رواية أحببت صعيدية الفصل الخامس 5 بقلم ياسمين ابراهيم
 |
| رواية أحببت صعيدية الفصل الخامس 5 بقلم ياسمين ابراهيم |
رواية أحببت صعيدية الفصل الخامس 5 بقلم ياسمين ابراهيم
محمود ـــ ايه اللي بيحصل ده؟!
معاذ بخوف ـــ اصل صفا اتعورت و هوديها لدكتور
محمود ـــ يسحب مسدسه، خليها تموت، مينفعش تعيش تانى بعد الخطيه اللي عملتوها، وانت اتشاهد علي روحك
معاذ ـــ لا لا يا عمي والله محصلش حاجه
عمممي،
يستيقظ معاذ من نومه
معاذ ـــ ياساتر يارب، اعوذ بالله
الله يقطعك. يا صفا، حتى في الحلم مبهدلاني
ـــــــــــــــــــــــــــــــــــــــــــــــــــــــــــــ
صفا ـــ صباح الخير ياماي،
زينب ـــ صباح النور يابتي، جهزتي شنطتك
صفا ـــ لسه هجهزها دلوقتي، بس تصدقي يامه انا قلقانه وحاسه ان في حاجات هتحصل لما نروح
زينب ـــ حاجات ايه دي
صفا ـــ معرفاش، اهو انا حاسه بكده
زينب ـــ مفيش حاجه هتحصل، بطلي لت وعجن عاد وروحي جهزي شنطتك عشان منتعوقش
صفا ـــ همم
معاذ ـــ بغيظ، صباح الخير يا مرات عمي
زينب ـــ زين ما اصبحت يا ولدي
صفا ـــ وه ومش هتصبح عليه انا كمان
معاذ ـــ يبصلها بقرف، فين عمي وبابا يا مرات عمي
زينب ـــ طلعو يا ولدي
صفا ـــ وه مالك عاد مش بترد عليا حتى
معاذ ـــ بقرف، انا طالع في الجنينه اشم هوا لحسن هنا الجو حر
زينب ـــ ماشي يا ولدي، والفطور هيجي وراك
معاذ ـــ شكرا يا مرات عمي بس ياريت حد تاني يجبهولي غير دي
صفا ـــ ووه حصل ايه عاد مش طيقني اكده ليه
معاذ ـــ عن اذنك يا مرات عمي وبيمشي ويسيبهم
صفا ـــ مالو ده يامه
زينب ـــ انتي زعلتيه في حاجه يابت،
صفا ـــ مش فاكره، بس هو بالليل كان بيحدتني زين ومفيش أي حاجة
زينب ـــ طيب روحي وديلو الفطور وشوفي ماله
صفا ـــ له يامه مسمعتهوش هو وبيقول ابعتيه مع حد تاني
زينب ـــ تعالي اهنه اقولك حاجه تحفظيها طول عمرك
صفا ـــ خير يا ماي
زينب ـــ بصي يابتي، عمركيش تسيبي جوزك زعلان، لما تلاقيه عامل اكده، روحي صلحيه حتي لو انتي اللي غلطانه،
وبعديها تبقي تتحدتي معاه تاني بس في الاول متخليش الزعل يعمل حاجز بينكم
صفا ـــ وه يامه كيف يعني اصالحه، ده مبقاش جوزي لسة وبعدين انا مغلطتش فيه
زينب ـــ وانا مقولتش انه بقا جوزك. يا بهيمه، اقصد بعدين يعنى، ودلوقتي كمان روحي شوفي ماله متسبهوش اكده
صفا ـــ لا لا مستحيل، بقا انا صفا اصالح عاويل كيف ده، والله ما يحصل
ــــــــــــــــــــــــــــــــــــــــــــــــــــــــ
صفا ـــ الفطور ياود عمي، انا اسفه لو كان موضوع الخروف والمولين واستكرادك بالليل، مزعلك. مني
معاذ بقرف ـــ استغفر الله العظيم،
صفا ـــ وه طيب قولي حصل ايه، ما كنت زين امبارح ايه جد عاد
معاذ ـــ صفا اناااا
صفا بكسوف ـــ انت ايه يا واد عمي
معاذ ـــ صفا انا بقيت بخاف منك
صفا ـــ ايييه، ليه يعني
معاذ ـــ غير انك. مبهدلاني من يوم ما جيت وحركة الخروف بس انا شفتلك حلم النهارده كرهني فيكي مبقتش طايقه
صفا ـــ حلم ايه ده، ما تفهمني بدال ما انت بتنقطني بحديتك
معاذ ـــ حلمت انك موتي وعمي قتلني
صفا ـــ ياساتر يارب، ايه الحلم الماسخ ده،
طيب كمل كمل ايه اللي حصل عشان نموتو
معاذ ـــ اصل انتي كنتي…. لا لا خلاص محصلش حاجه
صفا ـــ قول عاد وبزيادك رط حريم
معاذ ـــ يابت اتلمي انا ممكن اجيبك من شعرك بس خايف تسخطيني قرد
صفا بحنيه ـــ خلاص يا ود عمي متقلقش مني، اهه ادي قعده قولي عاد فيه ايه
معاذ ـــ يبص لصفا اللي قاعده جمبه وبتكلم بحنيه،،،
اصل اللي حصل، اني جبتك ف اوضتي ونمتي عندي طول الليل
صفا ـــ تقوم مسرعه، نهار ابوك اغبر هي مين دي اللي نامت عندك يا عويل
معاذ ـــ، اهدي اهدي، ده حصل في الحلم
صفا ـــ وهو الحلم ايه غير احداث بتحصل في عقلك الباطن يا هامل يا قليل الحيا،
معاذ ـــ يابنت اللعيب عرفتي ازاي، وانا اللي دايما بستغرب ليه بحلم اني ببوسك في الحلم، اتاااري عشان الفكره دي في راسي،
صفا ـــ نهار اللي خلفوك اغبر، انت عتقول ايه
معاذ ـــ ومش بس كده دا انا بحلم كمان اني
صفا ـــ تقاطعه وتحط ايدها على بوقه،
احب يدك بزيداك عاد، بص انا مش موافقه على الجوازه دي انت لا يمكن تكون امين،
معاذ ـــ نهار ابيض يا جدعان ده حلم يا متخلفه،
صفا ـــ والله ما يحصل، النهارده حلم بكره يبقي حقيقه، يامااه
معاذ ـــ استني يخربيتك هتعملي ايه
صفا ـــ الحقيني يامه
زينب ــــ وه مالك يايتي
صفا ـــ انا مش عاوزه اتجوز ياماي
زينب ـــ وه حصل ايه عاد
معاذ ـــ مفيش حاجه يا مرات عمي، دي بنت هبله
صفا ـــله يامه، البهيم ده عمل نصيبه، كارثه يامه
زينب ــــ يا حومتي، عمل ايه يابت
معاذ ـــ يامرات عمي وربنا ما عملت حاجه
صفا ـــ له عملت وعملتك تقيله قوي
زينب ــــ يا مصيبتي يا مصيبتي ليه اكده ياولدي
معاذ ـــ في ايه يا مرات عمي، انتو لبستوني تهمه، طيب اساليها اللي حصل كده
صفا ـــ عااا اصله حلم اني
معاذ ـــ بإبتسامة، بايه بقا
زينب ــــ هه حلم، حلم بايه عاد
صفا ـــ حلم انه….
معاذ ـــ ايوه كملي
صفا ـــ ولا حاجه يا ماي خلاص
زينب ـــ ما تتكلمي يابت حلم بايه
صفا ـــ، هممم حلم اني موت، يعني عيفول عليه ومش بعيد هو اللي يقتلني، مش قولتلك يامه اني قلقانه من روحت مصر
زينب ـــ وسع اكده يا ولدي،
صفا ـــ يختااي ليه ياماي الضرب بالشبشب حرام
زينب ــــ محرامش في وحده زيك، غوري جهزي شنطتك لاحطك. تحتي مقومكش منيها،
معاذ ـــ يغمض عنيه، تؤ تؤ ليه بس كده يا مرات عمي تضربي صفا بالشبشب
صفا بغيظ ـــ ابقا افتكرها علشان متقولش اني ظلمتك يا ود المحروق، عن اذنكم
زينب ــــ بت عويله صوح، الله يعينك عليها يا ولدي
ــــــــــــــــــــــــــــــــــــــــــــــــــــــــ
صفا ـــ همم هو ده الطبيعي ان الخاطب يتعامل مع خطيبته بالطريقة دي، ولا ده قليل الحيه ومترباش،
هممم يا عالم الايام الجايه مخبيلي ايه
قلبي مش مطمن
____&_______&________&________
في القاهرة،
حمدالله علي السلامه يا جماعه، نورتي مصر يا زينب
زينب ــــ الله يخليك يا خوي منوره باهلها
بدر ـــ ايه رأيك فى مصر يا صفا، حلوه قوي يا عمي،
معاذ ـــ حمدالله علي السلامه يا مرات عمي،
زينب ــــ الله يسلمك ياولدي،
بدر ـــ فاطمه،
فاطمه الشغاله ـــ حمدالله على السلامة يابدر بيه،
بدر ـــ اعرفكم دي فاطمه، معانا هنا من ايام المرحومه ودي زينب مرات اخويا يا فاطمه
فاطمه ـــ اهلا بيكي ياست زينب، وهي دي صفا صح
معاذ ـــ ايوه ايه رايك يا داده
فاطمه ـــ بسم الله ماشاء الله دي قمر، ربنا يحفظك
معاذ ـــ ذوقي بقا
صفا ـــ تبص للارض بكسوف
معاذ ـــ يهمسلها، من امتي بتتكسفي ولا نسيتي عمايلك
صفا ـــ تعرف المشكله ان مفيش هنه خرفان كنت طلقته عليك علشان تتلم
معاذ ـــ ههههه ربنا ستر، انتي هنا في ملعبي وهخلص منك. كل حاجه
صفا ـــ طيب اكتم عاد
بدر ـــ طيب يا فاطمه وري الضيوف الاوض اللي هيقعدو فيها
معاذ ـــ لو سمحتي يا داده حطي شنط صفا في اوضتي انا
فاطمه ــــ يالهوي وده ينفع بردو
بدر ـــ اعملي زي ما بيقولك، هو مش هيبات في البيت اصلا
فاطمه ــــ حاضر يابدر بيه،
معاذ ـــ عن اذنكم هرد علي التليفون
معاذ ـــ عمور حبيب قلبي وحشني يا واطي
عمرو ــــ انت اكتر يا صايع ههههه
ها وصلت ولا لسه
معاذ ايوه يا سيدي لسه واصل تعاله بقا علشان وحشني
عمرو ــــ اوك بس بعمل شوية حاجات لشغل وهعدي عليك
معاذ ـــ ماشي ياغالي هستناك
ــــــــــــــــــــــــــــــــــــــــــــــــــــــــ
بعد ساعات
الباب يخبط
الخادم ــــ اهلا عمرو بيه اتفضل
عمرو ــــ اششش وطي صوتك،
الخادم ــــ ههههه اكيد عاوز تفاجأ معاذ باشا زي عادتك
عمرو ــــ بتفهم يا محمد،
عمرو ــــ عن اذنك بقا
اتسحب واحده واحده واتخابا عن عيون الخدم اللي في البيت لغيت ما وصل اوضت معاذ
عمرو ــــ لنفسه، فينه الواطي ده، اهاا اكيد في الحمام، اوكاااي، نجهز ازازه الميه السقعه لترحيب بيه
وبيستخبا ورا باب الحمام
صفا ـــ ايه العز ده بانيو وميه سخنه
وفجاه يدلق عليها ميه سقه تلج من التلاجه
عمرو ــــ وحشني يا صاااي…
صفا ـــ عاااا، حراااامي
عمرو ــــ انتي مين وايه جابك هنا.
يا محمد يا فاطمه الحقو
صفا ـــ انت مين يا بهيم يا ود المحروق وكيف تخش عليه اكده،،
عمرو ــــ يعني خدامه وكمان بجحه وبتستحمي في حمام معاذ، وربنا ما هسيبك
صفا ـــ دا انت يومك مش معدي النهارده وربنا لا اجيك بالشبشب يا بهيم، وتقلع الشبشب بتاع الحمام وتضرب فيه
فاطمه ــــ ايه الصوت ده، محمد ايه الحكاية
محمد ــــ ده اكيد الاستاذ عمرو والاستاذ معاذ بيستقبلو بعضهم ما انتي عرفاهم
فاطمه ــــ نهااار اسود، معاذ مش في البيت، يعني عمرو عند صفا
عمرو ــــ يجز علي سنانه، بت انتي اتلمي لا اديكي علقه
صفا ـــ يا بجاحتك، طيب وريني اكده
عمرو ــــ متستفزنيش بقولك، يا معاااذ انت فين تعال شوف البنت دي بتعمل ايه
فاطمه ــــ استاذ عمرو اطلع بسرعه الله يخليك
عمرو ــــ اطلع ازاي يا داده، وازاي تسيبو الفلاحة دي تاخد راحتها في اوضة. معاذ
صفا ـــ احترم نفسك يا بهيم يا ود المحروق والا هقلع الشبشب تانى واديك علي جنابك
فاطمه ــــ يالهوي يالهوي، اهدي ارجوكي
عمرو ــــ تدي لمين بالشبشب يا معفنه
صفا ـــ اديك انت يا ارجوز، ومالك. مستغرب اكده واكني مدتلكش بيه علي وشك من شويه
عمرو ــــ لا بقا انتي بنت قليلت الادب ولازم تتربي وربنا ما هخليكي تقعدي دقيقة في البيت ده، ويشدها من شعرها
معاذ يخبط علي الباب ومحمد يفتحلو
معاذ ـــ ايه الصوت ده في ايه
محمد بخوف ــــ اصل الاستاذ عمرو بيتخانق هو والست خطيبتك
معاذ ـــ يخربيتك يا عمرو عملت ايه، وبيجري بسرعه علي السلم
صفا ـــ سيب شعري يا معفن انت لا ابندقك
عمرو ــــ بردو بجحه، فاطمه اندهي الامن
معاذ ـــ بتعمل ايه يخربيتك سيبها وبيشدها منه
عمرو ــــ انت مش عارف كانت بتعمل ايه
صفا ـــ تضربه برجلها، سبني عليه هموته
معاذ ـــ اهدي اهدي ده عمرو صاحبي
صفا ـــ وانت كيف تصاحب واحد قليل الحيه كيف ده
عمرو ــــ انت ساكتلها يا معاذ، مين الحربايه دي
معاذ ـــ، اسكت يا غبي، دي صفا خطيبتي
عمرو ــــ اييه، وانت ازاي تخطب واحده زي دي،، اقصد يعني
صفا ـــ معاذ اخفي الواد الهلفوت ده من وشي لا اقتله
