روايات

رواية غرام العز الفصل الخامس 5 بقلم فرح وائل

 رواية غرام العز الفصل الخامس 5 بقلم فرح وائل

رواية غرام العز الفصل الخامس 5 بقلم فرح وائل

رواية غرام العز الفصل الخامس 5 بقلم فرح وائل

+ وانت مالك اصلا انا بكلمها هي..بترد بصفتك ايه
_ خطيبها يا شبح
*هاااار اسود عليك يا عز وعلي معرفتك الهباااب..خطيبته اي الله يخربييتك هتفضحني.. اعمل اي اعمل اي لو سكت هيفتكروا ان كلامو صح ولو انكرت مضمنش رده فعله هتبقي عامله ازاي… يشيلو ويحطووو عليك ياعز الكلب انت*
+ خطيبها!!
_ اه.. مالك مصدوم كده ليه
+ لا ابدا مفيش بس اصل كارما اكتر واحده في الدفعه كانت رافعه شعار alone forever ف استغربت انها خطبت الصراحه
_ اه لا ماهي اكيد مش هتعنس يعني.. ثم اني لا اقاوم الصراحه عشان كده اختارتني
+ اه طبعا.. الف الف مبروك يا كارما وعقبال الفرح ان شاء الله
=………..
+ كارما.. بقولك الف مبروك.. انتي معانا
= الله يبارك فيك يا بطل عقبالك
+  *وهو بيبص ل ريهام*  قريب ان شاء الله
_طيب عن اذنكو يجماعه وفرصه سعيده
*وهوبا لقيته بيشدني من ايدي وبيخرج بيا بره الاوضه..ويادوب قفلنا باب الاوضه روحت شديت ايدي جامد واستعديت للخناقه*
= انت مجنوون انت ايه اللي قولته جوه دا
_ ششششش الله يخربيتك احنا واقفين قدام الباب كده هيسمعونا
= ما يتنيلو يسمعونا..انا اصلا عيزاهم يعرفوا اني مش خطيبتك.. انا داخله اقولهم الحقيقه
*ولسه كنت داخله راح شدني من ايدي جامد وجري بيا ووقفنا في ركن هادي في المستشفي*
= بطلللل تسحبني وراك شبهه الجموسه كده..انا مش عيله صغيره.. وبعدين انا عايزه سبب وااااحد يخليك تقول اللي انت قولته جوه دا
_ خلصتي!!
= بكل استفزاااااز و رد عليا..عملت كده ليييه
_ عادي يعني
= عاااادي!! هو ايه اللي عادي.. انت شايلين فصوص مخك وحاطين مكانها فصوص يوستفندي ولا اي النظاااام عززز متنرفزنيش
*ابتسم جامد ومردش*
= اووووف..انت بتتضحك علي ايه يخربيتك لووح تلج… انا تاخد اوسكار اكتر حد بيستفز الواحد ف خمس ثواني
*مردش برضه وفضل باصصلي ومبتسم وساكت…. وانا حاولت اهدا واخد شهييق وزفير عشان طول ما انا متعصبه مش هلاقي منه رده فعل غير الاستفزاز*
=  *بهدوء شديد*  عز
_ يا نعم
= انا عايزه افهم انت قولت كده ليه
_ مش عارف
= اهدي يا كارما اهدي مش هتتعصبي مش هتتعصبي مش هتتعصبي
_  *بأستفزاز*  لا اتعصبي متكتميش في نفسك لعروقك تتطق ولا حاجه ????????
=  *بعصبيه*  هو انا اكلمك بزعيق متردتش اكلمك بهدوء متردش اعملك ايه عشان تنطق
( فكرتني ب اغنيه “اقوله حبيبي ميردش..اقوله يا سيدي ميردش اعمله اييه”…احم احم طلعتكم من اندماجكم!! اني اسف..كملو قرايه يكش تطلوا سقراط في الاخر )
*وانا متعصبه وفي قمه انفعالي وهاين عليا اكل ودانه… لقينا باب بيتفتح جمبنا وطالع منه واحد كله دم وفي ايده مشرط…انا شوفت الدم والمشرط من هنا وهاتك يا صويت وتنطيط.. وروحت مكلبشه في عز*
= يلااااهواااي قتله!!!! يخربيييتك قتلته… عملك اي عشان تقتله يا حيوان يا متخاذل
_ ششششش اخرسي شويه يخربيتك هتلمي علينا الناس
= اسكتتتت انت…اسكت لاحسن يدب المشرط في كرشك يطلع الكبد والكلاوي… دي تجااره اعضاء انا عرفاها كووويس
> في اي يا انسه مالك عامله دوشه وبتصوتي ليه
= انت ليك عين تتكلم يخربيتك يحراامي يا محتال
_ محتاال!!!!!
> يا انسه انتي واقفه قدام مشرحه… ومينفعش كده انا لحد دلوقتي مش حابب ارد عليكي
= مشرحه!! يعني اي.. يعني انت مش حرامي
_ انا شغال هنا في المشرحه مساعد دكتور… ف طبيعي يبقي لبسي فيه دم
*يلاااهوي ع الكسفه اللي انت فيها يا واد يا حاااازم.. اصلح العك اللي انا عكيته دا ازااي.. احيييه يا كارما علي قله ربايتك احييه*
= احم.. انا يعني مكنش قصدي طبعا انتو ربنا يخليكو لمصر ولحم كتافنا من خيركو واا… اي العك اللي انا بقوله دا.. والله يا كابتن مش قصدي فعلا متزعلش
> *وهو بيضحك* حصل خير ولا يهمك
_ طب يلا يا عسل روح شوف شغلك بدل ما الجثث اللي جوه تزيد واحد
*الولا بصله بأستغراب كده وسابنا ومشي وقومت انا بقا جيت ابصله لقيتني مكلبشه في قميصه بشكل يعر والله..سيب قمصيه الجامد جموده دا الشهاده تتقال يعني ولسه هاخد وضع الخناق تاني…لقيت الولا هوبا داخل علينا
 *
@ انتو واقفين كده ليه!!
= احم..ك ك اا كنت بجيب قصدي باخده ال اا…
_  *بجديه* بتظبط طرحتها في المرايه اللي في الجمب دي.. اظن خلصتي يلا بينا
*بصيت جمبي لقيت فعلا في مرايه… يواد يا ابن اللذينه يا زيزو لحقت تشوفها وتخترع حوار امتي يخربيتك..لا منكرش انك ذكي الصراحه..حركات ظباط بقا وهو متعود علي شغل المكيده و الخداع دا..انما انا علي باب الله*
= اا اه اه خلصت يلا بينا
@ طيب يلا بينا عشان اروحك يلا يا كارما
= لا يا مهاب انا هبات مع ريهام… انا مينفعش اسيبها تنام لوحدها
_ باباها مامتها او اخوها اي حد يقربها ممكن يبات معاها
= ريهام اهلها ساكنين في الصعيد وهي عايشه مع خالها ومرات خالها هنا في اسكندريه وهما حاليا عندهم فرح في البلد وقاعدين هناك يومين
_ اممم فهمت
@ طيب خالتو هترضي!!
= هرن عليها واقولها وهي اكيد مش هترفض يعني ان شاء الله
@ طيب تمام رني عليها يلا وقوليلي هتقولك اي
*روحت ورنيت علي ماما وطبعا اتضايقت علي ريهام جداا لانها هي وريهام يمكن يكونو صحاب اكتر مني انا وريهام شخصيا..ف وافقت بس بعد نصاااااايح كتييييير اوي اني اخلي بالي من نفسي ومنها وكده وقالتلي انها هتجيلنا بكره الصبح*
@ ها قالتلك اي
= وافقت
@ تمام انا هسيبك وامشي دلوقتي انا وعز وهجيلك بكره الصبح ان شاء الله اطمن عليها
= تمام
@ خلي بالك من نفسك يا كراميلا و اوعي حد يقولك تعالي اجيبلك حاجه حلوه تروحي معاه
= هاهاها يا ظرريف.. خلي بالك خفه دمك دي هتموتني في يوم من الايام
@ طيب يا بطل تصبحي علي خير
= وانت من اهل الخير.. الا قولي صح عملت اي لما لقيت عادل جاي هو ومامته????
@ مكنتش اعرف انه عادل اصلا غير لما ريهام قالتلي انه عادل اللي كان معاها في الجامعه… كنت هجيب لحم وشه في ايدي وهو بيتسهوك كده ومش علي بعضه
= هو عادل طول عمره كده..بالذات مع ريهام ????????
@ لا علي نفسه دا انا هصتنعله القرف اليومين الجاين دول لحد ما يكره اليوم اللي اتولدت فيه ريهام
= عاااش يصحبي..هو دا هوبا اللي انا اعرفه
@ يختي اتنيلي انتي كمان
_ طيب يلا بينا ولا ايه
@ تمام يلا بينا
_ طيب روح انت بقا قول ل ريهام انك هتبات معاها وبالمره تقولها تصبحي علي خير ????????
@ والله يا ولا يا عزوو انت بتفهم
_ حبيبي
*مشي الولا هوبا واستنيته يمشي هو كمان بس لقيته واقف*
= خير واقف ليه
_ تاني مره لما مهاب يلاقيكي واقفه معايا ياريت تبطلي تتهتهي كده وتردي رد منطقي..لان مهاب ظابط واكيد بيلاحظ ف توترك دا كان ممكن يودكي في داهيه
= اعمل ايه انا اتفاجأت بالسؤال وانا اصلا مبعرفش اكدب..مليش انا في مكر التعالب بتاعكو دا
_ معلش يا قطه بكره تتعودي ????????
= وسع كده عشان انا دقيقه كمان وهولع فيك
_ رايحه فين
= رايحه الاستقبال اقولهم ان انا اللي هبات مع ريهام
_ تمام يلا بينا كده كده انا كنت نازل عشان استني مهاب تحت
*مردتش عليه وبصتله بقرف كده وسيبته ومشيت..وهو جه ورايا..ووقفت عند الاستقبال وقولت للبنت اللي واقفه ان انا اللي هبات مع الحاله وكده وانا بتكلم معاها لقيت الدكتور السئيل اللي عز هزأه فوق من شويه جاي علينا*
» ايه دا هو حضرتك هتباتي مع الحاله!!
= اه
» يا سبحاان الله انا كمان عندي شيفت اضافي النهارده وهبات في المستشفي..لو احتاجتي اي حاجه ارجوكي متتردديش انك تكلميني
_ لا والنبي!! وحياه امك
» انا مكلمتكش انت يا استاذ بترد ليه
_ لا انت كلمه كمان وانا اللي هردك ع البارد شبه السمكري ما بيعمل في العربيه كده بالظبط
= خلاص بقا يا عز بلاش فضايح واسكت
_ اسكت ايه اقعدي علي جمب انتي دلوقتي..ولا لو عرفت انك هوبت من ناحيه الدور اللي هي قاعده فيه هبلعك يلا
» انا دكتور علي فكره وممكن ابلغ عنك بتهمه السب والقذف وفي شهود كمان
_ معاك رقم البوليس ولا امليهولك يا عسل
» انت مش خايف بقا
_ هخاف منك انت يا هفأ
» لا تخاف من الحكومه
_ حكومه مين يلاا.. انا الحكومه ( احمد عز في فيلم المصلحه في نفسه اووي)
» يعني ايه مش فاهم
*قام عز طلع من جيبه البطاقه التعريفيه بتاعته وقام قايله بكل غرور وثقه كده*
_ وكيل النيابه عز الدين عبد البارئ
» اه اه.. تمام عن اذنك
*وفجأه لقيت الدكتور كش كده وبقي عامل شبهه الكتكوت المبلول وقام مكشكش ومشي (ايه مكشكش دي كمان… عُذرا عزيزي القارئ بس انا بتعامل معاك اكننا قاعدين علي المسطبه اللي هو سيد عيب متقولش كده احنا اهل)*
_ خلصتي
= ايه اللي انت عملته دا
_ خلصتتتتي
= اه
_ طيب اتفضلي اطلعي ل ريهام وناديلي مهاب
*سيبته وطلعت ل ريهام فعلا وبعتله مهاب وقعدت انا وريهام نحكي عن حاجات كتييييير اوي وفضلنا لحد الساعه 11 كده بنتكلم لحد ما ريهام اخدت دواها ونامت وانا فضلت قاعده زهقانه مش جايلي نوم واقعدت بقا اجلد في ذاتي شويه*
عقلي:- فاكره يابت يا كارما لما خلود اللي في ابتدائي غشت منك الاجابه وقالتها والمستر اداها نجمه
قلبي:- لالالا طب فاكره لما كنتي بتكراشي علي الولا علاء اللي كان معاكي في اعدادي وفي الاخر قالك ظبطيلي اسماء
معدتي:- لالالا فاكره انتي لما اشتريتي ب قبضك كله اكل واتسرق منك وانتي مروحه..وقعدتي طول الشهر فقيره وجعانه
عقلي:- طيب هي ليه كلمه اربعه من خمس حروف وكلمه خمسه من اربع حروف
كارما:- هو كده.. ربنا خلقها كده
قلبي:- طب ليه القلب يحب مره ميحبش مرتين وهل دا مبني علي اثبتات علميه ولا شيرين كانت بتهبد…ارجو التوضيح
كارما:- لما ربنا ياخدك ابقي اسأله بقي ومتقرفنييش
معدتي:- طب ليه مينفعش نشرب لبن ورا  السمك..!
كارما:- عشان القطط متزعلش
عقلي:- طب العربيه اسرع ولا البحر اوسع
كارما:- خيبتي اكبر..
قلبي:- طيب ا..
*قطع تفكيري المهزأ دا صوت باب بيتفتح براحه اوووي وبهدوء مرعب خلاني افتكر كل افلام الرعب اللي اتفرجت عليها في حياتي دلوقتي…وتخيلت ان في رجل كلها دم هتخش عليا وهتاكلني ولسه هرقع بالصوت لقيت عز داخل*
= عز!! الله يخربيتك انت ايه اللي جابك هنا؟!
يتبع..
لقراءة الفصل السادس : اضغط هنا
لقراءة الرواية كاملة اضغط على : (رواية غرام العز)

‫38 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى