نوفيلا تزوجت ملتزم الفصل الخامس 5 والأخير بقلم إيثار حسين

صمت لثوانى يردد كلمتها بعقله!! حقا هل هى تحبنى؟!!

_بتحبينى_

ردد الكلمه باستغراب ولكنه شعر باستمتاع عندما تفوه بها، فنظرت اليه مريم وقد تجمعت الدموع فى مقلتيها

_ايوه حبيتك وعشان كدا كنت جايه اعتذرلك لكن انت الى جيت قبل ما اكمل لبس_

_وبدام ما انتى بتحبينى مقولتيش ليه من زمان_

_مشاعرى بانت اكتر لما انت بعدت عنى_

_والله_

_اه والله، ممكن بقى متزعلش منى عشان انا تعبت من البعد دا_

_احسن، اتعبى عشان تحسى بالى انا كنت حاسه_

_بقى كدا يا ساجد_

انهت جملتها واتجهت الى الباب حتى تخرج ولكن امسك ساجد يدها واغلق الباب بالمفتاح ثم وضعه فى جيبه لتقول مريم

_هات المفتاح_

اجابها ساجد ببرود

_لاء_

_هات بقى يا ساجد_

_قولت لاء_

تأففت مريم بصوت مرتفع فأردف ساجد

_انفخى من هنا للصبح مش هفتح غير لما تقولى بحبك_

_قولتها مره خلاص بقى_

_ميلزمنيش قولى تانى_

_بس بقى، هات المفتاح_

_قولت لاء_

_طب هات والمفتاح واوعدك انى هقولها_

_ماشى، وعلى فكره انا هحدد مع باباكى معاد الفرح_

_حاضر_

اخرج ساجد المفتاح واتجه الى باب الغرفه وفتحه ليرى ان والد مريم ووالدتها وصابرين ثلاثتهم يقفون امام الباب (بيتصنتوا يعنى????) فقالت مريم

_ايه دا انتو بتعملوا ايه_

فقال والدها بتوتر

_معملناش حاجه، انا كنت معدى فلقيتهم وافقين كدا، معرفش بقى هما كانوا عايزبن ايه_

نظرت له زوجته بغيظ فقالت صابرين بدفاع

_انا كنت فى اوضتى ولما سمعت صوت باب اوضتك بيتقفل فقولت اجى اقعد معاكى_

واردفت والده مريم بدفاع هى الاخرى

_انا كنت بطبخ فقولت اجيلك عشان تساعدينى شويه_

كل منهم يقول مبرر بينما ينظر لهم ساجد ومريم بملل شديد.

_خلاص مش عايزين نعرف كنتوا وافقين ليه_

هتفت بها مريم بملل فقال ساجد موجه حديثه الى والد مريم

_لو سمحت يا عمى كنت عايزك فى موضوع_

_ماشى، تعالى نقعد برا_

خرج والد مريم من الغرفه وخلفه ساجد حتى وصلا الى الردهه فجلسا على الاريكه، فقال ساجد

_كنت عايز احدد ميعاد الفرح_

_تمام،بعد شهرين_

_شهرين ايه انا بقولك عشان تقولى بس اسبوع او اتنين مش شهرين_

_شهرين حلو يا بنى معاد مناسب_

_لاء مش مناسب انا عايزه بعد اسبوع_

_خلاص بعد اسبوع_

بعدما أنهى والد مريم جملته نهض ساجد واستأذن ثم ذهب.

******

_كان بيقولك ايه_

هتفت بها صابرين بفضول فقالت مريم ببرود

_مش سمعتى كل حاجه بتسألى ليه بقى_

_لا والله ما سمعت حاجه انا جيت قبل ما تفتحوا الباب بخمس دقايق_

_ما احنا متكلمناش غير فى الخمس دقايق دول_

_يخربيت رخامتك بت ثقيله_

_طلعالك_

_شكرا يا محترمه_

قالتها صابرين باستهزاء ثم خرجت بينما جلست مريم على الفراش تتذكر عندما قالت لها صابرين عن خطتها.

فلاش باك

قالت مريم بنفاذ الصبر

_اخلصى يا ختى عايزه انبهر بافكارك_

_عنيا، اسمعى بقى يا ستى انتى هتروحيله وتقوليله ان فى واحد كان زميلك فى الكليه متقدملك لو اتعصب اتأكدى على طول انه بيحبك ومش عايزك تبعدى ولو مش بيحبك هيطلقك، ومتخافيش هو قلم أو قلمين بسطين هيورموا خدك اسبوعين كدا وتخفى_

باك

ضحكت مريم بشده عندما تذكرت هذه الخطه الساذجه، بعد دقايق سمعت صوت اذان المغرب فقامت وتوضأت وادت فرضها بخشوع وعندما انتهت خرجت من الغرفه وجلست مع عائلتها الصغيره على طاوله الطعام.

******

مر اليوم على الجميع دون احداث مهمه وجاء يوم جديد مليىء بالسعاده.

استيقظت مريم فى الساعه السابعه صباحا فنهضت متجهه الى المىحاض لتتوضأ وتصلى صلاه الصبح ثم ذهبت الى المطبخ فرأت والدتها تعد الطعام فقامت هى باكماله.

_مالك صاحيه رايقه ليه_

هتفت بها والدتها فقالت مريم

_مش عارفه يا ماما انا حتى تول مره اصحى بدرى كدا انا بصحى دايما 10 او 10:30 دلوقتى صحيت سابعه_

_ملاحظه يا حبيبتى،بس من دلوقتى ترتاحى خالص دا حتى فرحك الاسبوع الجاى_

_تصدقى نسيت اسأل بابا ساجد حدد معاه امتى_

_الاسبوع الجاى يا حبيبتى_

انهت مريم احضار الفطور واردفت

_خلصت يا ماما هروح انا بقى اكمل نوم_

_طب كلى وبعديها نامى_

_لاء مش قادره عايزه انام_

(وانا والله هموت وانام????????)

_ماشى يا حبيبتى روحى نامى ولما تصحى ابقى افكرى_

_حاضر_

ذهبت مريم الى غرفتها وبعد مده غاصت فى ثبات.

******

بعد 6ساعات كان يجلس ساجد فى محل عطارته وجاء له حازم وقال

_ايه يا برنس قاعد لوحدك ليه كدا_

_هعمل ايه يعنى_

دخل حازم المحل وجلس على مقعد خشبى وقال

_بدام فيها اعمل ايه يعنى وجو السنجل المكتئب يبقى طلقت مريم وبكدا مش هعرف تتجوز صابرين_

_يا عم اتنيل، همك على نفسك وخلاص_

_طبعا يا بنى دا مستقبلى_

_يا جدع_

_انا حازم مش جدع_

_عايز ايه يا زفت عشان انا مش طايق برودك دلوقتى_

_الحق عليا كنت جاى اصلى معاك الظهر_

_والله_

_عندك شك_

_لا ابدا، يلا يا خويا_

نهض ساجد وحازم واتجه للمسجد وادوا رفضهم ثم ذهبوا للمحل مره اخرى.

_انا من رأى اننا نقولهم انك جاى النهارده بعد العشاء، عشان ميتفجئوش_

_انا حاسسها بايخه_

_وانا كمان،انا هرن على مريم اقولها_

_ماشى_

اخرج ساجد هاتفه واتصل على مريم.

******

كانت جالسه هى وصابرين فى الردهه امام التلفاز وامامهم بوله من الفشار يأكلون باستمتاع وهم يشاهدون فيلم كرتون يسمى بـ(باربى فى مدرسه الاميرات)،،،،(عارفه انه قديم بس اجى فى دماغى مينفعش اقول لاء????)،،،،،، ليرن هاتف مريم، نظرت الى اسم المتصل ثم ردت.

_الو يا حبيبى_

هتفت بها مريم وهى تحرك فمها(تمضغ الفشار) فقال ساجد

_بقولك انا وحازم صاحبى جايين بعد العشا عشان حازم عايز يتجوز صابرين_

_ماشى هقول لبابا_

_تمام سلام يا قلبى_

اغلقت الهاتف فقالت صابرين بسهوكه مصطنعه

_الو يا حبيبى_

لتستكمل بطريقه سوقيه

_بقولك ايه انا شاليه المراره مش نقصاكى، لما تيجى تتسهوكى ابقى روحى اوضتك_

_ملكيش دعوه بيتنا واتكلم فى الحته الى عايزاها_

_بكرا اروح وساعتها انتى الى هتجيلى وتتذلللى(معرفش بتتقال ازاى ????) عشان اجى اقعد معاكى_

_لا يا ختى مش هجيلك_

نظرت مريم الى التلفاز لتتحول ملامحها الى غضب عندما رأت ات صابرين حولت من فيلمها الكرتونى الى فيلم رعب لتقول بغضب

_هاتى الريموت يا بت_

_لاء انا بحب الفيلم دا_

_وانا بخاف هاتى بقى_

_بس يا خوافه_

_هاتى بقى الريموت_

ظلا يتشاجران حتى اتى والد مريم، وعندما رأهم صرخ بهم

_انتى يا زفته منك ليها، ايه الدوشه دى_

_صابرين يا بابا مش راضيه تجيب كرتون باربى_

قالتها مريم بزعل طفولى ليقول والدها

_بس يا ماما كرتون باربى ايه انتى هتتجوزى بعد خمس ايام_

_على فكره ملهموش علاقه ببعض_

هتفت بها مريم بتزمر فقالت صابرين بضحك

_هتبقى تفرجيه معاكى على باربى يا طفله_

_اه هيتفرج معايا خليكى فى حالك انتى_

تفوهت بها مريم وهى تحرك يديها بمعنى (اصمتى) فقال والد مريم

_خلاص انتو الاتنين_

_بابا كنت عايزاك فى موضوع_

هتفت بها مريم فاجابها والدها

_ماشى تعالى ورايا_

اخذها وذهبا إلى غرفه والديها فقالت مريم

_ساجد رن عليا وقالى ان حازم صاحبه هيجى بعد العشا عشان عايز يتقدم لصابرين_

_وامها_

_رن عليها قولها تيجى، الاسكندريه مش بعيده اوى_

_ماشى هقولها تيجى وقولى لصابرين_

_حاضر_

خرجت مريم وهاتف والدها والده صابرين للحضور بينما اخبرت مريم صابرين التى سعدت جدا.

******

قبل اذان العشاء كان يجلس ساجد وحازم فى كافيه

_يا عم اطلب قهوه عايز افوق شويه_

هتف بها حازم ليقول ساجد

_هو انت كل لما تروح مكان تطلعنى منه ميعيش فلوس_

_يا بنى دا فنجان قهوه بخمسه جنيه مش هتدفع كتير يعنى_

_ماشى هجبلك الزفت_

_استنى، فى مطعم برا بحبه اكله اوى هاتلى شاورما لحمه كبير وبطاطس عشان بحبها وشيبسى بالشطه واللمون ومتنساش البيبسى عشان اهضم_

_ما اكيد يعنى هتحتاج بيبسى بعد كل دا_

_طب يلا بقى بسرعه قبل العشا عشان هنروح لمراتك_

_ماشى يا كلب البحر_

ذهب ساجد وبعد نصف ساعه جاء ومعه اكياس وجلس امامه.

_هات الكياس دى جوعتنى_

هتف بها حازم وهو يجذب الاكياس من يد ساجد ووضعت على الطاوله ثم فتحها وبدأ فى الاكل.

_ايه دا انا قصدى انك تجيب شيبسى بخمسه انت ليه جايب اتنين من ابو اتنين جنيه_

هتف بها حازم فقال ساجد

_ما انا ملقتش بخمسه ولو جبت واحد صغير كنت فضحتنى فقولت اجيبلك اتنين_

_طول عمرك ابن حلال هات بقى الجنيه الباقى من فلوس الشيبسى_

_يا عم ارحمنى شويه انا معدش معايا غير ميه جنيه دا انت شوفت محمصه على الطريق نزلت جبت كل الى فيها ارحمنى بقى_

_جت على الجنيه يعنى_

اخرج ساجد جنيه ووضعه على الطاوله قائلا

_خد يخربيت ابو زنك_

بعد مده انهى حازم طعامه وبعدها ركبا السياره.

_هنروح نجيب جاتوه وبعد كدا هنروحلهم_

_ماشى_

ادار ساجد محرك السياره متجه الى محل للحلويات وبعد فتره اوقف السياره امام محل كبير ونزل، دقايق وكان يعطى لحازم علبه جاتوه ثم ادار السياره مره اخرى متجه الى منزل مريم.

******

_قدام مرايتها عادىى بتدلع براحتها بستناها وبستعجلها تضحكلى وابصلها لولولولوى_

هتفت بها صابرين وهى تقف امام المرأه ترتدى حجابها لتدخل مريم وهى تمسك بخمارها قائله

_قربوا يوصلوا، وانتى لسه ملبستيش_

_يعنى هو انتى الى خلصتى لبس يعنى_

دخلت والده صابرين فضمتها صابرين بحب قائلا

_ماما وحشتينى اوى_

_وانتى كمان يا قلب امك وحشتينى اوى_

هتفت بها والده صابرين بينما كانت مريم امام المرأه ترتدى خمارها وعندما انتهت قالت

_يلا يا صابرين خلصى بسرعه قبل ما يجوا_

_حاضر_

وقفت صابرين أمام المرأه وارتدت حجابها وبعد حوالى عشر دقايق كان الباب يطرق ففتحت والد مريم وبعده جائت زوجته ثم والده صابرين فقال ساجد بفضول

_هى مريم فين_

فاجابه والد مريم

_هتطلع مع صابرين_

اومأ ساجد وحازم بهدوء، ظلوا صامتين فنظر ساجد لحازم باشاره ليتحدث ولكن صدمه حازم عندما همس له

_هما بيقولوا ايه لما بيتقدموا_

فاجابه ساجد همسا هو الاخر

_اخرس يخربيتك هتفضحنا انت مقعدتش فى قرايه فاتحه قبل كدا_

_لاء مجربتش_

_طب اخرس خالص ومتتكلمش لو حد قالك اتكلم حتى لو مين طنشه ولا أكنك سامعه_

_حاضر_

_انا يشرفنى يا عمى انى اطلب ايد الانسه صابرين لحازم صاحبى_

قالها ساجد بصوت مرتفع فقال والد مريم

_اممم هو صاحبك ساكت ليه_

_ها لا مفيش هو بس مش بيحب يتكلم كتير_

هتف بها ساجد باحراج فقال والد مريم

_طب وفيها ايه، هو هيعرفلى نفسه_

_ماشى يا عمى، حازم عمى عايزك تحكيله عن نفسك_

هتف بها ساجد موجه حديثه الى حازم فاجابه حازم بسذاجه

_مش انت قولتلى متتكلمش خالص حتى لو مين قالك_

نظر له ساجد بغضب شديد من سذاجته بينما الجميع الى ساجد بترقب.

_بس يا حيوان هتفضحنا_

همس بها ساجد بغيظ لحازم الذى قال بصوت مرتفع متجاهلا ساجد

_بص يا عمى من الاخر كدا انا معرفش هما بيقولوا ايه فقولت لساجد وهو قالى متتكلمش_

نظر له والد مريم باستغراب وقال

_طب احكيلنا عن نفسك، ولا دى كمان متعرفش_

_حاضر، انا حازم الرضوانى شغال خياط فى مصنع امى وابويا متوفين عندى 27سنه، حاجه تانيه يا عمى عايز تعرفها_

_لاء كدا تمام هنادى على العروسه_

اتجه الى غرفه صابرين بينما اتجهت والده مريم ووالده صابرين لجلب المشروب الغازى.

بعد دقايق كانت تدخل صابرين وهى تحمل المشروب الغازى ثم جلست هى ومريم فى الاريكه الاماميه لاريكه حازم وساجد.

_ها يا صابرين موافقه_

هتف بها والد مريم فقالت صابرين بخجل

_الى تشوفه يا عمى_

_الى انا شايفه انك موافقه، يبقى على بركه الله اقروا الفاتحه_

قرأ الجميع الفاتحه وبعدها قال والد مريم

_نسيبهم قاعدين مع بعض شويه_

نظر حازم الى ساجد بتوتر وهمس

_انا معرفش هما بيقولوا ايه_

_اتصرف_

خرج الجميع وجلسوا فى الردهه ولكن جلس ساجد ومريم بجوار باب الغرفه.

بينما جلس حازم بجوار صابرين قائلا بتوتر

_ا ازيك_

_الحمدلله_

_عامله ايه_

_كويسه_

نظرت له باستغراب فهو يردد الكلام ولكن بصيغه مختلفه فقال حازم

_مالك بتبصيلى كدا ليه_

_اصلك يعتبر بتردد الكلام_

_بصى انا متقدمتش لحد قبل كدا ولا خطبت فمتعلقيش على كلامى_

_ماشى خلاص_

*******

على الجهه الاخرى كان يجلس ساجد ومريم فهتف ساجد

_وحشتينى اوى_

_وانت كمان يا حبيبى_

_انا فرحان اوى_

_يا رب دايما_

_انتى عارفه ليه_

_لاء، بس فرحانه لفرحك_

_عشان لما اتصلحنا بقينا احسن من الاول_

نظرت لها مريم بابتسامه حنيه وقالت

_ربنا يخليك ليا يا حبيبى_

ظلا يتحدثا وبعد فتره قصيره جلسوا مره اخرى مع صابرين وحازم.

_نجيى امتى عشان نجيب الشبكه_

هتف بها حازم فقال والد مريم

_بعد بكرا صابرين هتروح وهتيحى قبل فرح مريم بيوم، فتعالوا بكرا_

_بكرا ورايا شغل_

هتف بها حازم فقال ساجد متدخلا

_خلاص ننزل دلوقتى والخطوبه تبقى بعد الفرح_

_ماشى_

هتف بها والد مريم ثم نهضوا وخرجوا من البيت ثم ركب ساجد ومريم وحازم فى سياره ساجد وركب والد مريم ووالدتها وصابرين ووالدتها فى سياره اجره (ما اكيد يعنى كل دول مش هيركبوا فى عربيه واحده????????).

بعد مده وقفت السيارتين امام محل المجوهرات ونزل الجميع ودخلوا.

ظلوا يتجولون فى المحل فوقفت صابرين فجأه ونظرت الى خاتم ذهبي جميل وقالت

_دى حلوه اوى_

فاجابتها والدتها باعجاب

_جميل يا حبيبتى، اندهى يا مريم على ساجد وحازم_

_حاضر_

ذهبت مريم وبعد دقيقتين جاءت ومعها ساجد وحازم ووالدها.

دفع حازم ثمن الخاتم ثم ذهب كل منهم الى منزله.

******

بعد مرور خمس ايام كان ذلك اليوم اسعد الايام لساجد ومريم فاليوم هو يوم زفافهم بعد ان اصرت مريم على ان يكون زفاف اسلامى وهذا ما اسعد ساجد اكثر.

فى صالون التجميل:

نظرت لنفسها فى المرأه بسعاده فقالت والدتها بانبهار

_بسم الله ما شاء الله_

فكانت مريم ترتدى فستان ملتصق عند الصدر ونزل باتساع حتى قدمها وشعرها منسدل على ظهرها وفيه بعض من الؤلؤ الذى يزينه، اقترب منها البيوتى سنتر منها ووضعت عليها غطاء باللون الابيض (كاب)، بعد ربع ساعه دخل ساجد وهو يرتدى حله باللون الاسود ويمسك ويمسك بيده باقه من الورد الابيض وبالمنتصف ورد احمر.

اقترب منها وسط الزغاريط واعطى لها باقه الورد ثم قبل رأسها وامسك يدها وخرج، استقلوا السيارات،،،،،،،بعد حوالى ساعه وقفت السيارات امام قاعتين منفصلين (زفه بقى وكدا????) دخلت الرجال قاعه والقاعه الاخرى دخلتها النساء.

ماشوفتش كدا فى الدنيا بحالها، زى الليله دى مفيش فى جمالها ولا عدى علياااا، دى اجمل لحظه عمر هعيشها، فرحه كل الناس انا شايفها، فى كدا فالدنيااا.

طول ما انت ربك راضى عنك،،،، هتلاقى دايما جوا قلبك،،،رضى وسعاده وكل خير.

هيفرحك انت وحبايبك،،،دايما على طول العمر جنبك،،،وتنول الى انت بتحلم بيه واكتر بكتير.

شايف الفرحه جول عنينا،،،،ماليا قلوبنا باجمل ليله،،،،كلنا عيشينها.

يارب ايامنا الجايه جميله،،،،على كول كدا وتبارك لينا،،،،دايما فى حياتنا. (اغنيه ماشوفتش كدا لابو بكر)

كانت جميع النساء تتمايل على هذه الاغنيه.

انتهى اليوم على ان ذهب ساجد واخذ مريم وذهبا الى منزلهم لتبدأ حياتهم الزوجيه فى سعاده.

******

بعد مرور ثلاث سنوات كان يجلس ساجد وامامه اولاده رقيه وعائشه ويمسك بمصحف ويقول

_يلا يا رقيه سمعى اول خمس ايات فى صوره الاعلى وانتى يا عائشه خمس ايات كمان_

_بسم الله الرحمن الرحيم،،،،سَبِّحِ اسْمَ رَبِّكَ الأَعْلَى….الَّذِي خَلَقَ فَسَوَّى….وَالَّذِي قَدَّرَ فَهَدَى….وَالَّذِي أَخْرَجَ الْمَرْعَى…..فَجَعَلَهُ غُثَاءً أَحْوَى_

هتفت بها رقيه وعندما انتهت هتفت عائشه مكمله

_سَنُقْرِؤُكَ فَلا تَنسَى،،،،إِلاَّ مَا شَاء اللَّهُ إِنَّهُ يَعْلَمُ الْجَهْرَ وَمَا يَخْفَى….وَنُيَسِّرُكَ لِلْيُسْرَى…..فَذَكِّرْ إِن نَّفَعَتِ الذِّكْرَى….سَيَذَّكَّرُ مَن يَخْشَى_

_شاطرين_

هتفت بها مريم وهى تجلس بجوار ساجد الذى ابتسم لها فقالت موجه حديثها اليه

_ربنا يديمك يا حبيبى وتفضل تحفظهم دايما ويبقى زريه صالحه لما يكبروا_

_يا رب يا حبيبتى_

_عمرى ما هندم انى وافقت عليك انا فرحانه اوى انى تزوجت من راجل زيك وفخوره جدا ان انا تزوحت ملتزم_

النهايه_