رواية بين الماضي والحاضر الفصل الخامس 5 بقلم ياسمينا

قمر لقت فريده حاضنه عبير… وعبير كانت بتعيط وعمر ماسك المسدس وحاطه علي راس سليم 

خالد بغضب:  اهاا ياخاينه يازباله

عمر بصدمه:  نعم هو انت مشوفتش الي شوفناه 

خالد بزعيق:  لا مشوفتش 

عمر صوب المسدس عليه وقاله: امشي اطلع برا ومش عايز  اشوف وشك انا طول عمري بقول عمتي خلفت سوسو 

خالد بغصب:  لم نفسك 

سليم بغضب:  عارف ياعمر اقسم بالله لنتقم منك 

عمر بغضب:  اخرررس… 

عمر بص لـ قمر وقرب منها ومسك شنطتها وطلع المنبه وسليم شافه

سليم بصدمه:  انتم جبتوا المنبه ده منين

فريده بدموع:  طلقني مش عايزه اعيش معاك 

قمر بخوف: هو ايه الي حصل وانتي مالك كدا

عبير بدموع:  طلب انه يقابلني وانا قولت اروح وانهي كل ده لاني تعبت منه كل شويه بيضايقني ولما وصلت الكافيه لقته طلبلي قهوه وانا  زي الهبله شربت وطلع فيها منوم ونمت 

عبير مقدرتش تكمل وفضلت تعيط 

قمر  بغضب:  واغتصبك 

فريده بضيق:  انتي مين 

قمر تجاهلتها وبصت وراها ملقتش اسر 

قمر بدموع:  اسر فين 

قمر طلعت برا الاوضه وعمر طلعهم كلهم برا الاوضه الا سليم قفل عليه الباب…  اما خالد مشي 

عمر:  فريده خليكي معاها 

فريده بضبق:  رايح فين 

عمر بضيق:  مالك يا فريده هكون رايح فين خليكي معاها 

عمر طلع من الشقه لقه اسر وقمر قاعدين علي السلم..  عمر قعد جمبهم 

عمر:  اسر 

اسر ببرود:  ها

عمر حط ايده علي كتف اسر وقال:  مين فينا معندوش ماضي مين فينا حياته كامله مين فينا ابوه او امه صالحين محدش بياخد كل حاجه  انا فاهم انك زعلان موجوع بس فكر بعقل فكر ازاي امك حفظت عليك ومش خلتك شبه ابوك ده

اسر بدموع  :  صدمه…  صدمه كبير انا طول عمري بشوفه احسن  اب ف دنيا ازاااي يبقا كدا طب ازاي قمر اختي 

عمر:  ياحبيبي والله الحياه مش مستهله تزعل 

قمر بحزن:  انت ازاي هادي كدا

عمر ابتسم  وقال:  لاني دايما بحاول احل المشكله مش ابص علي المشكله انا كدا فهمت الحكايه كلها 

قمر:  فهمت ايه 

عمر:  انا اسمي عمر دخلت انا وفريده كلية طب وسليم كان الدكتور بتاعنا هو عنده ٣٥ سنه وانا وفريده  24 سنه انا كنت بحب فريده  وحسيت انها بتحبني بس هيبة سليم خدعت فريده ووقعت ف حبه وطلب ايدها واختارته وجرحتني بس انا قرارت افضل اخوها وصحبها

اسر:  كمل 

اسر:  بعد سنه من جوازهم فريده اكتشفت انه زير نساء كل يوم مع ست قولتلها تطلق منه بس هو هددها ياخد اسر منها  ..  وفي مره سليم عزمني ف مطعم انا وفريده…  وسعتها  شوفت سليم وعبير ف المطعم بس خالد بيغير عليها جدا ف خلها قاعده ف ترابيزه وجالنا وسلم علينا بس سليم  فضل باصص عليها عجبته وكان كل يوم يضايقها وخالد ده مش راجل كان بيزعق بس وانا ياما اتخانقت انا وسليم بسبب الموضوع  ده والخناقه توصل لضرب… 

قمر:  طب ايه الي حصل انهارده  

عمر: زاي ما عبير حكت اغتصبها وانا شكلي روحت واتخانقت معه بس هو كان معه مسدس اكيد ضربني بيه وهدد فريده وخالد اكيد ساب عبير 

اسر:  وانت علشان شهم لما عبير حملت اتجوزتها وكتبت قمر بأسمك

عمر:  بظبط  

اسر بغضب:  احنا نطلع المنبه ونظبطه نص ساعه لـ ورا ونمسك سليم  ونخليه يتجوز عبير غصب عنه

قمر:  وليه منوقفش الاغتصاب 

عمر بضيق:  وانتي متجيش وبعدين حاجتين مستحيل تقدري تغيريهم موتي وولدتك

قمر بدموع:  ياريتني ما جيت 

اسر بصلها بحزن…  وعمر وقف قدامها ومسح دموعها وقال:  انتي مالكيش ذنب اهدي كدا وكل حاجه هتنحل

قمر بدموع:  يعني احنا دلوقتي  لما نغير الماضي ونخلي سليم يتجوز ماما هنسيبك تموت واكيد سبب موتك كان سليم 

عمر بابتسامه:  وانا راضي  باللي ربنا كتبهولي 

قمر بغضب:  يعني انت مش هترجع معانا المستقبل 

عمر بستغراب:  ارجع ليه خلاص ملهوش لازمه

اسر بصدمه:  ازااي انت لازم ترجع معانا احنا محتاجينك

عمر:  طيب خلينا الاول نصلح كل ده 

قمر مسكت المنبه وقالت:  جاهزين الساعه دلوقتي  9 بليل هظبطه على 8 ونص 

عمر مسك ايدها وابتسم:  يلا 

قمر ابتسمتله بحزن وظبطت المنبه واختفووو…. 

قمر واسر  لقوا نفسهم ف شنطة العربيه…  وبعدين  العربيه وقفت وعمر طلع العماره 

اسر:  احنا هنفضل هنا 

قمر:  طيب 

أسر:  احم هو احنا معقول نسيب عمر هنا

قمر بغضب:  ده عند امه ده احنا نخطفوو

اسر بضحك:  يخربيتك 

قمر بتوتر  :  ايه شعورك وانا اختك

اسر:  تعرفي اني مبسوط

قمر بصدمه:  بجد 

اسر:  تخيلي نبقا خوات ونرجع من الزمن ده نلقينا عايشين سوا  

قمر ابتسمت  وقالت:  ياريت 

فجأة سمعوا صوت حد داخل العربيه…. 

عمر قعد وساق العربيه وفريده وعبير كانوا قاعدين ورا وفريده حاطه المسدس علي رأس سليم الي قاعد قدام جمب عمر 

سليم بغضب:  والله لاندمكم 

عمر بسخريه:  هتعمل ايه يعني

عبير بدموع:انا مش عايزة اتجوزو

عمر بغضب: انا تعبت معاكم خلاص بقا مفيش حاجه بقت بمزاج حد هو غلط ولازم يصلح غلطته ويتجوزك 

فريده بغضب: ويطلقني

قمر بهمس: امك دي خبيثه عايزه تطلق وتجوز عمر 

اسر بضيق: اتلمي وبعدين تطلق احسن ماتفضل معاه انا بقيت عارف كل حاجه…

قمر بضيق: وتجوز عمر 

اسر: وفيها ايه مش فاهم 

قمر سكتت…. والعربيه وقفت وعمر خد سليم وعبير وفريده ودخلوا للمأذون وقمر فضلت طول الوقت تفكر.. وبعد ربع ساعه المأذون كتب الكتباب وفريده اطلقت من سليم…..

*قدام مكتب المأذون*

*‏سليم بغضب: اقسم بالله ما هرحمك ياعمر  ….

*‏سليم مشي وسبهم وعمر بص لـ عبير وقالها:اول بنت ليكم سميها قمر

*‏عبير بستغراب: انت بتقول ايه

*‏عمر بأبتسامه: تعرفي عندي كلب اسمه روكي اول ما بابا جبهولي عض ايدي كان متوحش اوي بس انا حبيته وقربت منه وفضلت اتكلم معاه واهتم بيه وابعده عن الحاجات الغلط الي بيعملها وفعلا بدا يحبني ومبقاش متوحش وتغير اوي وبقا اقرب حد ليا

*‏عبير ابتسمت  غصب عنها وقالت: انت قصدك اني اغير سليم 

*‏عمر: انتي تخافي من الانسان الي كان حلو وبقا وحش اما الإنسان الوحش وبقا حلو… ده متخفيش منه خالص 

*‏عبير بصتله بصدمه ومكنتش قادره تفكر مفروض تروح لـ سليم وتغيره

*‏عبير بضيق: مستحيل ده خد شرفي انت بتقول ايه 

*‏عمر: ما روكي عضني.. ولسه علامة عضته ليا موجوده ف ايدي تعرفي ثوابك عند ربنا ايه لما تغيري شخص من وحش لحلو…

*‏عبير بحزن: المشكله ان كلامك صح بس قلبي مش مطوعني 

*‏عمر بأبتسامه: فكري وعلي اقل من مهلك

*‏عبير ابتسمت وراحت تركب العربيه…

*‏اما اسر وقمر كانو بيسمعوا كل ده 

*‏فريده بحزن: طب مش هتسامحني 

*‏عمر بصلها بحزن ومردش وقمر خبطت علي شنطة العربيه وعمر افتكرهم وقرب من العربيه وفتح الشنطه وفريده كانت واقفه بعيد مشفتهمش…

*‏قمر بغضب:انت هتوافق ولا ايه 

*‏عمر بضحك: مالك يابنتي اهدي 

*‏قمر بغضب: فريده دي عقربه

*‏اسر بزعيق: قمر دي امي اتلمي 

*‏عمر بضيق: متقوليش عليها كدا وبعدين يعني فيها ايه لما اديها فرصه تانيه 

*‏قمر فتحت شنطتها وطلعت المنبه وظبط الوقت 

*‏عمر بابتسامه: يلا ارجعوا زمانكم انا خلصت مهمتي 

*‏عمر جاي يقفل الشنطه بس قمر مسكته من التيشرت بتاعه وضغط علي المنبه…. واختفوووو…..

*‏___________________________________

*‏*سنه 2021*

*‏عمر فتح عينه لقه نفسه ف اوضه بص جمبه لقه قمر و اسر بيتفرجوا علي الاوضه….

*‏قمر بصدمه: اسر شوف الصوره الي متعلقه علي الحيطه دي

*‏اسر بص علي صوره لقه صوره ليه هو وقمر وكان حضنها.

*‏قمر بسعاده: يعني دي اوضتي 

*‏عمر بغضب: انتي ازاي ترجعيني كدا 

*‏قمر بضيق: ايه عايز ترجع لفريده

*‏عمر بزعيق: وانتي مالك

*‏قمر بغضب: مالكش دعوه وانت مش هتجوز فريده

*‏عمر بعناد: يعني انا مش هقدر اتجوزها وهي كبيره يعني تصدقي وهي كبيره اجمل اصلا 

*‏اسر بضيق: ما تلم نفسك ياعم انت لاحظ انك بتكلم عن امي

*‏عمر بضيق: رجعوني زمني يلا 

*‏قمر: علي جثتي 

*‏فجأه لقوا الباب بيخبط 

*‏اسر بص لـ عمر وقالو:استخبى ف الدولاب بسرعه

*‏عمر بصلهم بضيق ودخل الدولاب واسر قفل عليه… وقمر فتحت الباب ولقت سيلم

*‏سليم بابتسامه: حبيبة بابا عامله ايه

*‏قمر بصدمه: ها

*‏سليم قرب منها وحضنها بحب وبص علي اسر وقال: ايه ده هو انت بايت هنا

*‏اسر: احم ايوا يا بابا 

*‏فجأه دخلت عليهم عبير وقالت بإبتسامه: صباح الخير 

*‏اسر وقمر بصوا لبعض بصدمه وكانوا بيفكروا معقول عبير غيرت سليم 

*‏اسر: هي ماما فين 

*‏عبير: ف الجنينه 

*‏اسر بصدمه: هي عاشت معنا 

*‏سليم بستغراب: مالك يااسر مهي مامتك عايشه معانا من صغرك 

*‏عبير: ياحبيبي مش ماما حكتلك عن عمر 

*‏سليم بحزن: انا اذتها كتير وحاولت اعوضها وهي بتحبك وعبير خلتها تيجي تعيش معانا 

*‏عبير بحزن: وطول 23 سنه دول مستنيه عمر 

*‏اسر بص لـ قمر بغضب… وعمر كان سامع كل ده

*‏سليم: يلا بقا علشان تفطروا وتروحوا جامعتكم 

*‏سليم وعبير خرجوا… 

*‏عمر طلع من الدولاب 

*‏اسر بغضب:  انتي ازاي تعملي كدا اكيد حالة ماما صعبه  بسبب اختفاء عمر

*‏قمر بحزن:  مكنش قصدي 

*‏عمر بغضب:  اومال كان قصدك ايه 

*‏قمر بصت لـ عمر بحزن وقالت: اسفه 

*‏عمر:  هاتي المنبه يلاااا

*‏قمر شاورت علي شنطه الي علي السرير وقالت:  في شنطه… 

*‏وبعدين  خرجت من الاوضه بسرعه  كانت عايزة  تعيط لانها  مش عايزه عمر يسبها…  قعدت علي السلم وبدأت تعيط  

*‏قمر بدموع:  رجعت الماضي علشان اغير اسمي وفعلا اتغير لي قمر سليم بس انا مش عايزه عمر يسبني اتعلقت بيه  اوي  …  انا حياتي بقت كويسه دلوقتي بس 

*‏قمر مقدرتش تكمل وبدأت عيطها يزيد…..

*‏وفجأه لقت عمر بيقعد جمبها وبيقول بخيبة امل: المنبه مش شغال 

*‏قمر مسحت دموعها بسعاده:  بجدد 

*‏عمر بصلها بضيق 

*‏قمر: احم احم قصدي ياخساره  طب وهنعمل ايه

عمر بسخريه:  متخبيش سعادتك ياختي 

قمر بصتله بضيق وبعدين سكتت وبعد دقيقه بدأت تضحك بسعاده وقالت  : مش مكتوبلك تبعد عني

وقامت من علي السلم وفضلت تنزل علي السلم وهي بتغني 

قمر: عيونه لما قبلوني نادوا لقلبي شغلوني خدوني سافروا بيا وودوني دنيا بعيد…

قمر نزلت من علي سلم وبصت لـ عمر وقالت: سافروني سنه 1997

عمر ابتسم غصب عنه وقمر ابتسمت وقالت: هروح اجبلك فطار وجايه…

قمر مشيت واسر جه وقعد جمب عمر وقال بسخريه: نسيت فريده ونركز ف قمر بقا 

عمر بضيق: هي متعلقه بيا مش اكتر واسكت بقا

اسر: طب قوم خليني اجبلك لبس 

عمر قام مع اسر وراحوا اوضته…

_____________________________

*في الجنينه *

*‏قمر طلعت الجنينه لقت مامتها قاعده مع سليم وعمالين يضحكوا وفريده قاعده سرحانه 

*‏عبير: سليم كُل كويس احسلك

*‏سليم بضيق: لا مش عايز اكل 

*‏عبير بخبث: تمام ياحبيبي انا بقا مش هقعدلك ف البيت

*‏سليم:  ايييه لا طبعا خلاص هاكل

*‏عبير:   والسجاير لو مش بطلتها اقسم بالله همشي 

*‏سليم. بضيق:  اوووف طيب 

*‏قمر ابتسمت بسعاده وقربت منهم وقعدت علي الترابيزه وقالت:  صباح الخير 

*‏فريده بابتسامة  :  صباح الفل 

*‏قمر ابتسمتلها 

*‏وسليم قال:  صباح الفل ياحبيبتي

*‏قمر بصتله بحب وهو ادها كوباية العصير وقال: كلي ياحبيبتي  واشربي عندك امتحان انهارده 

*‏قمر فرحت اوي بأهتمامه ده وقالت  : حاضر 

*‏سليم:  اومال اسر فين 

*‏قمر بتفكير:  احم مع صاحبه جاله النهارده 

*‏عبير:  طيب يلا كلي 

*‏قمر بصت لـ فريده لقتها بتاكل بس باين  علي ملامحها الحزن.. 

*‏قمر:  مالك ياطنط

*‏فريده  :  مفيش 

*‏قمر:  بتفكري ف عمر 

*‏فريده  بحزن:  مش عارفه هو عايش ولا ميت انا نفسي اشوفه

*‏قمر بضيق:  بتحبيه اوي كدا 

*‏فريده  :  اووووي اوووي 

*‏قمر مردتش عليها وبدأت تاكل.. وبعد 5 دقايق سمعوا صوت اسر وهو بيقول:  صباح الخير 

*‏الكل بص لـ اسر وانصدموا لما لقوا عمر واقف جمبه.. 

*‏فريده  بصدمه:  عمر 

*‏عمر بصلها بحب وقمر قالت بغضب:  حاااازم صحبنا 

*‏فريده بصدمه  :  حازم ايه ده عمر 

*‏اسر بتوتر:  لا ياماما ده حازم 

*‏قمر:  وبعدين ياطنط عمر ده كبير وحازم شاب 

*‏عمر قلع النضاره بتاعته وفريده بصت لـ عنيه وقالت بصدمه  :  نفس العين 

*‏عمر اتوتر ولبس النضاره تاني 

*‏سليم:  سبحان الله اتفضل يابني افطر معانا 

*‏عمر ابتسمله وبعدين قعد ف كرسي الي بين قمر وفريده واسر قعد جمب قمر 

*‏فريده كانت مركزه مع عمر اوي… 

*‏قمر بهمس: انت متخلف انت ايه الي جابك

*‏عمر: علشان اغيظ الي جبوكي وبعدين انتي مالك 

*‏فريده: عندك كام سنه

*‏عمر: احم 24 سنه اكبر منهم بسنه

*‏فريده بحزن: عمر شبهك اوي 

*‏قمر بنفاذ صبر: يخلق من الشبه اربعين…

*‏عمر بص لـ فريده وقال: بتحبيه

*‏فريده بدموع: اه بس خسرته ومش لاقيه 

*‏قمر داست برجليها علي رجل عمر

*‏عمر بغضب:  ايه 

*‏قمر: يلا علشان اتأخرنا 

*‏اما اسر كان ف عالم تاني كان حاسس ان مامته مش مهتمه بيه حب عمر عماها….من ساعت ما قعد علي الترابيزه وعبير هي الي عماله تحطله الاكل… حتي لبسه لما دخل الاوضه لقه طقم له علي سرير وكان فيه ورقه جمب الطقم مكتوب فيها (صباح الفل ياحبيبي مامتك عبير)

*‏عبير: مالك يااسر سرحان في ايه 

*‏اسر بهدوء: مفيش لازم نمشي

*‏عبير بابتسامه: طيب ياحبيبي خلي بالك من نفسك ومن قمر 

*‏اسر بص علي فريده  لاقها مش مركزه معه مركزه مع عمر  ….. وعمر لاحظ ان اسر مضايق 

*‏اسر قام وقال: حاضر 

*‏اسر مشي وعمر قام هو وقمر ومشيوا وراه وطلعوا من الجنينه

*‏عمر: اسر استنا

*‏اسر وقف وبصله وقال: ماما مش مهتمه بيا مهتمه بيك انت ماما بتحبك اكتر مني

*‏قمر: اسر ايه اللي بتقوله

*‏اسر بص لـ عمر وقال: انا مش بكرهك بس ماما فعلا مش مهتمه بيا بسببك 

*‏عمر بص ف الارض بحزن 

*‏اسر: سؤال لو المنبه شغال هترجع لـ فريده بعد الي عملته فيك ولالا

*‏قمر كانت مركزه معا عمر وكانت مستنيه الاجابه

*‏عمر:………..

يتبع…..