رواية الظلال المحترقه الفصل الثامن 8 بقلم اسماعيل موسى
رواية الظلال المحترقه البارت الثامن
رواية الظلال المحترقه الجزء الثامن
رواية الظلال المحترقه الحلقة الثامنة
لو كنت عايز تتعلم المبارزه الحقيقيه قابلنى بكره باليل شمال الغابه الحمراء اول ما القمر يطلع!
اختفى الفارس الملثم وترك اردا غارق فى تفكيره، ازاى اتغلب بسرعه كده؟ وهو إلى كان فاكر انه مقاتل قوى لا يهزم؟
وروح القلعه فى شرود، فولطان كان عنده حق لما ما اختروش من ضمن المرشحين واضايق جدا من الفكره دى
عدى على ساحة التدريب لكنه مفكرش يتفرج عليهم واصل طريقه وسط نظرات الفرسان ونظرات فولطان إلى كان متوقع ان اردا هيسأله ليه ما اختروش من ضمن فرسان النزال
اول ما وصل غرفته قعد اردا يحاول تذكر حركات الفارس الملثم عشان يدرسها زى ما بيدرس كل حركات المنافسين ليه
لكن مقدرش يتذكر الحركات، عقله كان غاضب والفارس الملثم كان بيتحرك بتكتيك جديد عليه
اخد حمام ونام نوم طويل، فتح عنيه وقت المغرب، تناول طعامه مع الحراس
وقبل ما الليل ما ينتصف اخذ سيفه وخرج قاصدآ شمال الغابه الحمراء
قال الفارس الملثم كنت فاكرك مش هتيجى؟
اردا قال انا مش ممكن انسى خسارتى
يعنى ناوى تفوز الليله؟
هحاول ليه لا
أعجب الفارس الملثم برد اردا الحكيم، ولاحظ انه متغير عن الأمس
أشهر اردا سيفه ملمح لبداية النزال، واشتبك مع الفارس الملثم إلى اكتشف ان اردا مركز فى النزال وحركاته مدروسه حتى أنه مقدرش يضغط على اردا، كان مستمتع بالنزال لاكتر من ساعتين
فى نهاية النزال انهزم اردا، لكن الفارس الملثم مكنش سعيد، فهم جدا أن اردا سابه ينتصر
وتكرر اللقاء فى نفس المكان الليله التانيه، كان اردا يتلقى الضربات بحنكه
يتراجع عندما يهم الفارس الملثم بالهجوم
ويضغط عندما يتأخر، كان حافظ حركاته ومتوقعها، وتمكن من الانتصار على الفارس الملثم
مش معقول، انت ازاى انتصرت عليه؟ انا عمرى متهزمتش فى نزال؟
متكبرش الموضوع، قال اردا ان انهزمت امس عادى
لكن الفارس الملثم كان مصدوم، انت درست حركاتى صح؟ حفظتها؟
لكن ازاى بالسرعه دى؟
وطلب نزال تانى انتهى بالتعادل رغم انه استخدم كل قوته
انت مين؟ سأله الفارس الملثم
أسمى اردا سندان يلتان اسهد
انت ابن الأمير سندان؟
ايوه رد اردا بحزن
كان لازم افهم كدا، محدش يقدر يهزمنى غير أبن شخص تدرب على يد فرسان الجان وانسحب بعدها الفارس الملثم تاركا اردا وسط أفكاره
أعدك ان يكون نزالنا فى الغد، نزال لم تعرفه من قبل
كان اردا سعيد رغم ذلك، انتصر على فارس مجهول، فارس أقوى من كل الفرسان الذين واجههم من قبل
كانت النزالات بدأت مراحلها التمهيديه وكان يسمع صوت تشجيع الجماهير وصراخ الفرسان
لكن اردا لم يكن مهتم، كان لديه نزاله الخاص الذى ينتظره
والتقى اردا بالفارس الملثم، كانت ليله مظلمه، لم يظهر القمر بعد
سنتقاتل الأن فى الظلام؟ سأل اردا الفارس الملثم؟
ايوه، النهار زى الليل، الفارس الحقيقى مش بيفرق معاه ظلام من نور
صوت السيف وحركات الجسم والاقدام
خد السيف ده ومد الفارس الملثم سيف لامع غريب الشكل لاردا
السيف ده عمره سنين كتيره وبيرتبط بالفارس إلى بيقاتل بيه وبيصبح جزء منه
تناول اردا السيف، فى الحال شعر ان السيف جزء منه، انطلق ضربهم فى الظلام
وكان السيفين عندما يتلقيا يشع منهم شرز
ضرب وكر وفر معتمد على الصوت وحده وكان اردا تحمس اكتر عندما شعر بحواسه تعمل فى الظلام بصوره جيده
وكان يسمع صراخهم من مسافه بعيده
نزال حقيقى دموى حتى انهك الفارسان وتعرقا
الان يمكننى القول أننى قابلت فارس حقيقى
انت يا اردا ابن سندان الفارس الأول
حزن اردا عندما عرف انه لن يلتقى الفارس الملثم مره أخرى وان لحظة الرحيل حانت
ودع كل منهم الاخر على آمل اللقاء فى تلك الحياه
اختفى الفارس الملثم، كان يعرف انه لا يمكنه العوده لقبيلته
وانه سيهيم فى الأرض لاعوام طويله
انتهت النزالات التمهيديه ووصل النزال للادوار الحاسمه وكان لم يترشح من قلعة سيليا سوى فولطان وأمير اخر
نتيجه مخيبه جعلت الملك يغضب ويثور
كيف يحدث ذلك؟ قلعتنا ضعيفه لذلك الحد
الأعداء سيتربصون بنا الأن
دافع فولطان عن اختيارته ووعد الملك ان يحقق النصر فى النهايه مثل كل عام
كانت المره الأولى التى يسأل فيها الملك عن اردا
قال كبير المستشارين كان اردا يلاحظ يخرج كل ليله لشمال الغابه ولا يعود قبل الفجر
جواسيسى تقول انه كان يصارع نفسه بالساعات كالمجنون، يصرخ ويضرب ويتعرق بمفرده
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الظلال المحترقه)
تعليق واحد