رواية جبروت ام الفصل الخامس 5 بقلم هويدا زغلول
رواية جبروت ام الجزء الخامس
رواية جبروت ام البارت الخامس
رواية جبروت ام الحلقة الخامسة
وفي الوقت ده انا قومت وقولت
لمياء
يعني اي هو انتي ليه مصممه تضيعي
فرحتنا
الام
كلامي خلص ومش عايزه نقاش تاني وانتي
يا خالتهم يا كويسه ازاي توفقي علي
اللي بيحصل ده من غير موافقتي ،. في الوقت ده خالتي قالت
الخاله
أنا مش قادره اصدق اللي انتي فيه ده انتي
ازاي ام المفروض تكوني فرحانه لعيالك
الام
أنا خلصت كلامي وامشوا انتو التلاته قدامي
وانت حسابك معايا بعدين يا رؤوف ،
رؤوف
وهما مش هيمشوا من هنا وانا ولمياء هنتجوز يا خالتي وهاجيبلها حقها من اخوها
الام
انشاء الله ابقي وريني ازاي
لمياء
ارجوك يا رؤوف مش عايزه مشاكل
أنا همشي دلوقتي والله وهحاول اقنع
ماما
رؤوف
طول ما انتي خايفه منها كده هتعمل فيك اكثر من كده جمدي قلبك شويه يا لمياء
لمياء
مش هعرف اعمل حاجه وماما كده ارجوك
يا رؤوف أنا همشي ، وفعلا مشينا ودخلنا بيت
ماما ولقيت سحر قاعده وقالت
سحر
اهلا بالعروسه اللي بتتجوز من ورا
أهلها بس فستانك حلو اوي ، وكانت
المفاجاه لما ماما قالت
ماما
اسمعي يا سحر أنا كلامي مع بناتي
انتي ملكيش دعوه بيه خالص انتي
فاهمه ولا لا ،.وسحر بصت لماما وقالت
سحر
الكلام ده ليا انا يا حماتي انتي قد الكلام ده
ماما
ايوه ليكي واتفضلي بقي اطلعي علي شقتك
أنا عايزه اتكلم مع بناتي
سحر
ماشي يا حماتي هطلع بس اعملي حسابك
ان مش هسكت كتير انتي فاهمني ، وبعدها
طلعت
لمياء
هو في ايه بالضبط يا ماما احنا مش فاهمين اي حاجه وبعدين هو انتي ليه عملتي فيا كده بدل ما كنتي تيجي وتاخذيني في حضنك وتباركي ليا تعملي فيا كده
الام
اسمعوا انتو الثلاثه كل واحده فيكم هتكتب ورثها لخوها ومش هتاخذ اي حاجه وبعدها اتجوزه اللي انتو عايزنوا
رحمه
ليه انتي عايزه تعملي فينا كده المفروض احنا بناتك برده زي ما هو ما ابنك ولينا في الفلوس دي زي ما هو ليه
الام
وانا كلامي خالص وادخلوا انتم الثلاثه لحد المحامي ما يجي وهتنفذو الكلام اللي انا قولت عليه وفعلا دخلنا
هند
ناويين على ايه ان شاء الله انتو الاتنين
لمياء
مش عارفه ليه انا حاسه ان في حاجه غريبه ما بين ماما وسحر وطريقه كلام سحر انهارده مع ماما تحير مش كده ولا ايه
رحمه
تصدقي انا حسيت بكده كمان وماما بحس ان هي مخضوضه وهي بتكلمها
ماعرفش ليه
لمياء
المهم انا هاعمل ايه دلوقتي مع رؤوف بعد اللي حصل ده
هند
بقولك ايه انتي دلوقتي هتكون قدام الامر الواقع يا تتنازلي على كل حاجه لاخوكي وتكوني رؤوف يا ما تختاري الفلوس تفضل معاكي وسعتها هتخسري رؤوف
لمياء
بجد مش عارفه اعمل ايه وفي شقه
سحر كانت قاعده مضايقه
سحر
شوفت امك عملت فيا ايه علشان خاطر اخواتك طلعتني شقتي من غير ما اسمع هي كانت عايزه تقول لهم ايه
جاسر
بقولك ايه يا سحر طلعي اخواتي من دماغك وقولتلك الف مره مهما يحصل ما بيننا هما اخواتي برده وبلاش تدخلي بينا
سحر
هو انا كل تفكيري فان بامن مستقبلك انت و ابنك اللي جاي وانت كل كلامك معايا بالطريقه دي اخواتي اخواتي
جاسر
والله هو ابني زي ما هو ابنك بالضبط وبلاش تدخلي في حاجات ما تخصكيش انتي سامعه ولا لا وفي الوقت ده طلعت ماما
الام
كويس ان انا لقيتك هناك جاسر انا كلمت المحامي علشان يجي واخواتك هيتنزلوا ليك عن كل حاجه مقابل اللي انت هتسيب البيت انت ومراتك وتمشي من هنا
جاسر
مين قالك يا ماما ان انا هوافق على الكلام ده ان شاء الله ده طبعا اخواتي ليهم برده فلوس انا كنت بكبر شركتي بس عمري ما كنت هانساهم
الام
وهما مش عايزين حاجه يا جاسر كل اللي عايزينه بيت ابوهم وبس
جاسر
دي حاجه مش بمزاجهم وانا معايا العقود يا ماما من الاول ماكانت شركه بتاعتي انا لوحدي لحد ما بعت أملاك من بتاعه ابويا وكبرت بيها شركتي هم اليوم نصيب في شركتي وهاياخذوها
سحر
هو ايه كلامك ده ان شاء الله يا جاسر اذا كان هي بتقولك اخواتك مش عايزين حاجه انت عايز تديهم غصبا عنهم ولا ايه
جاسر
هو انتي مالك اصلا بالكلام ده اتفضلي ادخلي جوه ومش عايزه اسمع صوتك ثاني
سحر
ماشي يا جاسر وانا بقى نشوف الكلام ده بعدين
جاسر
حاولي تحبي اخواتي يا امي انا مش عارفه انتي ليه بتعاميهم بالطريقه دي بس والله العظيم هم طيبين وبيحبوكي جدا
الام
هحاول يا ابني بس افكر في الكلام اللي قلته لك علشان انا اكون مرتاحه لو بتحبني بجد
جاسر
طب تعالي بس عشان انزل اشوف اخواتي وبعد كده نتكلم في الموضوع وفعلا نزلوا، وفي الوقت ده خرجت سحر من اوضتها. وقالت
سحر
انت بتعمل في كده يا جاسر والله لاوريك
وبعدها اتصلت ب اختها نجلاء
نجلاء
غريبه سحر بترن علي اكيد عايزه حاجه
اصلك يا اختي محدش بيشوف رقمك
الا لما تكوني عايزه حاجه
سحر
تصدقي ان انا غلطان لما اتصل عشان اعرض عليكي مبلغ محترم
نجلاء
وده مقابل ايه بقى يا حبيبتي مهو اكيد هيكون في مقابل وعلشان انتي عارفه ان انا شغاله في صيدليه هتكوني محتاجه مني حاجه صح ولا ايه
سحر
فاكره البرشام اللي انتي كنت جايباه ليا وحطيته في العصير اللي ابو جاسر عشان نخلص منه عايزه منه علشان احط الجاسر واخلص منه هو
كمان
نجلاء
ثاني ا يا سحر طيب المره اللي فاتت انتي عملتي كده عشان الراجل كان رافض الجواز من ابنه دلوقتي عايزه تعملي ف جاسر كده ليه وفي
الوقت دخل جاسر وقال
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جبروت ام)
تعليق واحد