رواية الكاهن العجوز الفصل الأول 1 بقلم مجهول
رواية الكاهن العجوز الجزء الأول
رواية الكاهن العجوز البارت الأول
رواية الكاهن العجوز الحلقة الأولى
العربيّة اتعطلت بيا في الطريق الصحراوي ..!!
المنطقة هادية تماماً ، مفيش أي صوت غير صوت خطوات رجلي على الأرض ، الموبيل كمان فصل شبكة و مش معايا نت عشان أقدر أحدد مكاني فين بالظبط والدنيا كحل !! ..
–
شايف بيت على أول الطريق قولت اقفل العربية واتمشي لغيت هناك اشوف اي حد يساعدني ، وصلت عند البيت كان بيت مش كبير اوي زي البيوت القديمه بس وأنا بخبط .. الباب فتح لوحده ، البيت كان مظلم تمامًا ، كنت سامع صوت خطوات نازلة على السلم ماشية ببطء في اتجاه الباب ، جربت انده يمكن يكون حد موجود جوه ، كنت شايف ضوء الدور التاني منور يعني أكيد في حد فوق ، ندهت تاني يمكن حد يسمعني بس النور اللي فوق اتطفى ، قررت أرجع بضهري بسرعة وأمشي ، لكني شوفت ضوء شمعة جاي من بعيد …
–
كان راجل عجوز شعره طويل وبدقن ؛ كان متجه ناحيتي بصلي وقالي :
– أنت مين !!
بعدها لقيت كل أنوار المكان نورت ، كان بيت قديم جدًا الحيطان فيه متآكله تمامًا ، العناكب كانت مغطية الأركان ، حتي أثاث البيت كان مغطيه التراب ، كنت سرحان في شكل البيت و أوصافه لكن قاطعني سؤال العجوز اللي كرره مرة تانية :
– أنت مين ..!!؟
=هااه… أنا آسف إني دخلت بدون إذن لكن الباب اتفتح لوحده ، أنا عربيتي عطلت جمبك هنا ومحتاج مساعدتك ، خصوصًا لإن موبايلي كمان مفيهوش أي شبكه يعني مش هعرف أكلم حد يجي يساعدني
قالي بص يابني ف ميكانيكي قريب من هنا بس بيفتح الصبح بدري.
قولتلو ماشي ياحاج تسلم وبقول ف بالي هبات ف العربية ازاي ع الطريق كده وسرحت شويه وجاي امشي لقيتو بينادي عليا وبيقولي ولوعاوز تبات معايا هنا للصبح ، أنا أصلاً عايش في البيت هنا لوحدي ، كمان مافضلش وقت كتير على ما النهار يطلع ، احنا بقينا في نص الليل ..
–
كانت قلقان شويه بس مكنش قدامي حل تاني غير إني أوافق وأقعد معاه للصبح لحد ما النهار يطلع وأروح للميكانيكي يصلحهالي ..
قولتلو انا مش عايز ازعاجك بس
قالي ولا ازعاج ولا حاجه اتفضل
دخلت معا البيت وطلعني الدور التاني عشان يوريني الاوضه الي هبات فيها
قالي بص الاوضه اهي والحمام اهو لو عوزت اي حاجه نادي عليا انا ابوك بشوي تحتك علطول
الصراحه اول مأقال انو اسمه بشوي اتكسفت جدا وانا طول الوقت بقولو ياا حاج ياحاج
المهم نزل ودخلت الاوضه وقفلت البابا عليامن جوا والصرحه كنت تعبان جدا ف نمت ع السرير علطول وانا نايم ع السرير كانت بتأمل السقف بتاع الاوضه كان اسود زي ميكون كان محروق قبل كده كانت قلقان جدا ومش مستريح للراجل ده بس غصبن عني لازم استحمل مش هينفع انام ف الصحرا الاوضه كانت ضلمه تمام مفيش غير نور الحمام الي كان ولع ونور خفيف جدا عدا ساعه حاولت انام رغم خوفي من المكان غمض عيني وقومت مره وحده مفزوع ع صوت زي ميكون خفاش دخل الاوضه بس ملقتش حاجه قولت اكيد بيتهيألي من التعاب الي انا في حطيت دماغي تاني ع المخده وفضلت مفتح عيني سمعت صوت غريب جاي من الحمام ولقيت نور الحمام ابتدا يرعش لغيت ما طفا خالص ومره وحده لقيت باب الأوضه بيتفتح عليا…
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الكاهن العجوز)
