من اول ما خش واضح عليه السم في اعيونه بدا يعطي فينا ويشرح  لين كمل

طلعنا امع الساعه 12 

شروق: تي صداع بكل من اول محاضره خش بقوه ويشرح

انا: بكل

زهور: والله اكويس حتي شرحه اقنين

شروق:  تي اسكتي خير ما نقتلك اما قنانه هو الشر يطاير من اعيونه

زهور: والله عادي هوا انتي امزودتها

انا: اوووف خلاص انتي وياها شن عندنا بكرا

شروق:محاضرتين 

انا: تمام انا بنتصل بي ايهاب بنروح

عائشه: خليك هدرزي اشويا ما لحقنا هدرزنا

انا: تي من الصبح انهدرزو ???????????? 

شروق: ???????????? ماهو سلم صاحبنا الي اتهدرز عليه  مش امعانا بكل

عائشه:???????????? تي كلها دقيقه وانتي امركزه

انا اتصلت بي ايهاب قتله كملت

قعدو البنات ايهدرزو لين جاني ايهاب طلعتله

ايهاب: شن جو الكليه

انا: تمام 

ايهاب :  نزلتي موادك كملتي امورك

انا: اي طلعت عندي محاضره امع 10 توا كيف طلعت

ايهاب : اها  بكرا عندك

انا: اي عندي طول الاسبوع غير الاتنين والخميس ماعنديش

ايهاب : بالتوفيق والنجاح  

انا: يستر الله والله حسيته السمستر هدا صعب واعر كل الدكاتره الي حاطيهن واعرين

ايهاب: مافيش شي صعب انتي خليك اول باول اقري الي ما تفهميه انا انفهمه ليك ماتنسي تخصصي هندسه زيك

انا ابتسمت:  تعرف نسيت ماخطرت في بالي بكل

ايهاب: انتي شورك عندك في النسيان واجد ضروري نرفعك لدكتور ???????????????????? 

انا ضحكت:مش واجد والله  

ايهاب: واضح قتلك ناخد غذاء من المطعم

انا: ياريت ادير فيا خير كان خديته

ايهاب ضحك عليا:  ???????? شكلك طافيه ع الاخر

انا: بكل ما نحكيلك تعودت ع العطله واقعاد البيت

ايهاب:توا يتغير روتينك ويتعدل

نزل ايهاب وجاب امعا عذاء وروحنا طول الطريق ايهدرزلي علي شغله

تغدينا ضميت الحوسه طحت علي وجهي رقدت

وايهاب نفس الشي خش رقد ورهف قعدت اترن حطه صامت ورقد  

  .

.

.

.

.

.

.

أنس كان طالع علي طلعت جده

الحاج خليفه: ماشفتلي مصطفى بعتت عليه في بيتهم قالو مش قاعد

أنس: والله ما شفتاش من امس  

الحاج خليفه: بالله اطلع دوره ليا امس تناقش امعا طلع امعصب

أنس:علي شنو تناقشتو

الحاج خليفه: موضوع بينا سلم ولدي اطلع دوره ليا

أنس: حاضر ياجدي

الحاج خليفه: يحضرلك الخير اي صح دكرتني امتى تخرجك انت

أنس: الشهر الجاي مزلت نخدم علي المشروع

الحاج خليفه: ماشاءالله حفتلك شوري انا

أنس: ربي يحفظك لينا

الحاج خليفه: خلاص توا تتخرج وتخدم وشدلي روحك عشان انزوجوك مش زي خوك هداك خاطب ليه سنه ايهز في راسه مزال ماكمل حوشه

أنس: ان شاءالله

الحاج خليفه: امال توكل توا مانعطلك

أنس طلع والحاج خليفه خش داخل

.

.

.

.

.

.

.

أنس يتصل بي مصطفى رقمه مقفل  

طلع ايدور فيه

.

.

.

.

.

.

.

عهود مكتئبه قاعده في دارها ماتطلع ???????????????????????? 

.

.

.

.

.

.

.

.

نضت العشيه مش عارفه جايني ناشط مش طبيعي 

درت كيكه بارده ودرت نسكافي  

القيت ايهاب راقد ما حبيت انوضه

حطيتله حصته وكسدت في الصاله ابروحي  اتصلت بريهام هدرزت عليها بعدها اتصلت بشروق  

.

.

.

.

.

.

ايهاب ناض يسمع في صوتي قلب تليفونه ايشوف في الساعه كم القي اكثر من 30 مكالمه من رهف  تنهد رن التليفون في يده رد 

رهف بعصبيه: كنك ماترد

ايهاب:كنت منقبر راقد يعني مارديت عليك يعني راقد الف مره قلتها ليك

رهف: وانا شن عرفني بالك راقد في حضن هذيك

ايهاب مسح علي وجها: توا شن دخلها هي في الموضوع

رهف: مادم انت وياها تحت سقف واحد دخلها  ماتنسا انا خطيبتك وعندي حق فيك

ايهاب: استغفرالله العلي العظيم لي امتى بتقعدي هكي  

رهف بدموع تماسيح: والله انغار عليك طول ما انت امعاها قلبي مش امريحني خايفه اتصير بينكم حاجه ولا هي ات

ايهاب قص عليها بعصبيه: ماتنسي انها مرتي وحلالي  حاجه هدي مادخلكش فيها باهي  تاني شي لو بتقعدي علي هكي كل يوم مشكله نحلف عليك معاش امكلمك لين يوم عرسنا

رهف خافت: ايهاب صاير بينكم شي ماتبيش اتقولي

ايهاب ????????:…………………

انا كنت واقفه قدام الباب ونسمع فيهم ???? 

.

.

.

.

.

.

.

أنس: ……….  

الحاج خليفه ????????:شنو

.

.

.

.

.

.

.

حمادي يتصل بعهود ما فقدش الامل ايحاول ادير اي شي مايبي يخسرها

وصلاته رساله من عهود مكتوب فيها ……………………

حمادي قرا الرساله ابتسم بفرحه 

.

.

.

.

.

.

.

.انا: …………..

ايهاب ????:………

يتبع ..