رواية صغيرتي الفصل الخامس 5 بقلم غادة صلاح
 |
| رواية صغيرتي الفصل الخامس 5 بقلم غادة صلاح |
رواية صغيرتي الفصل الخامس 5 بقلم غادة صلاح
كل واحد ركب عربيته واتحركوا،كانت عربيه يوسف ومنار قدام عربيه حور و روز، روز بصوت عالي جدا خضت حور
روز:ماااامي ….الحقي
حور:في اي مالك
روز بفرحه:شوفي عربيه يوسف داخله فين
حور:ايوا شيفاها
روز:يعني كدا ي ماما احنا جيران، بس انا مشفتوش قبل كدا هنا
حور:لانهم من اسكندريه ي حبيبتي ونقلوا هنا الاسبوع اللي فات
روز:يعني كدا هشوف يوسف كل يوم
حور بضحك ومسكت خدودها:ايوا ي لمضه هتشوفيه كل يوم.
حور:اي دا بتعملي اي
روز بصوت واطي:ششششش بابا هيصحي وطي صوتك
حور بصوت واطي:بتعملي ااااي
روز بصوت واطي:بحط روج ل بابا
حور بضحكه مكتومه:بابا لو عرف هيضربنا
روز:مش هيعرف متخفيش هو مبيبصش في المرايه غير لما يسرح شعره
حور:طب يلا نروح نفطر لحد م يصحي
روز:يلا
صحي فهد علي صوت حور وهي بتنده عليه من المطبخ عشان يفطر غسل وشه وراح المطبخ،حور وروز قاعدين بياكله
فهد:صباح الخير ي قمراتي
وباس خد روز وحور وقعد
حور وروز في وقت واحد وصوت ضحك مكتوم :صباح النور
فهد:مالكوا في اي
روز:ولا حاجه
روز وحور بيبصوا لفهد ويضحكوا
فهد:لا مالكوا في اي
جرس الباب بيضرب
حور:هشوف مين
فهد:لا خليكي انتي هفتح انا
فهد فتح الباب
يوسف:صبا……
فهد بضيق:مالك في اي شفت عفريت
يوسف:لا ..لا.. ابدا ي انكل بس ……بس ….هو اي اللي علي وش حضرتك دا
فهد:وانت مالك ي اخي
يوسف:انا غلطان اصلا،فين روز عشان منتأخرش
فهد بضيق; وانت مالك بردوا
يوسف:روووووووووز
جت روز بسرعه ولبست شنطتها
روز:خلصت اهو يلا
يوسف:اي القمر دا في حد يروح المدرسه قمر كدا
فهد:ولا ولا لم نفسك ياض انا ساكتلك بالعافيه
روز:يلا ي يوسف عشان مش نتاككل
مشي يوسف و روز
فهد قفل الباب بنرفزه ودخل:اووووف واد غتت
حور:حوار كل يوم
فهد بضيق:مش بطيقه رزل كدا ودمه يلطش
حور بضحك:غتت ولا انت غيران منه
فهد:انا هغير من البرص دا
حور بضحك:ي راجل
فهد بيقلد يوسف:اي القمر دا حد يروح المدرسه قمر كدا نننننننني
انفجرت حور في الضحك:شكلك يفطس ضحك
فهد: كان نفسي اشيله ارميه في الشارع
حور:اهدي بقا دا صاحبها الوحيد ودول لسه اطفال يعني دول في اولي اعدادي كبر دماغك شويه ي فهد
فهد;متقوليش صاحبها بس عشان بتنرفز
حور بضحك:حاضر حاضر، بس اي الحلاوه دي بس، الروج قمر عليك
فهد: روج اي
شدته حور من ايده وودته قدام المرايه
فهد اتصدم اول ما شاف وشه
فهد:روووووز
يوسف:ابوكي دا بيموت فيا
روز بضحك:دا بيعشقك عشق انما اي لو طايل كان رماك في النيل
يوسف:غيران عليكي، بصراحه انا لو مكانه هغار، يعني يبقا معايا بنوته قمر كدا ويبقا عندها صاحب ولد دا انا كنت قتلته وخبيتها في قلبي
روز اتكسفت:طب امشي بس ياعم الرومنسي هنتأخر
يوسف ضحك:حاضر ي ابو خدود تفاح
حور:صرصاااااااااااااااار
جت روز بسرعه وفي ايدها شبشب، وفهد وراها بالمقشه يجروا علي المطبخ، لقوا حور واقفه فوق الكرسي وبتصوت
روز:هو فين هو فين
حور: اهو هناك اهو علي الطبق
جريت روز خبطت الطبق بس طار قبل م ينضرب نزل علي الارض،والطبق انكسر جري فهد بالمقشه يضرب فيه، وروز وراه وحور بتصوت علي الكرسي طار الصرصار علي ضهر حور، نطت من مكانها علي ضهر فهد وتصوت في ودانه، وفهد سادد ودانه وبيلف في مكانه، وروز عماله تضرب في الصرصار وهو علي ضهر حور، وحور تصوت اكتر
حور:عاااااا ضهررررااااي كفايه ضرب يخربيتك شيلي الصرصار من غير ضرب
روز: مش بيثبت يا ماما اقفي
فهد:ودااااااني وداااااني اتخرمت
طار الصرصار علي المطبخ وطلع من الشباك
روز:باااااس مشي خلاص
حور:بجد
فهد زق حور من علي ضهره
فهد:كسرتي ضهري يخربيتك بتاكلي اي
حور ماسكه ضهرها: ضهري اتفشفش منك الشبشب بيوجع
روز بتضحك عليها:بتخافي من صرصار
حور:افهم بس انتي بنت ازاي مش بتخافي منهم
فهد حضن روز:عشان دي تربيتي، مبتخفش غير مني بس
كملت حور بسرعه:ومن شبشب ماما
ضحكوا عليها
حور:روحي كملي مذاكره الامتحانات قربت
روز:حاضر
فهد:مش هتنازل عن كليه طب
حور:هتدخل علوم ي فهد
فهد:طب
حور:علوم
فهد:طب
وقفت حور قدام عنيه:علوم يا فهد
فهد:طب ي حور
حور:فنون جميله؟!!
روز:ايوا
فهد:يعني تكوني جايبه 99%وتخشي فنون جميله يا روز
روز:ايوا
حور:هتجننيني
روز:منا دايما مجنناكوا اي الجديد
فهد:طب ليه انتي ولا مره اتكلمتي عنها
روز:يوسف اقنعني بيها عشان انمي موهبتي في الغناء والرسم
حور بضحك:قصدك في الجعير
فهد بضيق:ابو ام يوسف اللي طالعلنا في البخت دا
حور:طيب ي حبيبتي اللي يريحك دي حياتك
فهد:ابدعي فيها بقا ي حبيبت بابا عشان نبقا فنانين رسم قد الدنيا ومطربه كبيره كدا زي اصاله
روز بضحك:يديمكوا ليااا
“هما سندي حقيقي، مبحبش حد قدهم مش بس اهلي دول صحابي واخواتي، مكتفيه بيهم عن الدنيا كلها،بيشجعوني دايما وبيدعموني في كل قراراتي حتي لو غلط، ماما دي كائن المنجا وبابا دا قلبي، انما يوسف دا روحي روحي روحي، مطلعه عينه بس مبيحبش الا انا “
روز:جيش ي يوسف
يوسف:انتي عارفه انه حلمي من زمان
روز بدموع:بس…..
