اسكريبت الشبكة الجزء الخامس 5 بقلم آية حسن
 |
| اسكريبت الشبكة الجزء الخامس 5 بقلم آية حسن |
اسكريبت الشبكة الجزء الخامس 5 بقلم آية حسن
رحمة بصدمة … خطييتك؟
عمر بيراقب نظرات رحمة بطرف عينه وكاتم ضحكته بسبب ريآكشن وشها اللي عليه علامات الخضة والذهول ، وأخيراً نطقت
….. نزلني هنا
….. نعم؟؟
…. بقولك نزلني
…. انتي عبيطة يا بت ، الشمس هتحرقك أكتر ما ذكاءك محروق
….. وانت مال أهلك ، هو انت كنت خطيبي ولا من بقية عيلتي .. بقولك نزلني
….. اهدي يا رحمة
صرخت بعصبية ….. ملكيش انتي دعوة
وفجأة فتحت الباب وهو سايق وكانت هتنط .. لولا عمر مسكها من أيدها وشدها
بعصبية ….. انتي مجنونة ولا إيه .. عاوزة تموتي نفسك
رحمة خبطت ف صدره وعيونهم اتعلقت ببعض لثواني
….. يخربيت جمال شبكة أمك
زقته وبعدت عنه ، وبعد شوية وصلت ونزلت من العربية بعصبية من غير حتى ما تشكره
رحمة قاعدة ف اوضتها بتبكي ، ومشغلة اغنية حزينة “اعتبرني م النهاردة نسيت”
….. وأهي تجربة .. وخسارة بس قريبة .. وانا خوفت أكمل أكرهك وأنا طيبة .. وان اكسبك حاجة متعبة .. علشان كدة لازم أخسرك …..
…. عااااااا
أمها دخلت ….. مالك يا حزينة
….. عمر طلع خاطب يا ماما عاااااا
….. عمر التركي ؟
….. عاااااا
….. بقا مش عارفة توقعي الواد يا بت الموكوسة
….. كان ودي نلتقي في حياتي تشرقي
……مثل نجمة تبرقي لكن ظروفك غريبة
…… انت عارف يالحبيب ان عالمنا غريب
…… والهوى قسمة ونصيب هذه الدنيا عجيبة … عااااااا
….. مخلاص يا روح أمك .. انتي هتقلبيها مناحة … شوفيلنا واد اجنبي كدة تاني يملى العين
صرخت ف وشها بجنون وأمها جريت من قدامها بسرعة زي يونس شلبي ف العيال كبرت
*التليفون رن وردت*
…. مسااااء الخيييير
بحنق …. عايز ايه تاني؟
….. يا كوتي كوتي ، مالك يا بطة
…. بطة يابن الفرخة
…. انتي بتغلطك ف حماتك تاني
….. انا ماليش حموات .. وتعالى هنا انت ازاي تقول للدكتور اني خطيبتك
…. دة بدل متجيبي حضن وبوسه عشان خلصتك من الورطة دي
…. باستك عقربة يا بعيد
بخبث …. عقربة غيرك .. مقدرش
…. ياض انت معندكش دم .. خاطب واحدة وبتعاكس ف غيرها .. متغور تكلمها هي
بخبث …. هي شبكتها متظبطة ، إنما أنت اللي محتاج تتظبط
….. الهي يظبطوك ف عربية بوكس
…. انا وانت ف كلبش واحد يا شبكة عالية انت
…. ع فكرة أنا رايحة الشركة بكرة وهقدم فيك شكوى وابقى خلي برودك دة ينفعك
….. وأهون عليك كدة تقطع عيشي اخص عليكي شبكة غدارة
…. ملكش دعوة
….. طب روحي كدة وانا مخاصمك يا لحمة وحشة
رحمة خرجت من العمارة وفجأة
….. بخخخخخ
قفزت بفزع وصرخت بخوف ….. عاااااااااا … يابن الهبلة ع الهطل
…. ههههههه مكنتش عارف انك خوافة كدة
…. انت ياض بتطلعلي من فين .. الله يخربيتك
…. من الشبكة
….. يخربيت الشبكة ع بيتك يا شيخ
…. انتي بتخربي بيتنا اللي هنبنيه سوا ، اخص ولا تستاهلي اني اظبطلك شبكتك يا لحمة منتنة انتي
….. بيت ايه وزفت ايه ، انت عبيط هو انت مش خاطب
…. عادي الشرع محلل أربعة .. وأنا بصراحة عايز واحدة لأمي تقعد معاها تونسها وتاخد بإيدها
….. أه خدامة يعني
بابتسامة بلهاء … ومش هلاقي أحسن منك .. كدة كدة انتي ساقطة وفاشلة .. ومتنفعيش ف حاجة .. دة غير أن أهلك هيموتوا ويجوزوكي
…. أه وانت عايز تشغلني خدامة لأمك يا روح أمك
وهوب راحت مدياه روسية دوخته …… ؟
يتبع…..
لقراءة الجزء السادس : اضغط هنا
لقراءة باقي أجزاء الاسكريبت : اضغط هنا
نرشح لك أيضاً رواية غيث ومرام للكاتبة منار رضا
