رواية أنت مرادي الفصل الخامس 5 بقلم علا عبدالعظيم
 |
| رواية أنت مرادي الفصل الخامس 5 بقلم علا عبدالعظيم |
رواية أنت مرادي الفصل الخامس 5 بقلم علا عبدالعظيم
في اوضة روز
روز : انت مين و اي اللي بتقوله دا ؟
شخص : زي ما سمعتي كدا
روز : وانا اي يضمنلي أن كلامك صح ؟
الشخص : هتشوفي بنفسك .
روز : طب قولي انت مين..
الشخص : بعدين هتعرفي
روز….
اغلق الشخص الخط
و في صباح يوم جديد …
ف اسكندريه .
مريم : الو يا رحمه
رحمه : ازيك يا مريومه
مريم : انا كويسه بس عاوزه منك طلب
رحمه : عنيا
مريم : انا محتاجه شغل ضروري
رحمه : اه يا حبيبتي بس اي شغل ليه مواعيده وانتي لسه بتدرسي
مريم : متقلقيش انا مرتبه كل حاجه
رحمه : خلاص في مكتب كدا بتاع رجل أعمال اسمه ابراهيم السيوفي ليا واحده صحبتي شغاله معاه بتقول أن ع اخر الاسبوع هينزلوا الاعلان واللحقي وقدمي وربنا معاكي
مريم : يارب يا رحمه يارب … انا هقفل بقا عشان عندي كليه
رحمه : ماشي يا حبيبتي باي
مريم : باي
و في قصر ابراهيم وتحديداً غرفه مراد
استيقظ مراد من نومه وأمسك بهاتفه وراجع حديثه مع ملك ب إبتسامه .. ثم أرسل ليها صباح الخير
ملك بغيظ: ف حاجه !
مراد : اي مش بتعرفي تقري ؟ اومال اي كليتي وتعليمي !
ملك : بس بس صباح النور
مراد : عندك كليه النهارده ؟
ملك بإستغراف : ايوه ليه ؟
مراد :هتخلصي امتى !
ملك بعدم فهم : ليه برضو؟
مراد : فضول بس .
ملك : الساعه 2
مراد : تمام خلي بالك من نفسك
ملك ف نفسه : هو ماله عايش الدور كدا ليه
نزل مراد من غرفته
ابراهيم : تعالا أفطر يلا
مراد : حاضر … هي فين روز ؟
ولاء : خرجت من بدري وقالت هتفطر مع صحابها
مراد : تمام .
و في بيت ملك
ملك : انا نازله يا ماما
عبير : خلي بالك من نفسك يا حبيبتي
ملك ف نفسها : مالكوا في اي النهارده
ملك : حاضر يا ماما حاضر
ذهبت ملك للجامعه وقابلت هدير صديقتها
هدير : اي يا لوكا سبع ولا ضبع
ملك : لازقه دا طلع لازقه ، لا وبيستهبل وعامل نفسه مش فاهم تقصدي اي
هدير بتفكير : مش يمكن بيحبك !
ملك : لا بيحب واحده تانيه اسمها داليدا وروز كانت قيلالي كدا من ايام الثانوي .
هدير : مش يمكن سابوا بعض وإلا مكنش هيجي يتقدملك..
ملك : تفتكري ؟
هدير : افتكر اوي .
ملك : طب يلا نلحق المحاضرة ونشوف الموضوع دا بعدين
هدير : يلا
و في كلية العلوم
روز : ازيكوا يا بنات
مي : كويسين يا قمر
روز : وانتي يا فاطمه !
فاطمه بخبث : انا كويسه اوي المهم انتي اللي تبقي كويسه.
روز بفهم نية فاطمه : لا متخافيش عليا انا زي الفل
مي وهي بتحاول تغير الموضوع: يلا نلحق السيكشن
روز : يلا
دخلوا السيكشن وكان مصطفى (المُعيد ) بدأ في الشرح
مي : ممكن ندخل
مصطفى : اي سبب التأخير
فاطمه بشر : روز هي اللي اخرتنا وكانت بتقول أنها محاضره مش مهمه وأن محدش بيفهم من حضرتك حاجه
نظر مصطفى ل روز اللي كانت مصدومه من كلام فاطمه وقال : انتوا ادخلوا و روز مش هتحضر النهارده
روح بدموع : والله يا دكتور ما……
قاطعها مصطفى : سمعتي قولتي اي ؟
روز : حاضر
ابتسمت فاطمه ابتسامة شر …وبعد شويه كانت روز قاعده بتعيط لما جتلها رساله من نفس الشخص المجهول : مش عاوز اشوف دموعك تاني ل اي سبب..
روز : انت مين !!
و في مكتب مراد دخلت ساره
مراد : في حاجه
ساره : لا أبداً بس جيت اطمن عليك
مراد بإستهزاء : حد قالك اني بحارب !
ساره قعدت قدامه : لا بس انت بقالك فتره مضايق كدا ، ممكن تحكيلي ع فكره
مراد خبط المكتب ب ايده وقال : اخر مره تتكلمي معايا ف اي حاجه غير الشغل وإلا ملكيش مكان معانا تاني ..فاهمه؟؟
ساره بخوف : فاهمه فاهمه …وخرجت مسرعه
مراد : جاتك القرف .
دخل عمر المكتب على صوت مراد
عمر : في اي يابني
مراد : مفيش حاجه .. تعالا عاوزك في مشوار
عمر : مشوار اي ؟
مراد : تعالا وانت تعرف ..
و عند كلية ملك
عمر :احنا جاين هنا ليه؟
مراد :بص يا سيدي ( حكى لعمر كل الموضوع)
عمر : اي شغل المراهقين دا ! يعني انت جايبنا هنا عشان تشوفها ؟ ما تروحلهم البيت وخلاص
مراد : اسكت اسكت اهي طالعه اهيه
عمر : انهي واحده ؟
مراد : اللي لابسه فستان أسود دي
عمر : لا بصراحه تستاهل المرمطه دي
مراد بصله بغيره وقال : امشي يلا انا هخلص وجاي وراك
عمر وهو قاصد يستفزه : هستناك ومش هعمل صوت ، هتفرج عليكوا بس .
مراد وعينه احمرت من الغيظ : بقولك امشي
عمر : خلاص خلاص انا ماشي اهو
و دور العربيه ومشي
مراد راح عند ملك وقالها : ازيك.
ملك بتفكير : انت كنت بتسأل هخلص امتى عشان كدا ؟
مراد : ايوه عاوزك في موضوع
هدير بإبتسامه : همشي انا بقا يا ملك
ملك بقلق : تمشي تروحي فين ! خليكي معايا.
مراد وهو فاهم قصد هدير : طيب روحي انتي بقا عشان متتأخريش
ملك : لا يا هدير خليكي .
مراد :هو انا هأكلك؟ امشي ولا انتي خايفه !
ملك بتمثل أنها مش خايفه : هنقعد فين.؟
مراد بإبتسامه انتصار : تعالي في كافتيريا كنا
دخلوا الكافتيريا
ملك : نعم عاوز اي !!
مراد : هنعمل اتفاق.
ملك : اي هو ؟
مراد : بصي ….
