Uncategorized

رواية البنات بتحب مين الحلقة الخامسة 5 كاملة

 رواية البنات بتحب مين الحلقة الخامسة 5 كاملة

رواية البنات بتحب مين الحلقة الخامسة 5 كاملة

رواية البنات بتحب مين الحلقة الخامسة 5 كاملة

بعد ما منى كلمت حاتم وكان مستغرب انها ازاي جابت رقمه . . بس ف نفس الوقت كان فرحان جدا . . انها اخيرا حسيت بيه وانها دورت عشان تعرف رقمه وتكلمه…..
* حاتم بيكلم مع نفسه وهو ف الطريق رايح ليها *
= يااااه دا باينها حبتك يامعلم ، ايوه يواد ياولعه خدها ونزل الترعه . .  زقطط باه . . بس بقولك ايه مش عاوزك تدلق عليها مش عاوزك تقولها من اول مره بحبك ومقدرش اعيش من غيرك والجو دا . . لا خليك تقيل
 -طب ممكن اقولها وحشتيني و i miss u وكدا
– بص لو هتقولها كدا ومش هتزود ماشي ، ولا تزود ياسيدي ابسط ياعم . . يابني دي خلاص دابت فيك وهمها باه يرضيك 
– انت على فكره عمال تقول اي كلام سبني باه الله يباركلك اركز ف المهمه الجايه
لما راح هناك كانت هيا قاعده على سور الجنينه الي ف كليه علوم قدام مبنى قسم الرياضيات ومستنياه حاتم وكانت واضح انها بتعيط…
* حاتم بيكلم نفسه *
يابنتي بتعيطي ليه بس ما انا كنت سيبك كويسه ف ايه….
حاتم راح بسرعه عشان يشوف مالها . . واول ما هيا شافته قامت حضنته ف وسط الجامعه وهيا بتعيط…طبعا كل الولاد بصو لحاتم بصه يابن المحظوظه يافوزي…وهو بص لكل الولاد بنفس بصه حسن حسني لما قال لما تنشن لازم تصيب . . بعد كده وسعت نفسها وهيا بتعتذرله
– انا اسفه اني ضايقتك وحضنتك وعملت كدا
=ضايقتيني!! . . انا مستعد ياستي تضايقني كل يوم كدا
* مني ضحكت *
= بصي لو شوفتيني ف يوم فرحان ولا حاجه عاوزك تضايقني ها بنفس الطريقه دي
– بس ياحاتم باه انا معتبراك اخويا
= بصي هو معنى كلامك كدا اني ف حته الفريندزون صح
– اه ، احنا اصحاب واخوات وبس
= بصي فريندزون . . برازر زون . .خرم الاوزن نفسه . . طالما فيها احضان انا راشق على طول
* بتضحك اكتر من الاول *
= يالهوي ياجدعان على السكر والعسل دا . . طب اقرص نفسي عشان تاكد اني مش بحلم 
– يابني اهدى شويه  ،  انا عاوزه اتكلم معاك ممكن
= اتكلمي خير ف ايه ؟!
– لا مش هينفع هنا ممكن تيجي معايا
= ف نفس الكافيه صح
* بيقول ف سره معلش يا احمد شكلك هتحولي الفلوس تاني يا احمد *
– لا عندي ف البيت
= فين ؟! .. عندك ف البيت !!!
– اه لاني مضايقه ومش عاوزه حد يشوفني وانا كدا
= يالهوي ياجدعان هعيط وربنا من الكلام دا
– لا متعيطش ولا حاجه يا اخويا . . يلا عشان ما نتاخرش
= نتاخر على ايه؟!! .. هو احنا رايحين كورس !!
– بطل لماضه ويلا عربيتي واقفه هناك اهي
= وكمان عندك عربيه!!  اخرابي ياجدعان ….طب طالما عندك عربيه خليتنا نروح الكافيه ب اوبر ليه ..ولا هيا مصاريف وخلاص
* بتضحك منى *
– انت فظيع .. فظييييع … يلا قدامي 
ركبو العربيه وهما ف الطريق كانت منى مشغله الراديو على اذاعه بتجيب اغاني قديمه لعبد الحليم وام كلثوم
حاتم بص لمنى وقالها
– بتحبي انتي الاغاني القديمه مش كدا ؟!
= جدا ، ، دي عشقي اصلا
– واحده بتحب فرغلي هتكون بتسمع لحماقي مثلا
= ايه!!
– لا ولاحاجه بكلم نفسي . . قدمنا كتير ولا ايه
= نص ساعه ونوصل ان شاء الله تعالى 
– اه يدوب تكون ام كلثوم خلصت الكوبليه دا
وصل حاتم لبيت منى . . بس دا ماكنش بيت . . دا كان فيلا فخمه من الحاجات الي بتيجي ف المسلسلات والافلام
= ماشاء الله تبارك الله  . . انتي ساكنه هنا
– اه
= وفرغلي عارف انك ساكنه هنا
– دي كانت فيلا بتاعه بابي فرغلي قبل ما يسبوها ويروح فيلا ف التجمع
= بابي!!
– اه 
= لازم يبقى بابي .. وفرغلي عنده فيلا هو كمان
– اه .. عادي يعني
= طب مايشوفليش شغلانه من الشغلانات الي بتجيب فيلل دي
– حاتم يلا انزل وبلاش رغي
= ماشي ياستي
بيروحو جوه الفيلا ومنى بتسلم على والدتها وبتعرفهم على بعض
– مامي دا حاتم زميلي ف الجامعه
= ثانيه بس قبل ما تكملي . . دي مامي؟!
– اه ياتومه دي مامي
= تومه!! .. اه طالما بابي ومامي لازم ابقى تومه…بس ماشاء الله تبارك الله مامي مايبنش عليها انها مامي خالص
* مامت منى بتكلمه *
— اومال يبان ايه
= اختها الصغيره ، مش 19 سنه حضرتك
* بتضحك مامت منى وبتقولها *
– صاحبك دا فظيع
= ياخرابي ياجدعان .. اهو حضرتك ينطبق عليها المثل اكيد مامي نحله عشان تجيب  العسل دا كله
* مامت منى بتبصله من تحت لفوق وتقوله  *
– انا نحله؟!
* حاتم بيبص على منى ويقولها * 
= يلا بينا احنا جوه عشان تقريبا عكيت الدنيا
بيدخلو ف غرفه السفره وبتقعد منى وحاتم بيقعد قدامها وبيقولها
= ها خير كنت عاوزاني ف ايه ؟!
– انا وفرغلي سبنا بعض خلاص *بتعيط*
*حاتم بيكلم نفسه*
* مايغور ف داهيه ياستي احسن دا كان رخم *
= طيب وبعدين
– بس خلاص سبنا بعض * بتعيط لسه *
= طب انا مش فاهم انتي جيباني المشوار دا كلو عشان تقوليلي خلاص سبنا بعض!! .. ما كنتي قولتهالي ف الموبيل وخلاص
* بتكمل عياط وهيا بتقوله *
– انت اول حد جه ف بالي لما حصل الي حصل انا اسفه لو كنت ضايقتك .. انا قولتلك اشتكيلك يمكن الاقي عندك حل . . انا اسفه
* بتستمر ف العياط *
= لاحول ولا قوة الا بالله العلي العظيم 
* منى بتبصله بعينها الخضرا المليانه دموع *
= خلاص ، خلاص باه بطلي عياط . . قومي اغسلي وشك واهدي وانا هفكرلك ف فكره على ماتيجي
– ماشي متشكره ياحاتم اوي
بعد ما بتقوم حاتم بيكلم نفسه
= لو عليا انا عاوزك تبقي ليا لوحدي….بس قلبك ومايريد .. وانا يعز عليا دموعك واني اشوفك حزينه
بترجع بعد ما بتكون غسلت وشها….
– ها ياحاتم فكرت هعمل ايه
= للاسف
– للاسف ايه مفكرتش
=لا للاسف فكرت ف فكره حلوه كمان…
-فكره ايه بقى ؟!
= احنا هنخلي فرغلي هو الي يجري وراكي ويقولك اجوزك مش بس بحبك
– ازاي باه ؟!
= هتختاري حد من اصحابك وتتفقي معاه انه يمثل انكم بتحبو بعض…ف الاول فرغلي هو كمان هيمثل انه مش فارق معاه….لكن طبيعه حد زي فرغلي هتخليه يعز عليه يخسر حاجه كان بيملكها .. ف هيبدا يحن وهتلاقيه مع الوقت بدا يكلمك ويهتم بيكي .. وهنا اوعى تديله ريق حلو او تحسسيه انه وحشك بالعكس حسسيه انه ولا حاجه وانك بتحبي الشخص الي مرتبطه بيه ،، وهو لما هيحس بكدا هيجري وراكي اكتر واكتر عشان ترجعيله ،، برضو اتقلي عليه اكتر واكتر واوعى ، اوعى يحس انه وحشك لان بعد كدا ، هنيجي لمشهد النهايه وهيا انك تتخانقي مع الشخص الي مرتبطه بيه عشان بيماطل معاكي ف موضوع الجواز….طبعا الخبر دا هيوصل لفرغلي الي هو اصلا متابع اخبارك اول ب اول…يقوم هو يجي يعمل نفسه البطل الهمام ومنقذ الانسانيه ويجوزك….بس كدا
– واو…فكره بجد حلوه اوي 
*حاتم بيبص بحزن على منى وانها هتروح منه *
= طيب يامنى ،  انا كدا عملت الي عليا….اي خدمات تانيه؟!
– خلاص هتمشي؟!
= اه هقعد هعمل ايه . . وربنا يوفقك ف حياتك ويكرمك ان شاء الله تعالى 
لسه حاتم هيمشي . . منى مسكته من ايده وهيا بتقوله
– ممكن توافق … بليز تبقى الشخص الي هرتبط بيه؟!
= ميييييييييييييين . . . . اناااا ؟!!!!
يتبع..
لقراءة الحلقة السادسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية حكايات عروسة للكاتبة آية موسى

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى