 |
| رواية عشقت زينة الحلقة الخامسة 5 والأخيرة بقلم ميسون عبدالمجيد |
رواية عشقت زينة الحلقة الخامسة 5 والأخيرة بقلم ميسون عبدالمجيد
هيثم: بصراحة أنا معجب بيكي وعايز اتقدملك
زينة بدهشه:نعم!!!!!!
هيثم: إيه مالك
زينة: لأ بس فاجأتني
هيثم:فاجأتك إيه بس هاتي رقم بباكي
زينة بسرعة: لا مهو مش هينفع
هيثم:ليه
زينة بتوتر:صراحة مش بفكر في الموضوع دا دلوقت
هيثم بضيق:اااه مهو لحق كرهك فيا مش كدة
زينة بعدم فهم:تقصد مين
هيثم بحقد:قصدي أنتي عرفاه كويس بس عيزك تبلغيه أن اللعبة المرادي ي قاتل ي مقتول تمام
هيثم مشي وزينة وقفة مش فهمه حاجة
زينة لنفسها: إيه الاهبل دا ويقصد مين بكلامه دا
معقول يكون حاااتم
زينة ضربت رأسها:الله يخربيتكم جننتوني وخلتوني بكلم نفسي
زينة خرجت ركبت عربيتها ومشيت
وصلت بيتها ونامت علي السرير وفتحت الفون
حاتم قاعد علي سريره عمال يفكر في زينه راح بعتلها مسج
(بقلك إيه أنا زهقان تعالي اقعدي معايا)
وصلت المسج لزينه
(مين؟؟؟؟)
حاتم:(كفايا استهبال منتي عرفة أن أنا حاتم بس بقلك تعالي)
زينة بضيق:(ليه أن شاء الله حد قلك إني قردة عشان اسليك)
حاتم:(احلي قردة)
زينة بغضب:(نعممممم ????????)
حاتم مسح المسج بخوف:(احم خلاص بجد تعالي قاعد لوحدي)
زينة:(ايوا شغلتي ايه أنا)
حاتم بضيق:(أنتي بتفهمي من ودانك ولا منين أنتي بقلك قاعد زهقان لوحدي وعايز حد يقعد معايا)
زينة:(يعني أنت عايزني انزل من بيتي بعد نص الليل وابويا يسألني رايحة فين اقله راحة اسلي حاتم بيه عشان زهقان)
حاتم ببرود:(اه عادي مفيهاش حاجه)
زينة:(طب اقفل بأحترام عشان متلاقيش بلوك قمر كدة اتعملك)
زينة قفلت الفون ولسة هتنام
فونها رن
موظف:دكتورة زينة
زينة بقلق: أيوا خير
موظف:حضرتك في طفل في المستشفي حالته حرجة جدا ومحتاجينك
زينة بقلق:يعني مستشفى طويلة عريضة مليانة دكاترة وخبرا ملقيتوش غيري عشان اجي للطفل دا
موظف:معلش ي دكتورة بس ياريت حضرتك تيجي بسرعة
زينة قفلت معاه
زينة بغيظ: مهي اصلها ليلة شكلها مش هتعدي بسهولة
زينة قامت استأذنت من بباها ووافق بصعوبة ومعتز وصلها
زينة للموظف:فين الطفل
الموظف:طفل إيه ي دكتورة
زينة برفعة حاجب: إللي حالته حرجة جدا
الموظف:اهاا مش مشي
زينة بابتسامة:والله يختي حلوة
الموظف:احم اقصد يعني انو خف ومشي
زينة بغيظ:والله يعني مسافة ساعة بعد ما كانت حلته حرجة نزلت عليه معجزة خليته خف
الموظف بأستهبال:سبحان الله ربنا قادر علي كل شئ
زينة بصت للموظف شوية:انت بتكدب صح
الموظف بتوتر:ها لا ابدا محصلش
زينة بشك:عيني في عينك كدا
الموظف بخوف:معلش عندي شغل لازم اخلص الورق دا
زينة بغيظ:اه أنا كدا عرفت تمام
زينة سابت الموظف وراحت نحيت اوضة حاتم
فتحتها بكل قوتها
حاتم غمض عينه بسرعة عمل نفسه نايم
زينة عرفت انو بيستهبل طفت النور ومشيت خطوة وقفلت الباب علي اساس انها مشيت
وقفت دقيقة فتحت النور فجأة
حاتم بخوف:ي ماما مالك عمله كدا ليه
زينة قربت منه بغضب:يعني منزلني من بيتي الساعه تلاته الفجر عشان اسلي جنابك
حاتم ببرود:زهقان طيب
زينة بغيظ: وأنا مال اهلي ومالك كنت من بقيت اهلي ولا جوزي ولا خطيبي عشان اترزع معاك
حاتم بابتسامة:يستي سوف
زينة بعدم فهم:نعم
حاتم:احم متخديش في بالك بس بقلك أنا من الصبح مكلتش حاجة روحي الكافيه تحت هاتلنا سندويتشين كدة
زينة بجنون:يبني انت اهبل ولا عبيط ولا دماغك دي فيها
حاتم ببرود:اخلصي بقي يلا جعان
زينة وهي بتخرج:لا دا فعلا مجنون
زينة نزلت الكافيه جابت سندويتشين شاورما وطلعت
حاتم بضيق:جييا شاورما فراخ ليه
زينة وهي بتاكل:عشان بحبها
حاتم بضيق: وأنا مش بحبها
زينة ببرود:ميخصنيش مش كفايا قعدة معاك وسيبة بيتي
هاااا نهار اسود دنا نسيا معتز تحت مستنيني
زينة قامت تجري نزلت عند معتز
لقيت قاعد في العربية ونايم علي الازاز
زينة بصتله وضحكت وخبطت علي الازاز
معتز بنوم:هااا أنتي جيتي
زينة بضحك: أنا اسفة والله نسيتك
معتز بنوم:يستي ولا يهمك اركبي خلينا نروح
زينة:لا مخلاص أنا هطبق انهرده لصبح روح انت
معتز:طيب تمام خلي بالك من نفسك لو احتاجتي حاجة رني
زينة:ماشي ي حبيبي صحصح أنت بس احسن تنام وانت ماشي
معتز مشي وزينة طلعت قعدة مع حاتم شوية بعدها راحت تشوف شغلها
مر سعات وكل شوية زينة بتبص تطمن علي حاتم من بعيد لغاية ما لقيته نام
عدا وقت وجه الصبح
زينة كانت فصلت خلاص ومشيا مفتحة عين ومغمضة التانية
راحت تبص علي حاتم لقيته داخل من باب المستشفى ولابس بدلة ولا اكنه في حاجة
زينة بخضة:بسم الله الرحمن الرحيم يبني أنت مش كنت لسة نايم من شوية
حاتم بيخلع نظارته الشمس:ي ماما أنا مليش في السهتنه والموتان دا هو حلو أوي الكام ساعة إللي قعدتهم هنا
زينة ببرطمة:دنتي فعلا زومبي
حاتم بصلها برفعة حاجب
زينة: بما ان حضرتك خفيت وبقيت زي القرد احم قصدي زي الفل وأنا من امبارح قعدة جنبك فأ واجبك بقي انك تقولي خدي اسبوع راحة عشان إللي عملتيه معايا وحتي ابتدريب متجيهوش
حاتم:اممم ااااه طبعا روحي ي هانم علي شغلك يلا
زينه بصتله بغضب
حاتم بخوف: احم تقدري تاخدي انهرده راحة وتيجي بعدها بقي
زينة بصتله بغرور ومشيت
مر اسبوعين علي نفس الحال زينة ما بين جامعتها وتدريبها وكانت بتشوف حاتم كتير واصلا حاتم خلي كل شغله في المستشفي عشان يقدر يشوف زينه وبدوء يقربو من بعض وكلامهم زاد
______وفي يوم
زينة قعدة مع حاتم في جنينة المستشفي
زينة: أنا زهقانه
حاتم:ليه
زينة:عايزة انتحر
حاتم:ليه
زينة:عايزة اسافر
حاتم:ليه
زينة:عايزة اكل
حاتم:ليه
زينة بصتله: انت كل حاجة ليه ليه معندكش رد خالص مالص كدة
حاتم بضحك:اعملك ايه منتي مجنونة
زينة بطفولة:متشتمنيش
حاتم بضحك:حاضر حقك عليا
زينة بصتله وابتسمت
سكتو شوية
حاتم بتلقائية:بحبك
صمت عم المكان والاتنين بصين لبعض بذهول
زينه حست انها اتيقلها وسكتت
حاتم:بحبككككككك
زينة بصدمة:نعممم
حاتم بابتسامة:هو كدا بحبك مش عارف امتي ولا إزاي بس حبيتك من اول يوم شفتك فيه في المستشفي ونظرتك القوية وثقتك في نفسك وهزارك ودبشك وكل حاجة فيكي رغم أنا مقضناش وقت كبير مع بعض بس بجد بقيت بعشقك
زينة بصاله بذهول من كلامه ومن جواها قلبها بيرقص من الفرحة
حاتم بابتسامة:طب هتفضلي سكتة كدة كتير
زينة بخجل شديد:احم عايزني اقول ايه
حاتم بثقة:موافقة
زينة برفعة حاجب:ي سلام وانت واثق كدة ليه
حاتم بغرور:يبنتي أنا بنات مصر كلهم بيتمنوني
زينة بغيظ:ي سلام طب خلي بنات مصر ينفعوك بقي
زينة قامت دخلت المستشفى
حاتم بضحك:خدي ابت بهزر والله
زينة مبصتلوش ودخلت طلعت مكتبها ولسة هتقفل الباب لقيت حد حط ايده علي بقها
زينة بخوف:امممممم
بتبص لقيت هيثم
هيثم:شششش
هحوش ايدي وعلي الله تصرخي
زينة هزت رأسها بموافقة
هيثم بشك:هتصرخي صح
زينة هزت رأسها بموافقة وبعدها بلا
هيثم بغضب:مسمعش صوتك
زينة هزت رأسها بخوف
وهيثم حاش ايده
زينة بخوف:يخربيتك قطعت نفسي
هيثم: أنا جاي اتكلم معاكي شوية
زينة بضيق:ي سلام عليك يعني كل الفيلم الهندي إللي عملته دا عشان عايز تتكلم معايا اوفر اوي
هيثم بغضب:اخرسي كفاية رط
أنا هتجوزك
زينة بصدمة:نعممم
هيثم بكره: هكسر قلبه زي ما كسرني زمان
زينة بضيق:ممكن تبطل غموض وتقولي بتتكلم علي مين وأنا دخلي أيه
هيثم بحقد:قصدي حاتم إللي بيعشقك هخدك منه واكسره وخليه يندم طول عمره
زينة:حلو عايزة اعرف إيه إللي حصل ما بينكم
هيثم بضيق:ملكيش فيه كل إللي ليكي إني هتجوزك
زينة بهدوء:طب أنت كدة هتكسرني أنا مش هو
هيثم بضيق: إزاي يعني مش فاهم
زينة بهدوء:يعني أنت عايز تنتقم منه بسبب حاجة عملها زمان أنا معرفهاش حلو أنا زنبي إيه تدخلني وسطيكم
هيثم بكره:زنبك انو بقي بيعشقك وأنا لازم اكسر قلبه
زينة بهدوء:صدقني أنت كدة هتكسرني أنا أنا زنبي ايه إني اتجوز واحد مبحبوش حتي أنت كمان مش بتحبني باين من نظرة عنيك ليه تربطني بيك عشان خاطر كلام فاضي
هيثم بغضب:دا مش كلام فاضي دا كان مسألة حياة او موت
زينة:طب قلي ايه هو
هيثم قام وقف:خليه هو يقلك بقي سلام واتنمي مشفكمش تاني
هيثم مشي وزينة اضايقت وقررت انها لازم تعرف إللي مابينهم
خلصت شغلها لقيت حاتم واقف ساند علي عربيته وكأنه مستنيها
زينة عملت نفسها مش شيفاه وراحت عند عربيتها وحاتم مبتسم بخبث
لسة بتفتح باب العربية
زينة بغضب:يووووه ودا وقتك
عجلة العربية نامت
حاتم بتمثيل:ايه دا لأ لاه إلا الله
زينة بضيق:ايه حد قالك أنها ماتت
حاتم بتمثيل:لا حول ولا قوه الا بالله
زينة بغيظ:اخرس بقي
حاتم:تحبي اوصلك
زينة بصتله وسكتت
حاتم:تعالي تعالي متتكسفيش
وهنا صاحب الجراش جه:حاتم بيه خلصت بالمفك وفشيت العجلة
صمت عم المكان وحاتم بيتمني الارض تنشق وتبلعه
وزينة بصاله بصدمة
حاتم بخوف:اه خلصت ي سامر منك لله ي سامر اللاهي تنفضح زي ما فضحتني
سامر مشي واتبقي حاتم وزينه وزينه بصاله قربت تكله
حاتم بخوف:ها هتركبي معايا
زينة:اقلع
حاتم بخوف:نعمممم
زينة:اقلع جاكيتك زي الامور كدا عشان تبدل العجلة إللي فشتها بالاستبن زي الشاطر
حاتم بصدمة:نعم لا طبعا
زينة:يلا ي كتكوت بسرعة
حاتم بصلها بغيظ وقلع الجاكيت وبدء يبدل العجلة وزينة وقفة وراه
زينة:هو ايه إللي بينك وبين هيثم
حاتم وهو بيغير العجلة:اممم هو لحق قالك
زينة:مقليش حاجة وانت كمان اخلص وقول
حاتم:ولا أي حاجة كل الحكايه انو كان بيحب بنت بيعشقها وكان هيقلها مشاعره بس في يوم جت البنت دي وقالتله انها معجبة بيا وعيزا اقولي وانها معتبرة هيثم زي اخوها فهو عرف كدة اتجنن افتكرني بخونه وباخد حاجة تخصه وفاكر إني اناني وبحاول افهمه مش راضي فا سبته براحته
زينة بتفهم:اممم قلتلي
حاتم قام وقف:بس مدتنيش رقم والدك
زينة بصتله بخجل وركبت عربيتها ومشيت
ومر كام يوم وفعلا حاتم اتقدم لزينه وتفقو انهم هيكتبو تطالكتاب والفرح بعد ما تتخرج
وجه يوم كتب كتاب
زينة وقفة مبسوطة جدا وخايفة وقلبها عمال يدق
وحاتم كذالك وقاعد حاطت ايده في ايد بابا زينه.
طارق بحب:مبروك ي قلب اخوكي
زينة بحب:الله يبارك فيك ي حبيبي
لميا (خطيبة طارق):مبروك ي زوز
زينة:الله يبارك فيكي ي روحي
الكل ساكت لغاية ما المأذون قال
(بارك الله لكما وبارك عليكما وجمع بينكما في خير)
زينة سمعتها وعنيها دمعت من الفرحة
بباها جه اخدها دخلها
حاتم قام وقف بسرعة راح عنضها حضنها وفضل متبت فيها
زينة كانت فرحانه جدا
حاتم بحب:مش مصدق ي زينة قلبي
حاتم:بعشقك
زينة:بحبك
تمت
لقراءة باقي حلقات الرواية : اضغط هنا
